1 ⵓⵛⴰ ⵥⵔⵉⵖ, ⴰⵇⴰ ⵉⵥⵎⴰⵔ ⵉⴱⴻⴷⴷ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ, ⵓⵛⴰ ⴰⴽⵉⴷⴻⵙ ⵎⵢⴰ ⵓ-ⴰⵔⴻⴱⵄⴰ ⵓ-ⵔⴻⴱⵄⵉⵏ-ⴰⵍⴻⴼ, ⵉⵏⵏⵉ ⵖⴰⵔⵙⴻⵏ ⵉⵙⴻⵎ ⵏⵏⴻⵙ ⴷ ⵢⵉⵙⴻⵎ ⵏ ⴱⴰⴱⴰⵙ, ⵉⵜⵜⵡⴰⵔⵉⵏ ⵅ ⵜⴻⵏⵢⴰⵔⵜ ⵏⵙⴻⵏ. ^■  

2 ⵙⵍⵉⵖ ⵉⵛⵜ ⵏ ⵜⵎⵉⵊⵊⴰ ⵜⵓⵙⴰ-ⴷⴷ ⵥⴻⴳ ⵓⵊⴻⵏⵏⴰ, ⴰⵎ ⵍⵃⴻⵙⵙ ⵏ ⵡⴰⵟⵟⴰⵙ ⵏ ⵡⴰⵎⴰⵏ ⵓ ⴰⵎ ⵍⵃⴻⵙⵙ ⵏ ⵡⴰⵊⵊⴰⵊ ⴰⵎⴻⵇⵇⵔⴰⵏ, ⵓⵛⴰ ⵍⵃⴻⵙⵙ ⵉ ⵙⵍⵉⵖ ⵜⵓⵖⴰ ⴰⵎⴻⵛⵏⴰⵡ ⴰⵢⵜ ⵏ ⵍⵀⴰⵔⴱⴰ ⵉⵜⵜⵉⵔⴰⵔⴻⵏ ⴷⵉ ⵍⵀⴰⵔⴱⴰⵜ ⵏⵙⴻⵏ. ^■   3 ⴰⵇⴰ ⵏⵉⵜⵏⵉ ⵖⴻⵏⵏⵊⴻⵏ ⵎⵉⵏ ⵉⴵⴰⵏ ⴰⵎⴻⵛⵏⴰⵡ ⵉⵊⵊ ⵏ ⵢⴻⵥⵍⵉ ⵏ ⵊⴷⵉⴷ ⵇⴰⵄ ⵥⵥⴰⵜ ⵉ ⵍⵄⴰⵔⵛ ⵓ ⵥⵥⴰⵜ ⵉ ⴰⵔⴻⴱⵄⴰ ⵏ ⵉⵎⴻⴷⴷⴰⵔⴻⵏ ⴷ ⵉⵎⵖⴰⵔⴻⵏ, ⵓⵛⴰ ⵓⵍⴰ ⴷ ⵉⵊⵊ ⵡⴰⵔ ⵉⵥⴻⵎⵎⴰⵔ ⴰⴷ ⵉⵍⵎⴻⴷ ⵉⵥⵍⵉ-ⵢⴰ ⵏ ⵓⵚⴻⴱⴱⴻⵃ ⵎⵖⵉⵔ ⵎⵢⴰ ⵓ-ⴰⵔⴻⴱⵄⴰ ⵓ-ⵔⴻⴱⵄⵉⵏ-ⴰⵍⴻⴼ, ⵉⵏⵏⵉ ⵉⵜⵜⵡⴰⴼⴷⵉⵏ ⵥⵉ ⵜⴻⵎⵎⵓⵔⵜ. ^■   4 ⵉⵏⴰ ⴷ ⵉⵏⵏⵉ ⵡⴰⵔ ⵉⵜⵜⵡⴰⴼⴻⵙⴷⴻⵏ ⴰⴽ-ⴷ ⵜⴻⵎⵖⴰⵔⵉⵏ, ⵎⵉⵏⵥⵉ ⵏⵉⵜⵏⵉ ⴷ ⵉⵄⴻⵥⵔⵉⵢⵢⴻⵏ ⵉⵎⴻⵥⴷⴰⴳⴻⵏ. ⵏⵉⵜⵏⵉ ⴹⴻⴼⴼⴰⵔⴻⵏ ⵉⵥⵎⴰⵔ ⵎⴰⵏⵉⵙ ⵎⴰ ⵉⴽⴽⴰ, ⴰⵇⴰ ⵜⵜⵡⴰⴼⴷⵉⵏ ⵥⴻⴳ ⵉⵡⴷⴰⵏ ⴰⵎ ⵉⵎⴻⵏⵥⴰ ⵉ ⴰⵔⴻⴱⴱⵉ ⵓ ⵉ ⵢⴻⵥⵎⴰⵔ. ^■   5 ⴰⵇⴰ ⵡⴰⵔ ⵉⵜⵜⵡⵉⴼⵉ ⵛⴰ ⵍⵖⴻⵛⵛ ⴷⴻⴳ ⵓⵇⴻⵎⵎⵓⵎ ⵏⵙⴻⵏ, ⴰⵇⴰ ⵡⴰⵔ ⴷⴰⵢⵙⴻⵏ ⴱⵓ ⵍⵄⵉⴱ. ^■  

6 ⵅⴰⵙ ⵓⵛⴰ ⵥⵔⵉⵖ ⵉⵊⵊ ⵏ ⵍⵎⴰⵍⴰⴽ ⵏⵏⴻⵖⵏⵉ ⵜⵓⵖⴰ ⵉⵟⵟⴰⵡ ⴷⵉ ⵍⵡⴻⵙⵜ ⵏ ⵓⵊⴻⵏⵏⴰ, ⵖⴰⵔⴻⵙ ⵍⴻⵅⴱⴰⵔ ⴰⵚⴻⴱⵃⴰⵏ ⵉ ⵍⴻⴱⴷⴰ ⵃⵉⵎⴰ ⴰⴷ ⵥⵥⴰⵢⴻⵙ ⵉⴱⴰⵔⵔⴻⵃ ⵉ ⵢⴻⵏⵏⵉ ⵉⵥⴻⴷⴷⵖⴻⵏ ⴷⵉ ⵜⴻⵎⵎⵓⵔⵜ, ⵉ ⴽⵓⵍ ⵍⴳⴻⵏⵙ ⴷ ⵜⴻⵇⴱⵉⵞ ⴷ ⵢⵉⵍⴻⵙ ⴷ ⵛⵛⴻⵄⴱ, 7 ⵓⵛⴰ ⵉⵍⴰⵖⴰ ⵙ ⵊⵊⴻⵀⴷ:

“ⴳⴳⵯⴻⴷⴻⵎ ⴰⵔⴻⴱⴱⵉ, ⵡⵛⴻⵎ ⴰⵙ-ⴷⴷ ⴰⵄⵓⴵⵉ,

ⴰⵇⴰ ⵜⴰⵙⴰⵄⵄⴻⵜ ⵏ ⵍⵃⵉⵙⴰⴱ ⵏⵏⴻⵙ ⵜⵉⵡⴻⴹ-ⴷⴷ.

ⵙⴻⵊⴷⴻⵎ ⵉ ⵡⴻⵏⵏⵉ ⵉⴳⴳⵉⵏ ⴰⵊⴻⵏⵏⴰ ⴷ ⵜⴻⵎⵎⵓⵔⵜ

ⴷ ⵍⴻⴱⵃⴰⵔ ⴷ ⵜⴰⵍⴰⵡⵉⵏ ⵏ ⵡⴰⵎⴰⵏ.” ^■  

8 ⵓⵛⴰ ⵡⴻⵏⵏⴻⵖⵏⵉ, ⵡⴻⵏⵏⵉ ⴷ ⵡⵉⵙⵙ ⵜⵏⴰⵢⴻⵏ, ⵉⴹⴼⴰⵔ ⵉ-ⵜ, ⵉⵏⵏⴰ:

“ⴰⵇⴰ ⵜⴻⵡⴹⴰ, ⴰⵇⴰ ⵜⴻⵡⴹⴰ ⴱⴰⴱⵉⵍⵓⵏ, ⵜⴰⵏⴷⵉⵏⵜ ⵜⴰⵎⴻⵇⵇⵔⴰⵏⵜ

ⵉ ⵢⴻⵊⵊⵉⵏ ⴰⴷ ⵙⵡⴻⵏ ⵎⴰⵔⵔⴰ ⵍⴻⴳⵏⵓⵙ ⵥⴻⴳ ⵡⴰⵎⴰⵏ ⵏ ⵓⴹⵉⵍ

ⵏ ⵜⴻⴼⵇⴻⵃⵜ ⵏ ⴼⴰⵔⵇ-ⵛⵛⵖⴻⵍ ⵏⵏⴻⵙ.” ^■  

9 ⵓⵛⴰ ⵡⴻⵏⵏⴻⵖⵏⵉ, ⵉⵊⵊ ⵏ ⵍⵎⴰⵍⴰⴽ ⵡⵉⵙⵙ ⵜⵍⴰⵜⴰ, ⵉⴹⴼⴰⵔ ⵉ-ⵜⴻⵏ ⵓⵛⴰ ⵉⵍⴰⵖⴰ ⵙ ⵊⵊⴻⵀⴷ:

“ⵡⴻⵏⵏⵉ ⵉⵄⴻⴱⴷⴻⵏ ⵍⵡⴻⵃⵛ ⴷ ⵍⴻⵅⵢⴰⵍ ⵏⵏⴻⵙ

ⴷ ⵡⴻⵏⵏⵉ ⵉⴽⵙⵉⵏ ⵍⴻⵄⵍⴰⵎⴻⵜ ⵅ ⵜⴻⵏⵢⴰⵔⵜ ⵏⵏⴻⵙ

ⵏⵉⵖ ⴷⴻⴳ ⵓⴼⵓⵙ ⵏⵏⴻⵙ,

10 ⴷ ⵏⴻⵜⵜⴰ ⴰⴷ ⵉⵙⵓ ⵄⴰⵡⴻⴷ ⵥⴻⴳ ⵡⴰⵎⴰⵏ ⵏ ⵓⴹⵉⵍ ⵏ ⵜⴻⴼⵇⴻⵃⵜ ⵏ ⵙⵉⴷⵉ

ⵡⴻⵏⵏⵉ ⵉⵙⵙⵡⴻⵊⴷⴻⵏ ⴱⵍⴰ ⴰⵅⴻⴵⴻⴹ ⴷⴻⴳ ⵓⵖⴰⵔⵔⴰⴼ ⵏ ⵡⴻⵖⴹⴰⴱ ⵏⵏⴻⵙ,

ⵓⵛⴰ ⴰⴷ ⵉⵜⵜⵡⴰⵄⴻⴷⴷⴻⴱ ⵙ ⵜⵎⴻⵙⵙⵉ ⴷ ⵍⴻⵛⴱⴰⵔⴻⵢⵢⴻⵜ

ⵇⵉⴱⴰⵞ ⵉ ⵜⵉⵟⵟⴰⵡⵉⵏ ⵏ ⵍⵎⴰⵍⴰⴽⴰⵜ ⵉⵇⴻⴷⴷⵙⴻⵏ

ⵓ ⵇⵉⴱⴰⵞ ⵉ ⵜⵉⵟⵟⴰⵡⵉⵏ ⵏ ⵢⴻⵥⵎⴰⵔ. ^■  

11 ⵓⵛⴰ ⴷⴷⴻⵅⵅⴰⵏ ⵏ ⵓⵄⴻⴷⴷⴻⴱ ⵏⵙⴻⵏ ⴰⴷ ⵉⵇⵇⵉⵎ ⵉⴳⴻⵄⵄⴻⴷ ⵉ ⵍⴻⴱⴷⴰ.

ⵡⴰⵔ ⴷⵉⵏ ⴱⵓ ⴰⵔⵔⴰⵃⴻⵜ ⴰⵙⵙ ⴷ ⴵⵉⵍⴻⵜ

ⵉ ⵢⴻⵏⵏⵉ ⵉⵙⴻⵊⵊⴰⴷⴻⵏ ⵉ ⵍⵡⴻⵃⵛ ⴷ ⵍⴻⵅⵢⴰⵍ ⵏⵏⴻⵙ,

ⵓ ⵉ ⵎⴰⵔⵔⴰ ⵡⴻⵏⵏⵉ ⵉⴽⵙⵉⵏ ⵍⴻⵄⵍⴰⵎⴻⵜ ⵏ ⵢⵉⵙⴻⵎ ⵏⵏⴻⵙ. ^■  

12 ⴰⵇⴰ ⴷⴰ ⵉⵜⵜⴱⴰⵏ-ⴷⴷ ⵚⵚⴱⴰⵔ ⵏ ⵉⵎⵇⴻⴷⴷⴰⵙⴻⵏ,

ⵉⵏⵏⵉ ⵉⵜⵜⴻⵟⵟⴼⴻⵏ ⴷⵉ ⵜⵡⴻⵚⵚⴰ ⵏ ⴰⵔⴻⴱⴱⵉ

ⵓ ⴷⵉ ⵍ’ⵉⵎⴰⵏ ⵏ ⵢⴻⵛⵛⵓ.” ^■  

13 ⵓⵛⴰ ⵙⵍⵉⵖ ⵉⵛⵜ ⵏ ⵜⵎⵉⵊⵊⴰ ⵜᵉⵜⵜⵍⴰⵖⴰ-ⴷⴷ ⵥⴻⴳ ⵓⵊⴻⵏⵏⴰ, ⵜⴻⵇⵇⴰⵔ:

“ⴰⵔⵉ, ⵙⵙⴻⵄⴷ ⵏ ⵉⵎⴻⵜⵜⵉⵏⴻⵏ ⵉⵏⵏⵉ ⵉ ⵖⴰ ⵉⵎⵎⵓⵜⴻⵏ ⴷⵉ ⵙⵉⴷⵉⵜⵏⴻⵖ, ⵥⵉ ⵍⴻⵅⵅⵓ ⵜⵙⴰⵡⴻⵏⵜ!”

“ⵡⴰⵀ, ⵉⵏⵏⴰ ⴰⵔⵔⵓⵃ, ⵎⴰⵖⴰⵔ ⴰⴷ ⴰⵔⴻⵢⵢⵃⴻⵏ ⵥⵉ ⵍⴻⵅⴷⴰⵢⴻⵎ ⵏⵙⴻⵏ!”,

ⴰⵇⴰ ⵍⴻⵅⴷⴰⵢⴻⵎ ⵏⵙⴻⵏ ⴰⴷ ⵜⴻⵏ ⴹⴼⴰⵔⴻⵏⵜ.

14 ⵓⵛⴰ ⵥⵔⵉⵖ, ⴰⵇⴰ ⵉⵊⵊ ⵏ ⵓⵙⴻⵢⵏⵓ ⴷ ⴰⵛⴻⵎⵍⴰⵍ ⵓⵛⴰ ⵅ ⵓⵙⴻⵢⵏⵓ ⵉⵇⵇⵉⵎ ⵅⴰⵙ ⵡⴻⵏⵏⵉ ⵉⴵⴰⵏ ⴰⵎⴻⵛⵏⴰⵡ ⵉⵊⵊ ⵏ ⵎⵎⵉⵙ ⵏ ⴱⵏⴰⴷⴻⵎ, ⵖⴰⵔⴻⵙ ⵜⵜⴰⵊ ⵏ ⵡⵓⵔⴻⵖ ⵅ ⵓⵥⴻⴵⵉⴼ ⵏⵏⴻⵙ ⵓⵛⴰ ⴰⵎⵊⴰⵔ ⵉⵇⴹⴻⵄ ⴷⴻⴳ ⵓⴼⵓⵙ ⵏⵏⴻⵙ. ^■  

15 ⵓⵛⴰ ⵉⵊⵊ ⵏ ⵍⵎⴰⵍⴰⴽ ⵏⵏⴻⵖⵏⵉ ⵉⴼⴼⴻⵖ-ⴷⴷ ⵥⵉ ⵣⵥⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⵓⵛⴰ ⵉⵍⴰⵖⴰ ⵙ ⵊⵊⴻⵀⴷ ⵅ ⵡⴻⵏⵏⵉ ⵉⵇⵇⵉⵎⴻⵏ ⵅ ⵓⵙⴻⵢⵏⵓ:

“ⵙⴻⴽⴽ-ⴷⴷ ⴰⵎⵊⴰⵔ ⵏⵏⴻⴽ, ⵎⵊⴰⵔ!

ⴰⵇⴰ ⵜⴰⵙⴰⵄⵄⴻⵜ ⵏ ⵜⵎⴻⵢⵔⴰ ⵜⵉⵡⴻⴹ-ⴷⴷ!” ^■  

16 ⵓⵛⴰ ⵡⴻⵏⵏⵉ ⵉⵇⵇⵉⵎⴻⵏ ⵅ ⵓⵙⴻⵢⵏⵓ, ⵉⵙⵙⴻⴽⴽ-ⴷⴷ ⴰⵎⵊⴰⵔ ⵏⵏⴻⵙ ⵖⴰⵔ ⵜⴻⵎⵎⵓⵔⵜ ⵓⵛⴰ ⵜᵉⵜⵜⵡⴰⵎⵊⴰⵔ ⵜⴻⵎⵎⵓⵔⵜ.

17 ⵓⵛⴰ ⵉⵊⵊ ⵏ ⵍⵎⴰⵍⴰⴽ ⵏⵏⴻⵖⵏⵉ ⵉⴼⴼⴻⵖ-ⴷⴷ ⵥⵉ ⵣⵥⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⵜⴻⵏⵏⵉ ⴷⴻⴳ ⵓⵊⴻⵏⵏⴰ, ⵓⵍⴰ ⴷ ⵏⴻⵜⵜⴰ ⵖⴰⵔⴻⵙ ⵉⵊⵊ ⵏ ⵡⴻⵎⵊⴰⵔ ⵉⵇⴹⴻⵄ.

18 ⵓⵛⴰ ⵉⵊⵊ ⵏ ⵍⵎⴰⵍⴰⴽ ⵏⵏⴻⵖⵏⵉ ⵡⴻⵏⵏⵉ ⵖⴰⵔ ⵜⴻⴵⴰ ⵚⵚⵓⵍⵟⴰ ⵅ ⵜⵎⴻⵙⵙⵉ, ⵉⴼⴼⴻⵖ-ⴷⴷ ⵥⴻⴳ ⵓⵄⴰⵍⵟⴰⵔ ⵓⵛⴰ ⵉⵍⴰⵖⴰ-ⴷⴷ ⵙ ⵊⵊⴻⵀⴷ ⵅ ⵡⴻⵏⵏⵉ ⵖⴰⵔ ⵉⴵⴰ ⵡⴻⵎⵊⴰⵔ ⵉⵇⴹⴻⵄ, ⵉⵏⵏⴰ:

“ⵙⴻⴽⴽ-ⴷⴷ ⴰⵎⵊⴰⵔ ⵏⵏⴻⴽ ⵉⵇⴻⴹⵄⴻⵏ,

ⵍⵇⴻⴹ ⵉⵥⴻⴽⴽⵓⵏⴻⵏ ⵏ ⵜⵥⴰⵢⴰⵔⵉⵏ ⵏ ⵜⴻⵎⵎⵓⵔⵜ,

ⵎⵉⵏⵥⵉ ⴰⴹⵉⵍ ⵏⵏⴻⵙ ⴰⵇⴰ ⵢⵉⵡⴻⴹ.”

19 ⵓⵛⴰ ⵍⵎⴰⵍⴰⴽ ⵉⵙⵙⴻⴽⴽ-ⴷⴷ ⴰⵎⵊⴰⵔ ⵏⵏⴻⵙ ⵖⴰⵔ ⵜⴻⵎⵎⵓⵔⵜ, ⵉⵍⵇⴻⴹ ⴰⴹⵉⵍ ⵏ ⵜⵥⴰⵢⴰⵔⵜ ⵏ ⵜⴻⵎⵎⵓⵔⵜ, ⵉⵏⴹⴰⵔ ⵉ-ⵜ ⴷⵉ ⵜⵙⵉⵔⵜ ⵜⴰⵎⴻⵇⵇⵔⴰⵏⵜ ⵏ ⵡⴻⵖⴹⴰⴱ ⵏ ⴰⵔⴻⴱⴱⵉ. ^■   20 ⵃⴰⵔⵢⴻⵏ ⴷⵉ ⵜⵙⵉⵔⵜ ⵏ ⵓⴹⵉⵍ ⴰⵍ ⴱⴰⵔⵔⴰ ⵏ ⵜⴻⵏⴷⵉⵏⵜ ⵓⵛⴰ ⵔⵓⵛⵛⴻⵏ-ⴷⴷ ⵉⴷⴰⵎⵎⴻⵏ ⵥⵉ ⵜⵙⵉⵔⵜ ⴰⵍⴰⵎⵉ ⵉⵡⴹⴻⵏ ⵖⴰⵔ ⵙⵍⵉⵎⴰⵜ ⵏ ⵢⴻⵢⵙⴰⵏ, ⵍⵇⴻⴷⴷ ⵏ ⴰⵍⴻⴼ ⵓ-ⵎⵉⵜⴰⵢⴻⵏ ⵏ ‘ⵉⵙⵜⴰⴷⵉⵢⵢⴻⵏ’, ⵉⵅⵙ ⴰⴷ ⵢⵉⵏⵉ ⵄⵍⴰⵃⴰⵍ ⵎⵉⵜⴰⵢⴻⵏ ⵓ-ⵄⵉⵛⵔⵉⵏ ⴽⵉⵍⵓⵎⵉⵜⵔ. ^□  ■