1 ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⵜⵏⴰⵢⴻⵏ ⵏ ⵓⵊⴻⴵⵉⴷ ⴷⴰⵔⵉⵢⵓⵙ, ⴷⴻⴳ ⵓⵢⵓⵔ ⵡⵉⵙⵙ ⵙⴻⵜⵜⴰ, ⴷⴻⴳ ⵡⴰⵙⵙ ⴰⵎⴻⵥⵡⴰⵔⵓ ⵏ ⵓⵢⵓⵔ, ⵢⵓⵙⴰ-ⴷⴷ ⵡⴰⵡⴰⵍ ⵏ ⵙⵉⴷⵉ, ⵙ ⵓⴼⵓⵙ ⵏ ⵃⴰⴳⴳⴰⵢ, ⴰⵏⴰⴱⵉ, ⵖⴰⵔ ⵣⴰⵔⵓⴱⴱⴰⴱⵉⵍ, ⵎⵎⵉⵙ ⵏ ⵛⴰ’ⴰⵍⵜⵉⵢⴰⵍ, ⵍⵡⴰⵍⵉ ⵏ ⵢⴰⵀⵓⴷⴰ, ⵓ ⵖⴰⵔ ⵢⴰⵀⵓⵛⴰⵄ, ⵎⵎⵉⵙ ⵏ ⵢⴰⵀⵓⵚⴰⴷⴰⵇ, ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ, ⵉⵏⵏⴰ: 2 “ⴰⵎⵎⵓ ⵉ ⵉⵙⵙⴰⵡⴰⵍ ⵙⵉⴷⵉ ⵏ ⵍⵄⴻⵙⴽⴰⵔ, ⵉⵇⵇⴰⵔ: ⵍⴳⴻⵏⵙ-ⴰ ⵉⵇⵇⴰⵔ: ‘ⵄⴰⴷ ⵡⴰⵔ ⴷⴷ-ⵢⵉⵡⵉⴹ ⵍⵃⴰⵍ, ⵍⵃⴰⵍ ⵎⴰⵃⴻⵏⴷ ⴰⴷ ⵜᵉⵜⵜⵡⴰⴱⵏⴰ ⵜⴰⴷⴷⴰⵔⵜ ⵏ ⵙⵉⴷⵉ ⵄⴰⵡⴻⴷ.’ ”

3 ⵅⴻⵏⵏⵉ ⵢⵓⵙⴰ-ⴷⴷ ⵡⴰⵡⴰⵍ ⵏ ⵙⵉⴷⵉ ⵙ ⵓⴼⵓⵙ ⵏ ⵓⵏⴰⴱⵉ ⵃⴰⴳⴳⴰⵢ, ⵉⵏⵏⴰ:

4 “ⵎⴰ ⵢⵉⵡⴻⴷ-ⴷⴷ ⵍⵃⴰⵍ ⵃⵉⵎⴰ ⴽⴻⵏⵏⵉⵡ ⴰⴷ ⵜⵥⴻⴷⵖⴻⵎ ⴷⵉ ⵜⵓⴷⵔⵉⵏ ⵏⵡⴻⵎ ⵉⵜⵜⵡⴰⵙⴻⵇⵇⴼⴻⵏ, ⴰⵎ ⵜⴰⴷⴷⴰⵔⵜ-ⴰ ⴷ ⵍⵅⴰⵔⴱⴻⵜ? 5 ⵍⴻⵅⵅⵓ ⵎⴰⵛⴰ ⵉⵏⵏⴰ ⵙⵉⴷⵉ ⵏ ⵍⵄⴻⵙⴽⴰⵔⴰⵜ: ⵃⴹⴰⵎ ⵎⵍⵉⵃ ⵉⴱⵔⵉⴷⴻⵏ ⵏⵡⴻⵎ ⴷⴻⴳ ⵡⵓⵍⴰⵡⴻⵏ ⵏⵡⴻⵎ ... 6 ⴽⴻⵏⵏⵉⵡ ⵜⵥⴰⵔⵔⵄⴻⵎ ⴰⵟⵟⴰⵙ, ⵜⵎⴻⵊⵊⴰⵔⴻⵎ ⴷⵔⵓⵙ. ⴽⴻⵏⵏⵉⵡ ⵜᵉⵜⵜⴻⵜⵜⴻⵎ, ⵡⴰⵔ ⵜᵉⵜⵜⵊⵊⵉⵡⵉⵏⴻⵎ, ⴽⴻⵏⵏⵉⵡ ⵜⵙⴻⵙⵙⴻⵎ, ⵎⴰⵛⴰ ⵡⴰⵔ ⵉⴵⵉ ⴰⵍⴰⵎⵉ ⴽⴻⵏⵏⵉⵡ ⴰⴷ ⵜⴻⵙⵛⴰⵔⴻⵎ, ⴽⴻⵏⵏⵉⵡ ⵜⵢⴰⵔⴹⴻⵎ ⴰⵔⵔⵓⴹ, ⵎⴰⵛⴰ ⵡⴰⵔ ⵉⵙⵙⵃⴻⵎⵎⵉ ⵓ ⵡⴻⵏⵏⵉ ⴷ ⵖⴰ ⵉⵟⵟⴼⴻⵏ ⵍⵎⵓⵏⴻⵜ, ⴰⴷ ⵉⵟⵟⴻⴼ ⵍⵎⵓⵏⴻⵜ ⴷⴻⴳ ⵉⵛⵜ ⵏ ⵜⴽⴻⵎⵎⵓⵙⵜ ⵜᵉⵏⵏⵓⵇⵇⴻⴱ. ^■   7 ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔ: ⵃⴹⴰⵎ ⵎⵍⵉⵃ ⵉⴱⵔⵉⴷⴻⵏ ⵏⵡⴻⵎ ⴷⴻⴳ ⵡⵓⵍⴰⵡⴻⵏ ⵏⵡⴻⵎ. 8 ⴳⴰⵄⵄⴷⴻⵎ ⴰⴷⵔⴰⵔ, ⴰⵡⵢⴻⵎ-ⴷⴷ ⴰⴽⴻⵛⵛⵓⴹ ⵓ ⴱⵏⴰⵎ ⵜⴰⴷⴷⴰⵔⵜ-ⴰ ⵓ ⵏⴻⵛⵛ ⴰⴷ ⵅⴰⵙ ⴰⵔⴹⵉⵖ ⵓ ⴰⴷ ⵥⵥⴰⵢⴻⵙ ⵜⵜⵡⴰⵙⵄⵓⴵⴻⵖ, ⵉⵏⵏⴰ ⵙⵉⴷⵉ. 9 ⴽⴻⵏⵏⵉⵡ ⵜⴰⵔⵔⵉⵎ ⵜⴰⵢⵏⵉⵜ ⵉ ⵡⴰⵟⵟⴰⵙ, ⵎⴰⵛⴰ ⵅⵥⴰⵔⴻⵎ, ⴰⵇⴰ-ⵜ ⵎⵖⵉⵔ ⴷⵔⵓⵙ ⵓ ⵅⵎⵉ ⵜ-ⵉ-ⴷⴷ-ⵜᵉⵜⵜⴰⵡⵢⴻⵎ ⵖⴰⵔ ⵜⴰⴷⴷⴰⵔⵜ, ⵏⴻⵛⵛ ⵜⵜⵚⵓⴹⴻⵖ ⵅⴰⵙ. ⵎⴰⵢⴻⵎⵎⵉ?, ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ. ⵣⵉ ⵙⵙⵉⴱⴱⴻⵜ ⵏ ⵜⴰⴷⴷⴰⵔⵜ ⵉⵏⵓ ⵜⴻⵏⵏⵉ ⵉⴷⴻⵡⵍⴻⵏ ⴷ ⵍⵅⴰⵔⴱⴻⵜ, ⴰⵎ ⴽⵓⵍ ⵉⵊⵊⴻⵏ ⵥⵥⴰⵢⵡⴻⵎ ⵉⵜⵜⴰⵥⵥⴻⵍ ⵅ ⵜⴰⴷⴷⴰⵔⵜ ⵏ ⵢⵉⵅⴻⴼ ⵏⵏⴻⵙ.

10 ⵙ ⵓⵢⴻⵏⵏⵉ ⵎⴻⵏⵏⵄⴻⵏ ⵅⴰⵡⴻⵎ ⵉⵊⴻⵏⵡⴰⵏ ⵏⵏⴷⴰ ⵓ ⵜⴰⵎⵎⵓⵔⵜ ⵜⵎⴻⵏⵏⴻⵄ ⵅⴰⵡⴻⵎ ⵍⵖⵉⴵⴻⵜ ⵏⵏⴻⵙ. ^■  

11 ⵏⴻⵛⵛ ⵍⴰⵖⵉⵖ-ⴷⴷ ⵅ ⵍⴻⴽⵃⴻⴹ ⵉ ⵜⴻⵎⵎⵓⵔⵜ, ⵅ ⵉⴷⵓⵔⴰⵔ, ⵅ ⵉⵎⴻⵏⴷⵉ, ⵅ ⴱⵉⵏⵓ, ⵅ ⵥⵥⴻⵛⵜ, ⵓ ⵅ ⵎⴰⵔⵔⴰ ⵎⵉⵏ ⵉ ⴷⴷ-ⵜᵉⵜⵜⴰⵡⵉ ⵜⴻⵎⵎⵓⵔⵜ, ⵓⵍⴰ ⵅ ⵉⵡⴷⴰⵏ ⵓ ⵅ ⵍⵎⴰⵍ ⵓ ⵅ ⵡⴰⵔⴱⴻⵔ ⵏ ⵉⴼⴰⵙⵙⴻⵏ.”

12 ⵅⴻⵏⵏⵉ ⵉⵙⵍⴰ ⵣⴰⵔⵓⴱⴱⴰⴱⵉⵍ, ⵎⵎⵉⵙ ⵏ ⵛⴰ’ⴰⵍⵜⵉⵢⴰⵍ, ⵓ ⴰⴽⵉⴷⴻⵙ ⵢⴰⵀⵓⵛⵓⵄⴰ, ⵎⵎⵉⵙ ⵏ ⵢⴰⵀⵓⵚⴰⴷⴰⵇ, ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ, ⵓ ⵎⴰⵔⵔⴰ ⵎⵉⵏ ⵉⵇⵇⵉⵎⴻⵏ ⵏ ⵍⴳⴻⵏⵙ, ⵖⴰⵔ ⵜⵎⵉⵊⵊⴰ ⵏ ⵙⵉⴷⵉ, ⴰⵔⴻⴱⴱⵉ ⵏⵙⴻⵏ, ⵓ ⵖⴰⵔ ⵡⴰⵡⴰⵍⴻⵏ ⵏ ⵓⵏⴰⴱⵉ ⵃⴰⴳⴳⴰⵢ, ⴰⵎ ⵎⴰⵎⵎⴻⵛ ⵉ ⵜ ⵉⵙⵙⴻⴽⴽ ⵙⵉⴷⵉ, ⴰⵔⴻⴱⴱⵉ ⵏⵙⴻⵏ. ⵓ ⵏⵉⵜⵏⵉ, ⵍⴳⴻⵏⵙ, ⴳⴳⵯⴻⴷⴻⵏ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ.

13 ⵙ ⵓⵢⴰ ⵉⴱⴰⵔⵔⴻⵃ ⵃⴰⴳⴳⴰⵢ, ⴰⵎⵙⴻⵅⵅⴰⵔ ⵏ ⵙⵉⴷⵉ, ⵉ ⵍⴳⴻⵏⵙ, ⵉⵏⵏⴰ: “ⵏⴻⵛⵛ ⴰⵇⴰ ⴰⵢⵉ ⴰⴽⵉⴷⵡⴻⵎ!” ⵉⵇⵇⴰⵔ ⵙⵉⴷⵉ.

14 ⵓⵛⴰ ⵉⵙⵙⴻⴽⴽⴰⵔ ⵙⵉⴷⵉ ⴱⵓⵃⴱⴻⵍ ⵏ ⵣⴰⵔⵓⴱⴱⴰⴱⵉⵍ, ⵎⵎⵉⵙ ⵏ ⵛⴰ’ⴰⵍⵜⵉⵢⴰⵍ, ⵍⵡⴰⵍⵉ ⵏ ⵢⴰⵀⵓⴷⴰ, ⵓⵍⴰ ⴷ ⴱⵓⵃⴱⴻⵍ ⵏ ⵢⴰⵀⵓⵛⴰⵄ, ⵎⵎⵉⵙ ⵏ ⵢⴰⵀⵓⵚⴰⴷⴰⵇ, ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ, ⵓⵍⴰ ⴷ ⴱⵓⵃⴱⴻⵍ ⵏ ⵎⴰⵔⵔⴰ ⵎⵉⵏ ⵉⵇⵇⵉⵎⴻⵏ ⵥⵉ ⵍⴳⴻⵏⵙ ⵓ ⵏⵉⵜⵏⵉ ⵓⵙⵉⵏ-ⴷⴷ ⵓ ⴳⴳⵉⵏ ⵍⵅⴻⴷⵎⴻⵜ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⴰⵔⴻⴱⴱⵉ ⵏⵙⴻⵏ.

15 ⴷⴻⴳ ⵡⴰⵙⵙ ⵡⵉⵙⵙ ⴰⵔⴻⴱⵄⴰ ⵓ-ⵄⵉⵛⵔⵉⵏ ⵏ ⵓⵢⵓⵔ, ⴷⴻⴳ ⵓⵢⵓⵔ ⵡⵉⵙⵙ ⵙⴻⵜⵜⴰ, ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⵜⵏⴰⵢⴻⵏ ⵏ ⵓⵊⴻⴵⵉⴷ ⴷⴰⵔⵉⵢⵓⵙ.