Tarwa n Yahuda
4
1 Iḥenjiren n Yahuda tuɣa aten d Fariṣ, Ḥaṣrun d Karmi d Ḥur d Cubal. 2 Ra’aya, mmis n Cubal, ijja-dd Yaḥat u Yaḥat ijja-dd Axumay d Lahad. Tina tuɣa atent d řaǧat n Iṣarɛiyyen.
3 Ina tuɣa aten n babas n Ɛiṭam: Yazraɛil, Yacma d Yadbac. Isem n učmatsen tuɣa-t d Haṣṣalalfuni. 4 Fanuwil tuɣa-t d babas n Jadur, u Ɛazar tuɣa-t d babas n Ḥuca. Ina tuɣa aten d iḥenjiren n Ḥur, amenzu n Ifrata, babas n Bayt-Laḥm.
5 Acḥur, babas n Taquɛa, tuɣa ɣares tnayen n temɣarin, Ḥala d Naɛra. 6 Naɛra turuw as-dd Axuzzam, Ḥafar, Ataymani d Axactari. Ina tuɣa aten d iḥenjiren n Naɛra.
7 Iḥenjiren n Ḥala tuɣa aten d Ṣarat, Ṣuḥar d Itnan.
8 Quṣ ijja-dd Ɛanub d Haṣubiba, d řaǧat n Axarḥil, mmis n Harum.
9 Yaɛbiṣ tuɣa ɣares ccan x yaytmas. Yemmas tuɣa tegga as Yaɛbiṣ, maɣar nettat tenna: “Necc urweɣ t-i-dd s řeḥriq.”
10 Yaɛbiṣ iřaɣa x AREBBI n Israil, inna: “Mařa Cek tbarked ayi u ad twessɛed aymir n temmurt inu uca ad kidi yiři ufus nnek, ad xafi tessiggʷejed řɣar ḥima war d ayi iřeqqef tamara ...!” Uca AREBBI issiweḍ as min ittar.
11 Kalub, umas n Cuḥa, ijja-dd Maḥir. Wanita d babas n Ictun.
12 Ictun ijja-dd Bayt-Rafa d Fasiḥ d Taḥinna, babas n tendint n Ɛir-Naḥac. Ina d iryazen n Rayka. □
13 Iḥenjiren n Qanaz tuɣa aten d Ɛutniyil, Saraya u iḥenjiren n Ɛutniyil, mɣir Ḥatat.
14 U Maɛunatay ijja-dd Ɛafra, Ɛafra u Saraya ijja-dd Yuwab, babas n Teɣzurt n Iḥrayfiyyen, maɣar nitni d iḥrayfiyyen.
15 Iḥenjiren n Kalib, mmis n Yafunni, tuɣa aten d Ɛiru, Iyla d Naɛam. Iḥenjiren n Iyla, mɣir Qinaz.
16 Iḥenjiren n Yahlaliyil tuɣa aten d Zif d Zifa d Tiriya d Asarayil.
17 Iḥenjiren n Ɛizra tuɣa aten d Yatar d Marad d Ɛifar d Yalun. Nettat, Bitya turuw-dd Maryam d Cammay d Yicbaḥ, baba as n Ictamuɛ,
18 řami dd-turuw temɣart nnes Tayahudect Yarad, babas n Jadur, d Ḥabir, babas n Suku, d Yaqutiyil, babas n Zanuḥ, maca inneɣni nitni tuɣa aten d iḥenjiren n Bitya, yeǧis n Firɛun, tenni yiwi Marad d tamɣart. □
19 Iḥenjiren n temɣart n Hudiya, učmas n Naḥam, tuɣa aten d babas n tendint n Qaɛila, Ajarmi, d Ictamuɛ, Amaɛki.
20 Iḥenjiren n Cimun tuɣa aten d Amnun d Rinna, Bin-Ḥanan d Tilun. Iḥenjiren n Yiɛci tuɣa aten d Zuḥayt d Ban-Zuḥayt.
21 Iḥenjiren n Cayla, mmis n Yahuda, tuɣa aten d Ɛir, babas n Lika, Laɛda, babas n Marica d řaǧat n taddart n yinni ixeddmen s tiffest di taddart n Acbiɛa.
22 U xenni Yuqim d yeryazen n Kuziba, d Yuwac d Saraf, inni iṣeǧḍen x Mu’ab, d Yacubi-Laḥm. D man aya d řexbarat tiqdimin. 23 Nitni tuɣa aten d ayt n bu-třaxt u zedɣen di Nataɛim d Jadira. Nitni qqimen zeddɣen din ḥima ad sexxaren i ujeǧid.
Tarwa n Cimɛun
24 Iḥenjiren n Cimɛun tuɣa aten d Namuyil d Yamin, Yarib, Zaraḥ, Cawul.
25 Callum d mmis, d mmis nnes Mibsam, d mmis nnes Micmaɛ.
26 Iḥenjiren n Micmaɛ: mmis Ḥammuyil, mmis nnes Zakkur, mmis nnes Cimɛi.
27 Cimɛi tuɣa ɣares seṭṭac n iḥenjiren d setta n tḥenjirin. Maca aytmas war ɣarsen tuɣi bu iḥenjiren aṭṭas u marra řaǧat nsen war mmarnint ca am tinni n iḥenjiren n Yahuda. 28 Nitni zedɣen di Bi’r-Sebɛa, di Mulada, di Ḥaṣar-Cuɛal, 29 di Bilha di Ɛaṣim, di Tulad, 30 di Bituwil, di Ḥurma, di Ṣiqlaɣ, 31 di Bayt-Markabut, di Ḥaṣar-Susim, di Bayt-Biri u di Caɛarayim. Ař idweř Dawud d ajeǧid tuɣa ina d tineddam nsen 32 d dcurat nsen: Ɛiṭam, Ɛayn, Rimmun, Tukan d Ɛacan, xemsa n tneddam 33 ak-d marra dcurat i d asent-i-dd innḍen i tneddam-a, ɣares ař Baɛl. Tina d jjwayeh mani zedɣen u nitni ḥḍan s yixef nsen lista n jjadira.
34 Macubab d Yamlik d Yuca, mmis n Amaṣya, 35 d Yuwil d Yahu, mmis n Yuciba, mmis n Saraya, mmis n Ɛasiyil, 36 d Ilyuɛinay d Yaɛquba d Yacuḥaya d Ɛasaya d Ɛadiyil d Yasimiyil d Banaya 37 d Ziza, mmis n Cifɛi, mmis n Allun, mmis n Yadaya, mmis n Cimri, mmis n Cmaɛya. 38 Ina, inni i da ittwařaɣan s yisem nsen, tuɣa aten d imeqqranen di řaǧat nsen uca tudrin n ibabaten nsen tuɣa mmarnin aṭṭas. 39 Nitni uyuren ɣares ař dd-usin ɣar Jadur, ɣar ccarq n teɣzurt, ḥima ad ufin mani i ɣa ihedden wuǧi nsen. 40 Nitni ufin din ddmani n tarewsa ccuren mliḥ, cnan uřa d ict n temmurt tewseɛ ɣar marra iɣezdisen, tarsa u dayes řhudnet, maɣar inni n Ḥam tuɣa zeddɣen din zic. 41 Ina, inni ittwazemmemen s ismawen nsen, usin-dd deg wussan n ujeǧid Ḥizqiya, ajeǧid n Yahuda, u nitni hedmen iqiḍan nsen uřa d Imaɛuniyyen inni din ufin. Nitni teḥḥan ten, ɣares ař ass-a. Nitni uyuren ad zedɣen deg wemcan nsen, maɣar tuɣa dinni tammurt n tarewsa i wuǧi nsen. □
42 Zeg ina, zeg iḥenjiren n Cimɛun, ffɣen ɛawed xemsa mya n yeryazen ɣar idurar n Saɛir. Falaṭya d Naɛriya d Rafaya d Ɛuzziyil, iḥenjiren n Yicɛi, bedden ɣar uzeǧif nsen. 43 Nitni nɣin min iqqimen n Iɛamaliqiyyen inni dd innejmen u nitni zeddɣen dinni ař ass-a.