110
1 Azehhed n Dawud. SIDI inna i Sidi inu:
Qim ɣar ufus afusi inu,
ař dd-ssarseɣ řɛedyan nnek d tanebdat sadu iḍaren nnek.
2 SIDI ad issekk taɣɣarct n ṣṣulṭa nnek zi Ṣihyun,
Cek ad tṣellṭed di řwest n řɛedyan nnek.
3 Řgens nnek ad yiři d amseɛɛaf deg wass n ṣṣulṭa nnek,
di tissiqt iqeddsen zi řemřawřet n tuffut,
ammu i ɣa yiři i Cek nnda n yinni ɛad mammec d ac dd-ittwaxeřqen.
4 SIDI ijjuǧ, ɛemmarṣ ad xas indem:
“Cek d Akehhan i řebda di ṣṣifet inu, Malkiṣadiq. ■
5 SIDI aqa-t ɣar ufus afusi nnek.
Netta ad iřbez ijeǧiden deg wass n weɣḍab nnes.
6 Netta ad iḥakem x řegnus, aqa da tammurt teccur s řxecbat,
ad iřbez azeǧif x ict n temmurt tameqqrant. ■
7 Ak-d webrid ad isu zi teɣzart,
s uyenni ad issgeɛɛed azeǧif nnes.