Řḥarḍ wiss třata n Bildad
25
1 Xas uca yarra-dd Bildad, i dd-yusin zi Cuḥa, inna: 2 Ṣṣulṭa d jjehd issaggʷaden aqa-ten ɣares,
Netta ittegg řehna di řuɛřa nnes.
3 Ma izemmar ad ḥesben mecḥař i ɣares n řɛeskar?
Ma war tɛeddu tfawt nnes marra?
4 Mammec xenni izemmar bnadem ad yiři d amsegged zzat i Arebbi,
mammec izemmar wenni dd-ittwarwen zi temɣart ad yiři d amezdag? ■
5 Xzar, ɛad taziri simant nnes war tᵉttwesseg s řeṣfayet,
u itran war ṣfin di tiṭṭawin nnes. ■
6 Ahta ɛad bnadem, wenni d awekki,
u mmis n bnadem, wenni d akeccaw. ■