ⴰⵛⴻⵜⵛⵉ ⵏ ⴰⵢⵓⴱ
3
1 ⴰⵡⴰⵔⵏⵉ ⵎⴰⵏ ⴰⵢⴰ ⵢⴰⵔⵥⴻⵎ ⴰⵢⵓⴱ ⴰⵇⴻⵎⵎⵓⵎ ⵏⵏⴻⵙ, ⵉⵏⵄⴻⵍ ⴰⵙⵙ ⵏ ⵡⴻⵅⵍⴰⵇ ⵏⵏⴻⵙ. ■ 2 ⴰⵢⵓⴱ ⵉⵟⵟⴻⴼ ⴷⴻⴳ ⵡⴰⵡⴰⵍ, ⵉⵏⵏⴰ:
3 ⴰⴷ ⵉⴼⵏⴰ ⴰⵙⵙ ⵉ ⴷⵉ ⴷⴷ-ⵜⵜⵡⴰⵅⴻⵍⵇⴻⵖ,
ⵓⵍⴰ ⴷ ⴵⵉⵍⴻⵜ ⵉ ⴷⵉ ⵏⵏⴰⵏ: ‘ⵉⵊⵊ ⵏ ⵡⴻⵔⵢⴰⵥ ⵉⵜⵜⵡⴰⴽⵙⵉ.’
4 ⴻⵊⵊ ⴰⵙⵙ ⵏⵏⵉ ⴰⴷ ⵉⴷⵡⴻⵍ ⴷ ⵜⴰⴵⴻⵙⵜ,
ⵄⴻⵎⵎⴰⵔⵚ ⵡⴰⵔ ⵅⴰⵙ ⵉⵜⵜⵙⵙⴻⵇⵙⵉ ⴰⵔⴻⴱⴱⵉ ⵥⴻⴳ ⵓⵊⴻⵏⵏⴰ,
ⵓ ⵡⴰⵔ ⵅⴰⵙ ⵜᵉⵜⵜⵛⴻⵄⵛⵉⵄ ⵜⴼⴰⵡⵜ ⵏ ⵓⵥⵉⵍ ⵄⴰⴷ.
5 ⵉⵍⵉ ⵜⴰⴵⴻⵙⵜ ⴷ ⵜⵉⵍⵉ ⵏ ⵍⵎⴻⵡⵜ ⴰⴷ ⵅⴰⵙ ⴰⵔⵥⵓⵏⵜ,
ⵓ ⴻⵊⵊ ⵉⵙⴻⵢⵏⵓⵜⴻⵏ ⴰⴷ ⵥⴻⴷⵖⴻⵏ ⵜⵉⵡⴰ ⵏⵏⴻⵙ.
ⵉⵍⵉ ⴰⴷ ⵅⴰⵙ ⴷⴷ-ⵡⴹⴰⵏⵜ ⵜⴽⴻⴱⴱⴰⵙⵉⵏ ⵙ ⵓⵥⵉⵍ! □
6 ⴰⴷ ⵜⴻⴽⴽⴻⵙ ⵜⴽⴻⴱⴱⴰⵙⵜ ⵢⵓⴵⵖⴻⵏ ⴵⵉⵍⴻⵜ ⵏⵏⵉ,
ⴻⵊⵊ ⴵⵉⵍⴻⵜ ⵏⵏⵉ ⵡⴰⵔ ⵜⴼⴰⵔⵔⴻⵃ ⵊⴰⵔ ⵡⵓⵙⵙⴰⵏ ⵏ ⵓⵙⴻⴳⴳⵯⴰⵙ,
ⴻⵊⵊ ⵉ-ⵜⵜ ⵡⴰⵔ ⴷⴷ-ⵜᵉⵜⵜⵉⵙ ⴷⵉ ⵍⴻⵃⵙⴰⴱ ⵏ ⵉⵢⵓⵔⴻⵏ.
7 ⵅⵥⴰⵔ, ⴻⵊⵊ ⴵⵉⵍⴻⵜ ⵏⵏⵉ ⵄⴻⵎⵎⴰⵔⵚ ⵡⴰⵔ ⴷⴷ-ⵜᵉⵜⵜⵉⵔⵓⵡ,
ⵡⴰⵔ ⴷⴰⵢⴻⵙ ⵉⵜⵜⵉⴷⴻⴼ ⵓⵙⵍⵉⵡⵍⴻⵡ.
8 ⴻⵊⵊ ⵉⵏⵏⵉ ⵉⵙⵙⴼⴻⵟⵟⵃⴻⵏ, ⴰⵙⵙ ⵏⵏⵉ ⴰⴷ ⵜ ⵏⴻⵄⵍⴻⵏ,
ⵉⵏⵏⵉ ⵉⵜⵜⵃⴰⴽⴰⵏ ⴰⴷ ⵙⵙⴻⴽⴽⴰⵔⴻⵏ ‘ⵍⵉ$ⵉⵢⴰⵜⴰⵏ’. □
9 ⴻⵊⵊ ⴰⴷ ⵜⵜⵡⴰⴽⴻⴱⴱⵙⴻⵏ ⵉⵜⵔⴰⵏ ⵏ ⵜⵓⴼⴼⵓⵜ ⵏⵏⴻⵙ,
ⴻⵊⵊ ⵉ-ⵜ ⴰⴷ ⵉⵔⴰⵊⴰ ⵜⴰⴼⴰⵡⵜ, ⵍⴰⵎⵉ ⵡⴰⵔ ⴷⵉⵏ ⵜⴻⴵⵉ.
ⴻⵊⵊ ⴰⴱⵍⵉⵡⴻⵏ ⵏ ⵜⴼⴰⵡⵜ ⵏ ⵍⴻⴼⵊⴰⵔ ⵡⴰⵔ ⵜⵜ ⵥⴰⵔⵔⴻⵏ! □
10 ⵎⴰⵖⴰⵔ ⵏⴻⵜⵜⴰ ⵡⴰⵔ ⵉⴱⴻⵍⵍⴻⵄ ⵜⵉⵡⵡⵓⵔⴰ ⵏ ⵓⵄⴻⴷⴷⵉⵙ ⵏ ⵢⴻⵎⵎⴰ,
ⵓ ⵡⴰⵔ ⵉⴼⴼⴰⵔ ⵍⴻⵖⴱⴻⵏ ⵥⵥⴰⵜ ⵉ ⵜⵉⵟⵟⴰⵡⵉⵏ ⵉⵏⵓ.
11 ⵎⴰⵢⴻⵎⵎⵉ ⵡⴰⵔ ⵎⵎⵓⵜⴻⵖ ⵍⴰⵎⵉ ⴷ ⴰⵢⵉ ⵜⵓⵖⴰ ⴷⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰ,
ⵎⴰⵢⴻⵎⵎⵉ ⵡⴰⵔ ⵙⵙⵓⴼⴼⵖⴻⵖ ⴱⵓⵃⴱⴻⵍ ⵍⴰⵎⵉ ⴷⴷ-ⴼⴼⵖⴻⵖ ⵥⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰ?
12 ⵎⴰⵢⴻⵎⵎⵉ ⴷ ⴰⵢⵉ ⵔⴰⵊⴰⵏ ⵉⴼⴰⴷⴷⴻⵏ,
ⵓ ⵎⴰⵢⴻⵎⵎⵉ ⵉⴱⴱⴰⵛ ⵃⵉⵎⴰ ⴰⴷ ⴷⴰⵢⵙⴻⵏ ⵟⵟⴻⴹⴻⵖ?
13 ⵅⴻⵏⵏⵉ ⵉⵍⵉ ⴰⴷ ⵥⵥⵍⴻⵖ ⵍⴻⵅⵅⵓ, ⴰⴷ ⵙⵙⵇⴰⵔⴻⵖ.
ⵉⵍⵉ ⴰⴷ ⵟⵟⵚⴻⵖ. ⵅⴻⵏⵏⵉ ⴱⴰⵍⴰⴽ ⴰⴷ ⵖⴰⵔⵉ ⵜⵉⵍⵉ ⵍⵀⵓⴷⵏⴻⵜ,
14 ⵊⵎⵉⵄ ⴰⴽ-ⴷ ⵉⵊⴻⴵⵉⴷⴻⵏ ⴷ ⵉⵎⵛⴰⵡⴰⵔⴻⵏ ⵏ ⵜⴻⵎⵎⵓⵔⵜ,
ⵉⵏⵏⵉ ⵉⴱⵏⴰⵏ ⵉ ⵢⵉⵅⴻⴼ ⵏⵙⴻⵏ ⵉⵊⵊ ⵏ ⵓⵢⴻⵏⵏⵉ ⵏ ⴰⵔⵔⵡⵉⵏⴰⵜ,
15 ⵏⵉⵖ ⵊⵎⵉⵄ ⴰⴽ-ⴷ ⵍⵃⵓⴽⴽⴰⵎ ⵏⵏⵉ ⵖⴰⵔ ⵉⴵⴰ ⵡⵓⵔⴻⵖ,
ⵉⵏⵏⵉ ⵉⵛⵛⵓⵔⴻⵏ ⵜⵓⴷⵔⵉⵏ ⵏⵙⴻⵏ ⵙ ⵏⵏⵓⵇⴰⵔⵜ,
16 ⵏⵉⵖ ⵏⴻⵛⵛ ⵡⴰⵔ ⵜⵜⵉⵍⵉⵖ ⵄⴰⴷ, ⴰⵎ ⵉⵊⵊ ⵏ ⵡⴻⵖⵔⴰⵢ ⵏ ⵜⴻⵎⵖⴰⵔⵜ ⵙⵙⵏⵓⴼⴼⴰⵔⴻⵏ ⵜ,
ⴰⵎⴻⵛⵏⴰⵡ ⵉⵙⴻⵢⵎⴰⵏ ⵏⵏⵉ ⵄⴻⵎⵎⴰⵔⵚ ⵡⴰⵔ ⵉⵥⵔⵉⵏ ⵜⴰⴼⴰⵡⵜ.
17 ⴷⵉⵏⵏⵉ ⵙⵙⴱⴻⴷⴷⴻⵏ ⵉⵄⴻⴼⴼⴰⵏⴻⵏ ⵥⵉ ⵚⵚⴷⴻⵄ,
ⵓ ⴷⵉⵏⵏⵉ ⵜⵜⴰⵔⴻⵢⵢⴰⵃⴻⵏ ⵉⵏⵏⵉ ⵓⵎⵉ ⵉⴼⵏⴰ ⵊⵊⴻⵀⴷ ⵏⵙⴻⵏ.
18 ⴷⵉⵏⵏⵉ ⵜⵜⴰⵔⴻⵢⵢⴰⵃⴻⵏ ⵉⵎⴻⵃⴱⴰⵙ ⵎⵓⵏⴻⵏ,
ⵡⴰⵔ ⵇⵇⵉⵎⴻⵏ ⵜⵜⴻⵙⵍⴰⵏ ⵄⴰⴷ ⵉ ⵜⵎⵉⵊⵊⴰ ⵏ ⵉⵎⵥⴻⵢⵢⴰⵔⴻⵏ ⵏ ⵉⵙⴻⵎⵖⴰⵏ.
19 ⴰⵇⴰ ⴷⵉⵏ ⴰⵎⴻⵥⵢⴰⵏ ⴷ ⵓⵎⴻⵇⵇⵔⴰⵏ,
ⵓⵛⴰ ⵉⵙⵎⴻⵖ ⵉⵏⵏⵓⴼⵙⴻⵍ ⵥⵉ ⴱⴰⴱ ⵏⵏⴻⵙ.
20 ⵎⴰⵢⴻⵎⵎⵉ ⵜⴻⵎⵎⴻⵡⵛ ⵜⴼⴰⵡⵜ ⵉ ⵍⵎⴻⵙⴽⵉⵏ,
ⵓ ⵜⵓⴷⴰⵔⵜ ⵓⵎⵉ ⵢⴻⵏⵏⵉ ⵓⵎⵉ ⵉⵜⵜⵡⴰⵙⵙⴰⵔⵥⴻⴳ ⵍⴻⵄⵎⴰⵔ ⵏⵙⴻⵏ,
21 ⵉ ⵢⴻⵏⵏⵉ ⵉⵜⵜⵎⴻⵥⵔⴻⵏ ⴷⵉ ⵍⵎⴻⵡⵜ, ⵎⴰⵛⴰ ⵡⴰⵔ ⵜⵜ ⵓⴼⵉⵏ,
ⵉⵏⵏⵉ ⵉⵖⴻⵥⵥⴰⵏ ⵅ ⵍⵎⴻⵡⵜ ⴽⵜⴰⵔ ⵅ ⵍⴻⴽⵏⵓⵥ ⵉⵏⵏⵓⴼⴰⵔⴻⵏ,
22 ⵉⵏⵏⵉ ⵉⴼⴰⵔⵔⵃⴻⵏ ⴰⵟⵟⴰⵙ ⴰⵍⴰⵎⵉ ⴷⴻⵡⵍⴻⵏ ⵏⴻⴳⴳⵥⴻⵏ
ⵓ ⵜⵜⵖⴻⴱⴱⴰⵏ ⵎⴻⵥⵔⵉ ⵅⵎⵉ ⵜⵜⴰⴼⴻⵏ ⴰⵏⴹⴻⵍ?
23 ⵎⴰⵢⴻⵎⵎⵉ ⵜⴻⵎⵎⴻⵡⵛ ⵜⴼⴰⵡⵜ ⵉ ⵡⴻⵔⵢⴰⵥ ⵡⴻⵏⵏⵉ ⵓⵎⵉ ⵉⵜⵜⵡⴰⵙⵏⵓⴼⴼⴰⵔ ⵡⴻⴱⵔⵉⴷ ⵏⵏⴻⵙ,
ⵓ ⵡⴻⵏⵏⵉ ⵅⴻⴼ ⵉⴱⴻⵍⵍⴻⵄ ⴰⵔⴻⴱⴱⵉ ⵥⵉ ⵎⴰⵔⵔⴰ ⵉⵖⴻⵥⴷⵉⵙⴻⵏ?
24 ⵎⵉⵏⵥⵉ ⴷⴻⴳ ⵡⴻⵎⵛⴰⵏ ⵏ ⵡⴻⵖⵔⵓⵎ ⵉⵏⵓ ⵉⵜⵜⴰⵙ-ⴷⴷ ⵓⵙⵇⵉⵏⴻⴼ ⵉⵏⵓ,
ⵉⵖⵓⵢⵢⴰⵏ ⵉⵏⵓ ⵜⵜⵡⴰⵥⴻⴵⵄⴻⵏ ⴰⵎ ⵡⴰⵎⴰⵏ.
25 ⵎⵉⵏⵥⵉ ⵜⵓⵖⴰ ⵜⵜⵏⴻⵅⵍⴰⵄⴻⵖ ⵓ ⴰⵎⴻⵏⵏⵉ ⴷⴷ-ⵉⴼⴼⴻⵖ,
ⵓ ⵎⵉⵏ ⵥⵉ ⵜⵓⵖⴰ ⵜⵜⴻⴳⴳⵯⴻⴷⴻⵖ, ⵡⴹⵉⵖ ⴷⴰⵢⴻⵙ.
26 ⵡⴰⵔ ⵖⴰⵔⵉ ⵍⵀⵓⴷⵏⴻⵜ, ⵡⴰⵔ ⴰⵔⵙⵉⵖ ⵛⴰ ⵓ ⵡⴰⵔ ⵜⵜⴰⵔⴻⵢⵢⵉⵃⴻⵖ.
ⴰⵇⴰ ⵓⵙⵉⵏ-ⴷⴷ ⵉⵎⵅⵓⵎⴱⴰⵔ.