1 Umi iẓẓuǧ Ɛizra ammu, inɛem, iru uca iwḍa x ifadden zzat i Taddart n AREBBI, aqa issmun-dd xas řɣaci d ameqqran aṭṭas n yeryazen d temɣarin d ayt n Israil, minzi řgens iru s imeṭṭawen imeqqranen. 2 Xenni Cakanya, mmis n Yaḥiyil, ijjen zeg ayt n Ɛilam, iṭṭef deg wawař, inna i Ɛizra:

“Neccin aqa neɣdar AREBBI nneɣ uca neccin niwi timɣarin tibarraniyyin zi řegnus n temmurt nessezdeɣ i-tent akidneɣ. Xenni řexxu, aqa din řayas i Israil di man aya. 3 Ejj aneɣ ad negg ijj n řɛahd ak-d AREBBI ḥima ad naẓẓeř x marra timɣarin d min zzaysent dd-ixeřqen, ɛlaḥsab acawar n Sidi inu u n yinni ittarjijjen i řumur n AREBBI, uca xenni ad ittwagg ɛlaḥsab Ccariɛa. ^□   4 Kkar, minzi tamesřact-a aqa-tt x weɛrur nnek u neccin akidek nbedd. Iři d aryaz, egg i-t!”

5 Xenni ikkar Ɛizra uca ijja imeqqranen n ikehhanen d Ilawiyyen d marra Israil ad jjaǧen ad ggen ɛlaḥsab awař-a uca nitni jjuǧen t. 6 Xenni ikkar Ɛizra iffeɣ zi zzat i wudem n Taddart n AREBBI, yudef ɣar wexxam n Yuḥanan, mmis n Ilyasib. Umi yudef dinni, war icci aɣrum war iswi aman, maɣar icḍen x řeɣdar n imenfiyyen. 7 Uca ggin ijj n ubarreḥ di Yahuda d Urcalim i marra ayt n lmenfa maḥend ad munen di Urcalim. 8 Qaɛ wenni war dd yusin di řmijar n třata n wussan, am mammec iǧa deg ucawar n řḥukkam d imɣaren, marra agřa nnes ad as ittwaḥarrem u netta simant nnes ad ittwammsebḍa x wegraw n řgens n imenfiyyen.

9 Di třata n wussan nnjarwen marra iryazen n Yahuda d Binyamin di Urcalim. Tuɣa deg wass wiss ɛicrin n uyur wiss tesɛa. Marra řgens iqqim deg wazzay n Taddart n AREBBI, ttarjijen zi tmesřact-a uřa zeg wenẓar i dd-iwettan s waṭṭas.

10 Ikkar ukehhan Ɛizra, inna asen: “Kenniw teɣdarem u tiwyem timɣarin tibarraniyyin zi řegnus tesszedɣem tent akidwem u ammu i teggim tarnim deg umarwas n Israil.

11 Xenni řexxu, qdam SIDI, AREBBI n ibabaten nwem, u ggem min ixs Netta uca msebḍam x řegnus n temmurt uřa x temɣarin tibarraniyyin.”

12 Marra agraw n řgens yarra-dd xas s jjhed: “Aqa-t x weɛrur nneɣ maḥend ad negg ɛlaḥsab awařen nnek!

13 Maca aqa din aṭṭas n iwdan u aqa d řweqt n wenẓar u war ɣarsen bu jjehd maḥend ad qqimen bedden barra uřa d man aya war iǧi d ict n řxedmet n ijj niɣ tnayen n wussan, minzi aṭṭas zzayneɣ ɛeddan di tmesřact-a.

14 Ejj ad bedden řḥukkam deg wemcan n marra agraw n řgens uca ejj ad dd-asen deg wussan ittwaggen, inni di tneddam ɣarsen timɣarin tibarraniyyin, jmiɛ ak-d imɣaren n kuř tandint d řquḍat nnes, ař xaneɣ ɣa ibeɛɛed řḥaduq n weɣḍab n AREBBI nneɣ.”

15 Mɣir Yunatan, mmis Ɛasa’il, d Aḥazya, mmis n Tiqwa, tuɣa ttɛekksen x man aya u Macullam d Cabatay, Alawi, wcin asen afus.

16 Maca iryazen nni idewřen zi lmenfa ggin t ammu. Xenni ittwafarz ukehhan Ɛizra d yeryazen inni d izeǧifen jar ibabaten n řaǧat nsen. Nitni marra ttwařaɣan s yisem nsen uca qqimen deg wass amezwaru n uyur wiss ɛecra ḥima ad arzun di tmesřact-a

17 u deg wass amezwaru n uyur amezwaru kemmřen nitni tarezzut di marra iryazen nni iggin ad sszedɣen akidsen timɣarin tibarraniyyin.

18 Ittwaf belli inni zeg ayt n ikehhanen inni isszedɣen ɣar ixef nsen temɣarin tibarraniyyin, aqa aten zeg ayt n Yecuɛa, mmis n Yuṣadaq, u zeg aytmas, Maɛciya d Aliɛazar d Yarib d Jadalya.

19 Nitni wtin x ufus ad ssekken timɣarin nsen, u umi daysen amarwas, ad awyen ijjen zeg wuǧi i umarwas nsen.

20 Zeg iḥenjiren n Immir: Ḥanani d Zabadya.

21 Zeg iḥenjiren n Ḥarim: Maɛsiya d Iliya d Cmaɛya d Yaḥiyil, d Ɛuzziya.

22 Zeg iḥenjiren n Facḥur: Alyaɛina, Maɛciya d Ismaɛil d Natanayil d Yuzabad d Alɛasa.

23 Zi Ilawiyyen: Juzabad d Cimɛi d Qalaya, wa d Qaliṭa, d Fatḥya d Yahuda d Aliɛazar.

24 Zeg imedyazen: Alyasib, u zeg iɛessasen n tewwura: Callum d Ṭalam d Uri. ^□  

25 Zi Israil: zeg ayt n Farɛuc: Ramya d Jiziya d Malkiya d Miyamin d Aliɛazar d Malkiya d Banaya.

26 Zeg ayt n Ɛilam: Mattanya, Zakariyya d Yaḥiyil, d Ɛabdi d Yarimut d Iliya.

27 Zeg ayt n Zattu: Alyaɛinay, Ilyacib, Mattanya d Yarimut d Zabad d Ɛaziza.

28 Zeg ayt n Babay: Yuḥanan, Ḥananya, Zabbay d Ɛatlay.

29 Zeg ayt n Bani: Macullam, Mallux d Ɛadaya, Yacub d Ca’al, Yaramut.

30 Zeg ayt n Faḥat-Mu’ab: Ɛadna d Kalal, Banaya, Maɛsiya, Mattanya, Baṣaliyil d Binnuy d Manassa.

31 Zeg ayt n Ḥarim: Aliɛazar, Jaciya, Malkiya, Cmaɛya, Cimɛun. 32 Binyamin, Mallux d Camarya.

33 Zeg ayt n Ḥacum: Mattanay, Mattatta, Zabad, Ilifalaṭ, Yarimay, Manassa, Cimɛi.

34 Zeg ayt n Biɣway: Maɛaday, Ɛamram d Uwyil, 35 Banaya, Badya, Kaluhi, 36 Wanya, Marimut, Ilyacib, 37 Mattanya, Mattnay d Yaɛsu 38 d Bani d Binnuy, Cimɛi 39 d Calmaya d Natan d Ɛadaya, 40 Maknadbay, Cacay, Caray, 41 Ɛazaryil d Calamya, Camarya, 42 Callum, Amarya, Yusuf.

43 Zeg ayt n Nabu: Yaɛiyil, Mattitya, Zabad, Zabina, Yaddu d Yuwil, Banaya.

44 Marra ina tuɣa iwyen timɣarin tibarraniyyin uca ca zzaysen tuɣa ɣarsen timɣarin urwent-i-dd iḥenjiren.