ⴰⵢⵓⴱ ⵉⵍⴰⵖⴰ ⵅ ⴰⵔⴻⴱⴱⵉ ⴰⵎ ⴷⴷ-ⵉⵜⵜⴰⵔⵔⴰ ⵅ ⵉⵍⵉⴼⴰⵥ
16
1 ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴰⵢⵓⴱ, ⵉⵏⵏⴰ: 2 ⵎⴰⵏⴰⵡⵢⴰ ⵙⵍⵉⵖ ⴰⵙ ⴰⵟⵟⴰⵙ,
ⴽⴻⵏⵏⵉⵡ ⵎⴰⵔⵔⴰ ⵉⴷⵡⴻⵎ ⵜⴻⵙⵙⴱⴻⵟⵟⵍⴻⵎ ⴰⵢⵉ ⴰⴼⴻⵡⵡⴻⵊ. ■
3 ⵎⴰ ⴰⴷ ⵇⴹⴰⵏ ⵡⴰⵡⴰⵍⴻⵏ ⵉⵅⵡⴰⵏ?
ⵏⵉⵖ ⵎⵉⵏ ⵛⴻⴽ ⵉⵄⴰⵔⵔⵏⴻⵏ ⵄⴰⴷ ⴰⴷ ⴷⴷ-ⵜⴰⵔⵔⴻⴷ ⴰⵡⴰⵍ?
4 ⵓⵍⴰ ⴷ ⵏⴻⵛⵛ ⵥⴻⵎⵎⴰⵔⴻⵖ ⴰⴷ ⵙⵙⵉⵡⵍⴻⵖ ⴰⵎ ⴽⴻⵏⵏⵉⵡ,
ⵎⴰⵍⴰ ⴰⵇⴰ ⴽⴻⵏⵏⵉⵡ ⴷⴻⴳ ⵡⴻⵎⵛⴰⵏ ⵉⵏⵓ.
ⵉⵍⵉ ⴰⴷ ⵎⵓⴷⴻⵖ ⴰⵡⴰⵍⴻⵏ ⵅⴰⵡⴻⵎ,
ⵓ ⴰⴷ ⵅⴰⵡⴻⵎ ⵀⴻⵥⵥⴻⵖ ⴰⵥⴻⴵⵉⴼ ⵉⵏⵓ.
5 ⴰⴷ ⴽⴻⵏⵏⵉⵡ ⵙⵙⵎⴻⵃⴹⴻⵖ ⵙ ⵓⵇⴻⵎⵎⵓⵎ ⵉⵏⵓ,
ⵓ ⴰⴼⴻⵡⵡⴻⵊ ⵏ ⵉⵢⴻⵏⵛⵉⵛⴻⵏ ⵉⵏⵓ ⴰⴷ ⴰⵡⴻⵎ ⵢⴰⵡⵉ ⵍⴻⴼⵙⴰⵙⴻⵜ.
6 ⵎⴰⵍⴰ ⵙⵙⵉⵡⵍⴻⵖ ⵡⴰⵔ ⵅⴰⴼⵉ ⵉⵜⵜⴻⵊⵊⵉ ⵍⴻⵃⵍⵉⵇ ⵉⵏⵓ,
ⵓ ⵎⴰⵍⴰ ⵙⵙⴻⵖⴷⴻⵖ, ⵎⴰ ⴰⴷ ⵅⴰⴼⵉ ⵉⵃⴻⵢⵢⴻⴷ?
7 ⵍⴻⵅⵅⵓ ⵎⴰⵛⴰ ⵉⵙⵙⵉⵃⴻⵍ ⴰⵢⵉ ⵏⴻⵜⵜⴰ.
ⵜⴻⵙⵙⴰⵔⵊⴼⴻⴷ ⵛⴻⴽ ⵎⴰⵔⵔⴰ ⵜⴰⵡⴰⵛⵓⵏⵜ ⵉⵏⵓ.
8 ⵛⴻⴽ ⵜⴻⵙⵙⴷⵓⵔⵔⵢⴻⴷ ⴰⵢⵉ ⵙ ⵜⴻⵇⵛⵓⵔⵜ ⵏ ⵜⴻⵍⵎⴻⵛⵜ, ⵜⴻⵏⵏⵉ ⴷ ⵜⴰⵛⴻⵀⵀⴰⴷⵜ ⵅⴰⴼⵉ,
ⵓⵛⴰ ⵉⴽⴽⴰⵔ ⵅⴰⴼⵉ ⴰⵔⵔⵉⵎⴻⵜ ⵉⵏⵓ ⴰⵎⵓⵙⵔⵉⵡ,
ⵉⵜⵜⵛⴻⵜⵛⴰ ⵥⵥⴰⵢⵉ ⴷⴻⴳ ⵓⵖⴻⵎⴱⵓⴱ ⵉⵏⵓ.
9 ⴰⵖⴹⴰⴱ ⵏⵏⴻⵙ ⵉⵎⴻⵥⵥⴻⵇ ⵓⵛⴰ ⵉⴹⴻⴼⴼⴰⵔ ⴰⵢⵉ-ⴷⴷ.
ⵏⴻⵜⵜⴰ ⵉⵜⵜⵖⴻⵥⵥⴰ-ⴷⴷ ⵖⴰⵔⵉ ⵜⵉⵖⵎⴰⵙ.
ⴰⵖⵔⵉⵎ ⵉⵏⵓ ⵉⵙⵙⵇⴻⵟⵟⴰⵄ-ⴷⴷ ⵖⴰⵔⵉ ⵜⵉⵟⵟⴰⵡⵉⵏ. ■
10 ⵏⵉⵜⵏⵉ ⵜⵜⵛⴰⵔⵔⴰⴳⴻⵏ ⴰⵇⴻⵎⵎⵓⵎ ⵏⵙⴻⵏ ⵅⴰⴼⵉ,
ⵛⵛⴰⵜⴻⵏ ⴰⵢⵉ ⵙ ⵍⵃⴻⴳⵔⴰ ⵖⴰⵔ ⵓⵇⴰⴱⵙⵉ,
ⵜⵜⴻⴽⴽⴰⵔⴻⵏ ⵅⴰⴼⵉ ⵜⵜⵎⵓⵏⴻⵏ.
11 ⵉⵙⴻⵍⵍⴻⵎ ⴰⵢⵉ ⴰⵔⴻⴱⴱⵉ ⵉ ⵢⵉⵊⵊ ⵏ ⵎⵎⵉⵙ ⵏ ⵍⵎⵓⵄⵚⵉⵢⵢⴻⵜ,
ⵉⵄⴰⵔⵔⴻⵏ ⴰⵢⵉ ⴷⴻⴳ ⵓⴼⵓⵙ ⵏ ⵉⵄⴻⴼⴼⴰⵏⴻⵏ.
12 ⵜⵓⵖⴰ ⴰⵢⵉ ⴷⵉ ⵍⵀⵓⴷⵏⴻⵜ, ⵎⴰⵛⴰ ⵏⴻⵜⵜⴰ ⵢⴰⵔⵥⴰ ⴰⵢⵉ,
ⵉⵛⴻⴱⴱⴰⵔ ⴰⵢⵉ ⴷⴻⴳ ⵉⵊⵉⵎⴰⵏ, ⵓⵛⴰ ⵉⵍⴱⴻⵥ ⴰⵢⵉ.
ⵉⵙⵙⴱⴻⴷⴷ ⴰⵢⵉ ⴷ ⵜⴰⵃⵊⵓⵔⵜ ⵉ ⵢⵉⵅⴻⴼ ⵏⵏⴻⵙ. ■
13 ⵉⵎⵊⴻⴱⴱⴰⴷⴻⵏ ⵏⵏⴻⵙ ⵏ ⵍⵇⴻⵡⵙ ⵏⴹⴻⵏ ⴰⵢⵉ-ⴷⴷ,
ⵏⴻⵜⵜⴰ ⵉⵙⵙⵏⵓⵇⵇⵓⴱ ⴰⵢⵉ ⵜⵉⵥⵥⴰⵍ ⴱⵍⴰ ⴰⵀⴰⵡⴻⵍ,
ⵉⵜⵜⵥⴻⴵⴰⵄ ⵖⴰⵔ ⵜⴻⵎⵎⵓⵔⵜ ⵉⵥⵉ ⵉⵏⵓ, □
14 ⵢⴰⵔⴻⵥⵥⴰ ⴰⵢⵉ ⵜⵔⴻⵥⵥⵉⵜ ⴰⵡⴰⵔⵏⵉ ⵉ ⵜⵔⴻⵥⵥⵉⵜ ⵏⵏⴻⵖⵏⵉ,
ⵉⵄⵔⴻⴼ-ⴷⴷ ⵅⴰⴼⵉ ⴰⵎ ⴱⵓ-ⵜⴻⵖⵔⵓⴹⵜ.
15 ⵅⴻⵢⵢⴹⴻⵖ ⴰⵔⵔⵓⴹ ⵏ ⵡⴻⵛⴹⴰⵏ ⵉ ⵜⴻⵍⵎⴻⵛⵜ ⵉⵏⵓ,
ⵉⵛⵛ ⵉⵏⵓ ⵙⵙⵡⴻⵙⵙⵅⴻⵖ ⵜ ⵙ ⵓⵛⴰⵍ. ■
16 ⴰⵖⴻⵎⴱⵓⴱ ⵉⵏⵓ ⵉⵥⵡⴻⵖ ⵥⴻⴳ ⵉⵎⴻⵟⵟⴰⵡⴻⵏ,
ⵜⵉⵍⵉ ⵏ ⵍⵎⴻⵡⵜ ⴰⵇⴰ-ⵜⵜ ⵅ ⵡⴰⴱⵍⵉⵡⴻⵏ ⵉⵏⵓ,
17 ⵡⴰⵅⵅⴰ ⵡⴰⵔ ⵢⴰⵔⵙⵉ ⵍⵄⵓⵏⴼ ⵅ ⵉⴼⴰⵙⵙⴻⵏ ⵉⵏⵓ,
ⵓ ⵜⴰⵥⴰⴵⵉⵜ ⵉⵏⵓ ⵜⴻⵚⴼⴰ.
18 ⵓⵀ ⵜⴰⵎⵎⵓⵔⵜ, ⵡⴰⵔ ⴷⴷⴰⵍ ⵉⴷⴰⵎⵎⴻⵏ ⵉⵏⵓ,
ⵡⴰⵔ ⵜⵜⴻⵊⵊⵉ ⵉⵖⵓⵢⵢⴰⵏ ⵉⵏⵓ ⴰⴷ ⴰⴼⴻⵏ ⴰⵎⵛⴰⵏ ⵎⴰⵏⵉ ⵉ ⵖⴰ ⴰⵔⵙⴰⵏ!
19 ⵅⵥⴰⵔ, ⵓⵍⴰ ⴷ ⵍⴻⵅⵅⵓ, ⴰⵛⴻⵀⵀⴰⴷ ⵉⵏⵓ ⴷⴻⴳ ⵓⵊⴻⵏⵏⴰ,
ⴰⵎⵛⴰⴼⴻⵄ ⵉⵏⵓ ⵅ ⵍⴻⴳⵄⵓⴷⵉ.
20 ⵉⵎⴻⴷⴷⵓⴽⴽⴰⵍ ⵉⵏⵓ ⵙⵜⵀⴻⵥⵥⴰⵏ ⵥⵥⴰⵢⵉ,
ⵎⴰⵛⴰ ⵜᵉⵜⵜⵔⵓ ⵜⵉⵟⵟ ⵉⵏⵓ ⵖⴰⵔ ⴰⵔⴻⴱⴱⵉ.
21 ⴻⵊⵊ-ⵉ-ⵜ ⴰⴷ ⵉⵡⵡⴻⵜ ⴷⴷⴻⵄⵡⴻⵜ ⵅ ⵡⴻⵔⵢⴰⵥ ⵖⴰⵔ ⴰⵔⴻⴱⴱⵉ,
ⴰⵎ ⵉⵊⵊ ⵏ ⵎⵎⵉⵙ ⵏ ⴱⵏⴰⴷⴻⵎ ⵅ ⵓⵎⴻⴷⴷⵓⴽⴽⴻⵍ ⵏⵏⴻⵙ. ■
22 ⵎⴰⵖⴰⵔ ⴷⵔⵓⵙ ⵏ ⵉⵙⴻⴳⴳⵯⵓⵙⴰ ⵉ-ⴷⴷ ⵖⴰ ⵢⴰⵙⴻⵏ ⵄⴰⴷ,
ⵇⴱⴻⵍ ⵉ ⵖⴰ ⵓⵢⵓⵔⴻⵖ ⴰⴱⵔⵉⴷ ⵡⴰⵔ ⵥⵥⴰⵢⴻⵙ ⵜⵜⵄⵉⵇⵇⵉⴱⴻⵖ.