Arcam n weryaz wenni ijjin ad iɣekkʷi ixef nnes
7
1 Mmi inu, ḥḍa awařen inu, xemmeř tiweṣṣa inu ɣarek.
2 Ḥḍa tiweṣṣa inu u cek ad teqqimed teddared,
ḥḍa taɣuri inu am mummu n tiṭṭ nnek. ■
3 Qqen i-tent ɣar iḍewḍan nnek,
ari tent x teřwiḥt n wuř nnek. ■
4 Ini i tiɣit: ‘Cem d učma!’,
u semma řefhamet: ‘Ameddukkeř inu!’,
5 maḥend nitenti ad cek ḥḍan zi temɣart tabarranect,
zi temɣart zi barra i cek ittɣarran s wawařen nnes. ■
6 Maɣar zi řkazi n taddart inu,
jar ccebbac n řkazi sewḍeɣ ɣar wadday,
7 sewḍeɣ ɣar iḥafiyyen inni war ittḥikin,
jar iḥramen ḥekkareɣ ijj n uḥudri s wuř war imten.
8 Netta iẓwa abrid ɣar teɣmart nnes,
u iṭṭef abrid ɣar taddart nnes.
9 Ɣar tbambast, ɣar tmeddit n wass,
di řaǧaɣ n ǧiřet d tubbarcent,
10 xzar, aqa ict n temɣart tusa-dd i umsagar akides,
deg warruḍ n temɣart n farq-ccɣeř u s teḥraymect n wuř.
11 Nettat textix u tɣewweɣ,
iḍaren nnes war qqimen ɛad di taddart. ■
12 Ict n twařa di barra, xenni ɛawed deg izuray,
ɣar marra tiɣemmar n ibriden tᵉttḥama.
13 Nettat tᵉṭṭef i-t u tessudem i-t,
teqjar udem nnes, tenna as:
14 “Tuɣa xafi maḥend ad wceɣ tiwhibin n řehna.
Ass-a ssqefřeɣ lwuɛud inu.
15 S uyenni i dd-ffɣeɣ maḥend ad cek mmsagareɣ,
maḥend ad xak arzuɣ u ammu i cek ufiɣ.
16 Necc ssuɣ maltat x qama inu,
s řizarat izewwqen imuden s řeqten azdad zi Miṣra.
17 Necc rucceɣ tassut inu
s mirru d wecfiř d řqarfa. ■
18 As-dd, ejj aneɣ ad nejjiwen timexsa ař tuffut,
ejj aneɣ ad narr meẓri i tayri.
19 Maɣar aryaz war iǧi di taddart,
netta isafar iggʷej aṭṭas.
20 Iksi ict n tkemmust n tmenyat n nnuqart akides,
ad yareggʷeḥ ɣar wass n tziri iqefřen.”
21 Ammu i t tᵉṭṭef s waṭṭas n řhard nnes,
teɣwa i-t s řehrud nnes izewwqen n iyencicen nnes.
22 Deɣya yetta yardef i-tt, am ijj n ufunas igguren ɣar řgurnet,
am ict n ssnesřet x iḍaren igguren ɣar umarret n ubuhaři,
23 ařami dd as tcarreg fřitca tsa,
am yijj n wejḍiḍ iḍwin deg ijj n wenday,
u war issin aqa wanita ittwagg ḍidd i tudart nnes. ■
24 Xenni řexxu, a iḥenjiren, sřem-dd ɣari,
u sřem ɣar wawařen n uqemmum inu.
25 Ejj uř nnek war ittweddir deg ibriden nnes,
war ttmeyyiř ɣar imesraq nnes.
26 Maɣar deg waṭṭas ittwayezmen inni teɣḍer,
imɣar waṭṭas lɛadad n marra inni tenɣa.
27 Taddart nnes teccur s ibriden ɣar řaxart,
inni ihekkwan ɣar ixxamen n daxeř n řmewt. ■