1 ⴱⵓⵍⵓⵙ, ⴰⵎⵙⴻⵅⵅⴰⵔ ⵏ ⴰⵔⴻⴱⴱⵉ ⴷ ⵔⵔⴰⵙⵓⵍ ⵏ ⵢⴻⵛⵛⵓ ⵍⵎⴰⵙⵉⵃ, ⴷⵉ ⵍ’ⵉⵎⴰⵏ ⵏ ⵢⵉⵏⵏⵉ ⵉⵜⵜⵡⴰⴼⴰⵔⵥⴻⵏ ⵥⵉ ⴰⵔⴻⴱⴱⵉ ⵓ ⴷⵉ ⵜⵓⵙⵙⵏⴰ ⵏ ⵜⵉⴷⴻⵜⵜ ⵜⴻⵏⵏⵉ ⵉⴵⴰⵏ ⴷⵉ ⵜⵉⴳⴳⵯⵓⴷⵉ ⵏ ⴰⵔⴻⴱⴱⵉ, ^□   2 ⵅ ⵓⵙⵉⵜⴻⵎ ⵏ ⵜⵓⴷⴰⵔⵜ ⵉⵜⵜⴷⵓⵎⴰⵏ, ⵜⴻⵏⵏⵉ ⵜⵓⵖⴰ ⵥⵉ ⵉⵡⴰⵄⴷ ⴰⵔⴻⴱⴱⵉ ⴷ ⵜⵉⴷⴻⵜⵜ, ⵇⴱⴻⵍ ⵍⵡⴻⵇⵜ ⵏ ⵉⴽⵓⴷⴻⵏ, ^■   3 ⵓⵛⴰ ⴰⵇⴰ ⵉⵙⵙⴰⵔⴳⴻⴱ ⴰⵡⴰⵍ ⵏⵏⴻⵙ ⴷⵉ ⵍⵡⴻⵇⵜ ⵏⵏⴻⵙ ⵙ ⵜⴱⴰⵔⵔⴻⵃⵜ ⵏⵏⴻⵖ ⵉ ⴷ ⴰⵢⵉ ⵉⵜⵜⵡⴰⵡⴻⴽⴽⵍⴻⵏ ⵄⵍⴰⵃⵙⴰⴱ ⵍⵓⵎⵓⵔ ⵏ ⴰⵔⴻⴱⴱⵉ, ⵍⵄⵓⵏⵚⴰⵔ ⵏⵏⴻⵖ ⵏ ⵜⵓⴷⴰⵔⵜ. ^■  

4 ⵉ ⵜⵉⵜⵓⵙ, ⵎⵎⵉ ⴷ ⵜⵉⴷⴻⵜⵜ ⵄⵍⴰⵃⵙⴰⴱ ⵍ’ⵉⵎⴰⵏ ⵏⵏⴻⵖ ⵉⵛⴰⵔⵛⴻⵏ: ⴰⵔⴹⴰ ⴷ ⵍⴻⵀⵏⴰ ⵥⵉ ⴰⵔⴻⴱⴱⵉ, ⵜⴰⴱⴰⴱⴰⵜ, ⵓ ⵥⵉ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ, ⵍⵄⵓⵏⵚⴰⵔ ⵏⵏⴻⵖ ⵏ ⵜⵓⴷⴰⵔⵜ. ^■  

5 ⵙ ⵓⵢⴻⵏⵏⵉ ⵊⵊⵉⵖ ⵛⴻⴽ ⴷⵉ ⴽⵔⵉⵜⴰ, ⵃⵉⵎⴰ ⴰⴷ ⵜⵄⴻⴷⵍⴻⴷ ⵎⵉⵏ ⵜⵓⵖⴰ ⵄⴰⴷ ⵉⵜⵜⵅⴻⵚⵚⴰ ⵓ ⵃⵉⵎⴰ ⴰⴷ ⵜⴻⵙⵙⴳⴻⵄⵄⴷⴻⴷ ⵉⵎⵖⴰⵔⴻⵏ ⴷⵉ ⴽⵓⵍ ⵜⴰⵏⴷⵉⵏⵜ, ⴰⵎ ⵎⴰⵎⵎⴻⵛ ⵛⴻⴽ ⵓⵎⵓⵔⴻⵖ. ^■   6 ⴰⵎⵖⴰⵔ ⴷ ⵉⵊⵊⴻⵏ ⵡⴻⵏⵏⵉ ⵡⴰⵔ ⴷⵉ ⵉⴵⵉ ⵍⵄⵉⴱ, ⴰⵇⴰ-ⵜ ⴷ ⴰⵔⵢⴰⵥ ⵉ ⵖⴰⵔⴻⵙ ⵎⵖⵉⵔ ⵉⵛⵜ ⵏ ⵜⴻⵎⵖⴰⵔⵜ, ⵖⴰⵔⴻⵙ ⵜⴰⵔⵡⴰ ⵜⵜⴰⵎⵏⴻⵏ, ⵡⴰⵔ ⵜⵜᵉⴽⴽⵡⴰⵔⴻⵏ, ⵡⴰⵔ ⵜⵜⵡⴰⵟⵟⴼⴻⵏ ⵥⴻⴳ ⵓⴼⵓⵛⵛⴻⵃ. ^■  

7 ⵎⵉⵏⵥⵉ ⵉⵜⵜⵅⴻⵚⵚⴰ ⵉ ⵓⵎⵖⴰⵔ ⴰⴷ ⵢⵉⵍⵉ ⴱⵍⴰ ⵍⵄⵉⴱ ⴰⵎⴻⵛⵏⴰⵡ ⴰⵡⴽⵉⵍ ⵏ ⴰⵔⴻⴱⴱⵉ. ⵉⵜⵜⵅⴻⵚⵚⴰ ⵡⴰⵔ ⴷⴰⵢⴻⵙ ⵉⵜⵜⵉⵍⵉ ⵓⵄⴻⴼⴼⴰⵔ ⵏⵉⵖ ⵥⵥⵄⴰⴼ, ⵡⴰⵔ ⵉⵙⴻⵙⵙ ⵛⵛⵔⴰⴱ ⵙⴻⵏⵏⴻⵊ ⵉ ⵍⵇⴻⴷⴷ, ⵡⴰⵔ ⵉⵛⵛⵉⵜ ⵙ ⵓⴼⵓⵙ ⵏⵏⴻⵙ ⵓ ⵡⴰⵔ ⵉⵜⵜⴻⵅⵙ ⴰⵔⴱⴻⵃ ⵡⴰⵔ ⵉⵃⵍⵉⵏ. ^■   8 ⴻⵊⵊ ⵉ-ⵜ ⴰⴷ ⵢⴰⵔⴻⵃⵃⴻⴱ ⵙ ⵉⵏⴻⵡⵊⵉⵡⴻⵏ, ⴰⴷ ⵉⵅⵙ ⵎⵉⵏ ⵉⵚⴻⴱⵃⴻⵏ, ⵉⵜⵜⵅⴻⵚⵚⴰ ⴰⴷ ⵢⵉⵍⵉ ⴷ ⴰⵙⴻⵅⵅⴰⵢ, ⴷ ⴰⵎⵙⴻⴳⴳⴰⴷ, ⴷ ⴰⵎⴻⵥⴷⴰⴳ, ⴰⴷ ⵉⵃⴽⴻⵎ ⵅ ⵉⵅⴻⴼ ⵏⵏⴻⵙ. ^■   9 ⵉⵜⵜⵅⴻⵚⵚⴰ ⴰⵙ ⴰⴷ ⵉⵃⴹⴰ ⵜⵖⵓⵔⵉ ⵏ ⵚⵚⴰⵃ ⵏ ⵡⴰⵡⴰⵍ ⵏ ⵍ’ⵉⵎⴰⵏ, ⵃⵉⵎⴰ ⵉⵇⴻⴷⴷ ⴰⴷ ⵉⵛⴻⵊⵊⴻⵄ ⵉⵏⵏⵉ ⵢⵓⵎⵏⴻⵏ ⵙ ⵜⵖⵓⵔⵉ ⵏⵏⴻⵙ ⵏ ⵚⵚⴰⵃ ⵓ ⴰⴷ ⵉⵙⵙⵖⴻⴹ ⵜⴰⵔⵡⴰ ⵏ ⴱⵓ-ⵜⵖⴻⵏⵏⴰⵏⵜ.

10 ⵎⵉⵏⵥⵉ ⴰⵇⴰ ⴷⵉⵏ ⴰⵟⵟⴰⵙ ⵏ ⵉⵡⴷⴰⵏ ⵉⵏⵏⵉ ⵡⴰⵔ ⵉⵅⵙⴻⵏ ⴰⴷ ⵙⵙⵡⴰⴹⵄⴻⵏ ⵉⵅⴻⴼ ⵏⵙⴻⵏ, ⵙⵙⴰⵡⴰⵍⴻⵏ ⴰⵡⴰⵍⴻⵏ ⵉⵅⵡⴰⵏ, ⵖⴰⵔ ⵓⵎⴻⵥⵡⴰⵔⵓ ⵏⵙⴻⵏ ⴷ ⵉⵏⵏⵉ ⵥⴻⴳ ⵡⴻⵅⵜⴰⵏ. ⵏⵉⵜⵏⵉ ⵙⵙⵅⴰⵔⵡⴰⴹⴻⵏ ⵉⵅⴰⵔⵔⵉⵚⴻⵏ ⵏ ⵉⵡⴷⴰⵏ. ^■  

11 ⵉⵜⵜⵅⴻⵚⵚⴰ ⴰⴷ ⴰⵙⴻⵏ ⵉⵜⵜⵡⴰⵇⵇⴻⵏ ⵓⵇⴻⵎⵎⵓⵎ, ⵎⵉⵏⵥⵉ ⵏⵉⵜⵏⵉ ⵇⴻⵍⵄⴻⵏ ⵅ ⵡⴰⵟⵟⴰⵙ ⵏ ⵍⴰⴵⴰⵜ, ⵙⵙⴻⵍⵎⴰⴷⴻⵏ ⵎⵉⵏ ⵡⴰⵔ ⵉⵛⵓⵡⵡⴰⵔⴻⵏ ⵎⴰⵃⴻⵏⴷ ⴰⴷ ⵟⵟⴼⴻⵏ ⴰⵔⴱⴻⵃ ⵡⴰⵔ ⵉⵃⵍⵉⵏ. ^■  

12 ⵉⵊⵊⴻⵏ ⵥⵥⴰⵢⵙⴻⵏ, ⴰⵇⴰ-ⵜ ⴷ ⴰⵏⴰⴱⵉ ⵏⵙⴻⵏ, ⵜⵓⵖⴰ ⵉⵏⵏⴰ: “ⵉⴽⵔⵉⵜⵉⵢⵢⴻⵏ ⵙⵙⵅⴰⵔⵉⵇⵇⴻⵏ ⵍⴻⴱⴷⴰ, ⴰⵇⴰ ⴰⵜⴻⵏ ⴷ ⵍⴻⵡⵃⵓⵛ ⵉⵄⴻⴼⴼⴰⵏⴻⵏ, ⵡⴰⵔ ⵜⵜⵢⵉⵡⵉⵏⴻⵏ ⵄⴻⵎⵎⴰⵔⵚ.”

13 ⵛⵛⵀⴰⴷⴻⵜ-ⴰ ⴷ ⵜⵉⴷⴻⵜⵜ. ⵙ ⵓⵢⴻⵏⵏⵉ ⵡⴻⴱⴱⴻⵅ ⴰⵙⴻⵏ ⵙ ⵊⵊⴻⵀⴷ, ⵃⵉⵎⴰ ⴰⴷ ⵉⵍⵉⵏ ⴷ ⵉⵚⵃⴰⵃⴻⵏ ⴷⵉ ⵍ’ⵉⵎⴰⵏ,

14 ⵡⴰⵔ ⵜⵜⵉⵛⴻⵏ ⵛⴰ ⵜⴰⵢⵏⵉⵜ ⵉ ⵜⵃⵓⵊⴰ ⵏ ⵡⵓⴷⴰⵢⴻⵏ ⴷ ⵜⵉⵡⴻⵚⵚⴰ ⵏ ⵉⵡⴷⴰⵏ ⵏⵏⵉ ⵉⵡⵛⵉⵏ ⵙ ⵡⴻⵄⵔⵓⵔ ⵉ ⵜⵉⴷⴻⵜⵜ. ^■  

15 ⵉ ⵓⵎⴻⵥⴷⴰⴳ ⵎⴰⵔⵔⴰ ⴷ ⵜⴰⵥⴷⵓⴳⵉ, ⵎⴰⵛⴰ ⵉ ⵢⴻⵏⵏⵉ ⵉⵜⵜⵡⴰⵅⴻⵎⵊⴻⵏ ⴷ ⵢⴻⵏⵏⵉ ⵡⴰⵔ ⵢⵓⵎⵉⵏⴻⵏ, ⵉ ⵏⵉⵜⵏⵉ ⵓⵍⴰ ⴷ ⵉⵛⵜ ⵏ ⵍⵃⴰⵊⵊⴻⵜ ⵜⵉⵥⴷⵉⴳ, ⵎⵉⵏⵥⵉ ⵉⵅⴰⵔⵔⵉⵚⴻⵏ ⵏⵙⴻⵏ ⴷ ⵜⵏⴻⴼⵙⴻⵛⵜ ⵏⵙⴻⵏ ⵅⴻⵎⵊⴻⵏ. ^■  

16 ⵏⵉⵜⵏⵉ ⵜⵜⴰⵔⵔⴰⵏ ⵉⵅⴻⴼ ⵏⵙⴻⵏ ⵙⵙⵏⴻⵏ ⴰⵔⴻⴱⴱⵉ, ⵎⴰⵛⴰ ⵏⴹⴰⵔⴻⵏ ⵜ ⵙ ⵍⴻⵅⴷⴰⵢⴻⵎ ⵏⵙⴻⵏ. ⵢⴰⵄⵄⵓⵜ ⵎⵉⵏ ⵜⵜⴻⴳⴳⴻⵏ, ⴰⵇⴰ ⵡⴰⵔ ⵟⴰⵄⴻⵏ ⵛⴰ, ⵡⴰⵔ ⵏⴻⴼⴼⵄⴻⵏ ⵓⵍⴰ ⵉ ⵢⵉⵛⵜ ⵏ ⵍⵅⴻⴷⵎⴻⵜ ⵉⵚⴻⴱⵃⴻⵏ.