1 ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴱⵉⵍⴷⴰⴷ, ⵡⴻⵏⵏⵉ ⴷⴷ-ⵢⵓⵙⵉⵏ ⵥⵉ ⵛⵓⵃⴰ, ⵉⵏⵏⴰ:

2 ⴰⵍ ⵎⴻⵍⵎⵉ ⵄⴰⴷ ⵜⴰⵔⴻⵥⵥⵓⵎ ⴰⴷ ⵜⴻⴳⴳⴻⵎ ⵜⵉⵅⴻⵛⴼⵉⵏ ⵉ ⵡⴰⵡⴰⵍⴻⵏ ⵏ ⴱⵏⴰⴷⴻⵎ?

ⵎⴰⵍⴰ ⵜⴼⴻⵀⵎⴻⵎ, ⵅⴻⵏⵏⵉ ⴰⵡⴰⵔⵏⵉ ⵉ ⵓⵢⴰ ⴰⴷ ⵏⴻⵙⵙⵉⵡⴻⵍ.

3 ⵎⴰⵢⴻⵎⵎⵉ ⵉ ⴷ ⴰⵏⴻⵖ ⵉⵜⵜⵡⴰⴳⴳ ⴰⵎ ⵍⵎⴰⵍ,

ⵓ ⵏⴻⵜⵜⵡⴰⵃⵚⴰⵔ ⴷⵉ ⴱⵓⵃⴱⴻⵍ ⴷⵉ ⵜⵉⵟⵟⴰⵡⵉⵏ ⵏⵡⴻⵎ?

4 ⵛⴻⴽ, ⴰ ⵢⴰⵔⵢⴰⵥ ⵡⴻⵏⵏⵉ ⵉⵜⵜⵎⴻⵥⵥⵇⴻⵏ ⵉⵅⴻⴼ ⵏⵏⴻⵙ ⴷⴻⴳ ⵓⵅⴻⵢⵢⴻⵇ ⵏⵏⴻⵙ!

ⵎⴰ ⴰⴷ ⵊⵊⴻⵏ ⵜⴻⵎⵎⵓⵔⵜ ⴷⵉ ⵙⵙⵉⴱⴱⴻⵜ ⵏⵏⴻⴽ,

ⵓ ⴰⴷ ⵉⵜⵜⵡⴰⵙⵎⵓⵟⵟⵉ ⵊⵊⴰⵔⴼ ⵥⴻⴳ ⵡⴻⵎⵛⴰⵏ ⵏⵏⴻⵙ? ^□  ■  

5 ⵡⴰⵀ, ⵜⴰⴼⴰⵡⵜ ⵏ ⵉⵄⴻⴼⴼⴰⵏⴻⵏ ⴰⴷ ⵜⴻⵅⵙⵉ,

ⵓ ⴰⵛⴻⵄⵄⴰⵍ ⵏ ⵜⵎⴻⵙⵙⵉ ⵏⵏⴻⵙ ⵡⴰⵔ ⵉⵜⵜⴻⴳⴳ ⵜⴰⴼⴰⵡⵜ ⵄⴻⵎⵎⴰⵔⵚ ⵄⴰⴷ.

6 ⵜⴰⴼⴰⵡⵜ ⴷⵉ ⵜⵇⵉⴷⵓⵏⵜ ⵏⵏⴻⵙ ⴰⴷ ⵜⴻⴱⴱⴰⵔⵛⴻⵏ,

ⵍⴻⴼⵏⴰⵔ ⵏⵏⴻⵙ ⵜⵉⵡⴰ ⵏⵏⴻⵙ ⴰⴷ ⵜ ⵙⵙⵅⴻⵙⵢⴻⵏ.

7 ⵜⵜⴰⵔⵊⵉⵊⴻⵏ ⵉⵚⵓⵔⴰⴼ ⵏⵏⴻⵙ ⵉⵊⴻⵀⴷⴻⵏ,

ⵛⵛⵡⴰⵔ ⵏ ⵢⵉⵅⴻⴼ ⵏⵏⴻⵙ ⴰⴷ ⵜ ⵉⵖⴹⴻⵍ.

8 ⵎⴰⵖⴰⵔ ⵙ ⵉⴹⴰⵔⴻⵏ ⵏⵏⴻⵙ ⴰⴷ ⵉⵏⵏⴰⵖ ⴷⴻⴳ ⵓⵚⴻⵏⵏⴰⵊ,

ⴰⴷ ⵢⵓⵢⵓⵔ ⵅ ⵜⵔⴰⵛⵛⴰ, ⵎⵎⵓⴷⴻⵏ ⵜⵜ ⵉ ⵜⵏⴻⵢⵎⴰⵔⵜ.

9 ⵍⴼⴻⵅ ⴰⴷ ⵜ ⵉⵎⵏⴻⵄ ⵥⴻⴳ ⵓⵏⵉⵔⵥ,

ⵜⴰⵙⵖⵓⵏⵜ ⵏ ⵜⵊⴻⵢⵢⴰⴼⵜ ⵜᵉⵟⵟⴻⴼ ⴷⴰⵢⴻⵙ. ^■  

10 ⵜⴻⵏⵏⵓⴼⴼⴰⵔ ⵜⴻⵙⵖⵓⵏⵜ ⵏ ⵜⴻⵅⵛⴻⴼⵜ ⵏⵏⴻⵙ ⴷⵉ ⵜⴻⵎⵎⵓⵔⵜ,

ⵜⴰⵅⵛⴻⴼⵜ ⵏⵏⴻⵙ ⴰⵇⴰ-ⵜⵜ ⵅ ⵡⴻⴱⵔⵉⴷ.

11 ⵙⵙⵉⴳⴳⵯⴻⴷⴻⵏ ⵜ ⵉⵏⴻⵅⵍⵉⵄⴻⵏ ⵥⵉ ⵎⴰⵔⵔⴰ ⵉⵖⴻⵥⴷⵉⵙⴻⵏ,

ⴹⴻⴼⴼⴰⵔⴻⵏ ⵜ ⵖⴰⵔ ⵉⴹⴰⵔⴻⵏ ⵏⵏⴻⵙ. ^■  

12 ⵉⵥⵥⵓⴵ ⴷⴰⵢⴻⵙ,

ⴰⴹⴻⵢⵢⴻⵄ ⵉⵜⵜⵔⴰⵊⴰ ⵉ-ⵜ ⵖⴰⵔ ⵓⵖⴻⵥⴷⵉⵙ ⵏⵏⴻⵙ. ^■  

13 ⴰⵔⵥⵉⵢⵢⴻⵜ ⴰⴷ ⵜⴻⵛⵛ ⵎⴰⵔⵔⴰ ⵉⵖⴻⵥⴷⵉⵙⴻⵏ ⵏ ⴰⵔⵔⵉⵎⴻⵜ ⵏⵏⴻⵙ,

ⵓ ⵉⵖⴻⵥⴷⵉⵙⴻⵏ ⵏ ⴰⵔⵔⵉⵎⴻⵜ ⵏⵏⴻⵙ ⴰⴷ ⵜⴻⵏ ⵢⴻⵛⵛ ⵉⵊⵊ ⵏ ⵍⴻⵃⵍⴰⵛ ⵉⵏⴻⵇⵇⴻⵏ ⴰⵍ ⵟⵟⴰⵔⴼ.

14 ⵎⵉⵏⵅⴻⴼ ⵜⵓⵖⴰ ⵉⵜⵜⵛⴻⵍ, ⵉⵜⵜⵡⴰⵇⵍⴻⵄ-ⴷⴷ ⵥⵉ ⵜⵇⵉⴹⵓⵏⵜ ⵏⵏⴻⵙ.

ⵜⵏⴻⴷⴷⴻⵀ ⵉ-ⵜ ⴰⵔⵥⵉⵢⵢⴻⵜ ⵖⴰⵔ ⵓⵊⴻⴵⵉⴷ ⵏ ⵉⵏⴻⵅⵍⵉⵄⴻⵏ. ^■  

15 ⵉⵡⴷⴰⵏ ⵏⵏⵉ ⵡⴰⵔ ⴵⵉⵏ ⴷ ⵢⴻⵏⵏⵉ ⵏⵏⴻⵙ, ⵥⴻⴷⴷⵖⴻⵏ ⴷⴻⴳ ⵓⵇⵉⴹⵓⵏ ⵏⵏⴻⵙ,

ⵍⴻⵛⴱⴰⵔⵉⵢⵢⴻⵜ ⵜᵉⵜⵜⵡⴰⵥⵓⵥⵥⴰⵔ ⵅ ⵜⵥⴻⴷⴷⵉⵖⵜ ⵏⵏⴻⵙ.

16 ⵣⵉ ⵙⵡⴰⴷⴷⴰⵢ ⵜⵜⴰⵥⵖⴻⵏ ⵉⵥⴻⵡⵔⴰⵏ ⵏⵏⴻⵙ,

ⵥⵉ ⵙⴻⵏⵏⴻⵊ ⵜⵜⵡⴰⵇⴻⵙⵙⴻⵏ ⵍⴻⴼⵔⵓⵄ ⵏⵏⴻⵙ.

17 ⵍⵉⴷⴰⵔⴻⵜ ⵏⵏⴻⵙ ⴰⴷ ⵜᵉⵜⵜⵡⴰⴽⴽⴻⵙ ⵥⵉ ⵜⴻⵎⵎⵓⵔⵜ,

ⵡⴰⵔ ⴷ ⴰⵙ ⵉⵜⵜⵖⵉⵎⵉ ⵄⴰⴷ ⵉⵙⴻⵎ ⴷⴻⴳ ⵡⴻⴱⵔⵉⴷⴻⵏ. ^■  

18 ⴰⴷ ⵜ ⵄⴰⵔⵏⴻⵏ ⵥⵉ ⵜⴼⴰⵡⵜ ⵖⴰⵔ ⵜⴰⴵⴻⵙⵜ,

ⴰⴷ ⵙⵙⵜⴻⵡⵡⵊⴻⵏ ⵥⵉ ⴷⴷⵓⵏⴻⵛⵜ. ^□  

19 ⵡⴰⵔ ⵖⴰⵔⴻⵙ ⵉⵜⵜⵉⵍⵉ ⵡⴰⵔⵔⴰⵡ ⵏⵉⵖ ⵊⵊⴰⴷⵉⵔⴰ ⴷⵉ ⵍⴳⴻⵏⵙ ⵏⵏⴻⵙ,

ⵡⴰⵔ ⵉⵜⵜⵖⵉⵎⵉ ⵓⵍⴰ ⴷ ⵉⵊⵊ ⴷⵉ ⵜⵥⴻⴷⴷⵉⵖⵉⵏ ⵏⵏⴻⵙ. ^■  

20 ⵅ ⵡⴰⵙⵙ ⵏⵏⴻⵙ ⴰⴷ ⴰⵔⵊⵉⵊⴻⵏ ⵉⵏⵏⵉ ⵉⵥⴻⴷⴷⵖⴻⵏ ⵖⴰⵔ ⵎⴰⵏⵉ ⵜⵖⴻⴵⵉ ⵜⴼⵓⵛⵜ,

ⵉⵏⵏⵉ ⵉⵥⴻⴷⴷⵖⴻⵏ ⵖⴰⵔ ⵎⴰⵏⵉⵙ ⵉ ⴷⴷ-ⵜⵏⴻⵇⵇⴰⵔ ⵜⴼⵓⵛⵜ ⴰⴷ ⵜⴻⵏ ⵜᵉⵟⵟⴻⴼ ⵜⵉⴳⴳⵯⵓⴷⵉ.

21 ⵡⴰⵀ, ⴰⵎⵎⵓ ⵉ ⵜᵉⵜⵜⴻⵎⵙⴰⵔ ⵉ ⵜⵥⴻⴷⴷⵉⵖⵉⵏ ⵏ ⵉⵎⴻⵇⵊⴰⵃⴻⵏ,

ⵡⴰ ⴷ ⴰⵎⵛⴰⵏ ⵏ ⵢⵉⵏⵏⵉ ⵡⴰⵔ ⵉⵙⵙⵉⵏⴻⵏ ⴰⵔⴻⴱⴱⵉ.