1 ⵓⵛⴰ ⴷⴻⵡⵍⴻⵖ ⴱⴻⴷⴷⴻⵖ ⵅ ⵉⵊⴷⵉ ⵖⴰⵔ ⵜⵎⴰ ⵏ ⵍⴻⴱⵃⴰⵔ, ⵓⵛⴰ ⵥⵔⵉⵖ ⵉⵊⵊ ⵏ ⵍⵡⴻⵃⵛ ⵉⴳⴻⵄⵄⴻⴷ-ⴷⴷ ⵥⵉ ⵍⴻⴱⵃⴰⵔ, ⵖⴰⵔⴻⵙ ⵄⴻⵛⵔⴰ ⵏ ⵡⴰⵛⵛⴰⵡⴻⵏ ⴷ ⵙⴻⴱⵄⴰ ⵏ ⵉⵥⴻⴵⵉⴼⴻⵏ. ⵅ ⵡⴰⵛⵛⴰⵡⴻⵏ ⵏⵏⴻⵙ ⵄⴻⵛⵔⴰ ⵏ ⵜⴻⵎⵔⵉⵙⵉⵏ ⵓⵛⴰ ⵅ ⵉⵥⴻⴵⵉⴼⴻⵏ ⵏⵏⴻⵙ ⵢⵓⵔⴰⵏ ⵅⴰⵙⴻⵏ ⵉⵊⵊ ⵏ ⵢⵉⵙⴻⵎ ⵏ ⵜⵜⴻⴽⴼⵉⵔ. ^■   2 ⵍⵡⴻⵃⵛ ⵉ ⵥⵔⵉⵖ, ⵢⴰⵔⵡⴻⵙ ⴷⴻⴳ ⵓⵖⵉⵍⴰⵙ, ⵉⴹⴰⵔⴻⵏ ⵏⵏⴻⵙ ⴰⵎ ⵉⴹⴰⵔⴻⵏ ⵏ ⴷⴷⵓⴱ, ⴰⵅⴻⵏⴼⵓⵛ ⵏⵏⴻⵙ ⴰⵎ ⵓⵅⴻⵏⴼⵓⵛ ⵏ ⵡⴰⵢⵔⴰⴷ. ⵍⵀⴰⵢⵛⴻⵜ ⵜⴻⵡⵛⴰ ⴰⵙ ⵊⵊⴻⵀⴷ ⵏⵏⴻⵙ ⴷ ⵍⵄⴰⵔⵛ ⵏⵏⴻⵙ ⵓⵍⴰ ⴷ ⵚⵚⵓⵍⵟⴰ ⵉⵎⵖⴰⵔⴻⵏ. 3 ⵉⵊⵊⴻⵏ ⵥⴻⴳ ⵉⵥⴻⴵⵉⴼⴻⵏ ⵏⵏⴻⵙ ⵉⴳⴳⴰ ⴰⵅⵎⵉ ⵉⵢⵥⴻⵎ ⴰⵍ ⵍⵎⴻⵡⵜ, ⵅⴻⵏⵏⵉ ⵉⵜⵜⵡⴰⵙⴳⴻⵏⴼⴰ ⵓⵢⴻⵥⵥⵉⵎ ⵏⵏⴻⵙ ⵉ ⵉⴳⴳⵉⵏ ⴰⵅⵎⵉ ⵉⵢⴻⵥⵎⴻⵏ ⴰⵍ ⵍⵎⴻⵡⵜ, ⵓⵛⴰ ⵎⴰⵔⵔⴰ ⵜⴰⵎⵎⵓⵔⵜ ⵜⴻⴹⴼⴰⵔ ⵍⵡⴻⵃⵛ ⵙ ⵓⵜⴻⴱⵀⴻⵜ ⴰⵎⴻⵇⵇⵔⴰⵏ. 4 ⴰⵇⴰ ⵏⵉⵜⵏⵉ ⵄⴻⴱⴷⴻⵏ ⵍⵀⴰⵢⵛⴻⵜ, ⵎⵉⵏⵥⵉ ⵏⴻⵜⵜⴰⵜ ⵜⴻⵡⵛⴰ ⵚⵚⵓⵍⵟⴰ ⵉ ⵍⵡⴻⵃⵛ, ⵓⵛⴰ ⵏⵉⵜⵏⵉ ⵄⴻⴱⴷⴻⵏ ⵍⵡⴻⵃⵛ, ⵏⵏⴰⵏ: “ⵎⴰⵏ ⵡⴻⵏ ⵢⴰⵔⵡⴻⵙⴻⵏ ⴷⵉ ⵍⵡⴻⵃⵛ ⴷ ⵎⴰⵏ ⵡⴻⵏ ⵉⵥⴻⵎⵎⴰⵔⴻⵏ ⴰⴷ ⴽⵉⴷⴻⵙ ⵉⵎⵎⵄⴰⵍⴰⵏ?” ^■   5 ⵉⵎⵎⴻⵡⵛ ⴰⵙ ⵉ ⵍⵡⴻⵃⵛ ⴰⵇⴻⵎⵎⵓⵎ ⵏⵏⵉ ⵉⵙⵙⴰⵡⴰⵍⴻⵏ ⵙ ⵓⴽⴻⴱⴱⴰⵔ ⵓ ⵙ ⵓⵛⴻⵇⵇⴻⴼ ⴷⵉ ⴰⵔⴻⴱⴱⵉ, ⵓⵛⴰ ⵜⴻⵎⵎⴻⵡⵛ ⴰⵙ ⵚⵚⵓⵍⵟⴰ ⵃⵉⵎⴰ ⴰⴷ ⵢⴻⴳⴳ ⴰⵎⵎⵓ, ⵉ ⵢⵉⵊⵊ ⵏ ⵍⵇⴻⴷⴷ ⵏ ⵜⵏⴰⵢⴻⵏ ⵓ-ⴰⵔⴻⴱⵄⵉⵏ ⵏ ⵉⵢⵓⵔⴻⵏ. ^□  ■   6 ⵓⵛⴰ ⵏⴻⵜⵜⴰ ⵢⴰⵔⵥⴻⵎ ⴰⵇⴻⵎⵎⵓⵎ ⵏⵏⴻⵙ ⵃⵉⵎⴰ ⴰⴷ ⵉⵛⴻⵇⵇⴻⴼ ⴷⵉ ⴰⵔⴻⴱⴱⵉ, ⵓ ⵃⵉⵎⴰ ⴰⴷ ⵉⵛⴻⵇⵇⴻⴼ ⴷⴻⴳ ⵢⵉⵙⴻⵎ ⵏⵏⴻⵙ ⵓ ⴷⵉ ⵜⵥⴻⴷⴷⵉⵖⵜ ⵏⵏⴻⵙ, ⵓⵍⴰ ⴷⵉ ⵎⴰⵔⵔⴰ ⵉⵏⵏⵉ ⵉⵥⴻⴷⴷⵖⴻⵏ ⴷⴻⴳ ⵓⵊⴻⵏⵏⴰ. 7 ⵉⵎⵎⴻⵡⵛ ⴰⵙ ⵚⵚⵓⵍⵟⴰ ⵎⴰⵃⴻⵏⴷ ⴰⴷ ⵉⵎⵏⴻⵖ ⴰⴽ-ⴷ ⵉⵎⵇⴻⴷⴷⴰⵙⴻⵏ ⵓ ⵎⴰⵃⴻⵏⴷ ⴰⴷ ⵅⴰⵙⴻⵏ ⵉⵖⴻⵍⵍⴻⴱ. ⵜⴻⵎⵎⴻⵡⵛ ⴰⵙ ⵚⵚⵓⵍⵟⴰ ⵅ ⴽⵓⵍ ⵜⴰⵇⴱⵉⵞ ⴷ ⵍⴳⴻⵏⵙ ⴷ ⵢⵉⵍⴻⵙ ⴷ ⵛⵛⵓⵄⵓⴱ. ^■   8 ⵎⴰⵔⵔⴰ ⵉⵏⵏⵉ ⵜⵓⵖⴰ ⵉⵥⴻⴷⴷⵖⴻⵏ ⴷⵉ ⵜⴻⵎⵎⵓⵔⵜ ⴰⴷ ⵜ ⵄⴻⴱⴷⴻⵏ, ⵉⵏⵏⵉ ⵓⵎⵉ ⵡⴰⵔ ⵢⵓⵔⵉⵏ ⵉⵙⵎⴰⵡⴻⵏ ⵏⵙⴻⵏ ⴷⴻⴳ ⵡⴻⴷⵍⵉⵙ ⵏ ⵜⵓⴷⴰⵔⵜ ⵏ ⵢⴻⵥⵎⴰⵔ ⵡⴻⵏⵏⵉ ⵓⵎⵉ ⵉⵜⵜⵡⴰⵖⴰⵔⵚ ⵇⴱⴻⵍ ⵜⴰⵎⴰⵔⵙⵉⵡⵜ ⵏ ⴷⴷⵓⵏⴻⵛⵜ. ^■  

9 ⵡⴻⵏⵏⵉ ⵖⴰⵔ ⴵⴰⵏ ⵉⵎⴻⵥⵥⵓⵖⴻⵏ, ⴻⵊⵊ ⵉ-ⵜ ⴰⴷ ⵉⵙⴻⵍ.

10 ⵎⴰⵍⴰ ⴷⵉⵏ ⵉⵊⵊⴻⵏ ⵡⴻⵏⵏⵉ ⵉⵙⵙⵉⴷⴼⴻⵏ ⵖⴰⵔ ⵜⵎⴻⵃⴱⴰⵙⵜ, ⴰⴷ ⵉⵜⵜⵡⴰⵏⴷⴻⵀ ⵏⴻⵜⵜⴰ ⵙ ⵢⵉⵅⴻⴼ ⵏⵏⴻⵙ ⵖⴰⵔ ⵜⵎⴻⵃⴱⴰⵙⵜ. ⵉⵏⵏⵉ ⵉⵏⵖⵉⵏ ⵙ ⵙⵙⵉⴼ, ⴰⴷ ⵜⵜⵡⴰⵏⵖⴻⵏ ⵙ ⵙⵙⵉⴼ. ⴰⵇⴰ ⴷⴰ ⵉⵜⵜⴱⴰⵏ-ⴷⴷ ⵚⵚⴱⴰⵔ ⴷ ⵍ’ⵉⵎⴰⵏ ⵏ ⵉⵎⵇⴻⴷⴷⴰⵙⴻⵏ. ^■  

11 ⵅⴻⵏⵏⵉ ⵥⵔⵉⵖ ⵉⵊⵊ ⵏ ⵍⵡⴻⵃⵛ ⵏⵏⴻⵖⵏⵉ ⵉⴳⴻⵄⵄⴻⴷ-ⴷⴷ ⵥⵉ ⵜⴻⵎⵎⵓⵔⵜ, ⵜⵓⵖⴰ ⵖⴰⵔⴻⵙ ⵜⵏⴰⵢⴻⵏ ⵏ ⵡⴰⵛⵛⴰⵡⴻⵏ ⵓⵛⴰ ⵢⴰⵔⵡⴻⵙ ⴷⴻⴳ ⵉⵥⵎⴰⵔ, ⵎⴰⵛⴰ ⵉⵙⵙⵉⵡⴻⵍ ⴰⵎⴻⵛⵏⴰⵡ ⵍⵀⴰⵢⵛⴻⵜ. ^■  

12 ⵜⵓⵖⴰ ⵉⵃⴻⴽⴽⴻⵎ ⵙ ⵎⴰⵔⵔⴰ ⵚⵚⵓⵍⵟⴰ ⵏ ⵍⵡⴻⵃⵛ ⴰⵎⴻⵥⵡⴰⵔⵓ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏⵏⴻⵙ, ⵢⴰⵔⵔⴰ-ⴷⴷ ⵜⴰⵎⵎⵓⵔⵜ ⴷ ⵉⵎⴻⵥⴷⴰⵖ ⵏⵏⴻⵙ ⵎⴰⵔⵔⴰ ⴰⴷ ⵄⴻⴱⴷⴻⵏ ⵍⵡⴻⵃⵛ ⴰⵎⴻⵥⵡⴰⵔⵓ, ⵡⴻⵏⵏⵉ ⵉⴳⴳⴻⵏⴼⴰⵏ ⵥⴻⴳ ⵓⵢⴻⵥⵥⵉⵎ ⵏⵏⴻⵙ ⵉ ⵉⴳⴳⵉⵏ ⴰⵅⵎⵉ ⵉⵢⵥⴻⵎ ⴰⵍ ⵍⵎⴻⵡⵜ. ^■  

13 ⵉⵜⵜⴻⴳⴳ ⵍⴻⵄⵍⴰⵎⴰⵜ ⵜⵉⵎⴻⵇⵇⵔⴰⵏⵉⵏ ⴰⵍ ⴷⴷ-ⵉⵙⵙⴻⵀⵡⴰ ⵜⵉⵎⴻⵙⵙⵉ ⵥⴻⴳ ⵓⵊⴻⵏⵏⴰ ⵅ ⵜⴻⵎⵎⵓⵔⵜ ⵇⵉⴱⴰⵞ ⵉ ⵜⵉⵟⵟⴰⵡⵉⵏ ⵏ ⵉⵡⴷⴰⵏ. ^■  

14 ⴰⴷ ⵉⵖⵡⴰ ⵉⵏⵏⵉ ⵉⵥⴻⴷⴷⵖⴻⵏ ⴷⵉ ⵜⴻⵎⵎⵓⵔⵜ ⵙ ⵍⴻⵄⵍⴰⵎⴰⵜ ⵉ ⴷ ⴰⵙ ⵉⵎⵎⴻⵡⵛⴻⵏ ⵃⵉⵎⴰ ⴰⴷ ⵜⴻⵏ ⵉⴳⴳ ⵇⵉⴱⴰⵞ ⵉ ⵜⵉⵟⵟⴰⵡⵉⵏ ⵏ ⵍⵡⴻⵃⵛ ⴰⵎⴻⵥⵡⴰⵔⵓ, ⵎⴰⵃⴻⵏⴷ ⴰⴷ ⵢⵉⵏⵉ ⵉ ⵢⴻⵏⵏⵉ ⵉⵥⴻⴷⴷⵖⴻⵏ ⴷⵉ ⵜⴻⵎⵎⵓⵔⵜ ⴰⴷ ⴽⴽⴰⵔⴻⵏ ⴰⴷ ⵙⵙⴱⴻⴷⴷⴻⵏ ⵍⴻⵅⵢⴰⵍ ⵉ ⵍⵡⴻⵃⵛ, ⵡⴻⵏⵏⵉ ⵜⵓⵖⴰ ⵉⵢⵥⴻⵎ ⵙ ⵙⵙⵉⴼ ⵓⵛⴰ ⵉⴷⴷⴰⵔ-ⴷⴷ ⵄⴰⵡⴻⴷ. ^■  

15 ⵓⵛⴰ ⵉⵎⵎⴻⵡⵛ ⴰⵙ ⴰⴷ ⵉⴳⴳ ⵉⵊⵊ ⵏ ⴰⵔⵔⵓⵃ ⵉ ⵍⴻⵅⵢⴰⵍ ⵏ ⵍⵡⴻⵃⵛ, ⵃⵉⵎⴰ ⴰⴷ ⵉⵙⵙⵉⵡⴻⵍ ⵍⴻⵅⵢⴰⵍ ⵏ ⵍⵡⴻⵃⵛ ⵓⵛⴰ ⴰⴷ ⵉⴳⴳ ⴱⴻⵍⵍⵉ ⵎⴰⵔⵔⴰ ⵉⵏⵏⵉ ⵡⴰⵔ ⵉⵄⴻⴱⴱⴷⴻⵏ ⵍⵡⴻⵃⵛ, ⴰⴷ ⵜⵜⵡⴰⵏⵖⴻⵏ. ^■  

16 ⵓⵛⴰ ⴰⴷ ⵉⴳⴳ ⴱⴻⵍⵍⵉ ⴰⴷ ⵉⵎⵎⴻⵡⵛ ⵉ ⵎⴰⵔⵔⴰ ⵉⵛⵜ ⵏ ⵍⴻⵄⵔⴰⵎⴻⵜ ⵅ ⵓⴼⵓⵙ ⵏⵙⴻⵏ ⴰⴼⵓⵙⵉ ⵏⵉⵖ ⵅ ⵜⴻⵏⵢⴰⵔⵜ ⵏⵙⴻⵏ, ⵉ ⵉⵎⴻⵥⵢⴰⵏⴻⵏ ⴷ ⵉⵎⴻⵇⵇⵔⴰⵏⴻⵏ, ⵉ ⴰⵢⵜⴱⴰⴱ ⵏ ⵡⴰⴳⵍⴰ ⴷ ⵉⵎⴻⵥⵍⴰⴹ, ⵉ ⵉⵃⵓⵔⵔⵉⵢⵢⴻⵏ ⴷ ⵉⵙⴻⵎⵖⴰⵏ, ^□  

17 ⵓⵛⴰ ⴰⴷ ⵉⴳⴳ ⴱⴻⵍⵍⵉ ⵓⵍⴰ ⴷ ⵉⵊⵊ ⵡⴰⵔ ⵉⵥⴻⵎⵎⴰⵔ ⴰⴷ ⵉⵙⴻⵖ ⵏⵉⵖ ⴰⴷ ⵉⵥⵥⴻⵏⵥ ⵎⵖⵉⵔ ⵡⴻⵏⵏⵉ ⵖⴰⵔ ⵜⴻⴵⴰ ⵍⴻⵄⵍⴰⵎⴻⵜ, ⴷ ⵢⵉⵙⴻⵎ ⵏ ⵍⵡⴻⵃⵛ ⵏⵉⵖ ⵏⵏⵓⵎⵔⵓ ⵏ ⵢⵉⵙⴻⵎ ⵏⵏⴻⵙ. ^■  

18 ⴷⴰⵏⵉⵜⴰ ⵜⴻⴵⴰ ⵜⵉⵖⵉⵜ: ⵡⴻⵏⵏⵉ ⵖⴰⵔ ⵉⴵⴰ ⵍⴻⵄⵇⴻⵍ, ⵉⵥⴻⵎⵎⴰⵔ ⴰⴷ ⵉⵙⵙⴻⵏ ⵏⵏⵓⵎⵔⵓ ⵏ ⵍⵡⴻⵃⵛ, ⵎⵉⵏⵥⵉ ⵏⴻⵜⵜⴰ ⴷ ⵏⵏⵓⵎⵔⵓ ⵏ ⵉⵊⵊ ⵏ ⴱⵏⴰⴷⴻⵎ ⵓⵛⴰ ⵏⵏⵓⵎⵔⵓ ⵏⵏⴻⵙ ⴷ ⵙⴻⵜⵜⴰ-ⵎⵢⴰ ⵓ-ⵙⴻⵜⵜⴰ ⵓ-ⵙⴻⵜⵜⵉⵏ. ^■