‏1 ؤُمِي وَارْ نْزمَّارْ أَذْ ث نصْبَارْ كْثَارْ، ثُوغَا إِتّْغِيڒْ أَنغْ مْلِيحْ مَاحنْذْ أَذْ نقِّيمْ ذِي أَثِينَا وحّذْنغْ، ‏2 ؤُشَا نسّكّْ أَومْ-د ؤُمَاثْنغْ ثِيمُوثِييُو. نتَّا ذ أَمْسخَّارْ ن أَربِّي ذ أَمْعَاونْ نّغْ ذِي ثْبَارّحْثْ ن ڒخْبَارْ أَصبْحَانْ ن لْمَاسِيحْ، أَڒَامِي إِزمَّارْ أَذْ كنِّيوْ إِسّجْهذْ ؤُ أَذْ إِقدْجبْ لْ-إِيمَانْ نْومْ، ^▪   ‏3 حِيمَا ؤُڒَا ذ إِجّْ زَّايْومْ وَارْ إِقطّعْ ڒَايَاسْ زِي سِّيبّثْ ن ڒمْحَايمْ-أَ. أَقَا كنِّيوْ ثسّْنمْ سِيمَانْثْ نْومْ، بلِّي نتّْوَاڭّْ إِ مَانْ أَيَا، ^▪   ‏4 مِينْزِي، ڒَامِي ذ أَنغْ ثُوغَا أَكِيذْومْ، نِيزَّارْ ننَّا، بلِّي أَذْ خَانغْ ثكّْ ڒحْصَارثْ ؤُشَا أَمُّو إِ إِمْسَارْ أَمْ مَامّشْ ثسّْنمْ كنِّيوْ. ‏5 س ؤُينِّي، ؤُمِي وَارْ زمَّارغْ أَذْ صْبَارغْ كْثَارْ، أَقَا سّكّغْ ث-إِ-د حِيمَا أَذْ سّْنغْ خْ لْ-إِيمَانْ نْومْ، مَا أَذْ ثَاغْ ونِّي إِتّْجَارَّابنْ أَقَا إِجَارّبْ كنِّيوْ ؤُشَا أَذْ ثفّغْ ڒْخذْمثْ نّغْ ذ وَالُو.

‏6 مَاشَا ڒخُّو إِذْوڒْ-د غَارْنغْ ثِيمُوثِييُو ونِّي زَّايْومْ ؤُشَا إِسِّيوضْ أَنغْ-د ڒخْبَارْ أَصبْحَانْ ن لْ-إِيمَانْ نْومْ ذ ثَايْرِي نْومْ، أَقَا كنِّيوْ ڒبْذَا ثتِّيذَارمْ أَنغْ س ڒْخَارْ زِي مَارَّا إِغزْذِيسنْ ؤُ ذَايْومْ مژْرِي مَاحنْذْ أَذْ أَنغْ ثْژَارمْ، أَمْ مَامّشْ ؤُڒَا ذ نشِّينْ ذَايْنغْ مژْرِي أَذْ كنِّيوْ نْژَارْ. ‏7 س ؤُينِّي نتّْوَافوّجْ زَّايْومْ، أَ أَوْمَاثنْ، ذِي مَارَّا ثَامَارَا نّغْ ذ ڒمْحَايمْ نّغْ، زِي سِّيبّثْ ن لْ-إِيمَانْ نْومْ. ‏8 ؤُشَا ڒخُّو ندَّارْ، مَاڒَا كنِّيوْ ثْبدّمْ نِيشَانْ ذِي سِيذِيثْنغْ. ‏9 مَامّشْ إِ غَا نڭّْ أَذْ نْقَاذَا أَربِّي زِي سِّيبّثْ نْومْ خْ مَارَّا ڒفْرَاحثْ إِ زِي نْفَارّحْ زَّايْومْ،

‏10 مْغِيرْ ؤُمِي نتّتَّارْ أَربِّي دْجِيڒثْ ذ وَاسّْ س وَاطَّاسْ، حِيمَا أَذْ كنِّيوْ نْژَارْ س ؤُغمْپُوبْ ؤُشَا أَذْ نْكمّڒْ مِينْ إِتّحْذَاجَا عَاذْ لْ-إِيمَانْ نْومْ. ^▪  

‏11 مَاشَا بَابَاثْنغْ ؤُ سِيذِيثْنغْ يشُّو لْمَاسِيحْ، نتَّا أَذْ إِسڭّمْ أَبْرِيذْ نّغْ غَارْومْ.

‏12 نتَّا أَذْ إِكتَّارْ ؤُ أَذْ يَارْنِي ذِي ثَايْرِي نْومْ ن إِجّنْ إِ ونّغْنِي، ؤُ ثَايْرِي نْومْ إِ مَارَّا، أَمْ مَامّشْ نتّخْسْ نشِّينْ ؤُڒَا إِ كنِّيوْ،

‏13 ؤُشَا أَذْ إِسْمحّذْ ؤُڒَاونْ نْومْ، حِيمَا أَذْ ثِيڒِيمْ بْڒَا ڒْعِيبْ ذِي ثْقدَّاسْثْ قِيبَاتْشْ إِ أَربِّي بَابَاثْنغْ، خْ مِينِّي د غَا يَاسْ سِيذِيثْنغْ يشُّو لْمَاسِيحْ أَكْ-ذ مَارَّا إِمْقدَّاسنْ نّسْ. ^▪