67
1 إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ. أَزهّذْ. إِزْڒِي. 2 أَذْ خَانغْ إِحِينّْ أَربِّي.
نتَّا إِتّجَّا ؤُذمْ نّسْ أَذْ خَانغْ إِوْشْ ثَافَاوْثْ. سِيلَاهْ. ▪
3 مَاحنْذْ أَذْ سّْننْ أَبْرِيذْ نّكْ خْ ثمُّورْثْ،
أَذْ سّْننْ أَسنْجمْ نّكْ جَارْ مَارَّا ڒڭْنُوسْ.
4 ڒڭْنُوسْ أَذْ شكْ قَاذَانْ، أَ أَربِّي،
مَارَّا ڒڭْنُوسْ أَذْ شكْ قَاذَانْ.
5 ڒڭْنُوسْ أَذْ فَارْحنْ، أَذْ سْڒِيوڒْونْ،
مَاغَارْ شكْ أَذْ ثْحكْمذْ خْ ڒڭْنُوسْ نِيشَانْ،
شكْ أَذْ ثسُّويُورذْ شُّوعُوبْ خْ ثمُّورْثْ. سِيلَاهْ.
6 ڒڭْنُوسْ أَذْ شكْ قَاذَانْ، أَ أَربِّي،
مَارَّا ڒڭْنُوسْ أَذْ شكْ قَاذَانْ.
7 ثَامُّورْثْ ثتِّيشْ ڒْغِيدْجثْ نّسْ.
أَربِّي، أَربِّي نّغْ، أَذْ أَنغْ إِبَاركْ.
8 أَربِّي أَذْ أَنغْ إِبَاركْ،
ؤُ مَارَّا ثِينڭُّورَا ن ثمُّورْثْ أَذْ زَّايسْ ڭّْوذنْثْ.