1 Řexxu ayt n Rubin, amenzu n Israil, minzi netta tuɣa-t d amenzu, maca umi netta iɛarra x tassut n babas, temmewc tasɣart n tmenzut nnes i iḥenjiren n Yusuf, mmis n Israil, maca war iǧi amenni ařami netta ittwazemmem di lista n jjadira ɛlaḥsab tasɣart n tmenzut nnes. ^□   2 Maɣar Yahuda idweř d bu-teɣruḍt jar aytmas u zzayes iffeɣ amgewwed, waxxa tasɣart n tmenzut tuɣa-tt ɣar Yusuf.

3 Iḥenjiren n Rubin, amenzu n Israil, tuɣa aten d Ḥanuk d Fallu, Ḥaṣrun d Karmi.

4 Tarwa n Yuwil: mmis Cmaɛya, mmis nnes Hajuj, mmis nnes Cimɛi, 5 mmis nnes Mixa, mmis nnes Ra’aya, mmis nnes Baɛl, 6 mmis nnes Ba’ira, wenni yiwyi Tiɣlat-Filnasar, ajeǧid n Accur, di lmenfa. Netta tuɣa d ameqqran n Irubiniyyen.

7 Aytmas, ttwasettfen ɛlaḥsab řaǧat nsen, umi nitni ttwazemmemen di lista n jjadira ɛlaḥsab axřaq nsen, tuɣa aten d azeǧif Yaɛiyil d Zakariyya ^□  

8 u Bilaɛ, mmis n Asa, mmis n Camɛi, mmis n Yuwil. Netta tuɣa izeddeɣ di Ɛaruɛir ař Nabu d Baɛl-Maɛun. 9 Izdeɣ di ccarq ɣares ař wadaf ɣar řexřa, zeg iɣzar n Lfuraṭ, maɣar řebhayem nsen dewřen s waṭṭas di temmurt n Jilɛad.

10 Deg wussan n Cawul ggin nitni amenɣi ak-d Ihajriyyen, inni iwḍan s ufus nsen. Nitni ggin ad zedɣen deg iqiḍan nsen x marra aɣezdis ɣar ccarq n Jilɛad.

11 Tarwa n Jad tuɣa zeddɣen ajemmaḍin nsen di temmurt n Bacan ɣares ař Salxa.

12 Yuwil tuɣa-t d azeǧif nsen u Cafam tuɣa-t d wiss tnayen, uca Yaɛnay d Cafat zedɣen di Bacan.

13 Aytmatsen, ɛlaḥsab n řaǧat nsen, tuɣa aten d Mixayil d Macullam d Cabɛa d Yuray d Yaɛkan d Ziɛa d Ɛabir, sebɛa n wawmaten.

14 Ina tuɣa aten d iḥenjiren n Abiḥayil, mmis n Ḥuri, mmis n Yaruḥ, mmis n Jilɛad, mmis n Mixayil, mmis n Yacicay, mmis n Yahdu, mmis n Buz.

15 Axi, mmis n Ɛabdiyil, mmis n Juni, tuɣa-t d azeǧif n řaǧ nsen.

16 Nitni zedɣen di Jilɛad, di Bacan u di tneddam i ɣares dd-iqqnen u di marra ddmani n tarewsa n Carun ař timawin nsen.

17 Marra ina ttwazemmemen di listat n jjadira deg wussan n Yutam, ajeǧid n Yahuda, u deg wussan n Yarubɛam, ajeǧid n Israil.

18 Zeg ayt n Rubin d Ijadiyyen d wezyen n teqbič n Manassa, zeg ayt n umenɣi, zeg yenni yarebbun taseddart n uɛeskari d ssif d yenni imeḥḍen řqews u tuɣa darrben deg umenɣi, aqa din arebɛa u-rebɛin-ařef u-sebɛa-mya u-settin inni dd-iffɣen ak-d řɛeskar.

19 Nitni mmenɣen ak-d Ihajriyyen u ak-d Yaṭur d Nafic d Nudab. 20 Nitni ttwaɛawnen deg umenɣi akidsen uca Ihajriyyen d marra inni akidsen iǧan, mmewcen deg ufus nsen, maɣar nitni sɣuyyen deg umenɣi ɣar AREBBI u wanita ijja ad issarḍa ixef nnes s tẓaǧit yuǧɣen nsen, minzi nitni tecřen xas. 21 Nitni ḥewwsen řmař nsen: xemsin-ařef n iřeɣman nsen, mitayen u-xemsin-ařef n wuǧi u ařfayen n yeɣyař u myat-ařef n iwdan. ^□   22 Minzi tuɣa din aṭṭas n yinni ittwanɣen, maɣar tuɣa-t d ijj n umenɣi n AREBBI. Nitni ggin ad din zedɣen deg wemcan nsen ař lmenfa.

23 Tarwa n wezyen n teqbič n Manassa zedɣen di temmurt nni. Nitni mmarnin zi Bacan ař Baɛl-Ḥirmun d Sanir d wedrar n Ḥarmun. 24 Ina tuɣa aten d izeǧifen n řaǧat nsen: Ɛifar d Yacɛi d Iliyil d Ɛazriyil d Irmiya d Hudaya d Yaḥdiyil. Nitni tuɣa aten d ayt n bu-teɣruḍt, iryazen imeḥḍen, iryazen n yisem, izeǧifen n řaǧat nsen. 25 Nitni ɣdaren AREBBI n ibabaten nsen u ssfesden ixef nsen s irebbiten n řegnus n temmurt, inni tuɣa iteḥḥa AREBBI zzat i wudem nsen. 26 Xenni issekkar AREBBI n Israil buḥbeř n Ful, ajeǧid n Accur, d buḥbeř n Tiɣlat-Filnasar, ajeǧid n Accur, u wanita indeh i-ten ɣar lmenfa, Irubiniyyen d Ijadiyyen d wezyen n teqbič n Manassa. Netta yiwyi ten ɣar Ḥalaḥ d Xabur d Hara u ɣar iɣzar n Juzan, u nitni qqimen dinni ɣares ař ass-a.

27 Iḥenjiren n Lawi tuɣa aten d Jarcun, Qahat d Marari.

28 Iḥenjiren n Qahat tuɣa aten d Ɛamram, Yiṣhar d Ḥabrun d Ɛuzziyil.

29 Iḥenjiren n Ɛamram tuɣa aten d Harun d Musa, u Maryam učmatsen. Iḥenjiren n Harun tuɣa aten d Nadab d Abihu, Aliɛazar d Itamar.

30 Aliɛazar ijja-dd Finaḥas, Finaḥas ijja-dd Abicuɛa,

31 Abicuɣa ijja-dd Buqqi, Buqqi ijja-dd Ɛuzzi,

32 Ɛuzzi ijja-dd Zaraḥya, Zaraḥya ijja-dd Marayut,

33 Marayut ijja-dd Amarya, Amarya ijja-dd Axiṭub,

34 Axiṭub ijja-dd Ṣaduq, Ṣaduq ijja-dd Aximaɛaṣ,

35 Aximaɛaṣ ijja-dd Ɛazarya, Ɛazarya ijja-dd Yuḥanan

36 u Yuḥanan ijja-dd Ɛazarya. Wanita tuɣa d wenni ittsexxaren am ukehhan di Taddart i ibna Suliman di Urcalim.

37 Ɛazarya ijja-dd Amarya, Amarya ijja-dd Axiṭub,

38 Axiṭub ijja-dd Ṣaduq, Ṣaduq ijja-dd Callum,

39 Callum ijja-dd Ḥilqiya, Ḥilqiya ijja-dd Ɛazarya,

40 Ɛazarya ijja-dd Saraya u Saraya ijja-dd Yahuṣadaq.

41 Yahuṣadaq yuyur akidsen umi SIDI indeh Yahuda d Urcalim ɣar lmenfa s ufus n Nabuxadnaṣṣar.