74
1 أَخمِّي ن أَسَافْ. مَايمِّي، أَ أَربِّي، ثنْضَارذْ إِ ڒبْذَا؟
مَايمِّي إِ غَا يَارْغْ وغْضَابْ نّكْ خْ وُودْجِي ن دّْمَانِي ن ثَاروْسَا نّكْ؟
2 خمّمْ ذِي ثْمسْمُونْثْ نّكْ نِّي ثُوغَا ثْكسْبذْ زڭْ وشْحَاڒْ ؤُيَا،
ثَاقْبِيتْشْ ن ثسْغَارْثْ ن ڒْوَارْثْ نّكْ ثنِّي ثفْذِيذْ،
أَذْرَارْ ن صِيهْيُونْ ونِّي خْ ثُوغَا ثْزدّْغذْ.
3 سْڭعّذْ إِصُورَافْ نّكْ غَارْ مِينْ يَاردّْدْجنْ إِ ڒبْذَا،
ڒعْذُو يَارَّا مَارَّا ذِي زَّاوشْثْ إِقدّْسنْ ذ ڒْخَارْبثْ.
4 إِنِّي ثُوغَا شكْ إِحصَّارنْ سّْپُوعْرُوثنْ ذِي ڒْوسْثْ ن إِمُوشَانْ نّكْ ن ؤُمْسَاڭَارْ،
سّْبدَّانْ ڒعْڒَامَاثْ نْسنْ ذ ڒعْڒَامَاثْ.
5 أَقَا نتَّا إِذْوڒْ إِتّْوَاسّنْ أَمْ ورْيَازْ إِسّْڭعّذْ شّْوَاقَارْ ذِي شْبَارْقْ إِقّْننْ،
6 ؤُ خنِّي أَرْژِينْ مَارَّا إِنْقَاشنْ
جْمِيعْ س شَّاقُورْ ذ إِفْضِيسنْ.
7 نِيثْنِي قّذنْ ثِيمسِّي إِ ثْزَاوِييِّينْ نّكْ إِقدّْسنْ،
أَقَا عَارَّانْ ثَازذِّيغْثْ ن يِيسمْ نّكْ أَڒْ ثَامُّورْثْ. ▪
8 نِيثْنِي نَّانْ ذڭْ وُوڒْ نْسنْ: ”أجّْ أَنغْ أَذْ ثنْثْ نَاردّدْجْ مَارَّا!“
أَمُّو إِ سَّارْغنْ مَارَّا إِمُوشَانْ ن ؤُمْسَاڭَارْ ن أَربِّي ذِي ثمُّورْثْ.
9 ڒعْڒَامَاثْ نّغْ وَارْ ثنْثْ نتّْوِيڒِي عَاذْ،
وَارْ ذِينْ ؤُڒَا ذ إِجّْ ن ؤُنَابِي عَاذْ،
ؤُشَا ؤُڒَا ذ إِجّْ جَارْ أَنغْ إِسّنْ أَڒْ مڒْمِي عَاذْ.
10 أَڒْ مڒْمِي، أَ أَربِّي، أَذْ زَّايكْ إِسْثهْزَا ونِّي إِحصَّارنْ؟
مَا أَذْ إِشقّفْ ڒعْذُو إِ ڒبْذَا ذڭْ يِيسمْ نّكْ؟
11 مَايمِّي إِ ثتّڭّذْ أَذْ ذَايْنغْ إِسْمحْ أَفُوسْ نّكْ، أَفُوسْ نّكْ أَفُوسِي؟
سُوفُّوغْ إِ-ث زڭْ وحْسِينْ ن ؤُبَارْثسُّو نّكْ،
قْضَا خَاسنْ. ▫
12 زڭْ وشْحَاڒْ ؤُيَا أَقَا أَربِّي ذ أَجدْجِيذْ إِنُو.
نتَّا ذ ونِّي إِ د-إِتَّاوْينْ إِسنْجَامنْ ذِي ڒْوسْثْ ن ثمُّورْثْ.
13 س ثْزمَّارْ نّكْ ثْفثْقذْ ڒبْحَارْ،
إِزدْجِيفنْ ن ڒْهَايْشَاثْ ثدّْزذْ إِ-ثنْ خْ وَامَانْ. ▪
14 شكْ ثْڒبْزذْ إِزدْجِيفنْ ن ’لِيبِييَاثَانْ‘،
ثوْشِيذْ إِ-ث ذ مَاشَّا إِ ڒوْحُوشْ ن ڒخْڒَا. ▫
15 شكْ ثَارِّيذْ ڒْعُونْصَارْ ذ ثغْزَارْثْ أَذْ دُّوقّْزنْ،
شكْ ثسِّيژْغذْ إِغزْرَانْ إِتَّازّْڒنْ بْڒَا قطُّو. ▪
16 أَسّْ نّكْ، نّكْ ؤُڒَا ذ دْجِيڒثْ،
شكْ ثڭِّيذْ ذِينْ ثَافَاوْثْ ذ ثْفُوشْثْ. ▪
17 شكْ ثسّْمثْنذْ مَارَّا إِيْمِيرنْ ن ثمُّورْثْ،
أَنبْذُو ذ ثْڭرْسْثْ أَقَا ثڭِّيذْ أَسنْ ثِيفْرَاسْ نْسنْ.
18 عْقڒْ خْ مَانْ أَيَا: ڒعْذُو إِسّحْقَارْ سِيذِي،
إِجّْ ن ڒْڭنْسْ أَپُوهَاڒِي إِشقّفْ ذڭْ يِيسمْ نّكْ.
19 وَارْ تِّيشْ ڒعْمَارْ ن ثجْلِيلّحْثْ نّكْ إِ ڒوْحُوشْ،
وَارْ ثتُّو إِ ڒبْذَا ثُوذَارْثْ ن ڒْمُوسَاكِينْ نّكْ.
20 خْزَارْ غَارْ ڒْعَاهْذْ نّكْ،
مَاغَارْ ذڭْ إِمُوشَانْ ن طّْڒَامْ ذِي ثمُّورْثْ أَقَا ذَايْسنْ ثُوذْرِينْ عمَّارنْثْ س لْعُونْفْ.
21 وَارْ تّجِّي ونِّي إِتّْوَاحصَّارنْ أَذْ د-إِعْقبْ س ؤُسضْحِي،
أجّْ ڒْمسْكِينْ ذ ؤُمزْڒَاضْ أَذْ صبّْحنْ إِسمْ نّكْ.
22 كَّارْ بدّْ، أَ أَربِّي، بلّعْ دّعْوثْ نّكْ،
خمّْ مَامّشْ شكْ إِسّحْقَارَّانْ إِپُوهَاڒِييّنْ أَسّْ إِمُونْ.
23 وَارْ تّتُّو شَا أَغُويِّي ن إِغْرِيمنْ نّكْ،
أَسْپُوعَارْ ن يِينِّي إِ خَاكْ إِغوّْغنْ
إِتّْڭعَّاذْ غَارْ ؤُجنَّا بْڒَا أَقطُّو.