1 ⵅⴻⵏⵏⵉ ⵉⵏⵏⴰ ⴱⴰⵍⵄⴰⵎ ⵉ ⴱⴰⵍⴰⴽ: “ⴱⵏⴰ ⵙⴻⴱⵄⴰ ⵏ ⵉⵄⴰⵍⵟⴰⵔⴻⵏ ⴷⴰⵏⵉⵜⴰ ⵉ ⵏⴻⵛⵛ ⵓⵛⴰ ⵙⴻⵡⵊⴻⴷ ⴰⵢⵉ ⵙⴻⴱⵄⴰ ⵏ ⵉⵢⴻⵏⴷⵓⵥⴻⵏ ⴷ ⵙⴻⴱⵄⴰ ⵏ ⵉⵛⴰⵔⵔⵉⵢⵢⴻⵏ.” 2 ⴱⴰⵍⴰⴽ ⵉⴳⴳⴰ ⴰⵎ ⵎⴰⵎⵎⴻⵛ ⴷ ⴰⵙ ⵉⵏⵏⴰ ⴱⴰⵍⵄⴰⵎ ⵓⵛⴰ ⴱⴰⵍⴰⴽ ⴷ ⴱⴰⵍⵄⴰⵎ ⵇⴻⴷⴷⵎⴻⵏ ⵉⵊⵊ ⵏ ⵓⵢⴻⵏⴷⵓⵥ ⴷ ⵉⵊⵊ ⵏ ⵉⵛⴰⵔⵔⵉ ⵅ ⴽⵓⵍ ⵉⵊⵊ ⵏ ⵓⵄⴰⵍⵟⴰⵔ. 3 ⵅⴻⵏⵏⵉ ⴱⴰⵍⵄⴰⵎ ⵉⵏⵏⴰ ⵉ ⴱⴰⵍⴰⴽ: “ⴱⴻⴷⴷ ⴷⵉⵏ ⵥⵥⴰⵜ ⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⵏⵏⴻⴽ, ⵅⴻⵏⵏⵉ ⵏⴻⵛⵛ ⴰⴷ ⵔⴰⵃⴻⵖ. ⴰⴷ ⵜⴰⵖ ⴰⴽ ⴽⵉⴷⵉ ⵉⵎⵙⴰⴳⴰⵔ ⵙⵉⴷⵉ ⵓⵛⴰ ⵎⴰⵏ ⴰⵡⴰⵍ ⵏⵏⵉ ⴷ ⴰⵢⵉ ⵖⴰ ⵉⵙⵙⵛⴻⵏ, ⵏⴻⵛⵛ ⴰⴷ ⴰⵛ ⵜ-ⵉ-ⴷⴷ-ⵙⵙⴰⵔⴳⴱⴻⵖ.” ⵅⴻⵏⵏⵉ ⵉⵔⵓⵃ ⴱⴰⵍⵄⴰⵎ ⵖⴰⵔ ⵜⵇⵉⵛⵛⴰⵜ ⴷ ⵜⴰⵇⴻⵛⵛⴰⵔⵜ ⵏ ⵡⴻⴷⵔⴰⵔ.

4 ⵓ ⴰⵔⴻⴱⴱⵉ ⵉⵎⵎⴻⵍⵇⴰ ⴰⴽ-ⴷ ⴱⴰⵍⵄⴰⵎ ⵓⵛⴰ ⵏⴻⵜⵜⴰ ⵉⵏⵏⴰ ⴰⵙ: “ⴰⵇⴰ ⵙⵙⴳⴻⵄⵄⴷⴻⵖ ⵙⴻⴱⵄⴰ ⵏ ⵉⵄⴰⵍⵟⴰⵔⴻⵏ ⵓⵛⴰ ⵇⴻⴷⴷⵎⴻⵖ ⵉⵊⵊ ⵏ ⵓⵢⴻⵏⴷⵓⵥ ⴷ ⵉⵊⵊ ⵏ ⵉⵛⴰⵔⵔⵉ ⵅ ⴽⵓⵍ ⵉⵊⵊ ⵏ ⵓⵄⴰⵍⵟⴰⵔ.” 5 ⵅⴻⵏⵏⵉ ⵉⴳⴳⴰ ⵙⵉⴷⵉ ⵉⵊⵊ ⵏ ⵡⴰⵡⴰⵍ ⴷⴻⴳ ⵓⵇⴻⵎⵎⵓⵎ ⵏ ⴱⴰⵍⵄⴰⵎ ⵓⵛⴰ ⵉⵏⵏⴰ: “ⴷⵡⴻⵍ ⵖⴰⵔ ⴱⴰⵍⴰⴽ ⵓⵛⴰ ⵙⵉⵡⴻⵍ ⴰⴽⵉⴷⴻⵙ ⴰⵎⵎⵓ.”

6 ⵓⵛⴰ ⵓⵎⵉ ⵖⴰⵔⴻⵙ-ⴷⴷ ⵉⴷⵡⴻⵍ, ⵅⵥⴰⵔ, ⵉⴱⴻⴷⴷ ⵥⵥⴰⵜ ⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⵏⵏⴻⵙ, ⵊⵎⵉⵄ ⴰⴽ-ⴷ ⵍⵃⵓⴽⴽⴰⵎ ⵏ ⵎⵓ’ⴰⴱ. 7 ⵅⴻⵏⵏⵉ ⵉⴱⴷⴰ ⵉⵇⵇⴰⵔ ⴰⵡⴰⵍ ⵏⵏⴻⵙ ⵉⵡⴻⵥⵏⴻⵏ, ⵉⵏⵏⴰ:

“ⵣⵉ ⴰⵔⴰⵎ ⵉⵏⴷⴻⵀ ⴰⵢⵉ-ⴷⴷ ⴱⴰⵍⴰⴽ, ⴰⵊⴻⴵⵉⴷ ⵏ ⵎⵓ’ⴰⴱ,

ⵥⴻⴳ ⵉⴷⵓⵔⴰⵔ ⵏ ⵛⵛⴰⵔⵇ, ⵉⵏⵏⴰ:

‘ⴰⵙ-ⴷⴷ, ⵏⵄⴻⵍ ⴰⵢⵉ ⵢⴰⵄⵇⵓⴱ,

ⴰⵙ-ⴷⴷ, ⵥⴰⵡⴰⵔ ⵉⵙⵔⴰⵉⵍ!’

8 ⵎⴰⵛⴰ ⵎⴰⵎⵎⴻⵛ ⵉ ⵖⴰ ⵏⴻⵄⵍⴻⵖ,

ⵡⴻⵏⵏⵉ ⵡⴰⵔ ⵉⵜⵜⵡⴰⵏⴻⵄⵍⴻⵏ ⵥⵉ ⴰⵔⴻⴱⴱⵉ,

ⵓ ⵎⴰⵎⵎⴻⵛ ⵉ ⵖⴰ ⵥⴰⵡⴰⵔⴻⵖ

ⵡⴻⵏⵏⵉ ⵡⴰⵔ ⵉⵥⴰⵡⴰⵔ ⵙⵉⴷⵉ?

9 ⵎⵉⵏⵥⵉ ⵥⵉ ⵜⵇⵉⵛⵛⴰⵜ ⵏ ⵜⵚⵓⴹⴰⵔ ⵜⵡⴰⵍⵉⵖ ⵜ

ⵓⵛⴰ ⵥⵉ ⵜⵉⵡⵔⵉⵔⵉⵏ ⵅⴻⵥⵥⴰⵔⴻⵖ ⴷⴰⵢⴻⵙ.

ⴰⵇⴰ ⵡⴰ ⴷ ⵉⵊⵊ ⵏ ⵍⴳⴻⵏⵙ ⵉⵥⴻⴷⴷⵖⴻⵏ ⵡⴻⵃⵃⴷⴻⵙ

ⵓ ⵡⴰⵔ ⵉⵃⴻⵙⵙⴻⴱ ⵉⵅⴻⴼ ⵏⵏⴻⵙ ⵊⴰⵔ ⵍⴻⴳⵏⵓⵙ. ^■  

10 ⵡⵉ ⵉ ⵖⴰ ⵉⵃⴻⵙⴱⴻⵏ ⴰⵛⴰⵍ ⵏ ⵢⴰⵄⵇⵓⴱ

ⵏⵉⵖ ⵡⵉ ⵉ ⵖⴰ ⵉⵃⴻⵙⴱⴻⵏ ⵍⵇⴻⴷⴷ ⵏ ⴰⵔⴱⴻⵄ ⵥⵉ ⵉⵙⵔⴰⵉⵍ?

ⴻⵊⵊ ⴰⴷ ⵉⵎⵎⴻⵜ ⵍⴻⵄⵎⴰⵔ ⵉⵏⵓ ⵍⵎⴻⵡⵜ ⵏ ⵉⵎⵙⴻⴳⴳⴰⴷⴻⵏ

ⵓ ⴻⵊⵊ ⵄⴰⵡⴻⴷ ⴰⴷ ⵢⵉⵍⵉ ⵓⵏⴻⴳⴳⴰⵔ ⵏ ⵜⵓⴷⴰⵔⵜ ⵉⵏⵓ ⴰⴷ ⵉⵎⵇⵓⴷⴷⴰ ⴰⴽⵉⴷⴻⵙ!”

11 ⵓⵛⴰ ⵅⴻⵏⵏⵉ ⴱⴰⵍⴰⴽ ⵉⵏⵏⴰ ⵉ ⴱⴰⵍⵄⴰⵎ: “ⵎⵉⵏ ⴷ ⴰⵢⵉ ⵜⴻⴳⴳⵉⴷ? ⵏⴻⵛⵛ ⵉⵡⵢⴻⵖ ⵛⴻⴽ ⵃⵉⵎⴰ ⴰⴷ ⵜⵏⴻⵄⵍⴻⴷ ⵍⵄⴻⴷⵢⴰⵏ ⵉⵏⵓ, ⵎⴰⵛⴰ ⵅⵥⴰⵔ, ⴰⵇⴰ ⵏⵉⵛⴰⵏ ⵜⴱⴰⵔⴽⴻⴷ ⵜⴻⵏ!”

12 ⵏⴻⵜⵜⴰ ⵢⴰⵔⵔⴰ-ⴷⴷ, ⵉⵏⵏⴰ: “ⵎⴰ ⵡⴰⵔ ⵉⵜⵜⵅⴻⵚⵚⵉ ⴰⴷ ⵃⴹⵉⵖ ⵎⴰⵃⴻⵏⴷ ⴰⴷ ⵙⵙⵉⵡⵍⴻⵖ ⵎⵉⵏ ⵉⴳⴳⴰ ⵙⵉⴷⵉ ⴷⴻⴳ ⵓⵇⴻⵎⵎⵓⵎ ⵉⵏⵓ?”

13 ⵅⴻⵏⵏⵉ ⵉⵏⵏⴰ ⴱⴰⵍⴰⴽ: “ⵜⵜⵥⴰⵡⴳⴻⵖ ⵛⴻⴽ ⴰⴷ ⴷⴷ-ⵜⴰⵙⴻⴷ ⴰⴽⵉⴷⵉ ⵖⴰⵔ ⵉⵊⵊ ⵏ ⵡⴻⵎⵛⴰⵏ ⵏⵏⴻⵖⵏⵉ ⵥⵉ ⵎⴰⵏⵉⵙ ⵉ ⵖⴰ ⵜⵥⴰⵔⴻⴷ ⵍⴳⴻⵏⵙ ⵄⴰⵡⴻⴷ. ⴰⴷ ⵜⵥⴰⵔⴻⴷ ⵟⵟⵔⵓⴼⴰ ⵏⵏⴻⵙ ⵡⴰⵀⴰ, ⵡⴰⵔ ⵜ ⵜⵥⴰⵔⵔⴻⴷ ⵎⴰⵔⵔⴰ. ⵙⵙⴻⵏⵏⵉ ⴰⴷ ⵜ ⵜⵏⴻⵄⵍⴻⴷ ⴷⵉ ⵟⵟⵡⴻⵄ ⵉⵏⵓ!”

14 ⵓⵛⴰ ⵢⵉⵡⵢⵉ ⵉ-ⵜ ⵖⴰⵔ ⵍⴻⵡⴹⴰ ⵏ ⵚⵓⴼⵉⵎ ⵅ ⵜⵇⵉⵛⵛⴰⵜ ⵏ ⴼⵉⵙⵊⴰ ⵓⵛⴰ ⵉⴱⵏⴰ ⴷⵉⵏ ⵙⴻⴱⵄⴰ ⵏ ⵉⵄⴰⵍⵟⴰⵔⴻⵏ ⵓⵛⴰ ⵅ ⴽⵓⵍ ⵉⵊⵊ ⵏ ⵓⵄⴰⵍⵟⴰⵔ ⵉⵇⴻⴷⴷⴻⵎ ⴷⵉⵏ ⵉⵊⵊ ⵏ ⵓⵢⴻⵏⴷⵓⵥ ⴷ ⵉⵊⵊ ⵏ ⵉⵛⴰⵔⵔⵉ.

15 ⵏⴻⵜⵜⴰ ⵉⵏⵏⴰ ⵉ ⴱⴰⵍⴰⴽ: “ⵎⴰⵍⴰ ⵛⴻⴽ ⴰⴷ ⵜⴱⴻⴷⴷⴻⴷ ⴷⴰ ⵥⵥⴰⵜ ⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⵏⵏⴻⴽ, ⵅⴻⵏⵏⵉ ⵏⴻⵛⵛ ⴰⴷ ⴽⵉⵙ ⵎⵎⵙⴰⴳⴰⵔⴻⵖ ⴷⵉⵏ.”

16 ⵓⵛⴰ ⵉⵎⵙⴰⴳⴰⵔ ⵙⵉⴷⵉ ⴰⴽ-ⴷ ⴱⴰⵍⵄⴰⵎ ⵓⵛⴰ ⵉⴳⴳⴰ ⵉⵊⵊ ⵏ ⵡⴰⵡⴰⵍ ⴷⴻⴳ ⵓⵇⴻⵎⵎⵓⵎ ⵏⵏⴻⵙ, ⵉⵏⵏⴰ: “ⴷⵡⴻⵍ ⵖⴰⵔ ⴱⴰⵍⴰⴽ ⵓⵛⴰ ⵉⵏⵉ ⴰⵙ ⴰⵎⵎⵓ.” ^■  

17 ⵓⵛⴰ ⵏⴻⵜⵜⴰ ⵢⵓⵙⴰ-ⴷⴷ ⵖⴰⵔⴻⵙ, ⵓ ⵅⵥⴰⵔ, ⵏⴻⵜⵜⴰ ⵜⵓⵖⴰ ⵉⴱⴻⴷⴷ ⵥⵥⴰⵜ ⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⵏⵏⴻⵙ ⵓⵛⴰ ⵍⵃⵓⴽⴽⴰⵎ ⵏ ⵎⵓ’ⴰⴱ ⴱⴻⴷⴷⴻⵏ ⵥⵥⴰⵜⴻⵙ. ⵉⵏⵏⴰ ⴰⵙ ⴱⴰⵍⴰⴽ: “ⵎⵉⵏ ⵉⵏⵏⴰ ⵙⵉⴷⵉ?”

18 ⵅⴻⵏⵏⵉ ⵉⴱⴷⴰ ⵏⴻⵜⵜⴰ ⴰⵡⴰⵍ ⵏⵏⴻⵙ ⵉⵡⴻⵥⵏⴻⵏ, ⵉⵏⵏⴰ:

“ⴽⴽⴰⵔ, ⴱⴰⵍⴰⴽ, ⵙⵃⴻⵙⵙ!

ⵙⴻⵍ ⵖⴰⵔⵉ, ⵛⴻⴽ, ⵎⵎⵉⵙ ⵏ ⵚⵉⴼⴼⵓⵔ!

19 ⴰⵔⴻⴱⴱⵉ ⵡⴰⵔ ⵉⴵⵉ ⴷ ⵎⵎⵉⵙ ⵏ ⴱⵏⴰⴷⴻⵎ, ⵎⴰⵃⴻⵏⴷ ⵥⴻⵄⵎⴰ ⴰⴷ ⵉⵙⵙⵅⴰⵔⵔⵉⵇ,

ⵏⵉⵖ ⴷ ⵎⵎⵉⵙ ⵏ ⴱⵏⴰⴷⴻⵎ ⵎⴰⵃⴻⵏⴷ ⵥⴻⵄⵎⴰ ⴰⴷ ⵜ ⵉⵍⵇⴻⴼ ⵡⴻⵏⴷⴰⵎ.

ⵎⴰ ⴰⴷ ⵢⵉⵏⵉ ⵓⵛⴰ ⵡⴰⵔ ⵜⵜ ⵉⵜⵜⴻⴳⴳ,

ⵏⵉⵖ ⴰⴷ ⵉⵙⵙⵉⵡⴻⵍ ⵓⵛⴰ ⵡⴰⵔ ⵜⵜ ⵉⵜⵜⴽⴻⵎⵎⵉⵍ? ^■  

20 ⵅⵥⴰⵔ, ⴰⵇⴰ ⵟⵟⴼⴻⵖ ⵍⵓⵎⵓⵔ ⵃⵉⵎⴰ ⴰⴷ ⴱⴰⵔⴽⴻⵖ.

ⵓⵎⵉ ⵉⴱⴰⵔⴻⴽ ⵏⴻⵜⵜⴰ,

ⵏⴻⵛⵛ ⵡⴰⵔ ⵥⴻⵎⵎⴰⵔⴻⵖ ⴰⴷ ⴷⴷ-ⴰⵔⵔⴻⵖ ⴰⵢⴰ.

21 ⵡⴰⵔ ⵉⵜⵜⵡⵉⵍⵉ ⵍⵎⵓⵄⵚⵉⵢⵢⴻⵜ ⵏ ⵢⴰⵄⵇⵓⴱ

ⵓ ⴰⵔⴱⴻⵔ ⵏ ⵉⵙⵔⴰⵉⵍ ⵡⴰⵔ ⵜ ⵉⵥⴰⵔ.

ⵙⵉⴷⵉ, ⴰⵔⴻⴱⴱⵉ ⵏⵏⴻⵙ, ⴰⵇⴰ-ⵜ ⴰⴽⵉⴷⴻⵙ

ⵓⵛⴰ ⴰⵚⵓⴹⵉ ⵙ ⵡⴻⵙⵔⵓⴷⴷⴻⵃ ⴷⵉ ⵍⴱⵓⵇ ⴷⵉ ⵟⵟⵡⴻⵄ ⵏ ⵓⵊⴻⴵⵉⴷ ⴰⵇⴰ-ⵜ ⴷⴰⵢⴻⵙ. ^■  

22 ⴰⵔⴻⴱⴱⵉ ⵉⵙⵙⵓⴼⴻⵖ ⵉ-ⵜⴻⵏ-ⴷⴷ ⵥⵉ ⵎⵉⵚⵔⴰ.

ⵏⴻⵜⵜⴰ ⵉ ⵏⵉⵜⵏⵉ ⴰⵎ ⵡⴰⵛⵛⴰⵡⴻⵏ ⵏ ⵓⴼⵓⵏⴰⵙ ⵏ ⵍⴻⵅⵍⴰ. ^■  

23 ⴰⵇⴰ ⵥⴻⵄⵎⴰ ⵡⴰⵔ ⴷⵉⵏ ⴰⴳⴻⵥⵥⴻⵏ ⴷⵉ ⵢⴰⵄⵇⵓⴱ

ⵓ ⵡⴰⵔ ⴷⵉⵏ ⴰⵄⴻⵥⵥⴻⵎ ⴷⵉ ⵉⵙⵔⴰⵉⵍ.

ⵜⴰ ⴷ ⵍⵡⴻⵇⵜ ⵉ ⴷⵉ ⵜᵉⵜⵜⵡⴰⵏⵏⴰ ⵅ ⵢⴰⵄⵇⵓⴱ ⴷ ⵉⵙⵔⴰⵉⵍ:

‘ⴰⵇⴰ ⵅⵥⴰⵔ, ⵎⵉⵏ ⵉⴳⴳⴰ ⴰⵔⴻⴱⴱⵉ!’

24 ⴰⵇⴰ ⴷⴰ, ⵍⴳⴻⵏⵙ ⴰⴷ ⵉⴽⴽⴰⵔ ⴰⵎⴻⵛⵏⴰⵡ ⵉⵛⵜ ⵏ ⵜⴻⵢⵔⴰⴷⵜ

ⵓ ⴰⴷ ⴷⴷ-ⵉⴳⴻⵄⵄⴻⴷ ⴰⵎ ⵡⴻⵢⵔⴰⴷ.

ⵡⴰⵔ ⵉⵙⵙⴻⵥⵥⴻⵍ ⵉⵅⴻⴼ ⵏⵏⴻⵙ ⴰⵍ ⵖⴰ ⵢⴻⵛⵛ ⵜⴰⵢⵎⴰⵔⵜ ⵏⵏⴻⵙ

ⵓⵛⴰ ⴰⴷ ⵉⵙⵙⵓ ⵉⴷⴰⵎⵎⴻⵏ ⵏ ⵎⵉⵏ ⵉⵎⴻⵥⵥⴻⵇ.” ^□  

25 ⵅⴻⵏⵏⵉ ⴱⴰⵍⴰⴽ ⵉⵏⵏⴰ ⵉ ⴱⴰⵍⵄⴰⵎ: “ⵎⴰⵍⴰ ⵅⴻⵏⵏⵉ ⵡⴰⵔ ⵜⴻⵅⵙⴻⴷ ⵇⴰⵄ ⴰⴷ ⵜ ⵜⵏⴻⵄⵍⴻⴷ, ⵡⴰⵔ ⵜ ⵜⵜⴱⴰⵔⴰⴽ ⵛⴰ ⵄⴰⵡⴻⴷ.”

26 ⴱⴰⵍⵄⴰⵎ ⵢⴰⵔⵔⴰ-ⴷⴷ ⵓⵛⴰ ⵉⵏⵏⴰ ⵉ ⴱⴰⵍⴰⴽ: “ⵎⴰ ⵡⴰⵔ ⴷ ⴰⵛ ⵏⵏⵉⵖ: ‘ⵎⴰⵔⵔⴰ ⵎⵉⵏ ⴷ ⴰⵢⵉ ⵖⴰ ⵢⵉⵏⵉ ⵙⵉⴷⵉ, ⴰⴷ ⵜ ⴳⴳⴻⵖ?’ ”

27 ⵅⴻⵏⵏⵉ ⵉⵏⵏⴰ ⴱⴰⵍⴰⴽ ⵉ ⴱⴰⵍⵄⴰⵎ: “ⵜⵜⵥⴰⵡⴳⴻⵖ ⵛⴻⴽ ⴰⴷ ⴷⴷ-ⵜⴰⵙⴻⴷ, ⴰⴷ ⵛⴻⴽ ⴰⵡⵢⴻⵖ ⵖⴰⵔ ⵉⵊⵊ ⵏ ⵡⴻⵎⵛⴰⵏ ⵏⵏⴻⵖⵏⵉ. ⴰⴷ ⵜⴰⵖ ⴰⴷ ⵢⵉⵍⵉ ⵏⵉⵛⴰⵏ ⴷⵉ ⵜⵉⵟⵟⴰⵡⵉⵏ ⵏ ⴰⵔⴻⴱⴱⵉ ⵎⴰⵍⴰ ⴰⴷ ⵜ ⵜⵏⴻⵄⵍⴻⴷ ⵙⵙⴻⵏⵏⵉ ⴷⵉ ⵟⵟⵡⴻⵄ ⵉⵏⵓ.” 28 ⵓⵛⴰ ⴱⴰⵍⴰⴽ ⵉⵏⴷⴻⵀ ⴱⴰⵍⵄⴰⵎ ⵖⴰⵔ ⵜⵇⵉⵛⵛⴰⵜ ⵏ ⴼⴰⵖⵓⵔ ⵏⵏⵉ ⵉⵅⴻⵥⵥⴰⵔⴻⵏ ⵖⴰⵔ ⵜⵏⴻⵥⵔⵓⴼⵜ. 29 ⵅⴻⵏⵏⵉ ⴱⴰⵍⵄⴰⵎ ⵉⵏⵏⴰ ⵉ ⴱⴰⵍⴰⴽ: “ⴱⵏⴰ ⴷⴰⵏⵉⵜⴰ ⵙⴻⴱⵄⴰ ⵏ ⵉⵄⴰⵍⵟⴰⵔⴻⵏ ⵓⵛⴰ ⵙⴻⵡⵊⴻⴷ ⴰⵢⵉ ⴷⴰⵏⵉⵜⴰ ⵙⴻⴱⵄⴰ ⵏ ⵉⵢⴻⵏⴷⵓⵥⴻⵏ ⴷ ⵙⴻⴱⵄⴰ ⵏ ⵉⵛⴰⵔⵔⵉⵢⵢⴻⵏ.” 30 ⴱⴰⵍⴰⴽ ⵉⴳⴳⴰ ⴰⵎ ⵎⴰⵎⵎⴻⵛ ⴷ ⴰⵙ ⵉⵏⵏⴰ ⴱⴰⵍⵄⴰⵎ ⵓⵛⴰ ⵅ ⴽⵓⵍ ⵉⵊⵊ ⵏ ⵓⵄⴰⵍⵟⴰⵔ ⵉⵇⴻⴷⴷⴻⵎ ⴷⵉⵏ ⵉⵊⵊ ⵏ ⵓⵢⴻⵏⴷⵓⵥ ⴷ ⵉⵊⵊ ⵏ ⵉⵛⴰⵔⵔⵉ.