1 Ifsi Israil iqiḍan nnes ssenni, yuyur s marra min ɣares uca yiweḍ ɣar Bi’r-Sebɛa, iqeddem din tiɣarṣa i AREBBI n babas Isḥaq. 2 Uca issiweř AREBBI ak-d Israil di tmeẓra di ǧiřet, inna: “Yaɛqub, Yaɛqub!” uca inna netta: “Aqa ayi da!” 3 Xenni inna: “Necc d Arebbi, AREBBI n babac. War tteggʷed maḥend ad tehwid ɣar Miṣra, minzi Necc ad cek ggeɣ din d ijj n řgens imɣar. ^■   4 Ad kidek hwiɣ ɣar Miṣra uca Necc ad cek ssgeɛɛdeɣ ɛawed u Yusuf iggur ad xak issars ifassen nnes x tiṭṭawin nnek.” ^■  

5 Ikkar Yaɛqub, iffeɣ zi Bi’r-Sebɛa uca ksin ayt n Israil babatsen Yaɛqub d iḥenjiren nsen d temɣarin nsen deg ikarruten nni dd-issekk Firɛun maḥend ad t yawi. ^■   6 Ksin řebhayem nsen d wagřa inni yarebḥen di temmurt n Kenɛan uca iwḍen ɣar Miṣra, Yaɛqub d marra iḥenjiren nnes akides: 7 iḥenjiren nnes d iḥenjiren n iḥenjiren nnes inni tuɣa akides, yessis, d yessitsen n iḥenjiren nnes, aqa yiwi akides marra tarwa nnes ɣar Miṣra. ^□  

8 Ina d ismawen n ayt n Israil, inni yudfen ɣar Miṣra:

Yaɛqub d iḥenjiren nnes.

Amenzu n Yaɛqub: Rubin. ^■  

9 Tarwa n Rubin: Ḥanuk d Fallu d Ḥaṣrun d Karmi. ^□  

10 Tarwa n Cimɛun: Yamuyil d Yamin d Uhad d Yakin d Ṣuḥar d Cawul, mmis n temɣart Takenɛanit. ^■  

11 Tarwa n Lawi: Jarcun d Qahat d Marari. ^■  

12 Tarwa n Yahuda: Ɛir d Unan d Cayla d Fariṣ d Zaraḥ. Maca Ɛir d Unan mmuten di temmurt n Kenɛan. Tarwa n Fariṣ tuɣa aten Ḥaṣrun d Ḥamul. ^■  

13 Tarwa n Issakar: Tulaɛ d Fawwa d Yub d Cimrun.

14 Tarwa n Zabulun: Sarad d Ilun d Yaḥliyil.

15 Ina tuɣa aten d iḥenjiren n Liya inni d as dd-turuw i Yaɛqub di Fadan-Aram, uca ɛawed yeǧis Dina. Marra řeɛmur n iḥenjiren nnes d tḥenjirin tuɣa-ten di třata u-třatin.

16 Tarwa n Jad: Ṣifyun d Ḥajji d Cuni d Aṣbun d Ɛiri d Arudi d Arwili. ^■  

17 Iḥenjiren n Acir: Yimna d Yiswi d Bariɛa d učmatsen Caraḥ. D iḥenjiren n Bariɛa: Ḥabir d Malkiyil. ^■  

18 Ina tuɣa-ten d iḥenjiren n Zilpa tenni iwca Laban i yeǧis Liya. Nettat turuw-dd ina i Yaɛqub, ina seṭṭac d arruḥ. ^■  

19 Tarwa n Raḥil, tamɣart n Yaɛqub: Yusuf d Binyamin.

20 Ttwaxeřqen-dd i Yusuf di temmurt n Miṣra Manassa d Ifrayim, inni d as dd-turuw Asnat, yeǧis n Fuṭi-Faraɛ, akehhan n Un. ^■  

21 Tarwa n Binyamin: Bilaɛ d Bakir d Acbil d Jira d Naɛman d Iḥi d Ruc d Muffim d Ḥuffim d Ard. ^■  

22 Ina tuɣa-ten d iḥenjiren n Raḥil, inni dd-ittwawarwen i Yaɛqub, marra arbeɛṭac d arruḥ.

23 Tarwa n Dan: mɣir Ḥucim.

24 Tarwa n Naftali: Yaḥaṣwil d Juni d Yiṣru d Cillim. ^■  

25 Ina tuɣa aten d iḥenjiren n Bilha, tenni i d as iwca Laban i Raḥil yeǧis. Turuw as-dd ina i Yaɛqub, ina marra tuɣa aten sebɛa d arruḥ. ^■  

26 Marra řeɛmur nni dd-yusin ɣar Miṣra ak-d Yaɛqub, inni dd-iffɣen zeg uɣezdis nnes, břa timɣarin n iḥenjiren n Yaɛqub, ina marra tuɣa aten di setta u-settin d arruḥ. 27 Tarwa n Yusuf inni d as dd-ittwaxeřqen di Miṣra, aqa tnayen n řeɛmur. Marra řeɛmur n taddart n Yaɛqub nni dd-yusin ɣar Miṣra, tuɣa aten di sebɛin. ^■  

28 Uca netta issekk Yahuda zzates ɣar Yusuf ḥima ad isscen abrid zzates ɣar Jucan uca iwḍen ɣar temmurt n Jucan. 29 Indeh Yusuf ɛawed akarru nnes uca igeɛɛed ɣar Jucan maḥend ad iřqa Israil, babas. Umi d as immeř ixef nnes, ingez as x yiri, iqqim ittru x yiri nnes aṭṭas. 30 Inna Israil i Yusuf: “Řexxu zemmareɣ necc ad mmteɣ, řexxu umi ẓriɣ aɣembub nnek, zeɛma aqa ɛad teddared!” 31 Xenni inna Yusuf i yaytmas u i aytbab n taddart n babas: “Ad geɛɛdeɣ ad xebbareɣ Firɛun, ad iniɣ: ‘Aytma d taddart n baba, inni iǧan di temmurt n Kenɛan, aqa usin-dd ɣari. 32 Iryazen d imeksawen n wuǧi, tuɣa ceɣřen ixef nsen ak d řebhayem. Aqa iwyen-dd uǧi nsen d ifunasen d tfunasin nsen d marra min ɣarsen.’ 33 Mařa imsar, ad awem-dd iřaɣa Firɛun uca ad awem yini: ‘Min teɛna řxedmet i tᵉtteggem?’, 34 xenni inim: ‘Imsexxaren nnek d iryazen inni iceɣřen ak-d řebhayem zi temẓi nsen ař i řexxu, neccin uřa d řejdud nneɣ!’, ḥima ad tzedɣem di temmurt n Jucan, minzi kuř ameksaw n wuǧi, aqa-t d jjɛifect i Imiṣriyyen.” ^■