‏1 إِنَا ذ إِجدْجِيذنْ ن ثمُّورْثْ، إِنِّي إِتّْوَاوْثنْ زڭْ أَيْثْ ن إِسْرَائِيل ؤُشَا خنِّي طّْفنْ نِيثْنِي ثَامُّورْثْ نْسنْ ذ ڒْوَارْثْ، أَغِيرِينْ إِ لْ'ؤُرْذُونْ زِي مَانِيسْ إِ ذ ثْنقَّارْ ثْفُوشْثْ، زِي ثغْزَارْثْ ن أَرْنُونْ غَارسْ أَڒْ إِذُورَارْ ن حِيرْمُونْ ذ مَارَّا ڒوْضَا ذِي شَّارْقْ.

‏2 سِيحُونْ، أَجدْجِيذْ ن إِمُورِييّنْ، ونِّي إِ ثُوغَا إِزدّْغنْ ذِي حَاشْپُونْ، نتَّا إِحْكمْ خْ جّْوَايهْ زِي عَارُوعِيرْ غَارْ ثْمَا ن ثغْزَارْثْ ن أَرْنُونْ، أَڒْ ڒْوسْثْ ن ثغْزَارْثْ، ؤُ خْ وزْينْ ن جِيلْعَاذْ غَارسْ أَڒْ ثِيغْزَارْثْ ن يَابُّوقْ، أَقَا-ث ذ أَيْمِيرْ ن أَيْثْ ن عَامُّونْ ‏3 ؤُ خْ ڒوْضَا غَارسْ أَڒْ ڒبْحَارْ ن كِينَّارُوثْ ذِي شَّارْقْ ؤُ غَارسْ أَڒْ ڒبْحَارْ ن ڒوْضَا، ڒبْحَارْ أَمدْجَاحْ، ذِي شَّارْقْ، أَبْرِيذْ ن بَايْثْ-يَاشِيمُوثْ، ؤُ زِي لْجَانُوبْ أَڒْ سْوَادَّايْ إِ ثيْسَارِينْ ن فِيسْجَا.

‏4 ؤُڒَا ذ ثَامُّورْثْ ن عُوجْ، أَجدْجِيذْ ن بَاشَانْ، ونِّي إِدْجَانْ زِي مِينْ إِقِّيمنْ زڭْ إِرَافَاوِييّنْ، إِنِّي ذ جْوَاهڒْ، إِ ثُوغَا إِزدّْغنْ ذِي أَشْثَارُوثْ ذ إِذْرَاعِي. ^▪   ‏5 نتَّا إِحْكمْ خْ إِذُورَارْ ن حِيرْمُونْ، خْ سَالْخَا ؤُ خْ مَارَّا بَاشَانْ غَارسْ أَڒْ ويْمِيرْ ن إِجَاشُورِييّنْ ذ إِمَاعْكِييّنْ ؤُ خْ وزْينْ ن جِيلْعَاذْ غَارسْ أَڒْ ثَامُّورْثْ ن سِيحُونْ، أَجدْجِيذْ ن حَاشْپُونْ.

‏6 مُوسَا، أَمْسخَّارْ ن سِيذِي، أَكْ-ذ أَيْثْ ن إِسْرَائِيل، ثُوغَا وْثِينْ ثنْ ؤُ مُوسَا، أَمْسخَّارْ ن سِيذِي، ثُوغَا إِوْشَا ثَامُّورْثْ نِّي ذ ڒْوَارْثْ إِ إِرُوبِينِييّنْ ذ إِجَاذِييّنْ ؤُ إِ وزْينْ ن ثقْبِيتْشْ ن مَانَاسَّا. ^▪  

‏7 إِنَا ذ إِجدْجِيذنْ ن ثمُّورْثْ إِنِّي إِ ثُوغَا إِتّْوَاوْثنْ زِي يَاشُووَا ذ أَيْثْ ن إِسْرَائِيل، غَارْ ؤُجمَّاضْ ن لْ'ؤُرْذُونْ ذِي لْغَارْبْ، زِي بَاعْلْ-جَاذْ ذِي ثيْسَارْثْ ن لُوبْنَانْ غَارسْ أَڒْ أَذْرَارْ أَقشَّارْ ونِّي إِسّْڭعّْذنْ غَارْ سَاعِيرْ. ؤُشَا يَاشُووَا إِوْشَا إِ-ت ذ ڒْوَارْثْ إِ ثْقبَّاڒْ ن إِسْرَائِيل عْلَاحْسَابْ ثَارْبِيعِينْ نْسنْ. ^▪   ‏8 ذِي ثمُّورْثْ ن إِذُورَارْ ؤُ ذِي ثمُّورْثْ إِوَاطَانْ ؤُ ذِي ڒوْضَا ؤُ ذِي ثيْسَارِينْ ؤُ ذِي ڒخْڒَا ؤُ ذِي ثمُّورْثْ ن لْجَانُوبْ: إِحِيتِّييّنْ، إِمُورِييّنْ، إِكنْعَانِييّنْ، إِفَارِيزِييّنْ، إِحِيوِييّنْ ذ إِيَاپُوسِييّنْ.

‏9 أَجدْجِيذْ ن أَرِيحَا: ذ إِجّْ. أَجدْجِيذْ ن عَايْ إِ إِدْجَانْ غَارْ ؤُغزْذِيسْ ن بَايْثْ-إِلْ: ذ إِجّْ.

‏10 أَجدْجِيذْ ن ؤُرْشَالِيمْ: ذ إِجّْ. أَجدْجِيذْ ن حَابْرُونْ: ذ إِجّْ.

‏11 أَجدْجِيذْ ن يَارْمُوثْ: ذ إِجّْ. أَجدْجِيذْ ن لَاخِيشْ: ذ إِجّْ.

‏12 أَجدْجِيذْ ن عَاجْلُونْ: ذ إِجّْ. أَجدْجِيذْ ن جَازَارْ: ذ إِجّْ.

‏13 أَجدْجِيذْ ن ذَابِيرْ: ذ إِجّْ. أَجدْجِيذْ ن جَاذَارْ: ذ إِجّْ.

‏14 أَجدْجِيذْ ن حُورْمَا: ذ إِجّْ. أَجدْجِيذْ ن عَارَاذْ: ذ إِجّْ.

‏15 أَجدْجِيذْ ن لِيبْنَا: ذ إِجّْ. أَجدْجِيذْ ن عَاذُولَّامْ: ذ إِجّْ.

‏16 أَجدْجِيذْ ن مَاقِّيذَا: ذ إِجّْ. أَجدْجِيذْ ن بَايْثْ-إِلْ: ذ إِجّْ.

‏17 أَجدْجِيذْ ن ثَافُّوحَا: ذ إِجّْ. أَجدْجِيذْ ن حَافَارْ: ذ إِجّْ.

‏18 أَجدْجِيذْ ن أَفِيقْ: ذ إِجّْ. أَجدْجِيذْ ن لَاشَّارُونْ: ذ إِجّْ.

‏19 أَجدْجِيذْ ن مَاذُونْ: ذ إِجّْ. أَجدْجِيذْ ن حَاصُورْ: ذ إِجّْ.

‏20 أَجدْجِيذْ ن شِيمْرُونْ-مَارَا‘ؤُنْ: ذ إِجّْ. أَجدْجِيذْ ن أَكْشَافْ: ذ إِجّْ.

‏21 أَجدْجِيذْ ن ثَاعْنَاكْ: ذ إِجّْ. أَجدْجِيذْ ن مَاجِيدُّو: ذ إِجّْ.

‏22 أَجدْجِيذْ ن قَاذَاشْ: ذ إِجّْ. أَجدْجِيذْ ن يُوقْنَاعَامْ غَارْ كَارْمَالْ: ذ إِجّْ.

‏23 أَجدْجِيذْ ن ذُورْ خْ ثِيوْرِيرِينْ غَارْ ذُورْ: ذ إِجّْ. أَجدْجِيذْ ن جُويِيمْ ذِي جِيلْجَالْ: ذ إِجّْ.

‏24 أَجدْجِيذْ ن ثِيرْصَا: ذ إِجّْ. مَارَّا إِجدْجِيذنْ-أَ أَقَا أَثنْ ذِي وَاحِيثْ ؤُ-ثْڒَاثِينْ.