ⵍⵃⴰⵔⴹ ⴰⵎⴻⵥⵡⴰⵔⵓ ⵏ ⵉⵍⵉⴼⴰⵥ: ⴽⵙⵉ ⴰⵡⴻⴱⴱⴻⵅ ⵏ ⴰⵔⴻⴱⴱⵉ!
4
1 ⵅⴻⵏⵏⵉ ⵢⴰⵔⵔⴰ-ⴷⴷ ⵉⵍⵉⴼⴰⵥ, ⵡⴻⵏⵏⵉ ⴷⴷ-ⵢⵓⵙⵉⵏ ⵥⵉ ⵜⴰⵢⵎⴰⵏ, ⵉⵏⵏⴰ: 2 ⵎⴰⵍⴰ ⵃⴻⴷ ⵢⴰⵔⵥⵓ ⵎⴰⵃⴻⵏⴷ ⴰⴷ ⴽⵉⴽ ⵉⵙⵙⵉⵡⴻⵍ, ⵎⴰ ⴰⴷ ⵜᵉⵜⵜⵡⴰⵛⴻⴹⵏⴻⴷ ⵙ ⵎⴰⵏ ⴰⵢⴰ?
ⵎⴰⵛⴰ ⵎⴰⵏ ⵡⴻⵏ ⵉⵥⴻⵎⵎⴰⵔⴻⵏ ⴰⴷ ⵉⵙⵙⴱⴻⴷⴷ ⵍⵀⴰⵔⴷ ⵏⵏⴻⵙ?
3 ⵅⵥⴰⵔ, ⵜⴻⵙⵙⵖⴰⵔⴻⴷ ⴰⵟⵟⴰⵙ ⵏ ⵉⵡⴷⴰⵏ,
ⵓ ⵉⴼⴰⵙⵙⴻⵏ ⵢⴰⵔⵅⵓⵏ ⵜⴻⵙⵙⵎⴻⵃⴹⴻⴷ ⵉ-ⵜⴻⵏ.
4 ⵡⴻⵏⵏⵉ ⵉⵏⵇⴰⵔⴹⴻⵏ, ⵜⴻⵙⵙⴱⴻⴷⴷⴻⴷ ⵜ ⵙ ⵡⴰⵡⴰⵍ ⵏⵏⴻⴽ,
ⵓ ⵉⴼⴰⴷⴷⴻⵏ ⵉⴼⴻⵛⵍⴻⵏ ⵜⴻⵡⵛⵉⴷ ⴰⵙⴻⵏ ⵊⵊⴻⵀⴷ ⵄⴰⵡⴻⴷ.
5 ⵎⴰⵛⴰ ⵍⴻⵅⵅⵓ ⵉⵎⵙⴰⵔ ⴰⵢⴰ ⵉ ⵛⴻⴽ ⵓⵛⴰ ⵜᵉⵜⵜⵡⴰⵛⴻⴹⵏⴻⴷ,
ⵍⴻⵅⵅⵓ ⵉⵍⵇⴻⴼ ⵉ ⵛⴻⴽ ⴰⵢⴰ ⵓⵛⴰ ⵜⴰⵔⴻⵊⴼⴻⴷ.
6 ⵎⴰ ⵡⴰⵔ ⵜⴻⴵⵉ ⵜⵉⴳⴳⵯⵓⴷⵉ ⵥⵉ ⴰⵔⴻⴱⴱⵉ ⴷ ⵍⴰⵎⴰⵏ ⵏⵏⴻⴽ,
ⵓ ⵍⴻⵚⴼⴰⵢⴻⵜ ⵏ ⵉⴱⵔⵉⴷⴻⵏ ⵏⵏⴻⴽ ⴷ ⵍⴰⵢⴰⵙ ⵏⵏⴻⴽ?
7 ⵅⴻⵎⵎ ⵎⴰⵛⴰ! ⵎⴰⵏ ⵡⴻⵏ ⵉⵜⵜⵡⴰⵀⴻⵍⵍⴽⴻⵏ ⴰⵎ ⵉⴵⴰ ⴷ ⴰⵎⴻⵥⴷⴰⴳ,
ⵓ ⵎⴰⵏⵉ ⵜⵜⵡⴰⵜⴻⵃⵃⴰⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ?
8 ⵥⵔⵉⵖ ⴰⵇⴰ ⵉⵏⵏⵉ ⵉⵛⴰⵔⵔⵥⴻⵏ ⴷⴷⴻⴵ ⴷ ⵢⴻⵏⵏⵉ ⵉⵥⴰⵔⵔⵄⴻⵏ ⵍⴻⵖⴱⴻⵏ
ⴰⴷ ⵜ ⵎⵊⴰⵔⴻⵏ ⵄⴰⵡⴻⴷ. ■
9 ⴰⴷ ⵀⴻⵍⵍⴽⴻⵏ ⵥⴻⴳ ⵓⵙⵓⴹⵉ ⵏ ⵏⵏⴻⴼⵙ ⵏ ⴰⵔⴻⴱⴱⵉ,
ⵓ ⴰⴷ ⴼⵏⴰⵏ ⵙ ⵓⵚⵓⴹⵉ ⵥⴻⴳ ⵡⴻⵏⵥⴰⵔⴻⵏ ⵏⵏⴻⵙ. ■
10 ⵣⵥⵀⵉⵔ ⵏ ⵡⴻⵢⵔⴰⴷ ⴷ ⵜⵎⵉⵊⵊⴰ ⵏ ⵢⵉⵥⴻⵎ ⴰⵎⴻⵥⵢⴰⵏ
ⵓⵍⴰ ⴷ ⵜⵉⵖⵎⴰⵙ ⵏ ⵡⴰⵢⵔⴰⴷⴻⵏ ⵉⵎⴻⵥⵢⴰⵏⴻⵏ ⴰⴷ ⵜⵜⵡⴰⵔⵥⴰⵏ.
11 ⴰⴷ ⵉⵀⴻⵍⵍⴻⴽ ⵡⴰⵢⵔⴰⴷ, ⵎⵉⵏⵥⵉ ⵡⴰⵔ ⴷⵉⵏ ⵢⵓⴼⵉ ⵥⵥⴰⵔⴷⴻⵜ,
ⵓ ⴰⴷ ⵜⵜⵡⴰⴱⴻⵥⵥⵄⴻⵏ ⵜⴰⵔⵡⴰ ⵏ ⵜⴰⵢⵔⴰⴷⵜ.
12 ⴷⵉ ⵜⵏⵓⴼⴼⵔⴰ ⵢⵉⵡⴻⴹ ⴰⵢⵉ-ⴷⴷ ⵉⵊⵊ ⵏ ⵡⴰⵡⴰⵍ,
ⵓ ⴰⵎⴻⵥⵥⵓⵖ ⵉⵏⵓ ⵉⵟⵟⴻⴼ ⵥⵥⴰⵢⴻⵙ ⵍⴻⵃⵎⵉⵙ,
13 ⴰⵎ ⵜⵓⵖⴰ ⵖⴰⵔⵔⵇⴻⵖ ⴷⴻⴳ ⵉⵅⴰⵔⵔⵉⵚⴻⵏ ⵉⵙⵙⵅⴰⵔⵡⵉⴹⴻⵏ ⵥⵉ ⵜⵎⴻⵥⵔⴰ ⵏ ⴵⵉⵍⴻⵜ,
ⵍⴰⵎⵉ ⴷⴷ-ⵉⵡⴹⴰ ⵢⵉⴹⴻⵚ ⵢⵓⴵⵖⴻⵏ ⵅ ⵉⵡⴷⴰⵏ.
14 ⵜⴻⵍⵇⴻⴼ ⴰⵢⵉ ⵜⵉⴳⴳⵯⵓⴷⵉ ⴷ ⵜⴰⵔⵊⵉⵊⵉⵜ,
ⵓ ⵎⴰⵔⵔⴰ ⵉⵅⵙⴰⵏ ⵉⵏⵓ ⵏⵏⵅⴻⵍⵄⴻⵏ.
15 ⵉⵊⵊ ⵏ ⴱⵓⵃⴱⴻⵍ ⵉⵃⴰⵔⴰ ⵅ ⵓⵖⴻⵎⴱⵓⴱ ⵉⵏⵓ,
ⵉⵙⵙⴱⴻⴷⴷ ⴰⵛⴻⵡⵡⴰⴼ ⴷⵉ ⴰⵔⵔⵉⵎⴻⵜ ⵉⵏⵓ.
16 ⵏⴻⵜⵜⴰ ⵉⴱⴻⴷⴷ, ⵎⴰⵛⴰ ⵡⴰⵔ ⵄⵇⵉⵍⴻⵖ ⵅ ⵜⴻⴼⵔⴰⵙ ⵏⵏⴻⵙ.
ⵉⵊⵊ ⵏ ⵡⴰⴷⴷⵓⴷ ⵉⴱⴻⴷⴷ ⵥⵥⴰⵜ ⵉ ⵜⵉⵟⵟⴰⵡⵉⵏ ⵉⵏⵓ.
ⵅⴻⵏⵏⵉ ⵙⵍⵉⵖ ⵉ ⵜⵎⵉⵊⵊⴰ ⵜᵉⵜⵜⴻⵎⵜⵉⵎ, ⵜⴻⵇⵇⴰⵔ:
17 ‘ⵎⴰ ⵉⵥⴻⵎⵎⴰⵔ ⵉⵊⵊ ⵏ ⴱⵏⴰⴷⴻⵎ ⴰⴷ ⵢⵉⵍⵉ ⵉⵙⴻⴳⴳⴻⴷ ⵅ ⴰⵔⴻⴱⴱⵉ?
ⵎⴰ ⵉⵥⴻⵎⵎⴰⵔ ⵉⵊⵊ ⵏ ⵡⴻⵔⵢⴰⵥ ⴰⴷ ⵢⵉⵍⵉ ⵉⵚⴼⴰ ⵅ ⵡⴻⵏⵏⵉ ⵜ ⵉⴳⴳⵉⵏ?’
18 ⵅⵥⴰⵔ, ⵡⴰⵔ ⵉⵜⵜⵛⵉⵍⵉ ⵏⴻⵜⵜⴰ ⵓⵍⴰ ⵅ ⵉⵎⵙⴻⵅⵅⴰⵔⴻⵏ ⵏⵏⴻⵙ,
ⵓⵛⴰ ⵉⴳⴳⴰ ⵍⵄⵉⴱ ⴰⴽ-ⴷ ⵍⵎⴰⵍⴰⴽⴰⵜ ⵏⵏⴻⵙ ⵓⵎⵉ ⵡⴻⴷⴷⴰⵔⴻⵏⵜ. ■
19 ⵅⴻⵏⵏⵉ ⴰⵎ ⵓⵎⴻⵥⵡⴰⵔ ⵏⵏⵉ ⵉⵥⴻⴷⴷⵖⴻⵏ ⴷⵉ ⵜⵓⴷⵔⵉⵏ ⵏ ⵓⵛⴰⵍ,
ⵉⵏⵏⵉ ⵖⴰⵔ ⵜⴻⴵⴰ ⵜⵄⴻⵊⵊⴰⵊⵜ ⴷ ⴷⵙⴰⵙ.
ⴰⵇⴰ ⴰⴷ ⵜⵜⵡⴰⵍⴻⴱⵥⴻⵏ ⴰⵎⴻⵥⵡⴰⵔ ⵅ ⵜⵛⵉⵏⴷⴰ.
20 ⵣⵉ ⵜⵓⴼⴼⵓⵜ ⵏ ⵚⵚⴱⴻⵃ ⵖⴰⵔⴻⵙ ⴰⵍ ⵜⴰⵎⴻⴷⴷⵉⵜ ⴰⴷ ⵜⵜⵡⴰⴼⴰⵔⵜⴽⴻⵏ.
ⴱⵍⴰ ⵎⴰ ⴰⴷ ⵉⵡⵛ ⴱⵏⴰⴷⴻⵎ ⵜⴰⵢⵏⵉⵜ ⵉ ⵎⴰⵏ ⴰⵢⴰ, ⴰⴷ ⴼⵏⴰⵏ ⵉ ⵍⴻⴱⴷⴰ.
21 ⵎⴰ ⵡⴰⵔ ⴷⴷ-ⵜᵉⵜⵜⵡⴰⵇⵍⴻⵄ ⵖⴰⵔⵙⴻⵏ ⵜⴻⵙⵖⵓⵏⵜ ⵏ ⵓⵇⵉⴹⵓⵏ ⵏⵙⴻⵏ?
ⴰⴷ ⵎⵎⵜⴻⵏ, ⵎⴰⵛⴰ ⵡⴰⵔ ⵉⴵⵉ ⴷⵉ ⵜⵉⵖⵉⵜ.