‏1 ؤُمِي ثُوغَا يَاشُووَا ذ أَوسَّارْ ؤُشَا إِمْغَارْ ذڭْ وُوسَّانْ ن ثُوذَارْثْ نّسْ، إِنَّا أَسْ سِيذِي: ”شكْ ثوْسَارذْ ؤُ ثمْغَارذْ ذڭْ وُوسَّانْ ؤُشَا عَاذْ ثقِّيمْ أَطَّاسْ ن ثمُّورْثْ مَاحنْذْ أَذْ ت ثكْسِيذْ ذ ڒْوَارْثْ. ‏2 ثَا ذ ثَامُّورْثْ إِقِّيمنْ: مَارَّا إِذُووَّارنْ ن إِفِيلِيسْطِينِييّنْ ؤُ مَارَّا جّْوَايهْ ن إِجَاشُورِييّنْ، ‏3 زڭْ يغْزَارْ ن شِيحُورْ نِّي إِسِّيزّْڒنْ زَّاثْ إِ وُوذمْ ن مِيصْرَا، أَڒْ أَيْمِيرْ ن عِيقْرُونْ ذِي شَّامَالْ نِّي إِتّْوَاحْسبْ-د ذ ثَامُّورْثْ ن إِكنْعَانِييّنْ، ذَايسْ خمْسَا ن ڒْبَاشَاثْ ن إِفِيلِيسْطِينِييّنْ، أَغَازِي ذ أَشْذُوذِي ذ أَشْقَالُونِي ذ أَجِيتِّي ذ أَعَاقْرُونِي. خنِّي عَاذْ إِعَاوِييّنْ. ‏4 زِي لْجَانُوبْ مَارَّا ثَامُّورْثْ ن إِكنْعَانِييّنْ ذ مُوغَارَا ثنِّي ن إِصِيذُونِييّنْ، غَارسْ أَڒْ أَفِيقْ ؤُ غَارسْ أَڒْ ويْمِيرْ ن إِمُورِييّنْ ‏5 ؤُشَا خنِّي ثَامُّورْثْ ن إِجِيبْلِييّنْ ذ مَارَّا لُوبْنَانْ مَانِيسْ إِ د-ثْنقَّارْ ثْفُوشْثْ، زِي بَاعْلْ-جَاذْ سْوَادَّايْ إِ وذْرَارْ ن حِيرْمُونْ غَارسْ أَڒْ مَانِي إِتَّاكّْوَاضْ بْنَاذمْ غَارْ حَامَاثْ، ‏6 مَارَّا إِنِّي إِزدّْغنْ ذِي جّْوَايهْ زڭْ إِذُورَارْ ن لُوبْنَانْ غَارسْ أَڒْ مِيسْرَافُوثْ-مَايِيمْ، مَارَّا إِصِيذُونِييّنْ، نشّْ أَذْ خَاسنْ أَژّْڒغْ زَّاثْ إِ وُوذمْ ن أَيْثْ ن إِسْرَائِيل. أڭّْ مَاشَا ثَامُّورْثْ ذ ڒْوَارْثْ إِ إِسْرَائِيل وَاهَا، أَمْ مَامّشْ ذ أَشْ ؤُمُورغْ.

‏7 ڒخُّو خنِّي، بْضَا ثَامُّورْثْ-أَ ذ ڒْوَارْثْ جَارْ ثسْعَا ن ثْقبَّاڒْ ذ وزْينْ ن ثقْبِيتْشْ ن مَانَاسَّا.

‏10 ذ مَارَّا ثِيندَّامْ ن سِيحُونْ، أَجدْجِيذْ ن إِمُورِييّنْ ونِّي إِ ثُوغَا إِحكّْمنْ ذِي حَاشْپُونْ، أَڒْ أَيْمِيرْ ن أَيْثْ ن عَامُّونْ

‏11 ؤُڒَا ذ جِيلْعَاذْ ذ ثمُّورْثْ ن إِجَاشُورِييّنْ ذ إِمَاعْكِييّنْ ذ قَاعْ وذْرَارْ ن حِيرْمُونْ ذ مَارَّا بَاشَانْ غَارسْ أَڒْ سَالْخَا،

‏12 مَارَّا ثَاڭلْذِيثْ ن عُوجْ، ذِي بَاشَانْ، ونِّي ثُوغَا إِحكّْمنْ ذِي أَشْثَارُوثْ ذ إِذْرَاعِي. نتَّا ثُوغَا إِقِّيمْ زِي مِينْ إِقِّيمنْ ن إِرَافَاوِييّنْ نِّي ثُوغَا إِوْثَا إِ-ثنْ مُوسَا ؤُشَا يُوژّڒْ خَاسنْ زِي ثسْغَارْثْ نْسنْ.

‏13 مَاشَا أَيْثْ ن إِسْرَائِيل وَارْ ؤُژّْڒنْ خْ أَيْثْ ن إِجَاشُورِييّنْ ذ إِمَاعْكِييّنْ زِي ثسْغَارْثْ نْسنْ. جَاشُورْ ذ مَاعْكَاثْ قِّيمنْ زدّْغنْ ذِي ڒْوسْثْ ن أَيْثْ ن إِسْرَائِيل أَڒْ أَسّْ-أَ.

‏14 إِ ثقْبِيتْشْ ن لَاوِي وَاهَا ؤُمِي إِ وَارْ إِوْشِي ثَاسْغَارْثْ. ثِيغَارْصَا ن ثْمسِّي ن سِيذِي، أَربِّي ن إِسْرَائِيل، ذ ثَاسْغَارْثْ نّسْ، أَمْ مَامّشْ ثُوغَا إِ ذ أَسْ إِسِّيوڒْ نتَّا.

‏15 إِوْشَا مُوسَا إِ ثقْبِيتْشْ ن أَيْثْ ن رُوبِينْ ثَاسْغَارْثْ نْسنْ، عْلَاحْسَابْ ڒَادْجَاثْ نْسنْ.

‏16 إِ نِيثْنِي ؤُمِي د-ثكَّارْ ثمُّورْثْ ن أَرُوعِيرْ، ثنِّي إِ إِدْجَانْ غَارْ ثْمَا ن ثغْزَارْثْ ن أَرْنُونْ أَكْ-ذ ثنْذِينْثْ نِّي إِدْجَانْ ذِي ڒْوسْثْ ن ثغْزُورْثْ ذ مَارَّا ڒْوَاطَا يُوعْڒَانْ أَڒْ مِيذِيبَا.

‏17 حَاشْپُونْ ذ مَارَّا ثِيندَّامْ نّسْ نِّي إِدْجَانْ خْ ڒْوَاطَا يُوعْڒَانْ، ذِيپُونْ، بَامُوثْ-بَاعْلْ ذ بَايْثْ-بَاعْلْ-مَاعُونْ

‏18 ذ يَاهْصَا ذ قَاذِيمُوثْ ذ مَايْفَاعَا

‏19 ذ قِيرْيَاثَايِيمْ ذ سِيبْمَا ذ صَارَاثْ-هَا-شَاحَارْ خْ وذْرَارْ ن ڒوْضَا ن ثغْزُورْثْ، ^▫   ‏20 ذ بَايْثْ-فَاغُورْ ذ ثِيسَاوْنِينْ ن فِيسْجَا ذ بَايْثْ-يَاشِيمُوثْ، ‏21 مَارَّا ثِيندَّامْ خْ ڒْوَاطَا يُوعْڒَانْ ذ مَارَّا ثَاڭلْذِيثْ ن سِيحُونْ، أَجدْجِيذْ ن إِمُورِييّنْ، إِنِّي إِ ثُوغَا إِحكّْمنْ ذِي حَاشْپُونْ، ونِّي إِ خفْ إِغْڒبْ مُوسَا، أَمْ إِغْڒبْ ؤُڒَا خْ ڒْحُوكَّامْ ن مِيذْيَانْ: أَوِي ذ رَاقَامْ ذ صُورْ ذ حُورْ ذ رَابَاعْ، إِنِّي ذ أَيْثْ ن جّهْذْ ذِي صِيهُونْ، إِمزْذَاغْ ن ثمُّورْثْ. ‏22 سنّجْ إِ مَارَّا إِنِّي إِتّْوَانْغنْ ذِي ڭَارَّا، نْغِينْ أَيْثْ ن إِسْرَائِيل عَاوذْ بَالْعَامْ، مِّيسْ ن بَاعُورْ، أَڭزَّانْ، س ڒقْضعْ ن سِّيفْ. ^▪   ‏23 ثُوغَا لْ'ؤُرْذُونْ أَكْ-ذ جّْوَايهْ نّسْ ذ أَيْمِيرْ ن أَيْثْ ن رُوبِينْ أَكْ-ذ ثمُّورْثْ غَارْ ثْمَا نّسْ. ثَا ذ ثَاسْغَارْثْ ن أَيْثْ ن رُوبِينْ عْلَاحْسَابْ ڒَادْجَاثْ نْسنْ، أَكْ-ذ ثْندَّامْ ذ ذْشُورَاثْ نْسنْ. ^▪  

‏24 إِوْشَا مُوسَا إِ ثقْبِيتْشْ ن جَاذْ، إِ أَيْثْ ن جَاذْ، ثَاسْغَارْثْ نْسنْ، عْلَاحْسَابْ ڒَادْجَاثْ نْسنْ. ‏25 إِ نِيثْنِي ؤُمِي د-ثكَّارْ ثمُّورْثْ ن يَاعَازِيرْ ذ مَارَّا ثِيندَّامْ ن جِيلْعَاذْ ذ وزْينْ ن ثمُّورْثْ ن أَيْثْ ن عَامُّونْ غَارسْ أَڒْ أَرُوعِيرْ نِّي إِدْجَانْ زَّاثْ إِ وُوذمْ ن رَابَّا، ‏26 زِي حَاشْپُونْ أَڒْ رَامَاثْ-مِيصْفَا ذ بُوطُونِيمْ ؤُ زِي مَاحَانَايِيمْ غَارسْ أَڒْ أَيْمِيرْ ن ذَابِيرْ. ‏27 ؤُ ذِي ڒوْضَا ن ثغْزُورْثْ: بَايْثْ-هَارَامْ ذ بَايْثْ-نِيمْرَا ذ سُوكُّوثْ ذ صَافُونْ ذ مِينْ إِقِّيمنْ ن ثْڭلْذِيثْ ن سِيحُونْ، أَجدْجِيذْ ن حَاشْپُونْ، لْ'ؤُرْذُونْ ذ جّْوَايهْ نّسْ أَڒْ أَنڭَّارْ نْ ڒبْحَارْ ن كِينَّارَاثْ خْ ؤُجمَّاضْ ن لْ'ؤُرْذُونْ غَارْ شَّارْقْ. ‏28 ثَا ذ ثَاسْغَارْثْ ن أَيْثْ ن جَاذْ، عْلَاحْسَابْ ڒَادْجَاثْ نْسنْ، ثِيندَّامْ ذ ذْشُورَاثْ نّسْ.

‏29 إِوْشَا مُوسَا إِ وزْينْ ن ثقْبِيتْشْ ن مَانَاسَّا ثَاسْغَارْثْ نْسنْ. ثكَّارْ أَسْ-د إِ وزْينْ ن ثقْبِيتْشْ ن مَانَاسَّا، عْلَاحْسَابْ ڒَادْجَاثْ نْسنْ. ‏30 ثُوغَا ثَامُّورْثْ نْسنْ زِي مَاحَانَايِيمْ: مَارَّا بَاشَانْ، مَارَّا ثَاڭلْذِيثْ ن عُوجْ، أَجدْجِيذْ ن بَاشَانْ، ذ مَارَّا ذْشُورَاثْ ن يَا‘إِرْ نِّي إِدْجَانْ ذِي بَاشَانْ، ستِّينْ ن ثْندَّامْ. ‏31 ذ وزْينْ ن جِيلْعَاذْ ذ أَشْثَارُوثْ ذ إِذْرِيعِي، ثِيندَّامْ ن ثْڭلْذِيثْ ن عُوجْ ذِي بَاشَانْ، كَّارنْ-د إِ إِحنْجِيرنْ ن مَاخِيرْ، مِّيسْ ن مَانَاسَّا، أَقَا إِ وزْينْ ن إِحنْجِيرنْ ن مَاخِيرْ، عْلَاحْسَابْ ڒَادْجَاثْ نْسنْ. ‏32 ثِينَا ذ جّْوَايهْ إِ ثُوغَا إِبْضَا مُوسَا ذ ڒْوَارْثْ ذِي ڒوْضَاثْ ن مُوآبَ، خْ ؤُجمَّاضْ ن لْ'ؤُرْذُونْ، غَارْ أَرِيحَا، غَارْ شَّارْقْ.

‏33 مَاشَا إِ ثقْبِيتْشْ ن لَاوِي وَارْ ذ أَسْ إِوْشِي مُوسَا شَا ثَاسْغَارْثْ. سِيذِي، أَربِّي ن إِسْرَائِيل ذ ثَاسْغَارْثْ نْسنْ، أَمْ مَامّشْ ثُوغَا أَكِيذْسنْ إِسِّيوڒْ. ^▪