1 Ɣar iɣezran n Babil, dinni i tuɣa nettɣima,

nru ɛawed xmi tuɣa nettidar Ṣihyun.

2 Nuyeř řgambriyat nneɣ ɣar iṣefṣafen i iǧan di řwest nnes.

3 Maɣar inni d aneɣ iḥebbsen

ttaren zzayneɣ dinni ad nɣennej awařen n ijj n yezři,

inni d aneɣ iḥeṣṣaren ttaren ca n řḥajjet issefraḥen,

nnan: “Ɣennjem zeɛma ijj zeg izřan n Ṣihyun i neccin!” ^■  

4 Mammec nzemmar ad nɣennej ijj n yezři n SIDI,

di temmurt n midden?

5 Mařa necc ttuɣ cem, a Urcalim,

xenni iři axmi mařa afus afusi ittu ixef nnes.

6 Ejj ad ayi iřṣeq iřes inu x waneɣ inu,

mařa war cem ttidareɣ,

mařa war ssɛuǧiɣ Urcalim x řefraḥet inu tameqqrant qaɛ.

7 A SIDI, ɛqeř x ayt n Idum, deg wass n Urcalim,

inni iqqaren: “Ɛarram tt, ɛarram tt, ař dsas nnes!” ^■  

8 A yeǧis n Babil, cem tenni ittwasḥuzen i wareddeǧ,

sseɛd n yinni d am i ɣa ixeǧṣen tameggit iɛeffnen i dayneɣ teggid. ^■  

9 Sseɛd n wenni i ɣa iṭṭfen iḥenjiren nwen imeẓyanen,

ad ten teřbez x teṣḍart.