1 ⵛⴻⴽ ⵅⴻⵏⵏⵉ, ⵎⵎⵉ ⵉⵏⵓ, ⵉⵍⵉ ⵜⵎⴻⵃⴹⴻⴷ ⴷⵉ ⴰⵔⴹⴰ ⵏⵏⵉ ⵉⴵⴰⵏ ⴷⵉ ⵢⴻⵛⵛⵓ ⵍⵎⴰⵙⵉⵃ, 2 ⵓ ⵎⵉⵏ ⵥⵥⴰⵢⵉ ⵜⴻⵙⵍⵉⴷ ⵙ ⵡⴰⵟⵟⴰⵙ ⵏ ⵍⴻⵛⵀⵓⴷ, ⵡⴻⴽⴽⴻⵍ ⵉ-ⵜ ⵉ ⵉⵡⴷⴰⵏ ⵉⵎⵜⵉⵇⵇⴰⵏ, ⵉⵏⵏⵉ ⵉⵥⴻⵎⵎⴰⵔⴻⵏ ⴰⴷ ⵙⵙⵍⴻⵎⴷⴻⵏ ⵄⴰⵡⴻⴷ ⵉⵏⵏⴻⵖⵏⵉ. ^■  

3 ⴰⵔⴱⵓ ⵍⵖⴰⵔ ⴰⴽ-ⴷ ⵉⵏⵏⴻⵖⵏⵉ ⴰⵎ ⵉⵊⵊ ⵏ ⵓⵄⴻⵙⴽⴰⵔⵉ ⵉⵛⵏⴰⵏ ⵏ ⵢⴻⵛⵛⵓ ⵍⵎⴰⵙⵉⵃ. 4 ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵏ ⵓⵄⴻⵙⴽⴰⵔⵉ ⵉⵍⴻⵀⵀⴰ ⴰⴽ-ⴷ ⵍⴻⵙⵡⴰⵇ ⵏ ⵜⵓⴷⴰⵔⵜ. ⵉⵜⵜⵅⴻⵚⵚⴰ ⴰⵙ ⴰⴷ ⵢⴰⵔⴹⴰ ⵡⴻⵏⵏⵉ ⵜ ⵉⴳⴳⵉⵏ ⴷ ⴰⵄⴻⵙⴽⴰⵔⵉ ⵡⴰⵀⴰ. ^■   5 ⵓⵛⴰ ⵄⴰⵡⴻⴷ ⵡⴻⵏⵏⵉ ⵉⵜⵜⴻⵎⵃⵉⵥⵡⴰⵔⴻⵏ ⴰⵎⴻⵛⵏⴰⵡ ⴱⵓ-ⵓⵎⵃⵉⵥⵡⴰⵔ, ⵡⴰⵔ ⴷ ⴰⵙ ⵜⵜⵉⵛⴻⵏ ⵜⵜⴰⵊ ⵎⴰⵍⴰ ⵡⴰⵔ ⵉⵎⵎⵏⵉⵖ ⵄⵍⴰⵃⵙⴰⴱ ⵍⵇⴰⵏⵓⵏ. 6 ⴰⴼⴻⴵⴰⵃ ⵉ ⵉⵜⵜⴻⴳⴳⴻⵏ ⵍⵅⴻⴷⵎⴻⵜ ⵉⵇⴻⵙⵃⴻⵏ, ⵉⵜⵜⵅⴻⵚⵚⴰ ⴰⵙ ⴰⴷ ⵉⴽⵙⵉ ⴷ ⴰⵎⴻⵥⵡⴰⵔ ⵥⵉ ⵍⵖⵉⴵⴻⵜ. ^■  

7 ⵅⴰⵔⵔⴻⵚ ⴷⵉ ⵎⵉⵏ ⴷ ⴰⵛ ⵇⵇⴰⵔⴻⵖ. ⴰⴷ ⴰⵛ ⵉⵡⵛ ⵙⵉⴷⵉⵜⵏⴻⵖ ⵍⴻⴼⵀⴰⵎⴻⵜ ⴷⵉ ⴽⵓⵍⵛⵉ. 8 ⵄⵇⴻⵍ ⴱⴻⵍⵍⵉ ⵢⴻⵛⵛⵓ ⵍⵎⴰⵙⵉⵃ, ⵡⴻⵏⵏⵉ ⴷⴷ-ⵉⵜⵜⵡⴰⵙⵏⴻⴽⴽⴰⵔⴻⵏ ⵥⵉ ⵜⴰⴷⴷⴰⵔⵜ ⵏ ⵉⵎⴻⵜⵜⵉⵏⴻⵏ, ⴰⵇⴰ-ⵜ ⵥⵉ ⵥⵥⴰⵔⵉⵄⴻⵜ ⵏ ⴷⴰⵡⵓⴷ ⵄⵍⴰⵃⵙⴰⴱ ⵍⴻⵅⴱⴰⵔ ⴰⵚⴻⴱⵃⴰⵏ ⵉⵏⵓ, 9 ⵍⴻⵅⴱⴰⵔ ⴰⵚⴻⴱⵃⴰⵏ ⵏⵏⵉ ⵅⴻⴼ ⴽⵙⵉⵖ ⵜⴰⵎⴰⵔⴰ, ⵄⴰⴷ ⵙⵏⴰⵙⴻⵍ ⴰⵎⴻⵛⵏⴰⵡ ⵎⴰⵎⵎⴻⵛ ⴵⵉⵖ ⵏⴻⵛⵛ ⴷ ⵉⵊⵊ ⵏ ⵓⵄⴻⴼⴼⴰⵏ! ⵎⴰⵛⴰ ⴰⵡⴰⵍ ⵏ ⴰⵔⴻⴱⴱⵉ ⵡⴰⵔ ⵉⵥⴻⵎⵎⴰⵔ ⴰⴷ ⵉⵜⵜⵡⴰⵇⵇⴻⵏ ⵙ ⵙⵙⵏⴰⵙⴻⵍ. ^■  

10 ⵙ ⵓⵢⴻⵏⵏⵉ ⵜⵜⵃⴻⵎⵍⴻⵖ ⵎⴰⵔⵔⴰ ⴷⵉ ⵟⵟⵡⴻⵄ ⵏ ⵢⵉⵏⵏⵉ ⵉⵜⵜⵡⴰⴼⴰⵔⵥⴻⵏ, ⵃⵉⵎⴰ ⴰⴷ ⴰⴼⴻⵏ ⵓⵍⴰ ⴷ ⵏⵉⵜⵏⵉ ⵜⵓⴷⴰⵔⵜ ⴷⵉ ⵢⴻⵛⵛⵓ ⵍⵎⴰⵙⵉⵃ ⴰⴽ-ⴷ ⵓⵄⵓⴵⵉ ⵉ ⵍⴻⴱⴷⴰ.

11 ⵡⴰ ⴷ ⴰⵡⴰⵍ ⴷⴰⵢⴻⵙ ⵍⴰⵎⴰⵏ, ⵎⵉⵏⵥⵉ ⵎⴰⵍⴰ ⵏⴻⵎⵎⵓⵜ ⴰⴽⵉⴷⴻⵙ, ⴰⴷ ⴽⵉⵙ ⵏⴻⴷⴷⴰⵔ ⵄⴰⵡⴻⴷ, ^■  

12 ⵓ ⵎⴰⵍⴰ ⵏⵚⴻⴱⴱⴰⵔ, ⴰⴷ ⴽⵉⵙ ⵏⴻⵃⴽⴻⵎ ⵄⴰⵡⴻⴷ ⴰⵎ ⵉⵊⴻⴵⵉⴷⴻⵏ, ⵎⴰⵛⴰ ⵎⴰⵍⴰ ⵏⴻⵏⴽⴰⵔ ⵉ-ⵜ, ⵏⴻⵜⵜⴰ ⴰⴷ ⴰⵏⴻⵖ ⵉⵏⴽⴰⵔ ⵄⴰⵡⴻⴷ. ^■  

13 ⵎⴰⵍⴰ ⵡⴰⵔ ⴷⴰⵢⴻⵙ ⵏⴻⵜⵜⵉⵇⵇ, ⴰⵇⴰ ⵏⴻⵜⵜⴰ ⵉⵜⵜⵖⵉⵎⴰ ⴷ ⴰⵎⵜⵉⵇⵇⵉ, ⵎⵉⵏⵥⵉ ⵡⴰⵔ ⵉⵥⴻⵎⵎⴰⵔ ⴰⴷ ⵉⵏⴽⴰⵔ ⵉⵅⴻⴼ ⵏⵏⴻⵙ. ^■  

14 ⵙⴻⵄⵇⴻⵍ ⴰⵙⴻⵏ ⵎⴰⵏ ⴰⵢⴰ, ⵄⵍⴻⵎ ⴰⵙⴻⵏ ⵥⵥⴰⵜ ⵉ ⵙⵉⴷⵉⵜⵏⴻⵖ ⵎⴰⵃⴻⵏⴷ ⵡⴰⵔ ⵜⵜⵎⴻⵏⵖⵉⵏ ⵛⴰ ⵙ ⵡⴰⵡⴰⵍⴻⵏ ⵡⴰⵔ ⵉⵏⴻⴼⴼⵄⴻⵏ, ⵉⵏⵏⵉ ⵉ ⴷⴷ ⵖⴰ ⵢⴰⵡⵢⴻⵏ ⴰⵔⴻⴷⴷⴻⴵ ⵅ ⵢⴻⵏⵏⵉ ⵉⵜⵜⵚⴻⵏⵏⴰⵜⴻⵏ.

15 ⵃⴹⴰ ⵉⵅⴻⴼ ⵏⵏⴻⴽ, ⵎⴰⵃⴻⵏⴷ ⴰⴷ ⵜⴰⵔⵔⴻⴷ ⵉⵅⴻⴼ ⵏⵏⴻⴽ ⴰⵎ ⵜⴽⴻⵎⵍⴻⴷ ⵥⵥⴰⵜ ⵉ ⴰⵔⴻⴱⴱⵉ, ⴰⵎⴻⵛⵏⴰⵡ ⴰⵅⴻⴷⴷⴰⵎ ⵏⵏⵉ ⵡⴰⵔ ⵖⴰⵔⴻⵙ ⵎⵉⵏ ⵥⵉ ⵖⴰ ⵉⵙⴻⴹⵃⴰ, ⵡⴻⵏⵏⵉ ⵉⵜⵜⴱⴰⵔⵔⵃⴻⵏ ⵏⵉⵛⴰⵏ ⴰⵡⴰⵍ ⵏ ⵜⵉⴷⴻⵜⵜ.

16 ⴰⴳⴳⵯⴻⵊ ⵅ ⵡⴰⵡⴰⵍⴻⵏ ⵉⵅⵡⴰⵏ ⵉ ⵡⴰⵔ ⵉⵏⴻⴼⴼⵄⴻⵏ, ⵎⵉⵏⵥⵉ ⵏⵉⵜⵏⵉ ⴰⴷ ⴰⵔⵏⵉⵏ ⴰⵟⵟⴰⵙ ⴷⵉ ⵍⴻⵇⵊⴰⵃⴻⵜ ⵏ ⵢⵉⵏⵏⵉ ⵉⵛⴻⵖⵍⴻⵏ ⵉⵅⴻⴼ ⵏⵙⴻⵏ ⴰⴽ-ⴷ ⵎⴰⵏ ⴰⵢⴰ. ^■  

17 ⴰⵡⴰⵍ ⵏⵙⴻⵏ ⴰⴷ ⵉⵜⵜⵡⴰⵖⵉⵢⵢⴻⵥ ⴰⵎⴻⵛⵏⴰⵡ ⵓⵅⵙⴰⵙ. ⴰⵇⴰ ⵀⵉⵎⵉⵏⵉⵢⵓⵙ ⴷ ⴼⵉⵍⵉⵜⵓⵙ ⴵⴰⵏ ⵥⵥⴰⵢⵙⴻⵏ.

18 ⵏⵉⵜⵏⵉ ⴼⴼⵖⴻⵏ ⵥⴻⴳ ⵡⴻⴱⵔⵉⴷ ⵏ ⵜⵉⴷⴻⵜⵜ, ⵇⵇⴰⵔⴻⵏ ⴱⴻⵍⵍⵉ ⵜⴰⵏⵓⴽⵔⴰ ⴰⵇⴰ ⵜⴻⵎⵙⴰⵔ, ⵓⵛⴰ ⵇⴻⵍⴱⴻⵏ ⵍ’ⵉⵎⴰⵏ ⵏ ⵉⵊⵊ ⵏ ⵡⴰⵢⴷⵓⴷ.

19 ⵎⴰⵛⴰ ⴷⵙⴰⵙ ⵏ ⴰⵔⴻⴱⴱⵉ ⵉⴱⴻⴷⴷ ⵏⵉⵛⴰⵏ ⵓⵛⴰ ⵡⴰ ⴷ ⴰⵛⴻⵎⵎⵉⵄ ⵏⵏⴻⵙ: “ⵙⵉⴷⵉ ⵉⵙⵙⴻⵏ ⵉⵏⵏⵉ ⵉⴵⴰⵏ ⵏⵏⴻⵙ, ⵓⵛⴰ ⴻⵊⵊ ⵎⴰⵔⵔⴰ ⵉⵏⵏⵉ ⵉⵜⵜⵍⴰⵖⴰⵏ ⵅ ⵙⵉⴷⵉ ⴰⴷ ⴳⴳⵯⴻⵊⴻⵏ ⵅ ⵍⵎⵓⵄⵚⵉⵢⵢⴻⵜ.” ^■  

20 ⵎⴰⵛⴰ ⴷⵉ ⵜⴰⴷⴷⴰⵔⵜ ⵜⴰⵎⴻⵇⵇⵔⴰⵏⵜ ⵡⴰⵔ ⴷⴰⵢⴻⵙ ⵍⴻⵇⵛⵓⵄ ⵏ ⵡⵓⵔⴻⵖ ⴷ ⵏⵏⵓⵇⴰⵔⵜ ⵡⴰⵀⴰ, ⵎⴰⵛⴰ ⵄⴰⵡⴻⴷ ⵏ ⵓⴽⴻⵛⵛⵓⴹ ⴷ ⵜⵍⴰⵅⵜ, ⵛⴰ ⵥⵥⴰⵢⵙⴻⵏ ⵏ ⵛⵛⴰⵏ ⵓ ⵛⴰ ⵏ ⵓⴱⴻⵀⴷⴻⵍ. ^■   21 ⵅⴻⵏⵏⵉ ⵎⴰⵍⴰ ⵃⴻⴷ ⵉⵙⵙⵉⵥⴷⴻⴳ ⵉⵅⴻⴼ ⵏⵏⴻⵙ ⵥⵉ ⴷⴷⴻⴳⴳⴰ, ⴰⴷ ⵢⵉⵍⵉ ⴷ ⵉⵛⵜ ⵏ ⵍⵇⴻⵛⵄⴻⵜ ⵏ ⵛⵛⴰⵏ, ⵜᵉⵜⵜⵡⴰⵇⴻⴷⴷⴻⵙ ⵉ ⵜⴻⴵⴰ ⵓⵛⴰ ⵜⴻⴷⵡⴻⵍ ⵜⵏⴻⴼⴼⴻⵄ ⵉ ⵙⵉⴷⴻⵙ, ⴰⵇⴰ ⵜᵉⵜⵜⵡⴰⵙⴻⵡⵊⴻⴷ ⵉ ⵎⴰⵔⵔⴰ ⵍⴻⵅⴷⴰⵢⴻⵎ ⵉⵚⴻⴱⵃⴻⵏ.

22 ⵎⴰⵛⴰ ⴰⵔⵡⴻⵍ ⵥⵉ ⵎⴰⵔⵔⴰ ⵏⵏⴻⵛⵡⴰⵜ ⵏ ⵜⴻⵎⵥⵉ ⵓⵛⴰ ⴰⵔⴷⴻⴼ ⵜⴰⵙⴻⴳⴷⴰ ⴷ ⵍ’ⵉⵎⴰⵏ ⴷ ⵜⴰⵢⵔⵉ ⴷ ⵍⴻⵀⵏⴰ ⴰⴽ-ⴷ ⵢⴻⵏⵏⵉ ⵉⵜⵜⵍⴰⵖⴰⵏ ⵅ ⵙⵉⴷⵉⵜⵏⴻⵖ ⵥⴻⴳ ⵡⵓⵍ ⵉⵥⴻⴷⴳⴻⵏ. ^■  

23 ⴱⴻⵄⵄⴻⴷ ⵅ ⵉⵎⵃⴰⵔⵡⴰⴹⴻⵏ ⵉⴱⵓⵀⴰⵍⵉⵢⵢⴻⵏ ⵉ ⵡⴰⵔ ⵉⴵⵉⵏ ⵉ ⵍⴻⴱⵏⵉ, ⵎⴰⵖⴰⵔ ⵜⴻⵙⵙⵏⴻⴷ ⴰⵇⴰ ⵏⴻⴷⴷⵀⴻⵏ ⵖⴰⵔ ⵉⵎⵛⵓⴱⴱⴰⵛ. ^■   24 ⵡⴰⵔ ⵉⵛⵓⵡⵡⴰⵔ ⵉ ⵓⵎⵙⴻⵅⵅⴰⵔ ⵏ ⵙⵉⴷⵉⵜⵏⴻⵖ ⴰⴷ ⵉⵎⵛⵓⴱⴱⴻⵛ, ⵎⴰⵛⴰ ⵉⵛⵓⵡⵡⴰⵔ ⴰⵙ ⴰⴷ ⵢⵓⵢⵓⵔ ⵙ ⵍⴻⴹⵔⴰⴼⴻⵜ ⴰⴽ-ⴷ ⵎⴰⵔⵔⴰ, ⵉⵥⴻⵎⵎⴰⵔ ⴰⴷ ⵉⵙⵙⴻⵍⵎⴻⴷ, ⴰⵇⴰ ⵖⴰⵔⴻⵙ ⵜⵜⴰⵙⵉⵄ ⵏ ⵍⵅⴰⴹⴰⵔ, ^■   25 ⵎⴰⵃⴻⵏⴷ ⴰⴷ ⵉⵙⵙⴻⵍⵎⴻⴷ ⵙ ⵜⴻⵎⵀⵉⵏⵜ ⵉⵏⵏⵉ ⵜ ⵉⵜⵜⵄⴻⴽⴽⴰⵙⴻⵏ. ⴰⴷ ⵜⴰⵖ ⴰⵔⴻⴱⴱⵉ ⴰⴷ ⴰⵙⴻⵏ ⵉⵡⵛ ⴰⴷ ⵜⵓⴱⴻⵏ ⴰⴷ ⵙⵙⵏⴻⵏ ⵜⵉⴷⴻⵜⵜ, ^■   26 ⵓⵛⴰ ⴰⴷ ⴷⴷ-ⴰⵙⴻⵏ ⵢⴰⵔⵔ ⵍⴱⴰⵍ, ⴰⴷ ⵏⴼⴻⴽⴽⴻⵏ ⵥⵉ ⵜⴻⵅⵛⴻⴼⵜ ⵏ ⵛⵛⵉⵟⴰⵏ, ⵡⴻⵏⵏⵉ ⵉ-ⵜⴻⵏ ⵉⵃⴻⴱⴱⵙⴻⵏ ⵉ ⵜⵉⵥⵉ ⵏⵏⴻⵙ.