‏1 إِزْڒِي ن ؤُڭعّذْ.

إِنِّي إِتّشْڒنْ خْ سِيذِي، أَقَا أَثنْ أَمْ وذْرَارْ ن صِيهْيُونْ،

ونِّي وَارْ إِتّنْهزِّينْ، مَاشَا إِتّْغِيمَا إِ ڒبْذَا.

‏2 أَمشْنَاوْ إِذُورَارْ قُووَّارنْ إِ ؤُرْشَالِيمْ،

أَمُّو إِقُووَّارْ سِيذِي إِ ڒْڭنْسْ نّسْ،

زِي ڒخُّو أَڒْ ڒبْذَا.

‏3 مَاغَارْ ثَاغَّارْشْثْ ن ڒْغَارْ وَارْ ثتّْغِيمَا ثتَّاريّحْ خْ ثمُّورْثْ ن إِمْسڭَّاذنْ،

حِيمَا إِمْسڭَّاذنْ وَارْ سّْوِيژِّيضنْ إِفَاسّنْ نْسنْ غَارْ ڒْغَارْ.

‏4 إِڒِي أَذْ يڭّْ سِيذِي ثَاشُونِي ذڭْ إِصبْحَاننْ،

ذڭْ إِنِّي إِسڭّْذنْ س وُوڒْ، ^▫  

‏5 مَاشَا إِنِّي إِ غَا إِحيّْذنْ زڭْ وبْرِيذْ غَارْ إِبْرِيذنْ إِفَارْغنْ،

أَذْ ثنْ إِسِّيڭّْوجْ سِيذِي جْمِيعْ أَكْ-ذ ينِّي إِتّڭّنْ ڒْغشّْ.

أَذْ ذِينْ يِيڒِي ڒهْنَا خْ إِسْرَائِيل.