1 ⵓⵛⴰ ⵏⴻⵛⵛ, ⴰ ⴰⵢⵜⵎⴰ, ⵍⴰⵎⵉ ⴷⴷ-ⵓⵙⵉⵖ ⵖⴰⵔⵡⴻⵎ, ⵡⴰⵔ ⴷⴷ-ⵓⵙⵉⵖ ⵛⴰ ⵃⵉⵎⴰ ⴰⴷ ⴰⵡⴻⵎ ⴱⴰⵔⵔⵃⴻⵖ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵙⵙⵉⵔⵔ ⵏ ⴰⵔⴻⴱⴱⵉ ⵙ ⵜⴱⴻⵥⵥⴰⵃⵜ ⵏ ⵡⴰⵡⴰⵍ ⵏⵉⵖ ⵙ ⵜⵉⵖⵉⵜ, ^■   2 ⵎⵉⵏⵥⵉ ⴰⵇⴰ ⵜⵓⵖⴰ ⵄⴻⵡⵡⵍⴻⵖ ⵃⵉⵎⴰ ⵡⴰⵔ ⵜⵜⴻⵙⵏⴻⵖ ⵛⴰ ⵊⴰⵔ ⴰⵡⴻⵎ ⵎⵖⵉⵔ ⵢⴻⵛⵛⵓ ⵍⵎⴰⵙⵉⵃ ⴷ ⵡⴻⵏⵏⵉ ⵉⵜⵜⵡⴰⵚⴻⵍⵍⴱⴻⵏ. 3 ⵜⵓⵖⴰ ⴰⵢⵉ ⴰⴽⵉⴷⵡⴻⵎ ⵙ ⵡⴰⵟⵟⴰⵙ ⵏ ⵜⵉⴳⴳⵯⵓⴷⵉ ⴷ ⵓⵇⴷⵉⴷⴻⵙ. ^■   4 ⵏⵉ ⴰⵡⴰⵍ ⵉⵏⵓ ⵓⵍⴰ ⴷ ⵜⴱⴰⵔⵔⴻⵃⵜ ⵉⵏⵓ ⵜⵓⵖⴰ ⴰⵜⴻⵏ ⵙ ⵡⴰⵡⴰⵍⴻⵏ ⵉⵥⴻⵡⵡⵇⴻⵏ ⵏ ⵜⵉⵖⵉⵜ ⵏ ⴱⵏⴰⴷⴻⵎ, ⵎⴰⵛⴰ ⵙ ⵡⴻⵙⵛⴰⵏ ⵏ ⴰⵔⵔⵓⵃ ⴷ ⵊⵊⴻⵀⴷ, ^■   5 ⵃⵉⵎⴰ ⵍ’ⵉⵎⴰⵏ ⵏⵡⴻⵎ ⵡⴰⵔ ⵉⵜⵜⴱⴻⴷⴷⵉ ⵛⴰ ⵅ ⵜⵉⵖⵉⵜ ⵏ ⵉⵡⴷⴰⵏ, ⵎⴰⵛⴰ ⵅ ⵊⵊⴻⵀⴷ ⵏ ⴰⵔⴻⴱⴱⵉ. ^■  

6 ⵎⴰⵛⴰ ⵏⴻⵙⵙⴰⵡⴰⵍ ⵙ ⵜⵉⵖⵉⵜ ⵉ ⵢⴻⵏⵏⵉ ⵜ ⵉⵡⴹⴻⵏ, ⴰⵇⴰ ⵙ ⵉⵛⵜ ⵏ ⵜⵉⵖⵉⵜ ⵜⴻⵏⵏⵉ ⵡⴰⵔ ⵉⴵⵉⵏ ⵏ ⴷⴷⵓⵏⴻⵛⵜ-ⴰ ⵏⵉⵖ ⵏ ⵍⵃⵓⴽⴽⴰⵎ ⵏ ⴷⴷⵓⵏⴻⵛⵜ-ⴰ, ⵉⵏⵏⵉ ⵉ ⵖⴰ ⵉⵜⵜⵡⴰⵙⵙⴱⴻⵟⵟⵍⴻⵏ, ^■   7 ⵎⴰⵛⴰ ⵏⴻⵙⵙⴰⵡⴰⵍ ⵜⵉⵖⵉⵜ ⵏ ⴰⵔⴻⴱⴱⵉ ⵙ ⵉⵊⵊ ⵏ ⵙⵙⵉⵔⵔ ⵉ ⵜⵓⵖⴰ ⵉⵏⵓⴼⴼⴰⵔⴻⵏ, ⵡⴻⵏⵏⵉ ⵜⵓⵖⴰ ⵉⵥⵥⴰⵔ ⵉⴼⴰⵔⵥ ⵉ-ⵜ ⴰⵔⴻⴱⴱⵉ ⵉ ⵓⵄⵓⴵⵉ ⵏⵏⴻⵖ ⵇⴱⴻⵍ ⵎⴰ ⵉ ⵖⴰ ⵜⵉⵍⵉ ⴷⴷⵓⵏⴻⵛⵜ, ^■   8 ⵉⵊⵊ ⵏ ⵙⵙⵉⵔⵔ ⵏⵏⵉ ⵡⴰⵔ ⵜ ⵉⵙⵙⵉⵏ ⵓⵍⴰ ⴷ ⵉⵊⵊ ⵥⵉ ⵍⵃⵓⴽⴽⴰⵎ ⵏ ⴷⴷⵓⵏⴻⵛⵜ-ⴰ, ⵎⵉⵏⵥⵉ ⵎⴰⵍⴰ ⵜⵓⵖⴰ ⵙⵙⵏⴻⵏ ⵜ, ⵉⵍⵉ ⵡⴰⵔ ⵚⴻⵍⵍⴱⴻⵏ ⵄⴻⵎⵎⴰⵔⵚ ⵙⵉⴷⵉ ⵏ ⵓⵄⵓⴵⵉ. ^■   9 ⵎⴰⵛⴰ ⴰⵎ ⵎⴰⵎⵎⴻⵛ ⵉⵜⵜⵡⴰⵔⵉ:

“ⵎⵉⵏ ⵡⴰⵔ ⵜⴻⵥⵔⵉ ⵜⵉⵟⵟ ⴷ ⵎⵉⵏ ⵡⴰⵔ ⵉⵙⵍⵉ ⵓⵎⴻⵥⵥⵓⵖ

ⴷ ⵎⵉⵏ ⵡⴰⵔ ⵢⵓⴷⵉⴼⴻⵏ ⵛⴰ ⵖⴰⵔ ⵡⵓⵍ ⵏ ⴱⵏⴰⴷⴻⵎ,

ⴰⵇⴰ ⵎⴰⵏ ⴰⵢⴰ ⵉⵙⵙⴻⵡⵊⴻⴷ ⵉ-ⵜ ⴰⵔⴻⴱⴱⵉ ⵉ ⵢⴻⵏⵏⵉ ⵜ ⵉⵜⵜⴻⵅⵙⴻⵏ.” ^■  

10 ⵎⴰⵛⴰ ⴰⵔⴻⴱⴱⵉ ⵉⵎⵎⴻⵍ ⴰⵏⴻⵖ ⵜ ⵙ ⴰⵔⵔⵓⵃ, ⵎⵉⵏⵥⵉ ⴰⵔⵔⵓⵃ ⵜⴰⵔⴻⵥⵥⵓ ⴽⵓⵍⵛⵉ ⵓⵍⴰ ⴷ ⵍⴰⴵⴰⵖ ⵏ ⴰⵔⴻⴱⴱⵉ. ^■  

11 ⵎⵉⵏⵥⵉ ⵎⴰⵏ ⵡⴻⵏ ⵥⴻⴳ ⵉⵡⴷⴰⵏ ⵉⵙⵙⵏⴻⵏ ⵎⵉⵏ ⵉⴵⴰⵏ ⵏ ⴱⵏⴰⴷⴻⵎ ⵎⵖⵉⵔ ⴰⵔⵔⵓⵃ ⵏ ⴱⵏⴰⴷⴻⵎ ⵡⴻⵏⵏⵉ ⴷⴰⵢⴻⵙ ⵉⴵⴰⵏ? ⴰⵎⵎⵓ ⵄⴰⵡⴻⴷ ⵓⵍⴰ ⴷ ⵉⵊⵊ ⵡⴰⵔ ⵉⵙⵙⵉⵏ ⵛⴰ ⵎⵉⵏ ⵉⴵⴰⵏ ⵏ ⴰⵔⴻⴱⴱⵉ ⵎⵖⵉⵔ ⴰⵔⵔⵓⵃ ⵏ ⴰⵔⴻⴱⴱⵉ. ^■  

12 ⴰⵇⴰ ⵏⴻⵛⵛⵉⵏ ⵡⴰⵔ ⵏⴻⴽⵙⵉ ⵛⴰ ⴰⵔⵔⵓⵃ ⵏ ⴷⴷⵓⵏⴻⵛⵜ, ⵎⴰⵛⴰ ⴰⵔⵔⵓⵃ ⵡⴻⵏⵏⵉ ⴷⴷ-ⵢⵓⵙⵉⵏ ⵥⵉ ⴰⵔⴻⴱⴱⵉ, ⵃⵉⵎⴰ ⴰⴷ ⵏⴻⵙⵙⴻⵏ ⵎⵉⵏ ⴷ ⴰⵏⴻⵖ ⵉⵡⵛⴰ ⴰⵔⴻⴱⴱⵉ. ^■  

13 ⵙ ⵓⵢⴻⵏⵏⵉ ⴰⵡⴰⵍⴻⵏ ⵉ ⵥⵉ ⵏⴻⵙⵙⴰⵡⴰⵍ, ⵡⴰⵔ ⴵⵉⵏ ⴷ ⵜⵖⵓⵔⵉ ⵏ ⵡⴰⵡⴰⵍⴻⵏ ⵙ ⵜⵉⵖⵉⵜ ⵏ ⴱⵏⴰⴷⴻⵎ, ⵎⴰⵛⴰ ⴷ ⵜⵖⵓⵔⵉ ⵥⵉ ⴰⵔⵔⵓⵃ, ⵃⵉⵎⴰ ⴰⴷ ⵏⴻⵙⵙⴻⵎⵇⵓⴷⴷⴰ ⵎⵉⵏ ⵉⴵⴰⵏ ⵏ ⴰⵔⵔⵓⵃ ⴰⴽ-ⴷ ⵎⵉⵏ ⵉⴵⴰⵏ ⵏ ⴰⵔⵔⵓⵃ. ^■  

14 ⵎⴰⵖⴰⵔ ⴱⵏⴰⴷⴻⵎ ⵙ ⵢⵉⵅⴻⴼ ⵏⵏⴻⵙ ⵡⴰⵔ ⵉⵇⴻⴱⴱⴻⵍ ⵛⴰ ⵎⵉⵏ ⵉⴵⴰⵏ ⵏ ⴰⵔⵔⵓⵃ, ⵎⵉⵏⵥⵉ ⵉⵃⴻⵙⴱ ⵉ-ⵜ ⴷ ⵜⵓⴱⴱⵓⵀⴻⵍⵢⴰ ⵓⵛⴰ ⵡⴰⵔ ⵉⵥⴻⵎⵎⴰⵔ ⴰⴷ ⵜ ⵉⴼⵀⴻⵎ, ⵎⵉⵏⵥⵉ ⵎⴰⵏ ⴰⵢⴰ ⵉⵥⴻⵎⵎⴰⵔ ⴰⴷ ⵉⵜⵜⵡⴰⴼⴰⵔⵥ ⵙ ⴰⵔⵔⵓⵃ ⵡⴰⵀⴰ.

15 ⵎⴰⵛⴰ ⴱⵏⴰⴷⴻⵎ ⴰⵔⵔⵓⵃⴰⵏⵉ ⴰⵇⴰ ⵉⵥⴻⵎⵎⴰⵔ ⴰⴷ ⵉⴼⴰⵔⵥ ⴽⵓⵍⵛⵉ, ⵎⴰⵛⴰ ⵏⴻⵜⵜⴰ ⵙⵉⵎⴰⵏⵜ ⵏⵏⴻⵙ ⵡⴰⵔ ⵅⴰⵙ ⵉⵃⴻⴽⴽⴻⵎ ⵓⵍⴰ ⴷ ⵉⵊⵊ. ^■  

16 ⵎⵉⵏⵥⵉ ⵡⵉ ⵉⵙⵙⵏⴻⵏ ⴰⵅⴻⵎⵎⴻⵎ ⵏ ⵙⵉⴷⵉ ⴰⵍⴰⵎⵉ ⵉⵥⴻⵎⵎⴰⵔ ⴰⴷ ⵜ ⵉⵛⴰⵡⴰⵔ? ⵎⴰⵛⴰ ⵏⴻⵛⵛⵉⵏ ⵖⴰⵔⵏⴻⵖ ⴰⵅⴻⵎⵎⴻⵎ ⵏ ⵍⵎⴰⵙⵉⵃ. ^■