1 Mmi inu, ewc taynit i tiɣit inu,

ewc amezzuɣ i řefhamet inu,

2 maḥend ad tewced ḥaḍur,

u iyencicen nnek ad ḥḍan x tussna.

3 Minzi iyencicen n temɣart tabarranit ttudumen s tamment n teɣraṣt ,

aneɣ nnes d ařeqqaɣ x zzect, ^■  

4 maca ɣar uneggar aqa-tt d tamerzagt am cciḥ,

teqḍeɛ am ijj n ssif s tnayen n wudmawen.

5 Iḍaren nnes ttawyen ɣar řmewt

u iṣuraf nnes neddhen ɣar řaxart. ^■  

6 Ařami war tᵉṭṭifed ɛemmarṣ abrid n tudart,

gguren iṣuraf nnes ssa d ssa břa ma tessned cek.

7 Xenni řexxu, a iḥenjiren, sřem-dd ɣari,

war tḥeyyadem ca x wawařen n uqemmum inu.

8 Siggʷej abrid nnek xas,

war ttades tawwart n taddart nnes,

9 ḥima war tᵉtticed ccan nnek i inneɣni,

iseggʷusa nnek i wenni itteqsiḥen aṭṭas, ^■  

10 ḥima ibarraniyyen war ttjawanen deg wagřa nnek,

u marra řɣiǧet n umarret nnek war dd-tᵉttis di taddart n wenni war ittwissnen

11 u ad tzehhared ɣar uneggar,

xmi i ɣa tᵉttwacc arrimet nnek d weysum nnek,

12 ad tinid: “Mammec ggiɣ necc carheɣ ttarbiyyet,

mammec inḍar uř inu awebbex?

13 Mammec war sřiɣ ɣar tmijja n wenni d ayi idarrben,

war wciɣ amezzuɣ inu i imseřmaden inu?

14 Ɛřaḥař tuɣa ufiɣ ixef inu di ɛřam kuř řɣar,

di řwest n wegraw n řgens u n tmesmunt!”

15 Suw aman zeg wanu nnek,

uřa d aman issizzřen zi řaǧaɣ n řɛunṣar nnek.

16 Iři ad ssefyen waman n řɛunṣar nnek barra,

am tařawin x wazzayen.

17 Ejj i-ten ad iřin i cek weḥḥdek,

war iǧi i ibarraniyyen i din zzatek.

18 Ad ittwabarek řɛunṣar nnek,

farḥ i temɣart zeg wussan n temẓi nnek.

19 Tudadt iɛizzen uřa d tiɣeydet n wezɣar icewwaren nettat!

Ejj ibbac nnes ad cek ssyiwyen di marra ussan,

sellem ixef nnek řebda ɣar tayri nnes!

20 Mayemmi, a mmi inu, ma ggur ad cek teɣwa temɣart tabarranect,

ad tdarrɛed i weḥsin n temɣart war tessined?

21 Maɣar ibriden n bnadem aqa aten din zzat i tiṭṭawin n SIDI,

Netta yarzu di marra imesraq nnes. ^■  

22 Řmuɛsiyyet n yixef nnes ad tḥebbes aɛeffan,

s iseɣwan n ddnub nnes ad ittwacedd.

23 Netta ad immet umi war din tuɣi ttarbiyyet,

ad iweddar s tubbuheřya nnes tameqqrant.