‏1 أَزهّذْ ن ذَاوُوذْ.

إِ شكْ ؤُمِي ڒَاغِيغْ، أَ سِيذِي، أَقَا شكْ ذ ثَاصْضَارْثْ إِنُو.

وَارْ تّڭّْ شَا إِخفْ نّكْ وَارْ غَارِي تّسْڒِيذْ،

أَڒَامِي، س وسْقَارْ نّكْ، وَارْ تَّاركّْوِيسغْ أَكْ-ذ ينِّي د-إِهكّْوَانْ ذڭْ ونْضڒْ. ^▪  

‏2 سڒْ إِ ثْمِيجَّا ن ؤُحشّمْ إِنُو،

خْمِي خَاكْ تّْڒَاغِيغْ،

خْمِي كسِّيغْ إِفَاسّنْ إِنُو غَارْ وخَّامْ ن ذَاخڒْ ن زَّاوشْثْ نّكْ إِقدّْسنْ.

‏3 وَارْ ذ أَيِي تّْجَارِّي أَكْ-ذ إِعفَّاننْ،

أَكْ-ذ ينِّي إِتّڭّنْ ڒْمُوعْصِييّثْ،

إِنِّي إِسَّاوَاڒنْ خْ ڒهْنَا أَكْ-ذ إِمْقَارَّابنْ نْسنْ،

أَمْ غَارْسنْ إِدْجْ ڒْغَارْ ذڭْ وُوڒْ نْسنْ. ^▪  

‏4 خدْجصْ أَسنْ عْلَاحْسَابْ مِينْ تّڭّنْ نِيثْنِي، عْلَاحْسَابْ ثُوعفّْنَا ن ثْمڭَّا نْسنْ.

خدْجصْ أَسنْ عْلَاحْسَابْ ڒْخذْمثْ ن إِفَاسّنْ نْسنْ،

أوْشْ أَسنْ ڒْمُونثْ نْسنْ إِ إِسْذَاهدْجنْ،

‏5 مِينْزِي نِيثْنِي وَارْ خزَّارنْ غَارْ ڒفْعَايڒْ ن سِيذِي،

ؤُڒَا غَارْ ڒْخذْمثْ ن إِفَاسّنْ نّسْ.

نتَّا أَذْ ثنْ إِغْضڒْ، وَارْ ثنْ إِبنِّي شَا.

‏6 أَذْ إِتّْوَابَاركْ سِيذِي،

مَاغَارْ نتَّا إِسْڒَا إِ ثْمِيجَّا ن ؤُحشّمْ إِنُو.

‏7 سِيذِي ذ ڒْعزّْ إِنُو ذ ثَاسدَّارْثْ إِنُو ن ؤُسڒْقِي،

ؤُڒْ إِنُو إِتّْشڒْ خَاسْ ؤُشَا تّْوَاعَاوْنغْ.

ؤُڒْ إِنُو إِنڭّزْ س ڒفْرَاحثْ، س يزْڒِي إِنُو أَذْ ث قَاذِيغْ.

‏8 سِيذِي ذ جّهْذْ نْسنْ،

نتَّا ذ لْپُورْجْ إِجهْذنْ ن إِسنْجِيمنْ إِ ؤُمذْهُونْ نّسْ.

‏9 سنْجمْ ڒْڭنْسْ نّكْ ؤُ بَاركْ ثَاسْغَارْثْ نّكْ ن ڒْوَارْثْ،

أَرْوسْ إِ-ثنْ ؤُ أَرْپُو ثنْ إِ ڒبْذَا قَاعْ.