1 Azehhed n Dawud.

I SIDI teǧa temmurt d uɛemmar nnes,

ddunit d imezdaɣ nnes. ^■  

2 Maɣar Netta issars dsas nnes x řebḥur,

issᵉmten i-tt x sseḥřat.

3 Wi izemmaren ad igeɛɛed adrar n SIDI,

wi izemmaren ad ibedd x wemcan nnes iqeddsen? ^■  

4 Wenni ɣar iǧa ifassen imezdagen d wuř iṣfa,

wenni war dd-ittarri řeɛmar nnes x min ifennan,

war ittjjaǧa ẓur,

5 d netta ad iksi lbaraka zi SIDI,

uřa d tasegda zi AREBBI n usenjem nnes.

6 D wa d jjiř n yinni xas yarezzun,

inni yarezzun x wudem nnek, aqa-t d Yaɛqub. Silah.

7 Sgeɛɛdent izeǧifen nwem, a tiwwura,

sgeɛɛdent ixef nkent, a tiwwura n řebda,

ḥima ad yadef ujeǧid n uɛuǧi!

8 Man wen i iǧan d Ajeǧid n uɛuǧi?

D SIDI, ijhed ijebbar,

SIDI aqa-t d ajebbar deg umenɣi.

9 Sgeɛɛdent izeǧifen nkent, a tiwwura,

sgeɛɛdent ixef nkent, a tiwwura n řebda,

ḥima ad yadef ujeǧid n uɛuǧi!

10 Min iɛna Netta, Ajeǧid-a n uɛuǧi?

SIDI n řɛeskarat d Netta d Ajeǧid n uɛuǧi. Silah.