1 Ttzawgeɣ inni d imɣaren jar awen, necc d wenni d amɣar akidwem d acehhad n uweddeb i ikkin x Lmasiḥ uřa d amɛacar deg uɛuǧi nnes i dd ɣa ittwasseḍhar: 2 Arewsem taḥimart n AREBBI tenni tḥeṭṭam, war iǧi s uɣiř maca s řxaḍar, war iǧi di ṭṭmeɛ n arbeḥ war iḥřin, maca s marra wuř nwem, ^■   3 war iǧi am inni iǧan x tḥimart, maca umi teǧam d ijj n umedya icna i nitni. ^■   4 Uca xmi dd ɣa iḍhar Umeksa Ameqqran ad zzayes tᵉṭṭfem ttaj n uɛuǧi i war ifennin. ^■  

5 U kenniw, ibřiɣen, sarsem ixef nwem sadu imɣaren nwem, beysem ixef nwem s uwaḍeɛ ijj i wenneɣni, minzi AREBBI ittɛekkas imɛeffaren, maca imwaḍɛen iwca asen arḍa. ^■   6 Semẓayem ixef nwem sadu afus ijehden n AREBBI, ḥima ad kenniw issuɛřa di řweqt nnes. ^■   7 Marra imnusen nwem arrem ten ɣar AREBBI, aqa Netta itthilla daywem. ^■  

8 Arrem-dd řbař, ḥḍam, minzi řeɛdu nwem, cciṭan ameqqran, ittḥama am wayrad iǧuẓen, u yarezzu min izemmar ad iṣarḍ. ^■   9 Menɛem akides ixef nwem am tᵉṭṭfem nican di l’iman, aqa tessnem belli aytmatwem di ddunect uřa d nitni kessin aweddeb-a. ^■  

10 Maca AREBBI n arḍa wenni d aneɣ dd-iřaɣan ɣar uɛuǧi nnes ittduman s Yeccu Lmasiḥ, aqa Netta, awarni řami nweddeb drus n řweqt, ad aneɣ issejhed, ad aneɣ iḍmen u ad aneɣ isedd i řebda. ^■  

11 Ɣares Netta aɛuǧi d ṣṣulṭa d řɛezz i řebda n řebdat qaɛ. Amin.

12 Uriɣ awem-dd ca n tmesřayin war iǧi aṭṭas, s ufus n Silwanus, uma d amtiqqi, u necc qennɛeɣ u cehdeɣ aqa man aya di min di teǧam, aqa-t d arḍa n AREBBI d tidett.

13 Tamesmunt ittwafarzen i iǧan di Babil, tseǧam xawem s řehna, uřa d mmi Markus.

14 Seǧmem x wayawya s usudem iqeddsen. Řehna ad kiwem yiři marra idwem i iǧan di Lmasiḥ. Amin. ^■