1 “Deg uyur wiss sebɛa, deg wass amezwaru n uyur, ad teggem ijj n umuni iqeddsen. War tteggem uřa d ict n řxedmet i ittxeṣṣan ad tᵉttwagg. Ad awem yiři d ijj n wass n uṣuḍi s wesruddeḥ di řbuq. ^■   2 Ad tesswejdem ict n tɣarṣt n wecmaḍ am ict n řefwaḥet ittfuḥen i SIDI: ijj n uyenduz d yijj n icarri d sebɛa n izmaren icnan qaɛ n ijj n useggʷas

3 ak-d tewhibt nnes n řɣiǧet zeg waren azdad ixeǧḍen s zzect: třata n teɛcurin n yijj n ifa i uyenduz d tnayen n teɛcurin n yijj n ifa i icarri 4 uca ict n teɛcart n yijj n ifa i kuř izmar, uca ammu i sebɛa n izmaren marra. 5 Swejdem ɛawed ijj n iɣayḍ d ameẓyan am tɣarṣt n ddenb maḥend ad xawem ittwagg weṣřaḥ 6 sennej i usewjed n tɣarṣt n wecmaḍ ak-d tewhibt nnes n řɣiǧet d sennej i usewjed n tɣarṣt n wecmaḍ n řebda ak-d tewhibt nnes n řɣiǧet d tewhibin nnes n useyyeb, ɛlaḥsab lfariḍa, am ict n řefwaḥet ittfuḥen, ict n tɣarṣt n tmessi i SIDI.

7 Deg wass wiss ɛecra ad teggem ijj n umuni iqeddsen uca ad tesswaḍɛem ixef nwem. War tteggem uřa d ict n řxedmet. ^■   8 Ad dd-tessqarrbem ict n tɣarṣt n wecmaḍ am ict n řefwaḥet ittfuḥen i SIDI: ijj n uyenduz d yijj n icarri d sebɛa n izmaren icnan qaɛ n ijj n useggʷas. Ittxeṣṣa ad awem iřin cnan aṭṭas. ^■   9 Ɛawed tawhibt nnes n řɣiǧet n waren azdad ixeǧḍen s zzect: třata n teɛcurin n yijj n ifa i yijj n uyenduz, tnayen n teɛcurin n yijj n ifa i yijj n icarri

10 u ict n teɛcart n yijj n ifa i kuř ijj n izmar, uca ammu i sebɛa n izmaren marra.

11 Swejdem ɛawed ijj n iɣayḍ ameẓyan am tɣarṣt n ddenb, sennej i usewjed n tɣarṣt n ddenb i zi tᵉttwagg weṣřaḥ uca uřa d taɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

12 Deg wass wiss xemmesṭac n uyur wiss sebɛa ad teggem ijj n umuni iqeddsen. War tteggem uřa d ict n řxedmet i ittxeṣṣan ad tᵉttwagg. Sebɛa n wussan ad tɛeyydem i SIDI.

13 Ad dd-tessqarrbem ict n tɣarṣt n wecmaḍ am tewhibt n tmessi, am ict n řefwaḥet ittfuḥen i SIDI: třeṭṭac n iyenduzen, tnayen n icarriyyen u arbeɛṭac n izmaren n ijj n useggʷas. Ittxeṣṣa ad iřin cnan qaɛ.

14 Ɛawed tawhibt nnes n řɣiǧet n waren azdad ixeǧḍen s zzect: třata n teɛcurin n yijj n ifa i yijj n uyenduz, i marra třeṭṭac n iyenduzen u tnayen n teɛcurin n yijj n ifa i yijj n ucarri, i tnayen n icarriyyen nni

15 uřa d ict n teɛcart n yijj n ifa i yijj n izmar, uca ammu i marra arbeɛṭac n izmaren nni.

16 Swejdem ɛawed ijj n iɣayḍ d ameẓyan am tɣarṣt n ddenb, sennej i usewjed n tɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

17 Deg wass wiss tnayen: tenɛac n iyenduzen d tnayen n icarriyyen d arbeɛṭac n izmaren icnan n ijj n useggʷas,

18 ak-d tewhibt nsen n řɣiǧet d tewhibin nsen n useyyeb, i iyenduzen, i icarriyyen u i izmaren, ɛlaḥsab řqedd nsen, ɛlaḥsab lfariḍa.

19 Swejdem ɛawed ijj n iɣayḍ d ameẓyan am tɣarṣt n ddenb, sennej i usewjed n tɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

20 Deg wass wiss třata: ḥiṭac n iyenduzen d tnayen n icarriyyen d arbeɛṭac n izmaren n ijj n useggʷas, ican qaɛ, 21 ak-d tewhibt nsen n řɣiǧet d tewhibin nsen n useyyeb, i iyenduzen, i icarriyyen u i izmaren, ɛlaḥsab řqedd nsen, ɛlaḥsab lfariḍa. 22 Swejdem ɛawed ijj n umyan am tɣarṣt n ddenb, sennej i usewjed n tɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

23 Deg wass wiss arebɛa: ɛecra n iyenduzen d tnayen n icarriyyen d arbeɛṭac n izmaren icnan n ijj n useggʷas, 24 ak-d tewhibt nsen n řɣiǧet d tewhibin nsen n useyyeb, i iyenduzen, i icarriyyen u i izmaren, ɛlaḥsab řqedd nsen, ɛlaḥsab lfariḍa. 25 Swejdem ɛawed ijj n iɣayḍ d ameẓyan am tɣarṣt n ddenb, sennej i usewjed n tɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

26 Deg wass wiss xemsa: tesɛa n iyenduzen d tnayen n icarriyyen d arbeɛṭac n izmaren icnan n ijj n useggʷas, 27 ak-d tewhibt nsen n řɣiǧet d tewhibin nsen n useyyeb, i iyenduzen, i icarriyyen u i izmaren, ɛlaḥsab řqedd nsen, ɛlaḥsab lfariḍa. 28 Swejdem ɛawed ijj n umyan am tɣarṣt n ddenb, sennej i usewjed n tɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

29 Deg wass wiss setta: tmenya n iyenduzen d tnayen n icarriyyen d arbeɛṭac n izmaren icnan n ijj n useggʷas, 30 ak-d tewhibt nsen n řɣiǧet d tewhibin nsen n useyyeb, i iyenduzen, i icarriyyen u i izmaren, ɛlaḥsab řqedd nsen, ɛlaḥsab lfariḍa. 31 Swejdem ɛawed ijj n umyan am tɣarṣt n ddenb, sennej i usewjed n tɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

32 Deg wass wiss sebɛa: sebɛa n iyenduzen d tnayen n icarriyyen d arbeɛṭac n izmaren icnan n ijj n useggʷas, 33 ak-d tewhibt nsen n řɣiǧet d tewhibin nsen n useyyeb, i iyenduzen, i icarriyyen u i izmaren, ɛlaḥsab řqedd nsen, ɛlaḥsab lfariḍa. 34 Swejdem ɛawed ijj n umyan ameẓyan am tɣarṣt n ddenb, sennej i usewjed n tɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

35 Deg wass wiss tmenya ad teggem ijj n umuni ifarzen. War tteggem uřa d ict řxedmet i ittxeṣṣan ad tᵉttwagg. ^■   36 Ad dd-tessqarrbem ict n tɣarṣt n wecmaḍ am tewhibt n tmessi, am ict n řefwaḥet ittfuḥen i SIDI: ijj n uyenduz d yijj n ucarri d sebɛa n izmaren icnan n ijj n useggʷas 37 ak-d tewhibt nsen n řɣiǧet d tewhibin nsen n useyyeb i uyenduz, i icarri u i izmaren, ɛlaḥsab řqedd nsen, ɛlaḥsab lfariḍa. 38 Swejdem ɛawed ijj n umyan am tɣarṣt n ddenb, sennej i usewjed n tɣarṣt n wecmaḍ ak-d tewhibt nnes n řɣiǧet d tewhibin nnes n useyyeb.

39 Ad teggem timesřayin-a i SIDI di řeɛyudat nwem ittwaggen sennej i tewhibin n řewɛud nwem d tewhibin nwem s řxaḍar ak-d tɣarṣa n wecmaḍ nwem d tewhibin nwem n řɣiǧet d tewhibin nwem n useyyeb d tewhibin nwem n řehna i kidsen ittraḥen.”