Imezdaɣ n Urcalim
9
1 Marra Israil ittwazemmem di listat n jjadira u xzar, nitni ttwazemmemen deg wedlis n ijeǧiden n Israil d Yahuda. Ittwandeh Yahuda ɣar lmenfa ɣar Babil di ssibbet n řeɣdar nsen. 2 Imezdaɣ imezwura i tuɣa izeddɣen x wagřa nsen, di tneddam nsen, tuɣa aten ayt n Israil d ikehhanen d Ilawiyyen d imsexxaren n Zzawect Tameqqrant.
3 Zeg iḥenjiren n Yahuda u zeg iḥenjiren n Binyamin u zeg iḥenjiren n Ifrayim u zeg iḥenjiren n Manassa zedɣen ina di Urcalim:
4 Ɛutay, mmis n Ɛammihud, mmis n Ɛumri, mmis n Imri, mmis n Bani. Netta tuɣa zeg iḥenjiren n Fariṣ, mmis n Yahuda.
5 Zeg Aciluniyyen: Ɛasaya, amenzu ak-d iḥenjiren nnes,
6 u zeg iḥenjiren n Zaraḥ: Yaɛuyil waha.
Aytmatsen tuɣa aten di setta mya u-tesɛin.
7 Zeg iḥenjiren n Binyamin Sallu, mmis n Macullam, mmis n Huduya, mmis n Hasnuwa, 8 d Yibniya, mmis n Yaruḥam, u Iyla, mmis n Ɛuzzi, mmis n Mikri, u Macullam, mmis n Cafaṭya, mmis n Raɛuyil, mmis n Yibniya.
9 Aytmatsen, ttwasettfen ɛlaḥsab axřaq nsen, tuɣa aten di tesɛa-mya u-setta u-xemsin n yeryazen. Marra iryazen-a tuɣa aten d izeǧifen jar ibabaten n řaǧat nsen.
10 Zeg ikehhanen: Yadaɛya d Yahuyarib d Yakin
11 d Ɛazarya, mmis n Ḥilqiya, mmis n Macullam, mmis n Ṣaduq, mmis n Marayut, mmis n Axiṭub, ameḥḍayi n Taddart n AREBBI,
12 d Ɛadaya, mmis n Yaruḥam, mmis n Facḥur, mmis n Malkiya, u Maɛsay, mmis n Ɛadiyil, mmis n Yaḥzira, mmis n Macullam, mmis n Macillimit, mmis n Immir.
13 Aytmatsen inni tuɣa iqqnen ɣar izeǧifen n řaǧat-a, tuɣa aten deg ařef u-setta-mya u-settin n ayt n bu-teɣruḍt imeḥḍen, inni iggin řxedmet n tsexxart di Taddart n AREBBI.
14 Zeg Ilawiyyen: Cmaɛya, mmis n Ḥacub, mmis n Ɛazriqam, mmis n Ḥacabya, zeg iḥenjiren n Marari,
15 d Baqbaqar d Ḥarac d Jalal d Matanya, mmis n Mixa, mmis n Zikri, mmis n Asaf,
16 d Ɛubaya, mmis n Cmaɛya, mmis n Jalal, mmis n Yadutun, d Baraxya, mmis n Asa, mmis n Ilqana, wenni izeddɣen di ředcur n Inufatiyyen.
17 Iɛessasen n tewwart tuɣa aten d Callum, Ɛaqqub, Ṭalmun d Aximan d tawmat nsen. Callum tuɣa-t d azeǧif.
18 Ař řexxu bedden nitni ɣar tewwart n ujeǧid di manis i dd-tneqqar tfuct. Nitni d iɛessasen n tewwart ɣar řemrageḥ n řɛeskar n ayt n Lawi.
19 Callum, mmis n Quri, mmis n Abiyasaf, mmis n Quraḥ, d aytmas inni tuɣa iqqnen ɣar řaǧ nnes, Iquraḥiyyen, tuɣa aten x řxedmet n tsexxart, nitni d iɛessasen n tewwura n Uqiḍun, am mammec tuɣa ibabaten nsen d iɛessasen n tewwura di řmargeḥ n řɛeskar n SIDI. 20 Finaḥas, mmis n Aliɛazar, tuɣa-t zic d amgewwed nsen. SIDI tuɣa akides. 21 Zakariyya, mmis n Macalmiya, tuɣa-t d aɛessas ɣar wadaf n Uqiḍun n Umsagar.
22 Marra inni ittwafarzen am iɛessasen n tewwart ɣar wadafen, tuɣa aten di mitayen u-tenɛac n yeryazen. Nitni ttwazemmemen di lista n jjadira di ředcur nsen. Dawud d Camwil, amwařaw, ssmetnen ten di řfusina i d asen dd-ittwawekkřen. 23 Nitni tuɣa ttɛessan ak-d iḥenjiren nsen ɣar tewwura n Taddart n SIDI, di Taddart n Uqiḍun. 24 Iɛessasen n tewwura tuɣa bedden ɣar arebɛa n jjwayeh n usemmiḍ, ɣar ccarq, ɣar řɣarb, ɣar ccamal, ɣar ljanub. 25 Aytmatsen inni tuɣa izeddɣen di ředcur nsen, usin-dd di řwawqat ittwaggen ḥima ad sexxaren akidsen sebɛa n wussan. 26 Maɣar di řxedmet i d asen-dd ittwawekkřen tuɣa nitni d arebɛa n iɛessasen imezwura x tewwura, nitni d Ilawiyyen. Nitni ttwařeqqmen x ixxamen u x txubay n Taddart n AREBBI. 27 Di ǧiřet ssensen deg wenneḍ n Taddart n AREBBI, maɣar tuɣa ttwakellfen s tɛessast d warzam n tewwart kuř ṣṣbeḥ. 28 Ca zzaysen ttwaggen x dduzanat n tsexxart, maɣar nitni ḥesben ten umi ten ssidfen u umi ten ssuffɣen. 29 Ca nneɣni zzaysen ttwaggen x dduzanat u x marra řeqcuɛ iqeddsen u x waren n ssmid d binu d zzect d jjawi d řeɛṭur.
30 Imsewjjaden n txeǧeḍt ittfuḥen ak-d řeɛṭur tuɣa aten zeg iḥenjiren n ikehhanen.
31 Mattitya, ijjen zeg ayt n Lawi, tuɣa d amenzu n Callum, Aquraḥi. Ittwawekkeř as ad issewjed tasnennit. 32 Zeg iḥenjiren n Iqahatiyyen, zeg aytmatsen, tuɣa ca ttwařeqqmen x weɣrum n wescan ḥima ad t ssarsen di ṭṭabřa kuř ass n ssebt.
33 Nitni tuɣa aten uřa d imedyazen, izeǧifen jar ibabaten n řaǧat jar Ilawiyyen, inni ittwanfekken zi řexdayem nneɣni minzi tuɣa xasen ḥima ad ceɣřen ak-d řxedmet-a ass d ǧiřet.
34 Ina tuɣa aten d izeǧifen jar ibabaten n řaǧat n Ilawiyyen, ttwasettfen ɛlaḥsab axřaq nsen, izeǧifen i iǧan. Nitni tuɣa zeddɣen di Urcalim.
Tarwa n Jibɛun
35 Di Jibɛun zedɣen Yaɛiyil, babas n Jibɛun, u isem n temɣart nnes tuɣa-t Maɛka. 36 Mmis nnes amenzu tuɣa Ɛabdun, u xenni tuɣa zeddɣen din Ṣur d Qis d Nir d Nadab 37 d Jadur d Axiyu d Zakariyya d Miqlut. 38 Miqlut ijja-dd Cimɛa. Uřa d nitni tuɣa zeddɣen ajemmaḍ n aytmatsen di Urcalim, jmiɛ ak-d aytmatsen inneɣni.
39 Nir ijja-dd Qis u Qis ijja-dd Cawul u Cawul ijja-dd Yunatan d Malkicuɛa d Abinadab d Icbaɛal.
40 Mmis n Yunatan tuɣa Marib-Baɛal u Marib-Baɛal ijja-dd Mixa.
41 Iḥenjiren n Mixa tuɣa aten d Fitun d Malak d Taḥriɛa.
42 Aḥaz ijja-dd Yaɛra u Yaɛra ijja-dd Ɛalmat d Ɛazmut d Zimri u Zimri ijja-dd Muṣa
43 u Muṣa ijja-dd Binɛa. Mmis nnes tuɣa Rafaya, mmis nnes Ilɛasa u mmis nnes Aṣil.
44 Aṣil tuɣa ɣares setta n iḥenjiren u ina d ismawen nsen: Ɛazriqam d Bukra d Ismaɛil d Caɛarya d Ɛubadya d Ḥanan. Ina tuɣa aten d iḥenjiren n Aṣil.