Isafaren zi Miṣra ař aymir n temmurt n Kenɛan
33
1 Ammu i mmuṭṭiyen ayt n Israil inni dd-iffɣen zi temmurt n Miṣra, zeg wemcan ɣar wemcan, ɛlaḥsab tarbiɛin n řɛeskar nsen, s ufus n Musa d Harun. 2 X řumur n SIDI yura Musa imucan manis dd-ffɣen ak-d ireḥḥalen nsen. Ina d ireḥḥalen nsen ak-d imucan manis dd-ffɣen. 3 Fesyen iqiḍan nsen, ffɣen zi Raɛamsis deg uyur amezwaru, deg wass wiss xemmesṭac n uyur amezwaru. Di ṣṣbeḥ, deɣya awarni i Tɣarṣt n Useɛdu ffɣen-dd ayt n Israil s yijj n ufus ittwasgeɛɛden zzat i tiṭṭawin n marra Imiṣriyyen, ■ 4 umi tuɣa ceɣřen Imiṣriyyen neṭṭřen marra imenza nsen inni iwta SIDI s řmewt jar asen. Ɛawed issiweḍ SIDI řeḥkam nnes x irebbiten nsen.
5 Fesyen ayt n Israil iqiḍan nsen, ffɣen zi Raɛamsis uca wtin iqiḍan nsen di Sukkut.
6 Fesyen iqiḍan nsen, ffɣen zi Sukkut uca wtin iqiḍan nsen di Itam ɣar tma n řexřa. ■
7 Fesyen iqiḍan nsen, ffɣen zi Itam uca dewřen-dd ɣar Pi-Haḥirut nni iǧan arendad n Baɛl-Ṣafun uca wtin iqiḍan nsen zzat i wudem n Majdal. ■
8 Fesyen iqiḍan nsen, ffɣen zi Pi-Haḥirut uca cukken di řwest n řebḥar ɣar řexřa uca uyuren ticři n třata n wussan di řexřa n Itam, xenni wtin iqiḍan nsen di Mara. ■
9 Fesyen iqiḍan nsen, ffɣen zi Mara uca iwḍen ɣar Ilim, mani iǧa tenɛac n iɣbaluten n waman d sebɛin n tcejjura n tini uca wtin iqiḍan nsen din. ■
10 Fesyen iqiḍan nsen, ffɣen zi Ilim uca wtin iqiḍan nsen ɣar Řebḥar n Telga.
11 Fesyen iqiḍan nsen, ffɣen zi Řebḥar n Telga uca wtin iqiḍan nsen di řexřa n Sin. ■
12 Fesyen iqiḍan nsen, ffɣen zi řexřa n Sin uca wtin iqiḍan nsen di Dufqa.
13 Fesyen iqiḍan nsen, ffɣen zi Dufqa uca wtin iqiḍan nsen di Aluc.
14 Fesyen iqiḍan nsen, ffɣen zi Aluc uca wtin iqiḍan nsen di Rafidim, mani war yufi aman i řgens ad issu. ■
15 Fesyen iqiḍan nsen, ffɣen zi Rafidim uca wtin iqiḍan nsen di řexřa n Sina.■
16 Fesyen iqiḍan nsen, ffɣen zi řexřa n Sina uca wtin iqiḍan nsen di Qabarut-Hata’awat. ■
17 Fesyen iqiḍan nsen, ffɣen zi Qabarut-Hata’awat uca wtin iqiḍan nsen di Ḥaḍayrut.
18 Fesyen iqiḍan nsen, ffɣen zi Ḥaḍayrut uca wtin iqiḍan nsen di Ritma.
19 Fesyen iqiḍan nsen, ffɣen zi Ritma uca wtin iqiḍan nsen di Rimmun-Fariṣ.
20 Fesyen iqiḍan nsen, ffɣen zi Rimmun-Fariṣ uca wtin iqiḍan nsen di Libna.
21 Fesyen iqiḍan nsen, ffɣen zi Libna uca wtin iqiḍan nsen di Rissa.
22 Fesyen iqiḍan nsen, ffɣen zi Rissa uca wtin iqiḍan nsen di Qihaylata.
23 Fesyen iqiḍan nsen, ffɣen zi Qihaylata uca wtin iqiḍan nsen di wedrar n Cafar.
24 Fesyen iqiḍan nsen, ffɣen zeg wedrar n Cafar uca wtin iqiḍan nsen di Ḥarada.
25 Fesyen iqiḍan nsen, ffɣen zi Ḥarada uca wtin iqiḍan nsen di Maqhaylut.
26 Fesyen iqiḍan nsen, ffɣen zi Maqhaylut uca wtin iqiḍan nsen di Taḥat.
27 Fesyen iqiḍan nsen, ffɣen zi Taḥat uca wtin iqiḍan nsen di Taraḥ.
28 Fesyen iqiḍan nsen, ffɣen zi Taraḥ uca wtin iqiḍan nsen di Mitqa.
29 Fesyen iqiḍan nsen, ffɣen zi Mitqa uca wtin iqiḍan nsen di Ḥacmuna.
30 Fesyen iqiḍan nsen, ffɣen zi Ḥacmuna uca wtin iqiḍan nsen di Musirut.■
31 Fesyen iqiḍan nsen, ffɣen zi Musirut uca wtin iqiḍan nsen di Bani-Yaɛqan.
32 Fesyen iqiḍan nsen, ffɣen zi Bani-Yaɛqan uca wtin iqiḍan nsen di Ḥur-Jidjad.
33 Fesyen iqiḍan nsen, ffɣen zi zi Hur-Jidjad uca wtin iqiḍan nsen di Yutbat.
34 Fesyen iqiḍan nsen, ffɣen zi zi Yutbat uca wtin iqiḍan nsen di Ɛabruna.
35 Fesyen iqiḍan nsen, ffɣen zi zi Ɛabruna uca wtin iqiḍan nsen di Ɛiṣyun-Jabar.
36 Fesyen iqiḍan nsen, ffɣen zi zi Ɛiṣyun-Jabar uca uca wtin iqiḍan nsen di řexřa n Ṣin nni yeǧa Qadac. ■
37 Fesyen iqiḍan nsen, ffɣen zi Qadac uca wtin iqiḍan nsen ɣar wedrar n Hur, ɣar tma n temmurt n Idum. ■
38 Yuři ukehhan Harun adrar n Hur am mammec d as inna SIDI uca immut din deg useggʷas wiss arebɛin awarni i uffuɣ n ayt n Israil zi temmurt n Miṣra, deg uyur wiss xemsa, deg wass amezwaru n uyur. ■ 39 Tuɣa Harun ɣares mya u-třata u-ɛicrin n iseggʷusa umi immut deg wedrar n Hur.
40 Uca Akenɛani, ajeǧid n Ɛarad, wenni tuɣa izeddɣen di ljanub n temmurt n Kenɛan, isřa s twasit n ayt n Israil. ■
41 Fesyen iqiḍan nsen, ffɣen zeg wedrar n Hur uca wtin iqiḍan nsen di Ṣalmuna.■
42 Fesyen iqiḍan nsen, ffɣen zi Ṣalmuna uca wtin iqiḍan nsen di Funun.
43 Fesyen iqiḍan nsen, ffɣen zi Funun uca wtin iqiḍan nsen di Ubut. ■
44 Fesyen iqiḍan nsen, ffɣen zi Ubut uca wtin iqiḍan nsen di řxirbat n Ɛabarim di jjwayeh n weymir ak-d Mu’ab. □
45 Fesyen iqiḍan nsen, ffɣen zi řxirbat n Ɛabarim uca wtin iqiḍan nsen di Dibun-Jad.
46 Fesyen iqiḍan nsen, ffɣen zi Dibun-Jad uca wtin iqiḍan nsen di Ɛalmun-Diblatayim.
47 Fesyen iqiḍan nsen, ffɣen zi Ɛalmun-Diblatayim uca wtin iqiḍan nsen deg idurar n Ɛabarim zzat i wudem n wedrar n Nabu.
48 Fesyen iqiḍan nsen, ffɣen zeg idurar n Ɛabarim uca wtin iqiḍan nsen di řewḍat n Mu’ab ɣar L'Urdun arendad i Ariḥa.
49 Xenni wtin iqiḍan nsen ɣar L'Urdun zi Bayt-Yacimut ař Abal-Ciṭṭim di řewḍat n Mu’ab.■
Awařen n Musa x uṭeffu n Kenɛan
50 Issiweř SIDI ak-d Musa di řewḍat n Mu’ab ɣar L'Urdun arendad n Ariḥa, inna:
51 “Siweř ak-d ayt n Israil uca ini asen: ‘Xmi i ɣa tiři teẓwam L'Urdun ɣar temmurt n Kenɛan, 52 xenni ittxeṣṣa kenniw ad tessuffɣem marra imezdaɣ n temmurt zzat i uɣembub nwem d marra řexyařat nsen ineqcen ad tent taredǧem. Ɛawed ittxeṣṣa kenniw ad tᵉteḥḥam marra řexyařat ifesyen nsen d marra řegɛudi nsen. ■ 53 Ad tᵉṭṭfem tammurt d řwart uca ad dayes tzedɣem, minzi Necc wciɣ awem tammurt nni d agřa. 54 U ad tebḍam tammurt s tqedduḥt amecnaw řwart x řaǧat nwem. Wi ɣar iǧa aṭṭas, ad as tewcem aṭṭas u wenni ɣar iǧa drus, ad as tewcem drus. Mani d as dd-tusa tqedduḥt, ad yiři nnes. Ɛlaḥsab tiqebbař n ibabaten nwem ad twartem tasɣart nwem. ■ 55 Maca mařa kenniw war tessuffɣem ca imezdaɣ n temmurt zzat i wudem nwem, xenni ad imsar inni i ɣa tejjem ad qqimen, ad dewřen d isennanen di tiṭṭawin nwem d iwezwizen deg iɣezdisen nwem uca nitni ad kenniw ḥṣaren di temmurt nni mani tzeddɣem. ■ 56 Uca xenni ad imsar ad awem ggeɣ am mammec tuɣa xarrṣeɣ ad akidsen ggeɣ.”