ⵜⴰⵎⵡⴰⵔⵔⵉⵜ ⵏ ⴰⵢⵓⴱ ⵅ ⴱⵉⵍⴰⴷ ⵅ ⵓⵙⵉⵜⴻⵎ ⵏⵏⴻⵙ ⴷⵉ ⴰⵔⴻⴱⴱⵉ
19
1 ⵢⴰⵔⵔⴰ-ⴷⴷ ⴰⵢⵓⴱ, ⵉⵏⵏⴰ: 2 ⵎⴻⵛⵃⴰⵍ ⵄⴰⴷ ⵉ ⵖⴰ ⵜⴻⴽⴽⴻⵎ ⵜⵛⴻⴹⵏⴻⵎ ⵍⴻⵄⵎⴰⵔ ⵉⵏⵓ,
ⴰⴷ ⴰⵢⵉ ⵜⵍⴻⴱⵥⴻⵎ ⵙ ⵡⴰⵡⴰⵍⴻⵏ?
3 ⵍⴻⵅⵅⵓ ⵄⴰⴷ ⵡⵉⵙⵙ ⵄⴻⵛⵔⴰ ⵏ ⵜⵡⴰⵍⴰⵡⵉⵏ ⵜⵜⴻⴽⴽⵡⴰⵔⴻⵎ ⴰⵢⵉ,
ⵡⴰⵔ ⵜᵉⵜⵜⵙⴻⴹⵃⵉⵎ ⵓⵎⵉ ⴷ ⴰⵢⵉ ⴷⴷ-ⵜⵖⴻⵟⵟⵍⴻⵎ ⴰⵡⴰⵍ.
4 ⵎⴰⵍⴰ ⵙ ⵜⵉⴷⴻⵜⵜ ⵡⴻⴷⴷⴰⵔⴻⵖ,
ⴳⴳⵓⵔ ⴰⴷ ⵉⵇⵇⵉⵎ ⵓⵡⴻⴷⴷⴰⵔ ⵉⵏⵓ ⵉ ⵉⵅⴻⴼ ⵉⵏⵓ.
5 ⵎⴰⵍⴰ ⵙ ⵜⵉⴷⴻⵜⵜ ⵜⴻⵅⵙⴻⵎ ⴰⴷ ⵅⴰⴼⵉ ⵜⴻⵙⵙⴳⴻⵄⵄⴷⴻⵎ ⵉⵅⴻⴼ ⵏⵡⴻⵎ ⵙ ⵛⵛⵉⴽⵉ,
ⵓ ⴰⴷ ⴰⵢⵉ ⵜⴻⵙⵙⵇⴻⵏⵄⴻⵎ ⵙ ⵍⴻⴼⴹⵉⵃⴻⵜ ⵉⵏⵓ, □
6 ⵙⵙⵏⴻⵎ ⵅⴻⵏⵏⵉ, ⴰⵇⴰ ⴰⵔⴻⴱⴱⵉ ⵉⵏⵏⴻⵇⵍⴻⴱ ⵅⴰⴼⵉ,
ⵓⵛⴰ ⵉⵏⵏⴻⴹ ⴰⵢⵉ-ⴷⴷ ⵙ ⵜⵔⴰⵛⵛⴰ ⵏⵏⴻⵙ.
7 ⵅⵥⴰⵔ, ⵙⵖⵓⵢⵢⴻⵖ: ‘ⵍⴻⵅⵛⵓⵏⴻⵜ!’, ⵎⴰⵛⴰ ⵡⴰⵔ ⵅⴰⴼⵉ ⴷⴷ-ⵢⴰⵔⵔⵉ ⵓⵍⴰ ⴷ ⵉⵊⵊ,
ⵜⵜⵍⴰⵖⵉⵖ ⵉ ⵜⵡⵉⵥⴰ, ⵎⴰⵛⴰ ⵍⵃⴻⵇⵇ ⵡⴰⵔ ⴷⵉⵏ ⵉⴵⵉ.
8 ⴰⴱⵔⵉⴷ ⵉⵏⵓ ⵉⵇⵇⴻⵏ ⵉ-ⵜ, ⴰⵍⴰⵎⵉ ⵡⴰⵔ ⵥⴻⵎⵎⴰⵔⴻⵖ ⴰⴷ ⵄⴷⵓⵖ,
ⵜⴰⴵⴻⵙⵜ ⵉⵙⵙⵓ ⵜⵜ ⵅ ⵉⵎⴻⵙⵔⴰⵇ ⵉⵏⵓ.
9 ⵍⵄⴻⵥⵥ ⵉⵏⵓ ⵉⴽⴻⵛⵛⴻⴹ ⵉ-ⵜ ⵥⵥⴰⵢⵉ,
ⵓ ⵜⵜⴰⵊ ⵉ ⵉⴵⴰⵏ ⵅ ⵓⵥⴻⴵⵉⴼ ⵉⵏⵓ ⵉⴽⴽⴻⵙ ⵉ-ⵜ.
10 ⵏⴻⵜⵜⴰ ⵢⴰⵔⵥⴰ ⴰⵢⵉ ⵥⵉ ⵎⴰⵔⵔⴰ ⵉⵖⴻⵥⴷⵉⵙⴻⵏ, ⴰⴷ ⵜⵜⵡⴰⵀⴻⵍⵍⴽⴻⵖ!
ⵉⵇⵍⴻⵄ ⴰⵔⴰⵊⵉ ⵉⵏⵓ ⴰⵎ ⵉⵛⵜ ⵏ ⵜⵛⴻⵊⵊⴰⵔⵜ. □
11 ⴰⵖⴹⴰⴱ ⵏⵏⴻⵙ ⵢⴰⵔⵖⴰ ⴷⴰⵢⵉ,
ⵓⵛⴰ ⵏⴻⵜⵜⴰ ⵉⵃⴻⵙⵙⴻⴱ ⴰⵢⵉ ⴰⵎ ⵍⵄⴻⴷⵢⴰⵏ ⵏⵏⴻⵙ. ■
12 ⵎⵓⵏⴻⵏⵜ ⴼⴼⵖⴻⵏⵜ-ⴷⴷ ⵜⴻⵔⴱⵉⵃⵉⵏ ⵏ ⵍⵄⴻⵙⴽⴰⵔ ⵏⵏⴻⵙ,
ⵙⵙⵡⴻⵊⴷⴻⵏⵜ-ⵉ-ⴷⴷ ⴰⴱⵔⵉⴷ ⵏⵙⴻⵏⵜ ⵖⴰⵔⵉ,
ⵓⵛⴰ ⵇⵓⵡⵡⴰⵔⴻⵏⵜ ⵉ ⵜⵇⵉⴹⵓⵏⵜ ⵉⵏⵓ.
13 ⴰⵢⵜⵎⴰ ⵉⵙⵙⵉⴳⴳⵯⴻⵊ ⵉ-ⵜⴻⵏ ⵅⴰⴼⵉ,
ⵉⵏⵏⵉ ⴷ ⴰⵢⵉ ⵉⵙⵙⵏⴻⵏ ⴷⴻⵡⵍⴻⵏ ⴷ ⵎⵉⴷⴷⴻⵏ ⵅⴰⴼⵉ. ■
14 ⵉⵏⵏⵉ ⴷ ⴰⵢⵉ ⵉⵜⵜⴻⵄⵏⴰⵏ ⵊⵊⵉⵏ ⴰⵢⵉ,
ⵉⵏⵏⵉ ⴷ ⴰⵢⵉ ⵉⵙⵙⵏⴻⵏ ⵜⵜⵓⵏ ⴰⵢⵉ.
15 ⵉⵎⵙⴻⵅⵅⴰⵔⴻⵏ ⵏ ⵜⴰⴷⴷⴰⵔⵜ ⵉⵏⵓ ⴷ ⵜⵉⵢⵢⴰⵡⵉⵏ ⵉⵏⵓ
ⵃⴻⵙⵙⴱⴻⵏ ⴰⵢⵉ ⴷ ⵍⴱⴰⵔⵔⴰⵏⵉ,
ⵏⴻⵛⵛ ⴷ ⴰⵖⵔⵉⴱ ⵊⴰⵔ ⵜⵉⵟⵟⴰⵡⵉⵏ ⵏⵙⴻⵏ.
16 ⵍⴰⵖⵉⵖ ⵉ ⵓⵎⵙⴻⵅⵅⴰⵔ ⵉⵏⵓ, ⵎⴰⵛⴰ ⵡⴰⵔ ⵅⴰⴼⵉ ⴷⴷ-ⵢⴰⵔⵔⵉ,
ⵜⵓⵖⴰ ⵉⵜⵜⵅⴻⵚⵚⴰ ⴰⴷ ⵜ ⵃⴻⵛⵛⵎⴻⵖ ⵙ ⵓⵇⴻⵎⵎⵓⵎ ⵉⵏⵓ.
17 ⵍⴻⵄⵡⵉⵏ ⵏ ⵜⴻⵎⵡⴰⵔⵔⵉⵜ ⵏ ⵏⵏⴻⴼⵙ ⵉⵏⵓ ⵉⵙⵙⵄⵉⴼⴼ ⵜⴰⵎⵖⴰⵔⵜ ⵉⵏⵓ,
ⴰⵔⵚⵓⴹⴻⵖ ⵉ ⴰⵢⵜⵎⴰ.
18 ⵄⴰⴷ ⵉⵃⵔⴰⵎⴻⵏ ⵉⵎⴻⵥⵢⴰⵏⴻⵏ ⵙⵙⴻⵃⵇⴰⵔⴻⵏ ⴰⵢⵉ.
ⵎⴰⵍⴰ ⴽⴽⴰⵔⴻⵖ ⴱⴻⴷⴷⴻⵖ, ⵜⵜⴻⵎⵄⴰⵔⵔⴰⵏ ⵅⴰⴼⵉ ⵙ ⵡⴰⵡⴰⵍⴻⵏ ⵏⵙⴻⵏ. ■
19 ⵎⴰⵔⵔⴰ ⵉⵎⵎⴻⴷⴷⵓⴽⴽⴰⵍ ⵉⵏⵓ ⵉⵄⵉⵥⵥⴻⵏ ⵛⴰⵔⵔⵀⴻⵏ ⴰⵢⵉ,
ⵉⵏⵏⵉ ⵜⵜⴻⵅⵙⴻⵖ, ⵏⵏⵇⴻⵍⴱⴻⵏ ⵅⴰⴼⵉ. ■
20 ⵖⴰⵔ ⵜⴻⵍⵎⴻⵛⵜ ⴷ ⵡⴻⵢⵙⵓⵎ ⵉⵏⵓ ⵍⴻⵙⵙⵇⴻⵏ ⵉⵖⵙⴰⵏ ⵉⵏⵓ.
ⵏⴻⵛⵛ ⵏⴻⵊⵎⴻⵖ ⴰⴽ-ⴷ ⵜⵉⵍⵎⴻⵛⵜ ⵏ ⵜⴻⵖⵎⴰⵙ ⵉⵏⵓ ⵡⴰⵀⴰ. ■
21 ⵃⵉⵏⵏⴻⵎ ⵅⴰⴼⵉ, ⵃⵉⵏⵏⴻⵎ ⵅⴰⴼⵉ, ⴰ ⴽⴻⵏⵏⵉⵡ, ⵉⵎⴻⴷⴷⵓⴽⴽⴰⵍ ⵉⵏⵓ!
ⵎⴰⵖⴰⵔ ⴰⴼⵓⵙ ⵏ ⴰⵔⴻⴱⴱⵉ ⵉⵍⵇⴻⴼ ⴰⵢⵉ.
22 ⵎⴰⵢⴻⵎⵎⵉ ⵉ ⴷ ⴰⵢⵉ ⵜⴹⴰⴼⴼⴰⵔⴻⵎ ⴰⵎⴻⵛⵏⴰⵡ ⴰⵔⴻⴱⴱⵉ,
ⵓ ⵎⴰⵢⴻⵎⵎⵉ ⵡⴰⵔ ⵜⵜⵊⵉⵡⵉⵏⴻⵎ ⴰⵢⵙⵓⵎ ⵉⵏⵓ?
23 ⵎⵍⵉ ⵓⵔⴰⵏ ⴰⵡⴰⵍⴻⵏ ⵉⵏⵓ,
ⵎⵍⵉ ⵜⵜⵡⴰⵥⴻⵎⵎⴻⵎⴻⵏ ⵡⴰⵡⴰⵍⴻⵏ ⵉⵏⵓ ⴷⴻⴳ ⵉⵊⵊ ⵏ ⵡⴻⴷⵍⵉⵙ!
24 ⵎⵍⵉ ⵜⵜⵡⴰⵏⴻⵇⵛⴻⵏ ⵙ ⴱⵍⵓⵎⴰ ⵏ ⵡⵓⵥⵥⴰⵍ ⵓ ⵙ ⵍⴻⵅⴼⵉⴼ,
ⴷⵉ ⵊⵊⴰⵔⴼ ⵉ ⵍⴻⴱⴷⴰ.
25 ⵏⴻⵛⵛ ⵙⵙⵏⴻⵖ: ‘ⴰⵎⴻⴼⴷⵉ ⵉⵏⵓ ⵉⴷⴷⴰⵔ,
ⵓ ⵏⴻⵜⵜⴰ ⴰⴷ ⴷⴷ-ⵉⴽⴽⴰⵔ ⴷ ⴰⵏⴻⴳⴳⴰⵔ ⵥⴻⴳ ⵓⵛⴰⵍ.’
26 ⵓ ⴰⵡⴰⵔⵏⵉ ⵍⴰⵎⵉ ⵉ ⵖⴰ ⵜᵉⵜⵜⵡⴰⵍⴱⴻⵥ ⵜⴻⵍⵎⴻⵛⵜ ⵉⵏⵓ ⴰⵎⵎⵓ,
ⴰⴷ ⵥⴰⵔⴻⵖ ⴰⵔⴻⴱⴱⵉ ⵥⵉ ⴰⵔⵔⵉⵎⴻⵜ ⵉⵏⵓ.
27 ⴰⴷ ⵜ ⵥⴰⵔⴻⵖ ⵥⵥⴰⵜⵉ,
ⵜⵉⵟⵟⴰⵡⵉⵏ ⵉⵏⵓ ⴰⴷ ⵜ ⵥⴰⵔⴻⵏⵜ,
ⵡⴰⵔ ⵉⴵⵉ ⵎⵉⴷⴷⴻⵏ.
ⵖⴰⵔⴻⵙ ⵉ ⵜⵜⵎⴻⵥⵔⴻⵏⵜ ⵜⵉⵥⵥⴰⵍ ⵉⵏⵓ ⵖⴰⵔ ⴷⴰⵅⴻⵍ ⵉⵏⵓ. □
28 ⵡⴰⵅⵅⴰ ⴰⵎⴻⵏⵏⵉ ⴽⴻⵏⵏⵉⵡ ⴰⴷ ⵜⵉⵏⵉⵎ: ‘ⵎⴰⵎⵎⴻⵛ ⵉ ⵏⵥⴻⵎⵎⴰⵔ ⴰⴷ ⵜ ⵏⴻⴹⴼⴰⵔ?’
ⵎⴰⵖⴰⵔ ⴰⵥⵡⴰⵔ ⵏ ⵜⵎⴻⵙⵍⴰⵛⵜ ⵉⵜⵜⵡⴰⴼⴼ ⴷⴰⵢⵉ.
29 ⴳⴳⵯⴻⴷⴻⵎ ⵥⵉ ⵙⵙⵉⴼ,
ⵎⴰⵖⴰⵔ ⵍⵖⴰⴹⴰⴱ ⴰⴷ ⴷⴷ-ⵢⴰⵙ ⵅ ⴷⴷⵏⵓⴱ ⵏ ⵙⵙⵉⴼ,
ⵎⴰⵃⴻⵏⴷ ⴰⴷ ⵜⴻⵙⵙⵏⴻⵎ ⴰⵇⴰ ⴰⴷ ⵢⵉⵍⵉ ⵍⵃⵓⴽⵎ.