1 ⵡⵉ ⵉⴹⴻⵄⴼⴻⵏ ⴷⵉ ⵍ’ⵉⵎⴰⵏ, ⵡⵛⴻⵎ ⴰⵙ ⴰⴼⵓⵙ, ⵡⴰⵔ ⵜⵜⴻⵎⵙⴻⴱⴹⴰⵎ ⴷⴻⴳ ⵉⵅⴰⵔⵔⵉⵚⴻⵏ ⵏⵡⴻⵎ ⵊⴰⵔ ⴰⵡⴻⵎ. 2 ⴰⵇⴰ ⴷⵉⵏ ⵃⴻⴷ ⵢⵓⵎⴻⵏ ⵉⵥⴻⵎⵎⴰⵔ ⴰⴷ ⵉⵛⵛ ⴽⵓⵍⵛⵉ, ⵎⴰⵛⴰ ⵡⴻⵏⵏⵉ ⵉⴹⴻⵄⴼⴻⵏ ⴰⴷ ⵉⵛⵛ ⵜⵉⴱⴱⵉ ⵡⴰⵀⴰ. ^■   3 ⵡⴻⵏⵏⵉ ⵉⵜⵜⴻⵜⵜⴻⵏ, ⵡⴰⵔ ⵉⵙⵙⴻⵃⵇⴰⵔⵉ ⵡⴻⵏⵏⵉ ⵡⴰⵔ ⵉⵜⵜⴻⵜⵜⴻⵏ, ⴷ ⵡⴻⵏⵏⵉ ⵡⴰⵔ ⵉⵜⵜⴻⵜⵜⴻⵏ, ⵡⴰⵔ ⵉⵃⴻⴽⴽⴻⵎ ⵅ ⵡⴻⵏⵏⵉ ⵉⵜⵜⴻⵜⵜⴻⵏ, ⵎⵉⵏⵥⵉ ⴰⵔⴻⴱⴱⵉ ⵉⵇⴱⴻⵍ ⵉ-ⵜ. 4 ⵎⵉⵏ ⵜⴻⵄⵏⵉⴷ ⵛⴻⴽ ⵡⴻⵏⵏⵉ ⵉⵃⴻⴽⴽⵎⴻⵏ ⵅ ⵓⵎⵙⴻⵅⵅⴰⵔ ⵏ ⵡⴻⵏⵏⴻⵖⵏⵉ? ⵎⴰ ⵉⴱⴻⴷⴷ ⵏⵉⵖ ⵉⵡⴹⴰ, ⴷ ⵎⴰⵏ ⴰⵢⴰ ⵉ ⴱⴰⴱ ⵏⵏⴻⵙ. ⵎⴰⵛⴰ ⴰⴷ ⵉⴱⴻⴷⴷ, ⵎⵉⵏⵥⵉ ⴰⵔⴻⴱⴱⵉ ⵉⵥⴻⵎⵎⴰⵔ ⴰⴷ ⵜ ⵉⵙⵙⴱⴻⴷⴷ ⴷ ⴰⴱⴻⴷⴷⵉ. ^■  

5 ⴰⵇⴰ ⴷⵉⵏ ⵃⴻⴷ ⵉⵜⵜⵖⵉⵍ ⴰⵙ ⴰⵇⴰ ⴷⵉⵏ ⴰⵙⵙ ⵙⴻⵏⵏⴻⵊ ⵉ ⵡⴰⵙⵙ ⵏⵏⴻⵖⵏⵉ, ⵓ ⵡⴻⵏⵏⴻⵖⵏⵉ ⵉⵜⵜⵖⵉⵍ ⴰⵙ ⴰⵇⴰ ⴽⵓⵍ ⴰⵙⵙ ⴽⵉⴼⴽⵉⴼ. ⴻⵊⵊ ⴽⵓⵍ ⵉⵊⵊⴻⵏ ⴰⴷ ⵉⵇⵏⴻⵄ ⴷⵉ ⵍⴱⴰⵍ ⵏⵏⴻⵙ ⵏⵉⵛⴰⵏ. ^■   6 ⵡⴻⵏⵏⵉ ⵉⵡⴻⵇⵇⴰⵔⴻⵏ ⵉⵊⵊ ⵏ ⵡⴰⵙⵙ, ⵉ ⵙⵉⴷⴻⵙ ⵉ ⵜ ⵖⴰ ⵉⵡⴻⵇⵇⴰⵔ. ⵡⴻⵏⵏⵉ ⵡⴰⵔ ⵉⵡⴻⵇⵇⴰⵔⴻⵏ ⴰⵙⵙ, ⵉ ⵙⵉⴷⴻⵙ ⵉ ⵡⴰⵔ ⵜ ⵉⵡⴻⵇⵇⴰⵔ. ⵡⴻⵏⵏⵉ ⵉⵛⵛⴻⵏ, ⴰⴷ ⵉⵛⵛ ⵉ ⵙⵉⴷⴻⵙ, ⵎⵉⵏⵥⵉ ⴰⴷ ⵉⵛⴻⴽⴽⴰⵔ ⴰⵔⴻⴱⴱⵉ. ⵡⴻⵏⵏⵉ ⵡⴰⵔ ⵉⵛⵛⵉⵏ ⵛⴰ, ⵉ ⵙⵉⴷⴻⵙ ⵡⴰⵔ ⵉⵛⵛⵉ ⵛⴰ ⵓⵛⴰ ⵏⴻⵜⵜⴰ ⴰⴷ ⵉⵛⴻⴽⴽⴰⵔ ⴰⵔⴻⴱⴱⵉ ⵄⴰⵡⴻⴷ. ^■   7 ⵎⵉⵏⵥⵉ ⵓⵍⴰ ⴷ ⵉⵊⵊ ⵥⵥⴰⵢⵏⴻⵖ ⴰⵇⴰ ⵉⴷⴷⴰⵔ ⵉ ⵢⵉⵅⴻⴼ ⵏⵏⴻⵙ, ⵓⵛⴰ ⵓⵍⴰ ⴷ ⵉⵊⵊⴻⵏ ⵉⵎⵎⵓⵜ ⵉ ⵢⵉⵅⴻⴼ ⵏⵏⴻⵙ. ^■   8 ⵎⵉⵏⵥⵉ ⵎⴰⵍⴰ ⵏⴻⴷⴷⴰⵔ, ⴰⴷ ⵏⴻⴷⴷⴰⵔ ⵉ ⵙⵉⴷⵉⵜⵏⴻⵖ, ⵏⵉⵖ ⵎⴰⵍⴰ ⵏⴻⵎⵎⵓⵜ ⴰⴷ ⵏⴻⵎⵎⴻⵜ ⵉ ⵙⵉⴷⵉⵜⵏⴻⵖ. ⵙ ⵓⵢⴻⵏⵏⵉ ⵎⴰ ⵏⴻⴷⴷⴰⵔ ⵏⵉⵖ ⵏⴻⵎⵎⵓⵜ, ⴰⵇⴰ ⵏⴻⵛⵛⵉⵏ ⵉ ⵙⵉⴷⵉⵜⵏⴻⵖ. 9 ⵎⵉⵏⵥⵉ ⵉ ⵓⵢⴰ ⵉ ⵉⵎⵎⵓⵜ ⵍⵎⴰⵙⵉⵃ, ⵅⴻⵏⵏⵉ ⵉⴽⴽⴰⵔ-ⴷⴷ ⵓⵛⴰ ⵉⴷⵡⴻⵍ ⵉⴷⴷⴰⵔ ⵄⴰⵡⴻⴷ, ⵃⵉⵎⴰ ⴰⴷ ⵢⵉⵍⵉ ⴷ ⵙⵉⴷⵉ ⵉ ⵢⴻⵏⵏⵉ ⵉⵎⵎⵓⵜⴻⵏ ⵓⵍⴰ ⵉ ⵢⴻⵏⵏⵉ ⵉⴷⴷⴰⵔⴻⵏ.

10 ⵎⴰⵛⴰ ⵛⴻⴽ, ⵎⴰⵢⴻⵎⵎⵉ ⵉ ⵖⴰ ⵜⵃⴻⴽⵎⴻⴷ ⵅ ⵓⵎⴰⵛ? ⵏⵉⵖ ⵎⴰⵢⴻⵎⵎⵉ ⵄⴰⵡⴻⴷ ⵜⴻⵙⵙⴻⵃⵇⴰⵔⴰⴷ ⵓⵎⴰⵛ? ⵎⵉⵏⵥⵉ ⵏⴻⵛⵛⵉⵏ ⵎⴰⵔⵔⴰ ⴰⴷ ⵏⴱⴻⴷⴷ ⵇⵉⴱⴰⵞ ⵉ ⵍⴽⵓⵔⵙⵉ ⵏ ⵛⵛⵔⴻⵄ ⵏ ⵍⵎⴰⵙⵉⵃ. ^■  

11 ⴰⵎ ⵎⴰⵎⵎⴻⵛ ⵜⵓⵔⴰ:

“ⵙ ⵜⵉⴷⴻⵜⵜ, ⴰⵎ ⴷⴷⴰⵔⴻⵖ ⵏⴻⵛⵛ, ⵉⵇⵇⴰⵔ ⵙⵉⴷⵉ,

ⴰⴷ ⴰⵢⵉ ⴰⴹⴰⵔⴻⵏ ⵎⴰⵔⵔⴰ ⵉⴼⴰⴷⴷⴻⵏ,

ⵓ ⴽⵓⵍ ⵉⵍⴻⵙ ⴰⴷ ⵅⴰⴼⵉ ⵉⵛⵀⴻⴷ.” ^■  

12 ⵅⴻⵏⵏⵉ ⴻⵊⵊ ⴽⵓⵍ ⵉⵊⵊⴻⵏ ⵥⵥⴰⵢⵏⴻⵖ ⴰⴷ ⵉⴳⴳ ⵍⴻⵃⵙⴰⴱ ⵅ ⵢⵉⵅⴻⴼ ⵏⵏⴻⵙ ⵇⵉⴱⴰⵞ ⵉ ⴰⵔⴻⴱⴱⵉ. ^■  

13 ⵣⵉ ⵍⴻⵅⵅⵓ ⴷ ⵜⵙⴰⵡⴻⵏⵜ ⵡⴰⵔ ⵃⴻⴽⴽⵎⴻⵎ ⵉⵊⵊⴻⵏ ⵅ ⵡⴻⵏⵏⴻⵖⵏⵉ, ⵎⴰⵛⴰ ⵃⵙⴻⵏ ⴰⴷ ⵜⴻⴽⵙⴻⴷ ⴰⵡⴰⵍ ⵎⴰⵃⴻⵏⴷ ⵡⴰⵔ ⵜⴻⵙⵙⴰⵔⵙⴻⴷ ⵛⴰ ⵉⵊⵊ ⵏ ⵡⴻⵥⵔⵓ ⵎⴰⵃⴻⵏⴷ ⴰⴷ ⴷⴰⵢⴻⵙ ⵉⵏⵇⴰⵍⴹ ⵓⵎⴰⵛ. ^■  

14 ⵎⵉⵏⵥⵉ ⵏⴻⵛⵛ ⵙⵙⵏⴻⵖ, ⴰⵇⴰ ⵜⵜⵡⴰⵙⵇⴻⵏⵄⴻⵖ ⴷⵉ ⵙⵉⴷⵉ ⵢⴻⵛⵛⵓ, ⴱⴻⵍⵍⵉ ⵓⵍⴰ ⴷ ⵉⵛⵜ ⵏ ⵍⵃⴰⵊⵊⴻⵜ ⵜⴻⵅⵎⴻⵊ ⵉ ⵏⴻⵜⵜⴰ, ⵎⵖⵉⵔ ⵉ ⵡⴻⵏⵏⵉ ⵜⵜ ⵉⵃⴻⵙⴱⴻⵏ ⴷ ⵍⴻⵅⵎⴻⵊ, ⴰⵇⴰ ⵉ ⵏⴻⵜⵜⴰ ⵡⴰⵀⴰ ⵓⵎⵉ ⵜⴻⵅⵎⴻⵊ. ^■  

15 ⵎⴰⵍⴰ ⵉⵅⴻⵢⵢⴻⵇ ⵓⵎⴰⵛ ⵅ ⵙⵙⵉⴱⴱⴻⵜ ⵏ ⵎⴰⵛⵛⴰ, ⴰⵇⴰ ⵛⴻⴽ ⵡⴰⵔ ⵜⵓⵢⵓⵔⴻⴷ ⴷⵉ ⵜⴰⵢⵔⵉ. ⵡⴰⵔ ⵜⵜⴻⵃⵃⵉ ⵛⴰ ⵙ ⵎⴰⵛⵛⴰ ⵏⵏⴻⴽ ⵡⴻⵏⵏⵉ ⵉ ⵅⴻⴼ ⵉⵎⵎⵓⵜ ⵍⵎⴰⵙⵉⵃ. ^■  

16 ⵎⵉⵏ ⵉⴵⴰⵏ ⴷ ⵍⵅⴰⵔ ⵉ ⵏⴻⵛⵛⵉⵏ, ⵡⴰⵔ ⵜⴻⵊⵊⵉ ⵃⴻⴷ ⴰⴷ ⵅⴰⵙ ⵉⵙⵙⵉⵡⴻⵍ ⵙ ⵍⵖⴰⵔ.

17 ⵎⵉⵏⵥⵉ ⵜⴰⴳⴻⵍⴷⵉⵜ ⵏ ⴰⵔⴻⴱⴱⵉ ⵡⴰⵔ ⵜⴻⴵⵉ ⴷⵉ ⵎⴰⵛⵛⴰ ⴷ ⵜⵉⵙⵙⵉⵜ, ⵎⴰⵛⴰ ⴷⵉ ⵜⵙⴻⴳⴷⴰ ⴷ ⵍⴻⵀⵏⴰ ⴷ ⵍⴻⴼⵔⴰⵃⴻⵜ ⵙ ⴰⵔⵔⵓⵃ ⵉⵇⴻⴷⴷⵙⴻⵏ. ^■  

18 ⵎⵉⵏⵥⵉ ⵡⴻⵏⵏⵉ ⵉⵙⴻⵅⵅⴰⵔⴻⵏ ⵉ ⵍⵎⴰⵙⵉⵃ ⴷⵉ ⵎⴰⵏ ⴰⵢⴰ, ⴰⵇⴰ ⵢⴰⵔⴹⴰ ⴰⵔⴻⴱⴱⵉ ⵓⵛⴰ ⵏⴻⵜⵜⴰ ⴷ ⴰⵎⴻⵇⴱⵓⵍ ⵖⴰⵔ ⵉⵡⴷⴰⵏ.

19 ⴰⴷ ⵏⴻⴹⴼⴰⵔ ⵅⴻⵏⵏⵉ ⵎⵉⵏ ⵉⴵⴰⵏ ⵉ ⵍⴻⵀⵏⴰ ⴷ ⵍⴻⴱⵏⵉ ⵏ ⵉⵊⵊⴻⵏ ⵉ ⵡⴻⵏⵏⴻⵖⵏⵉ. 20 ⵡⴰⵔ ⵜⵜⴰⵔⴻⴷⴷⴻⴵ ⵛⴰ ⵍⵅⴻⴷⵎⴻⵜ ⵏ ⴰⵔⴻⴱⴱⵉ ⵅ ⵙⵙⵉⴱⴱⴻⵜ ⵏ ⵎⴰⵛⵛⴰ. ⵎⴰⵔⵔⴰ ⵜⵉⵎⴻⵙⵍⴰⵢⵉⵏ ⴰⵇⴰ ⴰⵜⴻⵏⵜ ⴷ ⵜⵉⵎⴻⵥⴷⴰⴳ, ⵎⴰⵛⴰ ⵓⵛⵜ ⵅ ⴱⵏⴰⴷⴻⵎ ⵡⴻⵏⵏⵉ ⵉ ⵖⴰ ⵉⴳⴳ ⴰⵥⵔⵓ ⵏ ⵓⵏⴻⵇⵔⴰⴹ ⵙ ⵎⴰⵛⵛⴰ ⵏⵏⴻⵙ. ^■   21 ⵎⵍⵉⵃ ⵓⵎⵉ ⵡⴰⵔ ⵜᵉⵜⵜⴻⵜⵜⴻⴷ ⵛⴰ ⴰⵢⵙⵓⵎ ⵓ ⵡⴰⵔ ⵜⵙⴻⵙⵙⴻⴷ ⵛⴰ ⴱⵉⵏⵓ ⵏⵉⵖ ⵡⴰⵔ ⵜᵉⵜⵜⴻⴳⴳⴻⴷ ⵓⵍⴰ ⴷ ⵉⵛⵜ ⵏ ⵍⵃⴰⵊⵊⴻⵜ ⵉ ⴷⵉ ⵉ ⵖⴰ ⵉⵏⵇⴰⵔⴹ ⵓⵎⴰⵛ. ^■   22 ⵎⴰ ⵜᵉⵜⵜⵡⴰⵙⵙⵇⴻⵏⵄⴻⴷ ⵉ ⵢⵉⵅⴻⴼ ⵏⵏⴻⴽ? ⴰⴷ ⴰⵛ ⵢⵉⵍⵉ ⵎⴰⵏ ⴰⵢⴰ ⵉ ⵢⵉⵅⴻⴼ ⵏⵏⴻⴽ ⵥⵥⴰⵜ ⵉ ⴰⵔⴻⴱⴱⵉ. ⵙⵙⴻⵄⴷ ⵏ ⵡⴻⵏⵏⵉ ⵡⴰⵔ ⵉⵜⵜⵉⴽⴽⵡⵉⴹ ⵛⵛⵔⴻⵄ ⵅ ⵢⵉⵅⴻⴼ ⵏⵏⴻⵙ ⴷⵉ ⵎⵉⵏ ⴷ ⴰⵙ ⵉⵜⵜⵖⵉⵍ ⵎⵍⵉⵃ. 23 ⵎⴰⵛⴰ ⵡⴻⵏⵏⵉ ⵉⵜⵜⵛⴻⴽⴽⴰⵏ ⵅⵎⵉ ⵉⵜⵜⴻⵜⵜ, ⵉⵜⵜⵡⴰⵃⴰⵙⴻⴱ, ⵎⵉⵏⵥⵉ ⵎⴰⵏ ⴰⵢⴰ ⵡⴰⵔ ⵉⴵⵉ ⵥⵉ ⵍ’ⵉⵎⴰⵏ. ⵇⴰⵄ ⵎⵉⵏ ⵡⴰⵔ ⵉⴵⵉⵏ ⵥⵉ ⵍ’ⵉⵎⴰⵏ, ⴰⵇⴰ-ⵜ ⴷ ⴷⴷⴻⵏⴱ. ^■