1 Ina d imezruyen n yinni dd-ittwaxeřqen zeg ayt n Nuḥ: Cam, Ḥam d Yafat. Ttwarwen asen-dd iḥenjiren awarni i sseḥřet. ^■  

2 Iḥenjiren n Yafat tuɣa aten d Jumar, Majuj, Maday, Yawan, Tubal, Macik d Tiras. ^□  ■  

3 Iḥenjiren n Jumar, tuɣa aten d Ackanaz, Rifat d Tujarma.

4 Iḥenjiren n Yawan tuɣa aten d Ilica, Tarcic d Ikittiyyen d Idudaniyyen. ^□  

5 Zzaysen i ttwabḍant tegzirin n řegnus di temmura nsen, kuř ijjen ɛlaḥsab iřes nnes uca marra ɛlaḥsab řaǧ nsen u di řegnus nsen.

6 Iḥenjiren n Ḥam tuɣa aten d Kuc, Miṣrayim, Fuṭ d Kenɛan. ^■  

7 Iḥenjiren n Kuc tuɣa aten d Siba, Ḥawila, Sabta, Raɛama d Sabtaka. Iḥenjiren n Raɛama tuɣa aten d Caba d Dadan.

8 Kuc ijja-dd Nimrud. Wanita ibda ad yiři d jjiheř di temmurt. ^■   9 Wa tuɣa d anegmar d ameqqran zzat i wudem n SIDI. Xenni qqaren: ‘Anegmar ameqqran amecnaw Nimrud zzat i wudem n SIDI.’

10 Amezwar n tgeldit nnes tuɣa atent d tineddam n Babil d Irix d Akkad d Kalni di temmurt n Cinɛar.

11 Zi temmurt nni dd-iffeɣ ɣar Accur uca ibna Ninwa, Riḥubut-Ɛir d Kalaḥ

12 d Risin jar Ninwa d Kalaḥ, nettat d tandint tameqqrant.

13 Miṣrayim ijja-dd Iludiyyen, Iɛanamiyyen, Ilahabiyyen, Inaftuḥiyyen,

14 Ifatrusiyyen, Ikasluḥiyyen, inni zi dd-iqqarṣen Ifilisṭiniyyen, uřa d Ikafturiyyen.

15 Kenɛan ijja-dd Ṣidun, amenzu nnes, d Ḥit

16 d Uyabusi d Umuri d Ujirjaci

17 d Uḥiwwiy d Uɛarqiy d Usiniy

18 d Urwadi d Uṣamari d Uḥamati. Awarni as zeǧɛent marra řaǧat n Kenɛan.

19 Tuɣa aymir n Ikenɛaniyyen zi Ṣidun ɣar Xirar ařmi d Ɣazza u ssenni ɣar Sadum d Ɛamurra d Adma d Ṣabuyim ař Lacaɛ. ^□  

20 Ina d ayt n Ḥam ɛlaḥsab řaǧ nsen, ɛlaḥsab iřsawen nsen, di timmura nsen u di řegnus nsen.

21 I Cam, wenni d jedd n marra ayt n Ɛabir, umas n Yafat, ameqqran, ttwarwen as-dd ɛawed iḥenjiren. 22 Iḥenjiren n Cam tuɣa aten d Ɛilam, Accur, Arfakcad, Lud d Aram. ^■  

23 Iḥenjiren n Aram tuɣa aten d Ɛuṣ d Ḥul d Jatir d Mac.

24 Arfakcad ijja-dd Calaḥ u Calaḥ ijja-dd Ɛabir. ^■  

25 Ttwarwen-dd i Ɛabir tnayen n iḥenjiren. Ijjen qqaren as Falaj, minzi deg wussan nnes tᵉttwafeǧeq temmurt, u qqaren as i umas Yuqṭan. ^□  

26 Yuqṭan ijja-dd Almudad, Calaf, Haḍarmawt, Yaraḥ,

27 Haduram, Uzal, Diqla, 28 Ɛubal, Abimayil, Caba, 29 Ufir, Ḥawila d Yubab. Marra ina tuɣa aten d iḥenjiren n Yuqṭan. 30 Tammurt mani tuɣa zeddɣen tuɣa-tt zi Mica ař Safar, adrar n ccarq.

31 Ina d ayt n Cam ɛlaḥsab řaǧat nsen u ɛlaḥsab iřsawen nsen, di temmura nsen u ɛlaḥsab řegnus nsen.

32 Tina d řaǧat n iḥenjiren n Nuḥ, ɛlaḥsab mammec dd-xeřqen, di řegnus nsen. Zzaysen i zi ttwabḍan řegnus di temmurt awarni i sseḥřet.