1 ⵎⴰⵛⴰ ⵙⵙⴻⵏ ⴷⴷⴻⴳⴳⴰ, ⴰⵇⴰ ⴷⴻⴳ ⵡⵓⵙⵙⴰⵏ ⵉⵏⴻⴳⴳⵓⵔⴰ ⴰⴷ ⴷⵉⵏ ⵉⵍⵉⵏ ⵉⴽⵓⴷⴻⵏ ⵏ ⵍⵡⴻⵇⵜ ⵉⵡⵄⴰⵔⴻⵏ. ^■   2 ⵎⵉⵏⵥⵉ ⵉⵡⴷⴰⵏ ⴰⴷ ⵅⵙⴻⵏ ⵉⵅⴻⴼ ⵏⵙⴻⵏ, ⴰⴷ ⵉⵍⵉⵏ ⴷ ⵉⵛⴻⵟⵟⴰⵔⴻⵏ, ⴷ ⴰⵢⵜ ⵏ ⴱⵓ-ⵏⵏⴼⴰⵅⴻⵜ ⴷ ⵉⵎⵄⴻⴼⴼⴰⵔⴻⵏ ⴷ ⵉⵎⵛⴻⵇⵇⴰⴼⴻⵏ, ⵡⴰⵔ ⵜⵜᵉⵟⵟⵉⵄⵉⵏ ⵛⴰ ⵉ ⵉⵡⴷⴰⵏ ⵏⵙⴻⵏ, ⴰⴷ ⵏⴹⴰⵔⴻⵏ ⴰⵔⴹⴰ, ⴰⴷ ⵉⵍⵉⵏ ⴷ ⵉⵄⴻⴼⴼⴰⵏⴻⵏ, 3 ⴰⴷ ⵛⴻⵇⵇⴼⴻⵏ, ⴰⴷ ⵎⴻⵥⵍⴻⵏ ⵍⴻⴱⴷⴰ ⴷⵉ ⵄⵍⴰⵎ ⴽⵓⵍ ⵏⵏⴻⵛⵡⴰⵜ, ⴰⴷ ⵉⵍⵉⵏ ⵇⴻⵙⵃⴻⵏ, ⵛⴰⵔⵔⵀⴻⵏ ⵎⵉⵏ ⵉⵚⴻⴱⵃⴻⵏ, 4 ⴰⴷ ⵉⵍⵉⵏ ⴷ ⵉⵖⴻⴷⴷⴰⵔⴻⵏ ⴷ ⵉⴼⴻⵏⵜⵔⵓⵙⴻⵏ, ⴷⴰⵢⵙⴻⵏ ⵏⵏⴼⴰⵅⴻⵜ, ⴰⴷ ⵅⵙⴻⵏ ⵏⵏⴻⵛⵡⴰⵜ ⴽⵜⴰⵔ ⵥⵉ ⴰⵔⴻⴱⴱⵉ, 5 ⵏⵉⵜⵏⵉ ⵖⴰⵔⵙⴻⵏ ⵓⴷⴻⵎ ⵏ ⵜⵉⴳⴳⵯⵓⴷⵉ ⵥⵉ ⴰⵔⴻⴱⴱⵉ, ⵎⴰⵛⴰ ⴱⴻⴷⴷⴻⵏ ⴳⴳⵯⴻⵊⴻⵏ ⵅ ⵊⵊⴻⵀⴷ ⵏⵏⴻⵙ. ⵉⵏⵏⵉ ⵉⴵⴰⵏ ⴰⵎⴻⵏⵏⵉ, ⵉⵜⵜⵅⴻⵚⵚⴰ ⴰⴷ ⵜⴻⵏ ⵜⴻⵙⵙⵉⴳⴳⵯⴻⵊⴻⴷ ⵅⴰⴽ. ^■  

6 ⵣⵥⴰⵢⵙⴻⵏ ⵉⵏⵏⵉ ⵉⵜⵜⵃⴰⵎⴰⵏ ⵜⵓⴷⵔⵉⵏ ⵓⵛⴰ ⵙⵙⵓⵙⵓⵎⴻⵏ ⵜⵉⵎⵖⴰⵔⵉⵏ ⵜⵉⵏⵏⵉ ⵢⴰⵔⴻⴱⴱⵓⵏ ⴷⴷⵏⵓⴱ, ⵜⵜⵡⴰⵄⴰⵔⵔⴻⵏⵜ ⵙ ⵓⴱⴰⵔⵔⵓ ⵏ ⵏⵏⴻⵛⵡⴰⵜ, ^■   7 ⵜⵉⵏⵏⵉ ⵅⵙⴻⵏⵜ ⴰⴷ ⵍⴻⵎⴷⴻⵏⵜ ⵍⴻⴱⴷⴰ, ⵎⴰⵛⴰ ⵄⴻⵎⵎⴰⵔⵚ ⴰⴷ ⴰⵡⴹⴻⵏⵜ ⵖⴰⵔ ⵜⵓⵙⵙⵏⴰ ⵏ ⵜⵉⴷⴻⵜⵜ. 8 ⵎⴰⵛⴰ ⴰⵎ ⵎⴰⵎⵎⴻⵛ ⵜⵓⵖⴰ ⵢⴰⵏⵏⵉⵙ ⴷ ⵢⴰⵎⴱⵔⵉⵙ ⵜᵉⵜⵜⴻⵎⵄⴰⵍⴰⵏ ⴰⴽ-ⴷ ⵎⵓⵙⴰ, ⴰⵎⵎⵓ ⵄⴰⵡⴻⴷ ⵉⵏⴰ ⵜᵉⵜⵜⴻⵎⵄⴰⵍⴰⵏ ⴰⴽ-ⴷ ⵜⵉⴷⴻⵜⵜ: ⴰⵇⴰ ⴰⵜⴻⵏ ⴷ ⵉⵡⴷⴰⵏ, ⵉⵏⵏⵉ ⵉⵜⵜⵡⴰⵖⴻⵛⵛ ⵍⴻⵄⵇⴻⵍ ⵏⵙⴻⵏ, ⵏⵉⵜⵏⵉ ⵜⵜⵡⴰⵎⵎⴻⵏⴹⴰⵔⴻⵏ ⵥⵉ ⵍ’ⵉⵎⴰⵏ. ^■   9 ⵎⴰⵛⴰ ⵡⴰⵔ ⵜⵜⵔⵉⵃⴻⵏ ⵛⴰ ⴽⵜⴰⵔ ⵖⴰⵔ ⵥⵥⴰⵜ, ⵎⵉⵏⵥⵉ ⴰⴼⵖⵓⵍ ⵏⵙⴻⵏ ⵉⴱⴰⵏ-ⴷⴷ ⵉ ⵎⴰⵔⵔⴰ, ⴰⵎ ⵎⴰⵎⵎⴻⵛ ⴷⴷ-ⵉⴱⴰⵏ ⵓⵍⴰ ⴷ ⵡⴻⵏⵏⵉ ⵏ ⵢⵉⵏⵏⵉ ⵙ ⵜⵏⴰⵢⴻⵏ.

10 ⵎⴰⵛⴰ ⵛⴻⴽ ⵜⵙⵉⵖⵉⴷ ⴰⴽⵉⴷⵉ ⴷⴻⴳ ⵓⵙⴻⵍⵎⴻⴷ ⵉⵏⵓ, ⴰⵎ ⵎⴰⵎⵎⴻⵛ ⴳⴳⵓⵔⴻⵖ, ⵜⵙⵉⵖⵉⴷ ⴰⴽⵉⴷⵉ ⴷⵉ ⵍⵖⴰⵔⴰⴹ ⵉⵏⵓ, ⵍ’ⵉⵎⴰⵏ ⵉⵏⵓ, ⵜⵜⴰⵙⵉⵄ ⵏ ⵍⵅⴰⴹⴰⵔ ⵉⵏⵓ, ⵜⴰⵢⵔⵉ ⵉⵏⵓ ⴷ ⵚⵚⴱⴰⵔ ⵉⵏⵓ,

11 ⴷⵉ ⵍⴻⵃⵚⴰⵔⴰⵜ ⴷ ⵓⵡⴻⴷⴷⴻⴱ ⵉⵏⵓ. ⵜⴻⵙⵙⵏⴻⴷ ⵜⵉⵎⴻⵙⵍⴰⵢⵉⵏ ⵉ ⵅⴰⴼⵉ ⵉⴽⴽⵉⵏ ⴷⵉ ⴰⵏⵜⵉⵢⵓⵅⵉⵢⴰ ⴷ ⵉⴽⵓⵏⵉⵢⴰ ⴷ ⵍⵉⵙⵜⵔⴰ, ⵎⴰⵏ ⴰⴷⴰⵔⵔⴻⵛ ⵉ ⵅⴰⴼⵉ ⴷⴷ-ⵢⴻⴽⴽⵉⵏ, ⵓⵛⴰ ⴰⵇⴰ ⵙⵉⴷⵉ ⵉⵙⵙⴻⵏⵊⴻⵎ ⴰⵢⵉ ⵥⵥⴰⵢⵙⴻⵏ ⵎⴰⵔⵔⴰ. ^■  

12 ⵙ ⵜⵉⴷⴻⵜⵜ ⵎⴰⵔⵔⴰ ⵉⵏⵏⵉ ⵉⵅⵙⴻⵏ ⴰⴷ ⴷⴷⴰⵔⴻⵏ ⵙ ⵜⵉⴳⴳⵯⵓⴷⵉ ⵥⵉ ⴰⵔⴻⴱⴱⵉ ⴷⵉ ⵢⴻⵛⵛⵓ ⵍⵎⴰⵙⵉⵃ, ⴰⴷ ⵜⵜⵡⴰⴷⴰⵔⵔⵛⴻⵏ. ^■  

13 ⵎⴰⵛⴰ ⵉⵡⴷⴰⵏ ⵉⵄⴻⴼⴼⴰⵏⴻⵏ ⴷ ⵉⵛⴻⵎⵎⴰⵜⴻⵏ ⴰⴷ ⴰⵔⵏⵉⵏ ⴷⵉ ⵜⵓⵄⴻⴼⴼⵏⴰ ⵏⵙⴻⵏ, ⴰⴷ ⵖⵡⴰⵏ ⵓⵛⴰ ⴰⴷ ⵜⵜⵡⴰⵖⵡⴰⵏ.

14 ⵛⴻⴽ ⵎⴰⵛⴰ, ⵇⵇⵉⵎ ⴷⵉ ⵎⵉⵏ ⵜⵓⵖⴰ ⵜⵍⴻⵎⴷⴻⴷ ⵓ ⴷⵉ ⵎⵉⵏ ⵜᵉⵜⵜⵡⴰⵙⵇⴻⵏⵄⴻⴷ, ⵎⴰⵖⴰⵔ ⵜⴻⵙⵙⵏⴻⴷ ⵎⴰⵏ ⵡⴻⵏ ⵉ ⵥⵉ ⵜ ⵜⵍⴻⵎⴷⴻⴷ,

15 ⴰⵇⴰ ⵥⵉ ⵜⴻⵎⵥⵉ ⵜᵉⵜⵜⵡⴰⵙⵙⵍⴻⵎⴷⴻⴷ ⴷⵉ ⵜⵉⵔⴰ ⵉⵇⴻⴷⴷⵙⴻⵏ, ⵜⵉⵏⵏⵉ ⵥⴻⵎⵎⴰⵔⴻⵏⵜ ⴰⴷ ⵛⴻⴽ ⴰⵔⵔⴻⵏⵜ ⴷ ⴰⵎⵉⵖⵉⵙ ⴰⵍ ⵉ ⵖⴰ ⵜᵉⵟⵟⴼⴻⴷ ⵜⵓⴷⴰⵔⵜ ⵙ ⵍ’ⵉⵎⴰⵏ ⴷⵉ ⵢⴻⵛⵛⵓ ⵍⵎⴰⵙⵉⵃ.

16 ⴽⵓⵍ ⵜⵉⵔⴰ ⵉ ⵢⵓⵔⴰⵏ ⵙ ⴰⵔⵔⵓⵃ ⵉⵇⴻⴷⴷⵙⴻⵏ, ⴰⵇⴰ ⵉⵏⴻⴼⴼⴻⵄ ⵄⴰⵡⴻⴷ ⵉ ⵓⵙⴻⵍⵎⴻⴷ, ⵉ ⵓⵚⴻⵃⵃⵉ, ⵉ ⵡⴻⵄⴷⴰⵍ ⵓⵛⴰ ⵉ ⵜⵜⴰⵔⴱⵉⵢⵢⴻⵜ ⴷⵉ ⵜⵙⴻⴳⴷⴰ, ^■  

17 ⵃⵉⵎⴰ ⴱⵏⴰⴷⴻⵎ ⵏ ⴰⵔⴻⴱⴱⵉ ⴰⴷ ⵢⵉⵍⵉ ⵉⵄⴻⵙⵙ, ⵉⵃⴻⵥⵥⴻⵎ ⵉ ⵎⴰⵔⵔⴰ ⵍⵅⴻⴷⵎⴻⵜ ⵉⵚⴻⴱⵃⴻⵏ.