ⴰⵄⴷⴰⵍ ⵏ ⵢⴰⵀⵓⴷⴰ ⴷ ⵉⵙⵔⴰⵉⵍ
10
1 ⵜⵜⴰⵔⴻⵎ ⴰⵏⵥⴰⵔ ⵥⵉ ⵙⵉⴷⵉ, ⴷⵉ ⵍⵡⴻⵇⵜ ⵏ ⵡⴻⵏⵥⴰⵔ ⵏ ⵜⴻⴼⵙⵓⵜ.
ⵙⵉⴷⵉ ⵉⵜⵜⴻⴳⴳ ⴰⵙⵙⴰⵎⴻⵏ.
ⵏⴻⵜⵜⴰ ⴰⴷ ⵉⵡⵛ ⵉⴱⵓⴷⴰ ⵏ ⵡⴻⵏⵥⴰⵔ,
ⵉ ⴽⵓⵍ ⵉⵊⵊ ⵏ ⵡⴻⴼⵙⵓ ⴷⴻⴳ ⵉⵢⵢⴰⵔ. □
2 ⵎⴰⵖⴰⵔ ⵍⴻⵅⵢⴰⵍⴰⵜ ⵏ ⵍ’ⴰⵚⵏⴰⵎ ⵙⵙⴰⵡⴰⵍⴻⵏ ⵍⵖⴻⵛⵛ,
ⵓ ⵉⴳⴻⵥⵥⴰⵏⴻⵏ ⵜⵜⵡⴰⵍⴰⵏ ⵉⵅⴰⵔⵔⵉⵇⴻⵏ
ⵓ ⵏⵉⵜⵏⵉ ⵜⵜⵄⴰⵡⴰⴷⴻⵏ ⵜⵉⵔⵊⴰ ⵉⵛⴻⵎⵎⵜⴻⵏ,
ⵏⵉⵜⵏⵉ ⵙⵙⴼⴻⵡⵡⴰⵊⴻⵏ ⵙ ⵍⴻⵄⵡⵉⵏ.
ⵙ ⵓⵢⴻⵏⵏⵉ ⵉ ⵜⵜⵡⴰⵙⵉⴳⴳⵯⴻⵊⴻⵏ ⴰⵎ ⵡⵓⴵⵉ,
ⵜⵜⵡⴰⵃⵚⴰⵔⴻⵏ, ⵎⵉⵏⵥⵉ ⴰⵎⴻⴽⵙⴰⵡ ⵡⴰⵔ ⴷⵉⵏ ⵉⴵⵉ. □ ■
3 ⵅ ⵉⵎⴻⴽⵙⴰⵡⴻⵏ ⵢⴰⵔⵖⴰ ⵡⴻⵖⴹⴰⴱ ⵉⵏⵓ
ⵓ ⵏⴻⵛⵛ ⴰⴷ ⵅⴻⴵⵚⴻⵖ ⵉⵖⴰⵢⴹⴻⵏ,
ⵎⴰⵖⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⴰⴷ ⵉⵙⵙⵉⵊⵊ ⵅ ⵜⵃⵉⵎⴰⵔⵜ ⵏⵏⴻⵙ,
ⵅ ⵜⴰⴷⴷⴰⵔⵜ ⵏ ⵢⴰⵀⵓⴷⴰ,
ⵓ ⵏⴻⵜⵜⴰ ⴰⴷ ⵜⴻⵏ ⵉⵙⴻⴷⴷ ⴰⵎ ⵓⵢⵉⵙ ⵏⵏⴻⵙ ⵉⵜⵜⵉⵙⵙⵉⵇⴻⵏ ⵖⴰⵔ ⵓⵎⴻⵏⵖⵉ.
4 ⵣⵥⴰⵢⴻⵙ ⴰⵥⵔⵓ ⵏ ⵜⴻⵖⵎⴰⵔⵜ,
ⵥⵥⴰⵢⴻⵙ ⵍⴻⵡⵜⴻⴷ,
ⵥⵥⴰⵢⴻⵙ ⵍⵇⴻⵡⵙ ⵏ ⵓⵎⴻⵏⵖⵉ,
ⴰⴷ ⵥⵥⴰⵢⴻⵙ ⴷⴷ-ⴼⴼⵖⴻⵏ ⵎⴰⵔⵔⴰ ⵉⵎⵥⴻⵢⵢⴰⵔⴻⵏ ⵊⵎⵉⵄ.
5 ⵏⵉⵜⵏⵉ ⵎⴰⵔⵔⴰ ⴰⴷ ⴷⴻⵡⵍⴻⵏ ⴰⵎ ⴰⵢⵜ ⵏ ⴱⵓ-ⵜⴻⵖⵔⵓⴹⵜ
ⵉⵏⵏⵉ ⴷⴻⴳ ⵓⵎⴻⵏⵖⵉ ⴰⴷ ⵄⴻⴼⵙⴻⵏ ⵅ ⵓⴱⴻⴵⴰⵄ ⴷⵉ ⵥⵥⵏⴰⵇⵉ.
ⵡⴰⵀ, ⵏⵉⵜⵏⵉ ⴰⴷ ⵎⵎⴻⵏⵖⴻⵏ,
ⵎⴰⵖⴰⵔ ⵙⵉⴷⵉ ⴰⴷ ⵢⵉⵍⵉ ⴰⴽⵉⴷⵙⴻⵏ,
ⵓ ⵏⵉⵜⵏⵉ ⴰⴷ ⵙⵙⴻⴹⵃⴰⵏ ⵉⵏⵏⵉ ⵉⵏⵢⵉⵏ ⵅ ⵢⴻⵢⵙⴰⵏ.
6 ⵏⴻⵛⵛ ⴰⴷ ⵙⵙⵊⴻⵀⴷⴻⵖ ⵜⴰⴷⴷⴰⵔⵜ ⵏ ⵢⴰⵀⵓⴷⴰ
ⵓ ⴰⴷ ⵙⵙⵏⴻⵊⵎⴻⵖ ⵜⴰⴷⴷⴰⵔⵜ ⵏ ⵢⵓⵙⵓⴼ
ⵓ ⵏⴻⵛⵛ ⴰⴷ ⴰⵙⴻⵏ ⵡⵛⴻⵖ ⵜⴰⵥⴻⴷⴷⵉⵖⵜ,
ⵎⴰⵖⴰⵔ ⵏⴻⵛⵛ ⴰⵔⵔⴻⵃⵎⴻⵖ ⴷⴰⵢⵙⴻⵏ
ⵓ ⵏⵉⵜⵏⵉ ⴰⴷ ⵉⵍⵉⵏ ⴰⵅⵎⵉ ⵏⴻⵛⵛ ⵡⴰⵔ ⵜⴻⵏ ⵏⴹⴰⵔⴻⵖ,
ⵎⴰⵖⴰⵔ ⵏⴻⵛⵛ ⴷ ⵙⵉⴷⵉ, ⴰⵔⴻⴱⴱⵉ ⵏⵙⴻⵏ,
ⵓ ⵏⴻⵛⵛ ⴰⴷ ⵖⴰⵔⵙⴻⵏ ⵙⵍⴻⵖ.
7 ⵉⵏⵏⵉ ⵏ ⵉⴼⵔⴰⵢⵉⵎ ⴰⴷ ⵉⵍⵉⵏ ⴰⵎ ⵉⵊⵊ ⵏ ⴱⵓ-ⵜⴻⵖⵔⵓⴹⵜ
ⵓ ⵓⵍ ⵏⵙⴻⵏ ⴰⴷ ⵉⴼⴰⵔⵃ ⴰⵎ ⵖⴰⵔ ⴱⵉⵏⵓ,
ⵓ ⵉⵃⴻⵏⵊⵉⵔⴻⵏ ⵏⵙⴻⵏ ⴰⴷ ⵜ ⵥⴰⵔⴻⵏ ⵓ ⴰⴷ ⴼⴰⵔⵃⴻⵏ,
ⵓⵍ ⵏⵙⴻⵏ ⴰⴷ ⵉⴼⴰⵔⵃ ⴷⵉ ⵙⵉⴷⵉ.
8 ⵏⴻⵛⵛ ⴰⴷ ⵅⴰⵙⴻⵏ ⵚⴻⴼⴼⴰⵔⴻⵖ ⵓ ⴰⴷ ⵜⴻⵏ ⵙⵙⵎⵓⵏⴻⵖ,
ⵎⴰⵖⴰⵔ ⵏⴻⵛⵛ ⴼⴷⵉⵖ ⵜⴻⵏ ⵓ ⵏⵉⵜⵏⵉ ⴰⴷ ⴷⴷ-ⴷⴻⵡⵍⴻⵏ ⴷⴻⴳ ⵡⴰⵟⵟⴰⵙ,
ⴰⵎ ⵎⴰⵎⵎⴻⵛ ⵜⴻⵏ ⵜⵓⵖⴰ ⴷⴻⴳ ⵡⴰⵟⵟⴰⵙ.
9 ⵏⴻⵛⵛ ⴰⴷ ⵜⴻⵏ ⵥⴰⵔⵄⴻⵖ ⵊⴰⵔ ⵍⴻⴳⵏⵓⵙ
ⵓ ⵏⵉⵜⵏⵉ ⴰⴷ ⴰⵢⵉ ⵉⴷⴰⵔⴻⵏ ⴷⵉ ⵊⵊⵡⴰⵢⴻⵀ ⵉⴳⴳⵯⴻⵊⵊⴻⵏ.
ⴰⴷ ⴷⴷⴰⵔⴻⵏ ⴷⵉⵏ ⴰⴽ-ⴷ ⵉⵃⴻⵏⵊⵉⵔⴻⵏ ⵏⵙⴻⵏ ⵓⵛⴰ ⴰⴷ ⴷⴷ-ⴷⴻⵡⵍⴻⵏ.
10 ⵏⴻⵛⵛ ⴰⴷ ⵜⴻⵏ ⵊⵊⴻⵖ ⴰⴷ ⴷⴷ-ⵄⴻⵇⴱⴻⵏ ⵥⵉ ⵎⵉⵙⵍⴰ
ⵓ ⴰⴷ ⵜⴻⵏ ⴷⴷ-ⵙⵙⵎⵓⵏⴻⵖ ⵥⵉ ⴰⵛⵛⵓⵔ
ⵓ ⴰⴷ ⵜⴻⵏ ⴷⴷ-ⴰⵡⵢⴻⵖ ⵖⴰⵔ ⵜⴻⵎⵎⵓⵔⵜ ⵏ ⵊⵉⵍⵄⴰⴷ ⵓ ⵖⴰⵔ ⵍⵓⴱⵏⴰⵏ,
ⵎⴰⵛⴰ ⴰⵢⴰ ⵡⴰⵔ ⵜⴻⵏ ⵉⵜⵜⵇⴻⴷⴷⵉ.
11 ⵏⴻⵜⵜⴰ ⴰⴷ ⵉⵥⵡⴰ ⵍⴻⴱⵃⴰⵔ ⵏ ⵍⴻⵃⵚⴰⵔⴻⵜ ⵏⵙⴻⵏ
ⵓ ⴰⴷ ⵉⵡⵡⴻⵜ ⵍⴻⵎⵡⴰⵊ ⵏ ⵍⴻⴱⵃⴰⵔ
ⵓ ⵎⴰⵔⵔⴰ ⵉⵎⵓⵛⴰⵏ ⵢⵓⴵⵖⴻⵏ ⵏ ⵢⴻⵖⵥⴰⵔ ⵏ ⵏⵉⵍ ⴰⴷ ⴰⵥⵖⴻⵏ.
ⵏⵏⴼⴰⵅⴻⵜ ⵏ ⴰⵛⵛⵓⵔ ⴰⴷ ⵜᵉⵜⵜⵡⴰⵙⵡⴰⴹⴻⵄ,
ⵓ ⴰⵥⴻⴵⴰⴹ ⵏ ⵎⵉⵙⵍⴰ ⴰⴷ ⵉⵜⵜⵡⴰⵡⴻⴷⴷⴰⵔ.
12 ⵏⴻⵛⵛ ⴰⴷ ⵜⴻⵏ ⵙⵙⵊⴻⵀⴷⴻⵖ ⴷⵉ ⵙⵉⴷⵉ
ⵓ ⵏⵉⵜⵏⵉ ⴰⴷ ⵓⵢⵓⵔⴻⵏ ⴷⴻⴳ ⵢⵉⵙⴻⵎ ⵏⵏⴻⵙ,
ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ.