1 ⵙ ⵓⵢⴻⵏⵏⵉ ⵜⵜⵥⴰⵡⴳⴻⵖ ⴽⴻⵏⵏⵉⵡ, ⵃⵉⵎⴰ ⵙⴻⵏⵏⴻⵊ ⵉ ⵎⴰⵔⵔⴰ ⴰⴷ ⵜⵇⴰⵔⵔⴱⴻⵎ ⵖⴰⵔ ⴰⵔⴻⴱⴱⵉ ⵙ ⵜⵓⵜⵔⴰ ⴷ ⵜⵥⴰⴵⵉⵜⵉⵏ ⴷ ⵜⴽⴻⵙⵙⵉⵜ ⵙ ⵍⵎⴻⵄⵔⵓⴼ ⴷ ⵓⵇⴰⴷⵉ ⴷⵉ ⵟⵟⵡⴻⵄ ⵏ ⵎⴰⵔⵔⴰ ⵉⵡⴷⴰⵏ, 2 ⴷⵉ ⵟⵟⵡⴻⵄ ⵏ ⵉⵊⴻⴵⵉⴷⴻⵏ ⴷ ⵎⴰⵔⵔⴰ ⵉⵏⵏⵉ ⵉⴵⴰⵏ ⴷ ⵉⵎⴻⵥⵡⵓⵔⴰ, ⵃⵉⵎⴰ ⵅⴻⵏⵏⵉ ⴰⴷ ⵏⴻⴷⴷⴰⵔ ⴷⵉ ⵍⴻⵀⵏⴰ ⴷ ⵍⵀⵓⴷⵏⴻⵜ ⵓ ⵙ ⵎⴰⵔⵔⴰ ⵜⵉⴳⴳⵯⵓⴷⵉ ⴷ ⵜⴻⵥⴷⵓⴳⵉ ⵥⵥⴰⵜ ⴰⵔⴻⴱⴱⵉ, ^■   3 ⵎⵉⵏⵥⵉ ⵎⴰⵏ ⴰⵢⴰ ⴷ ⴰⵚⴻⴱⵃⴰⵏ ⵓ ⵢⵓⵙⴰ ⴰⵙ-ⴷⴷ ⵉ ⵍⵅⴰⴹⴰⵔ ⵉ ⴰⵔⴻⴱⴱⵉ, ⵍⵄⵓⵏⵚⴰⵔ ⵏⵏⴻⵖ ⵏ ⵜⵓⴷⴰⵔⵜ, 4 ⵡⴻⵏⵏⵉ ⵉⵅⵙⴻⵏ ⴰⵇⴰ ⵎⴰⵔⵔⴰ ⵉⵡⴷⴰⵏ ⴰⴷ ⵟⵟⴼⴻⵏ ⵜⵓⴷⴰⵔⵜ ⵓⵛⴰ ⴷⴻⵡⵍⴻⵏ-ⴷⴷ ⵖⴰⵔ ⵜⵓⵙⵙⵏⴰ ⵏ ⵜⵉⴷⴻⵜⵜ. ^■   5 ⵎⵉⵏⵥⵉ ⴰⵇⴰ ⴷⵉⵏ ⵉⵊⵊ ⵏ ⴰⵔⴻⴱⴱⵉ ⴷ ⵉⵊⵊ ⵏ ⵓⵎⵙⴻⵚⵍⴰⵃ ⵊⴰⵔ ⴰⵔⴻⴱⴱⵉ ⴷ ⵉⵡⴷⴰⵏ, ⴰⵇⴰ ⵏⴻⵜⵜⴰ ⴷ ⴱⵏⴰⴷⴻⵎ ⵢⴻⵛⵛⵓ ⵍⵎⴰⵙⵉⵃ, ^■   6 ⵡⴻⵏⵏⵉ ⵉⵡⵛⵉⵏ ⵉⵅⴻⴼ ⵏⵏⴻⵙ ⴷ ⵜⵜⴰⵎⴰⵏ ⵏ ⵡⴻⵚⵍⴰⵃ ⵉ ⵎⴰⵔⵔⴰ ⴱⵏⴰⴷⴻⵎ, ⴰⵇⴰ-ⵜⵜ ⴷ ⵛⵛⵀⴰⴷⴻⵜ ⵉ ⴷⴷ-ⵢⵓⵙⵉⵏ ⴷⵉ ⵍⵡⴻⵇⵜ ⵏⵏⴻⵙ, ^■   7 ⵉ ⵓⵎⵉ ⵜⵜⵡⴰⴳⴳⴻⵖ ⴷ ⴰⵎⴱⴰⵔⵔⴻⵃ ⴷ ⵔⵔⴰⵙⵓⵍ, - ⴰⵇⴰ ⵇⵇⴰⵔⴻⵖ ⵜⵉⴷⴻⵜⵜ, ⵡⴰⵔ ⵙⵙⵅⴰⵔⵔⵉⵇⴻⵖ ⵛⴰ - , ⵓⵍⴰ ⴷ ⴰⵎⵙⴻⵖⵖⴰⵔ ⵏ ⵍⴻⴳⵏⵓⵙ ⴷⵉ ⵍ’ⵉⵎⴰⵏ ⵏ ⵜⵉⴷⴻⵜⵜ. ^□  ■  

8 ⵅⵙⴻⵖ ⵅⴻⵏⵏⵉ ⴱⴻⵍⵍⵉ ⵉⵔⵢⴰⵥⴻⵏ ⴰⴷ ⵥⵥⴰⴵⴻⵏ ⵎⴰⵏⵉⵎⵎⴰ, ⴰⵎ ⵙⵙⴳⴻⵄⵄⴰⴷⴻⵏ ⵉⴼⴰⵙⵙⴻⵏ ⵏⵙⴻⵏ ⵙ ⵜⴻⵥⴷⵓⴳⵉ, ⴱⵍⴰ ⴰⵅⴻⵢⵢⴻⵇ ⴷ ⵓⵎⵛⵓⴱⴱⴻⵛ. ^■  

9 ⴰⵎⵎⵓ ⵓⵍⴰ ⴷ ⵜⵉⵎⵖⴰⵔⵉⵏ ⴰⴷ ⵢⴰⵔⴹⴻⵏⵜ ⵙ ⵓⵡⴻⵇⵇⴰⵔ, ⵉⵜⵜⵅⴻⵚⵚⴰ ⴰⴷ ⵥⴻⵀⵀⵊⴻⵏⵜ ⵉⵅⴻⴼ ⵏⵙⴻⵏⵜ ⵙ ⵍⴻⵃⵢⴰ ⵓ ⵙ ⵓⵀⴻⴷⴷⴻⵏ, ⵡⴰⵔ ⵉⴵⵉ ⵙ ⵓⵎⵓⴷⵉ ⵏ ⵓⵛⴻⵡⵡⴰⴼ ⵏⵉⵖ ⵙ ⵡⵓⵔⴻⵖ ⵏⵉⵖ ⵙ ⵜⵢⴰⵇⵓⵜⵉⵏ ⵏⵉⵖ ⵙ ⵡⴰⵔⵔⵓⴹ ⵉⵖⵍⴰⵏ, ^■  

10 ⵎⴰⵛⴰ ⴰⴷ ⵥⴻⵀⵀⵊⴻⵏⵜ ⵉⵅⴻⴼ ⵏⵙⴻⵏⵜ ⵙ ⵍⴻⵅⴷⴰⵢⴻⵎ ⵉⵚⴻⴱⵃⴻⵏ ⴰⵎ ⵎⴰⵎⵎⴻⵛ ⴷⴷ-ⵢⵓⵙⴰ ⵅ ⵜⴻⵎⵖⴰⵔⵉⵏ, ⵜⵉⵏⵏⵉ ⵉⵜⵜⵏⴻⵊⴱⴰⴷⴻⵏ ⵖⴰⵔ ⵓⵡⴻⵇⵇⴰⵔ ⵏ ⴰⵔⴻⴱⴱⵉ.

11 ⴻⵊⵊ ⵜⴰⵎⵖⴰⵔⵜ ⴰⴷ ⵜⴻⵍⵎⴻⴷ ⴷⵉ ⵍⵀⵓⴷⵏⴻⵜ, ⴰⴽ-ⴷ ⵎⴰⵔⵔⴰ ⵜⴰⵎⵡⴰⴹⴻⵄⵜ,

12 ⵎⴰⵛⴰ ⵏⴻⵛⵛ ⵡⴰⵔ ⵜⵜⴻⵊⵊⵉⵖ ⵜⴰⵎⵖⴰⵔⵜ ⴰⴷ ⵜⴻⵙⵙⴻⵍⵎⴻⴷ ⵏⵉⵖ ⴰⴷ ⵖⴰⵔⴻⵙ ⵢⵉⵍⵉ ⵊⵊⴻⵀⴷ ⵅ ⵡⴻⵔⵢⴰⵥ, ⵎⴰⵛⴰ ⴰⴷ ⵜⵉⵍⵉ ⵜⴻⵙⵇⴰⵔ. ^■  

13 ⵎⵉⵏⵥⵉ ⴰⴷⴰⵎ ⵉⵜⵜⵡⴰⴳⴳ ⴷ ⴰⵎⴻⵥⵡⴰⵔ, ⴰⵡⴰⵔⵏⵉ ⴰⵙ ⵀⴰⵡⴰ. ^■  

14 ⵓⵛⴰ ⴰⴷⴰⵎ ⵡⴰⵔ ⵉⵜⵜⵡⴰⵖⴰⵔⵔ ⵛⴰ, ⵎⴰⵛⴰ ⵜⴰⵎⵖⴰⵔⵜ ⵜᵉⵜⵜⵡⴰⵖⴰⵔⵔ, ⵅⴻⵏⵏⵉ ⵜⴻⵅⴹⴰ, ^■  

15 ⵎⴰⵛⴰ ⴰⴷ ⵜⴻⵏⵊⴻⵎ ⵙ ⵜⴰⵔⵡⴰ ⵏⵏⴻⵙ, ⵎⴰⵍⴰ ⵛⴻⴱⴱⴰⵔⴻⵏ ⵏⵉⵜⵏⵉ ⴷⵉ ⵍ’ⵉⵎⴰⵏ ⴷ ⵜⴰⵢⵔⵉ ⴷ ⵜⵇⴻⴷⴷⴰⵙⵜ ⴷ ⵍⴻⵃⵢⴰ.