‏1 أَزهّذْ ن ذَاوُوذْ.

إِ سِيذِي ثدْجْ ثمُّورْثْ ذ ؤُعمَّارْ نّسْ،

دُّونِيثْ ذ إِمزْذَاغْ نّسْ. ^▪  

‏2 مَاغَارْ نتَّا إِسَّارْسْ ذْسَاسْ نّسْ خْ ڒبْحُورْ،

إِسّمْثنْ إِ-ت خْ سّحْڒَاثْ.

‏3 وِي إِزمَّارنْ أَذْ إِڭعّذْ أَذْرَارْ ن سِيذِي،

وِي إِزمَّارنْ أَذْ إِبدّْ خْ ومْشَانْ نّسْ إِقدّْسنْ؟ ^▪  

‏4 ونِّي غَارْ إِدْجْ إِفَاسّنْ إِمزْذَاڭنْ ذ وُوڒْ إِصْفَا،

ونِّي وَارْ د-إِتَّارِّي ڒعْمَارْ نّسْ خْ مِينْ إِفنَّانْ،

وَارْ إِتّْجَّادْجْ ژُورْ،

‏5 ذ نتَّا أَذْ إِكْسِي لْبَارَاكَا زِي سِيذِي،

ؤُڒَا ذ ثَاسڭْذَا زِي أَربِّي ن ؤُسنْجمْ نّسْ.

‏6 ذ وَا ذ جِّيڒْ ن يِينِّي خَاسْ يَارزُّونْ،

إِنِّي يَارزُّونْ خْ وُوذمْ نّكْ، أَقَا-ث ذ يَاعْقُوبْ. سِيلَاهْ.

‏7 سْڭعّْذنْثْ إِزدْجِيفنْ نْومْ، أَ ثِيوُّورَا،

سْڭعّْذنْثْ إِخفْ نْكنْثْ، أَ ثِيوُّورَا ن ڒبْذَا،

حِيمَا أَذْ يَاذفْ ؤُجدْجِيذْ ن ؤُعُودْجِي!

‏8 مَانْ ونْ إِ إِدْجَانْ ذ أَجدْجِيذْ ن ؤُعُودْجِي؟

ذ سِيذِي، إِجْهذْ إِجبَّارْ،

سِيذِي أَقَا-ث ذ أَجبَّارْ ذڭْ ؤُمنْغِي.

‏9 سْڭعّْذنْثْ إِزدْجِيفنْ نْكنْثْ، أَ ثِيوُّورَا،

سْڭعّْذنْثْ إِخفْ نْكنْثْ، أَ ثِيوُّورَا ن ڒبْذَا،

حِيمَا أَذْ يَاذفْ ؤُجدْجِيذْ ن ؤُعُودْجِي!

‏10 مِينْ إِعْنَا نتَّا، أَجدْجِيذْ-أَ ن ؤُعُودْجِي؟

سِيذِي ن ڒْعسْكَارَاثْ ذ نتَّا ذ أَجدْجِيذْ ن ؤُعُودْجِي. سِيلَاهْ.