1 ⴱⵓⵍⵓⵙ, ⵡⴻⵏⵏⵉ ⵉⵜⵜⵡⴰⵍⴰⵖⴰⵏ, ⴷ ⵔⵔⴰⵙⵓⵍ ⵏ ⵢⴻⵛⵛⵓ ⵍⵎⴰⵙⵉⵃ ⵄⵍⴰⵃⵙⴰⴱ ⵎⵉⵏ ⵉⵅⵙ ⴰⵔⴻⴱⴱⵉ, ⴷ ⵜⴰⵡⵎⴰⵜ ⵙⵓⵙⵜⵉⵏⵉⵙ, ^□   2 ⵉ ⵜⵎⴻⵙⵎⵓⵏⵜ ⵏ ⴰⵔⴻⴱⴱⵉ ⵉ ⵉⴵⴰⵏ ⴷⵉ ⴽⵓⵔⵉⵏⵜⵓⵙ, ⵉⵏⵏⵉ ⵉⵜⵜⵡⴰⵍⴰⵖⴰⵏ ⴷ ⵉⵎⵇⴻⴷⴷⴰⵙⴻⵏ ⵏⵏⵉ ⵉⵜⵜⵡⴰⵇⴻⴷⴷⵙⴻⵏ ⴷⵉ ⵢⴻⵛⵛⵓ ⵍⵎⴰⵙⵉⵃ, ⵓ ⵉ ⵎⴰⵔⵔⴰ ⵉⵏⵏⵉ ⵎⴰⵏⵉ ⵎⵎⴰ ⵜⵜⵍⴰⵖⴰⵏ ⵅ ⵢⵉⵙⴻⵎ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ, ⵡⴻⵏⵏⵉ ⴷ ⵙⵉⴷⵉⵜⵙⴻⵏ ⴷ ⵙⵉⴷⵉⵜⵏⴻⵖ. ^■   3 ⴰⴷ ⵅⴰⵡⴻⵎ ⵢⵉⵍⵉ ⴰⵔⴹⴰ ⴷ ⵍⴻⵀⵏⴰ ⵥⵉ ⴰⵔⴻⴱⴱⵉ, ⴱⴰⴱⴰⵜⵏⴻⵖ, ⵓ ⵥⵉ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ. ^■  

4 ⵏⴻⵛⵛ ⵍⴻⴱⴷⴰ ⵜⵜⵇⴰⴷⵉⵖ ⴰⵔⴻⴱⴱⵉ ⵉⵏⵓ ⴷⵉ ⵟⵟⵡⴻⵄ ⵏⵡⴻⵎ ⵅ ⴰⵔⴹⴰ ⵏ ⴰⵔⴻⴱⴱⵉ ⵉ ⴷ ⴰⵡⴻⵎ ⵉⵎⵎⴻⵡⵛⴻⵏ ⴷⵉ ⵢⴻⵛⵛⵓ ⵍⵎⴰⵙⵉⵃ. 5 ⵎⵉⵏⵥⵉ ⴷⵉ ⵎⴰⵔⵔⴰ ⵜⴷⴻⵡⵍⴻⵎ ⵥⵥⴰⵢⴻⵙ ⴷ ⵜⵜⵓⵊⵊⴰⵔ, ⴷⵉ ⵎⴰⵔⵔⴰ ⴰⵡⴰⵍ ⵓ ⴷⵉ ⵎⴰⵔⵔⴰ ⵜⵓⵙⵙⵏⴰ, ^■   6 ⵎⴰⵖⴰⵔ ⵛⵛⵀⴰⴷⴻⵜ ⵏ ⵍⵎⴰⵙⵉⵃ ⵜᵉⵜⵜⵡⴰⴹⵎⴻⵏ ⴷⴰⵢⵡⴻⵎ, 7 ⵎⵉⵏⵥⵉ ⵓⵍⴰ ⴷ ⵉⵊⵊ ⵏ ⵥⵥⵄⴰⴼ ⵏ ⵜⴻⵡⵀⵉⴱⵜ ⵡⴰⵔ ⴷⴰⵢⵡⴻⵎ ⵉⵇⵇⵉⵎ, ⴰⵎ ⵜᵉⵜⵜⵔⴰⵊⴰⵎ ⴰⵙⴰⵔⴳⴰⴱ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ, ^■   8 ⵎⵉⵏⵥⵉ ⵏⴻⵜⵜⴰ ⴰⴷ ⴽⴻⵏⵏⵉⵡ ⵉⴹⵎⴻⵏ ⵄⴰⵡⴻⴷ ⵖⴰⵔ ⵓⵏⴻⴳⴳⴰⵔ ⵃⵉⵎⴰ ⴰⴷ ⵜⵉⵍⵉⵎ ⴱⵍⴰ ⵍⵄⵉⴱ ⴷⴻⴳ ⵡⴰⵙⵙ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ. ^■   9 ⴰⵔⴻⴱⴱⵉ ⴷ ⴰⵎⵜⵉⵇⵇⵉ, ⵎⵉⵏⵥⵉ ⴽⴻⵏⵏⵉⵡ ⵜᵉⵜⵜⵡⴰⵍⴰⵖⴰⵎ ⵥⵥⴰⵢⴻⵙ ⵖⴰⵔ ⵜⵎⵓⵏⵜ ⴰⴽ-ⴷ ⵎⵎⵉⵙ ⵢⴻⵛⵛⵓ ⵍⵎⴰⵙⵉⵃ, ⵙⵉⴷⵉⵜⵏⴻⵖ. ^■  

10 ⵎⴰⵛⴰ ⵜⵜⵥⴰⵡⴳⴻⵖ ⴽⴻⵏⵏⵉⵡ, ⴰ ⴰⵢⵜⵎⴰ, ⵙ ⵢⵉⵙⴻⵎ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ, ⴰⴷ ⵜⴻⵙⵙⵉⵡⵍⴻⵎ ⵎⴰⵔⵔⴰ ⵙ ⵉⵊⵊ ⵏ ⵡⴰⵡⴰⵍ, ⵡⴰⵔ ⵜᵉⵜⵜⴻⵎⵙⴻⴱⴹⵉⵎ ⵊⴰⵔ ⴰⵡⴻⵎ, ⵎⴰⵛⴰ ⵉⵍⵉⵎ ⵜⵎⵓⵏⴻⵎ ⵏⵉⵛⴰⵏ ⵙ ⵏⵏⴻⵢⵢⴻⵜ ⴷ ⵉⵛⵜⴻⵏ ⴷ ⵓⵅⴰⵔⵔⴻⵚ ⴷ ⵉⵊⵊⴻⵏ. ^■  

11 ⵎⵉⵏⵥⵉ ⵙⵙⴰⵔⴳⴱⴻⵏ ⴰⵢⵉ, ⴰ ⴰⵢⵜⵎⴰ ⵉⵏⵓ, ⵉⵏⵏⵉ ⵥⵉ ⵜⴰⴷⴷⴰⵔⵜ ⵏ ⴽⵍⵓⵡⵉ, ⴱⴻⵍⵍⵉ ⵊⴰⵔ ⴰⵡⴻⵎ ⵉⵎⴻⵏⵖⴰⵏ.

12 ⵅⵙⴻⵖ ⴰⴷ ⵉⵏⵉⵖ, ⴰⵇⴰ ⵛⴰ ⵥⵥⴰⵢⵡⴻⵎ ⵇⵇⴰⵔⴻⵏ: ‘ⵏⴻⵛⵛ ⴰⵇⴰ ⴰⵢⵉ ⵥⵉ ⴱⵓⵍⵓⵙ!’ ⵓ ⵛⴰ ⵏⵏⴻⵖⵏⵉ: ‘ⵏⴻⵛⵛ ⵥⵉ ⴰⴱⵓⵍⵍⵓⵙ!’ ⵓ ⵛⴰ ⵏⵏⴻⵖⵏⵉ ⵄⴰⵡⴻⴷ: ‘ⵏⴻⵛⵛ ⵥⵉ ⴽⵉⴼⴰ!’ ⵓ ⵛⴰ ⵥⵥⴰⵢⵡⴻⵎ ⵇⵇⴰⵔⴻⵏ: ‘ⵏⴻⵛⵛ ⵥⵉ ⵍⵎⴰⵙⵉⵃ!’ ^■  

13 ⵎⴰ ⴰⵇⴰ ⵍⵎⴰⵙⵉⵃ ⵉⵜⵜⵡⴰⴱⴹⴰ ⴷ ⵉⵡⴻⵜⵡⵉⵜⴻⵏ? ⵎⴰ ⵜⵓⵖⴰ ⴱⵓⵍⵓⵙ ⵉⵜⵜⵡⴰⵚⴻⵍⵍⴻⴱ ⴷⵉ ⵙⵙⵉⴱⴱⴻⵜ ⵏⵡⴻⵎ? ⵏⵉⵖ ⵜⵓⵖⴰ ⴽⴻⵏⵏⵉⵡ ⵜᵉⵜⵜⵡⴰⵙⵖⴻⴹⵚⴻⵎ ⵙ ⵢⵉⵙⴻⵎ ⵏ ⴱⵓⵍⵓⵙ?

14 ⵏⴻⵛⵛ ⵜⵜⵇⴰⴷⵉⵖ ⴰⵔⴻⴱⴱⵉ ⵉⵏⵓ ⵡⴰⵔ ⵙⵙⵖⴻⴹⵚⴻⵖ ⵓⵍⴰ ⴷ ⵉⵊⵊ ⵎⵖⵉⵔ ⴽⵔⵉⵙⴱⵓⵙ ⴷ ⵅⴰⵢⵓⵙ ⵡⴰⵀⴰ, ^■  

15 ⴰⵍⴰⵎⵉ ⵓⵍⴰ ⴷ ⵉⵊⵊⴻⵏ ⴰⴷ ⵢⵉⵏⵉ ⴱⴻⵍⵍⵉ ⵙⵙⵖⴻⴹⵚⴻⵖ ⴷⴻⴳ ⵢⵉⵙⴻⵎ ⵉⵏⵓ.

16 ⵄⴰⵡⴻⴷ ⵙⵙⵖⴻⴹⵚⴻⵖ ⵜⴰⵡⴰⵛⵓⵏⵜ ⵏ ⵙⵜⵉⴼⴰⵏⵓⵙ, ⵅⴻⵏⵏⵉ ⵡⴰⵔ ⵙⵙⵉⵏⴻⵖ ⵛⴰ ⵎⴰ ⵙⵙⵖⴻⴹⵚⴻⵖ ⵃⴻⴷ ⵏⵏⴻⵖⵏⵉ. ^■  

17 ⵎⴰⵖⴰⵔ ⵍⵎⴰⵙⵉⵃ ⵡⴰⵔ ⴷ ⴰⵢⵉ ⴷⴷ-ⵉⵙⵙⴻⴽⴽ ⵃⵉⵎⴰ ⴰⴷ ⵙⵙⵖⴻⴹⵚⴻⵖ, ⵎⴰⵛⴰ ⵃⵉⵎⴰ ⴰⴷ ⴱⴰⵔⵔⵃⴻⵖ ⵙ ⵍⴻⵅⴱⴰⵔ ⴰⵚⴻⴱⵃⴰⵏ, ⵡⴰⵔ ⵉⴵⵉ ⵙ ⵜⵉⵖⵉⵜ ⵏ ⵡⴰⵡⴰⵍⴻⵏ ⵃⵉⵎⴰ ⵡⴰⵔ ⵉⵜⵜᵉⵜⵜⵡⴰⵙⵙⴱⴻⵟⵟⴻⵍ ⵚⵚⴰⵍⵉⴱ ⵏ ⵍⵎⴰⵙⵉⵃ. ^■  

18 ⵎⵉⵏⵥⵉ ⴰⵡⴰⵍ ⵏ ⵚⵚⴰⵍⵉⴱ ⴷ ⵜⵓⴱⴱⵓⵀⴻⵍⵢⴰ ⴷⵉ ⵜⵉⵟⵟⴰⵡⵉⵏ ⵏ ⵢⵉⵏⵏⵉ ⵉ ⵖⴰ ⵉⵡⴻⴷⴷⴰⵔⴻⵏ, ⵎⴰⵛⴰ ⵉ ⵏⴻⵛⵛⵉⵏ, ⵉⵏⵏⵉ ⵉⴷⴷⴰⵔⴻⵏ, ⵎⴰⵏ ⴰⵢⴰ ⴷ ⵊⵊⴻⵀⴷ ⵏ ⴰⵔⴻⴱⴱⵉ. ^■  

19 ⵎⵉⵏⵥⵉ ⵜⵓⵔⴰ:

“ⴰⴷ ⴰⵔⴻⴷⴷⴵⴻⵖ ⵜⵉⵖⵉⵜ ⵏ ⵉⵎⵉⵖⵉⵙⴻⵏ

ⵓⵛⴰ ⴰⴷ ⴽⴽⵙⴻⵖ ⵍⴻⴼⵀⴰⵎⴻⵜ ⵏ ⵉⴼⴻⵀⵀⴰⵎⴻⵏ.” ^■  

20 ⵎⴰⵏⵉ ⵉⴵⴰ ⵓⵎⵉⵖⵉⵙ? ⵎⴰⵏⵉ ⵉⴵⴰ ⵓⵎⵙⴻⵍⵎⴰⴷ ⵏ ⵉⴷⵍⵉⵙⴻⵏ? ⵎⴰⵏⵉ ⵉⴵⴰ ⴱⵓ-ⵓⵎⵃⴰⵔⵡⴻⴹ ⵏ ⴷⴷⵓⵏⴻⵛⵜ-ⴰ? ⵎⴰ ⵡⴰⵔ ⵉⵙⵙⵛⴻⵏ ⴰⵔⴻⴱⴱⵉ ⴱⴻⵍⵍⵉ ⵜⵉⵖⵉⵜ ⵏ ⴷⴷⵓⵏⴻⵛⵜ-ⴰ ⴷ ⵜⵓⴱⴱⵓⵀⴻⵍⵢⴰ? ^■   21 ⵡⴰⵅⵅⴰ ⴷⴷⵓⵏⴻⵛⵜ ⵜⴻⴵⴰ ⴷⵉ ⵜⵉⵖⵉⵜ ⵏ ⴰⵔⴻⴱⴱⵉ, ⵡⴰⵔ ⵜⴻⵙⵙⵉⵏ ⵛⴰ ⴰⵔⴻⴱⴱⵉ ⵥⵉ ⵙⵙⵉⴱⴱⴻⵜ ⵏ ⵜⵉⵖⵉⵜ ⵏ ⵢⵉⵅⴻⴼ ⵏⵏⴻⵙ, ⵙ ⵓⵢⴻⵏⵏⵉ ⵜⵓⵖⴰ ⵢⴰⵔⴹⴰ ⴰⵔⴻⴱⴱⵉ ⴰⴷ ⵉⵡⵛⴰ ⵜⵓⴷⴰⵔⵜ ⵉ ⵢⴻⵏⵏⵉ ⵢⵓⵎⵏⴻⵏ ⵙ ⵜⵓⴱⴱⵓⵀⴻⵍⵢⴰ ⵏ ⵜⴱⴰⵔⵔⴻⵃⵜ. ^■   22 ⵎⵉⵏⵥⵉ ⵓⴷⴰⵢⴻⵏ ⵜⵜⴰⵔⴻⵏ ⵍⴻⵄⵍⴰⵎⴰⵜ ⴷ ⵉⵔⴰⵎⵉⵢⵢⴻⵏ ⴰⵔⴻⵥⵥⵓⵏ ⵜⵉⵖⵉⵜ, ^■   23 ⵎⴰⵛⴰ ⵏⴻⵛⵛⵉⵏ ⵏⴻⵜⵜⴱⴰⵔⵔⴻⵃ ⵍⵎⴰⵙⵉⵃ ⵡⴻⵏⵏⵉ ⵉⵜⵜⵡⴰⵚⴻⵍⵍⴱⴻⵏ, ⴰⵇⴰ-ⵜ ⴷ ⵜⴰⵄⴻⵏⴽⵔⵉⴼⵜ ⵉ ⵡⵓⴷⴰⵢⴻⵏ, ⴷ ⵜⵓⴱⴱⵓⵀⴻⵍⵢⴰ ⵉ ⵉⵔⴰⵎⵉⵢⵢⴻⵏ, ^■   24 ⵎⴰⵛⴰ ⵉ ⵢⴻⵏⵏⵉ ⵉⵜⵜⵡⴰⵍⴰⵖⴰⵏ, ⴰⵎ ⵡⵓⴷⴰⵢⴻⵏ ⴰⵎ ⵉⵔⴰⵎⵉⵢⵢⴻⵏ, ⴰⵇⴰ ⵍⵎⴰⵙⵉⵃ ⴷ ⵊⵊⴻⵀⴷ ⵏ ⴰⵔⴻⴱⴱⵉ ⴷ ⵜⵉⵖⵉⵜ ⵏ ⴰⵔⴻⴱⴱⵉ. ^■   25 ⵎⵉⵏⵥⵉ ⵜⵓⴱⴱⵓⵀⴻⵍⵢⴰ ⵏ ⴰⵔⴻⴱⴱⵉ ⴷ ⵜⵎⵉⵖⵉⵙⵜ ⵅ ⵉⵡⴷⴰⵏ, ⵓ ⵜⵓⴹⵄⴻⴼⵜ ⵏ ⴰⵔⴻⴱⴱⵉ ⵜⴻⵊⵀⴻⴷ ⵅ ⵉⵡⴷⴰⵏ.

26 ⵅⴻⵏⵏⵉ, ⴰ ⴰⵢⵜⵎⴰ, ⵅⵥⴰⵔⴻⵎ ⵎⴰⵎⵎⴻⵛ ⵜⴻⴵⴰⵎ ⵖⴰⵔ ⵡⴰⵙⵙ ⵏ ⵜⵍⴰⵖⵉⵜ ⵏⵡⴻⵎ, ⴰⵇⴰ ⵡⴰⵔ ⵜⴻⴵⵉⵎ ⴷ ⴰⵟⵟⴰⵙ ⵏ ⵉⵎⵉⵖⵉⵙⴻⵏ ⵄⵍⴰⵃⵙⴰⴱ ⴱⵏⴰⴷⴻⵎ, ⵏⵉⵖ ⴷ ⴰⵟⵟⴰⵙ ⵏ ⵢⵉⵏⵏⵉ ⵖⴰⵔ ⵜⴻⴵⴰ ⵚⵚⵓⵍⵟⴰ ⵏⵉⵖ ⴷ ⴰⵟⵟⴰⵙ ⵏ ⵜⴰⵔⵡⴰ ⵏ ⵜⴰⵚⵉⵍⴻⵜ, ^■   27 ⵎⴰⵛⴰ ⴰⵔⴻⴱⴱⵉ ⴰⵇⴰ ⵉⴼⴰⵔⵥ ⵉⴱⵓⵃⴰⵍⵉⵢⵢⴻⵏ ⵏ ⴷⴷⵓⵏⴻⵛⵜ ⵃⵉⵎⴰ ⴰⴷ ⵥⵥⴰⵢⴻⵙ ⵉⵙⵙⴻⵃⵛⴻⵎ ⵉⵎⵉⵖⵉⵙⴻⵏ, ⵓⵛⴰ ⵜⵓⴹⵄⴻⴼⵜ ⵏ ⴷⴷⵓⵏⴻⵛⵜ ⵉⴼⴰⵔⵥ ⵉ-ⵜⵜ ⴰⵔⴻⴱⴱⵉ ⵃⵉⵎⴰ ⴰⴷ ⵥⵥⴰⵢⴻⵙ ⵉⵙⵙⴻⵃⵛⴻⵎ ⴰⵢⵜ ⵏ ⴱⵓ-ⵚⵚⵓⵍⵟⴰ, 28 ⵓⵛⴰ ⵢⴻⵏⵏⵉ ⴷⴷ-ⵉⵅⴻⵍⵇⴻⵏ ⵡⴰⵔ ⵖⴰⵔⵙⴻⵏ ⵛⴰ ⴷⵉ ⴷⴷⵓⵏⴻⵛⵜ ⵓ ⵢⴻⵏⵏⵉ ⵉⵜⵜⵡⴰⵙⵙⴻⵃⵇⴰⵔⴻⵏ ⴷ ⵢⴻⵏⵏⵉ ⵡⴰⵔ ⵉⴵⵉⵏ ⴷ ⵛⴰ, ⴰⵇⴰ ⵉⴼⴰⵔⵥ ⵉ-ⵜⴻⵏ ⴰⵔⴻⴱⴱⵉ ⵃⵉⵎⴰ ⴰⴷ ⵉⴱⴹⴻⵍ ⵉⵏⵏⵉ ⵉⴵⴰⵏ ⴷ ⵛⴰ, 29 ⵃⵉⵎⴰ ⵓⵍⴰ ⴷ ⵉⵊⵊ ⵏ ⴱⵏⴰⴷⴻⵎ ⵙ ⴰⵔⵔⵉⵎⴻⵜ ⵜⴰⵎⴻⴷⵏⵓⴱⵜ ⵡⴰⵔ ⵉⵜⵜⴼⴻⵢⵢⴻⵛ ⵛⴰ ⵥⵥⴰⵜⴻⵙ. 30 ⵎⴰⵛⴰ ⵥⵥⴰⵢⴻⵙ ⵉ ⵜⴻⴵⴰⵎ ⴽⴻⵏⵏⵉⵡ, ⴷⵉ ⵢⴻⵛⵛⵓ ⵍⵎⴰⵙⵉⵃ, ⵡⴻⵏⵏⵉ ⴷ ⴰⵏⴻⵖ ⵉⴷⴻⵡⵍⴻⵏ ⴷ ⵜⵉⵖⵉⵜ ⵏ ⴰⵔⴻⴱⴱⵉ ⴷ ⵜⵙⴻⴳⴷⴰ ⴷ ⵜⵓⵇⴻⴷⴷⵙⵉ ⴷ ⵡⴻⵚⵍⴰⵃ ^■   31 ⴰⵎ ⵎⴰⵎⵎⴻⵛ ⵉ ⵢⵓⵔⴰ:

“ⴻⵊⵊ ⵡⴻⵏⵏⵉ ⵉⵙⵙⴻⵎⵖⴰⵔⴰⵏ, ⴰⴷ ⵉⵙⵙⴻⵎⵖⴰⵔ ⴷⵉ ⵙⵉⴷⵉ.” ^■