‏1 أَزهّذْ ن ذَاوُوذْ.

سِيذِي إِنَّا إِ سِيذِي إِنُو:

قِيمْ غَارْ ؤُفُوسْ أَفُوسِي إِنُو،

أَڒْ د-سَّارْسغْ ڒْعذْيَانْ نّكْ ذ ثَانبْذَاثْ سَاذُو إِضَارنْ نّكْ.

‏2 سِيذِي أَذْ إِسّكّْ ثَاغَّارْشْثْ ن صُّولْطَا نّكْ زِي صِيهْيُونْ،

شكْ أَذْ ثْصلّْطذْ ذِي ڒْوسْثْ ن ڒْعذْيَانْ نّكْ.

‏3 ڒْڭنْسْ نّكْ أَذْ يِيڒِي ذ أَمْسعَّافْ ذڭْ وَاسّْ ن صُّولْطَا نّكْ،

ذِي ثِيسِّيقْثْ إِقدّْسنْ زِي ڒمْڒَاوْڒثْ ن ثُوفُّوثْ،

أَمُّو إِ غَا يِيڒِي إِ شكْ نّْذَا ن يِينِّي عَاذْ مَامّشْ ذ أَشْ د-إِتّْوَاخڒْقنْ.

‏4 سِيذِي إِجِّيدْجْ، عمَّارْصْ أَذْ خَاسْ إِنْذمْ:

”شكْ ذ أَكهَّانْ إِ ڒبْذَا ذِي صِّيفثْ إِنُو، مَالْكِيصَاذِيقْ. ^▪  

‏5 سِيذِي أَقَا-ث غَارْ ؤُفُوسْ أَفُوسِي نّكْ.

نتَّا أَذْ إِڒْبزْ إِجدْجِيذنْ ذڭْ وَاسّْ ن وغْضَابْ نّسْ.

‏6 نتَّا أَذْ إِحَاكمْ خْ ڒڭْنُوسْ، أَقَا ذَا ثَامُّورْثْ ثشُّورْ س ڒْخشْبَاثْ،

أَذْ إِڒْبزْ أَزدْجِيفْ خْ إِشْثْ ن ثمُّورْثْ ثَامقّْرَانْثْ. ^▪  

‏7 أَكْ-ذ وبْرِيذْ أَذْ إِسُو زِي ثغْزَارْثْ،

س ؤُينِّي أَذْ إِسّْڭعّذْ أَزدْجِيفْ نّسْ.