‏1 إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ. خْ ؤُفِيڒُو وِيسّْ ثْمنْيَا.

‏2 سنْجمْ، أَ سِيذِي، مِينْزِي أَمدُّوكّڒْ أَمْثِيقِّي وَارْ إِقِّيمْ عَاذْ،

مَاغَارْ وَارْ ذِينْ عَاذْ إِمْثِيقَّانْ جَارْ ثَارْوَا ن بْنَاذمْ. ^▪  

‏3 نِيثْنِي سَّاوَاڒنْ جَارْ أَسنْ س إِخَارِّيقنْ،

س إِينْشِيشنْ شُّورنْ س وَاوَاڒنْ إِمِيزِيضنْ،

أَقَا سَّاوَاڒنْ س ثْنَاينْ ن إِغمْبَابْ. ^▫  

‏4 أجّْ سِيذِي أَذْ إِقْضعْ مَارَّا إِينْشِيشنْ س وَاوَاڒنْ إِمِيزِيضنْ،

ؤُڒَا ذ إِڒسْ س وَاوَاڒنْ ن ؤُكبَّارْ،

‏5 إِنِّي إِقَّارنْ: ”س يِيڒسْ نّغْ أَذْ غَارْنغْ يِيڒِي ؤُقَارُّو إِمْغَارْ،

إِينْشِيشنْ أَقَا أَثنْ نّغْ!

مَانْ ونْ إِدْجَانْ خَانغْ ذ سِيذِي؟“

‏6 ”ذِي سِّيبّثْ ن وَاردّدْجْ ن ڒْمُوسَاكِينْ،

ؤُڒَا ذِي سِّيبّثْ ن إِغُويَّانْ ن إِمزْڒَاضْ

أَذْ كَّارغْ ڒخُّو نشّْ“، إِنَّا سِيذِي،

”ونِّي خْ ثُوغَا إِدُّوقزْ، نشّْ أَذْ ث أَوْيغْ ذِي ڒَامَانْ.“

‏7 ثِيوَاڒِينْ ن سِيذِي أَقَا أَثنْثْ ذ ثِيوَاڒِينْ صْفَانْثْ،

تّْوَاسِيزْذْڭنْ أَمْ نُّوقَارْثْ ذڭْ إِجّْ ن ڒْكَاسْ إِ ؤُفسْيِي ذِي ثمُّورْثْ،

تّْوَاصفَّانْ سبْعَا ن ثْوَاڒَاوِينْ. ^▫  ▪  

‏8 شكْ، أَ سِيذِي، أَذْ ثنْ ثحْضِيذْ،

أَذْ أَنغْ ثسَّارذْ زِي جِّيڒْ-أَ،

إِ ڒبْذَا قَاعْ.

‏9 إِعفَّاننْ ڭُّورنْ نّْضنْ مَانِي مَّا

خْمِي إِ غَا إِكَّارْ دّدْجْ جَارْ ثَارْوَا ن بْنَاذمْ.