ⵍⵃⵓⴽⴽⴰⵎ ⴷ ⵉⵏⴰⴱⵉⵢⵢⴻⵏ ⵏ ⵉⵙⵔⴰⵉⵍ ⵜⵜⴼⴻⵛⵍⴻⵏ
3
1 “ⵅⴻⵏⵏⵉ ⵏⵏⵉⵖ ⵏⴻⵛⵛ: ‘ⵙⵍⴻⵎ, ⴰ ⴽⴻⵏⵏⵉⵡ, ⵉⵥⴻⴵⵉⴼⴻⵏ ⵏ ⵢⴰⵄⵇⵓⴱ,
ⵓ ⴽⴻⵏⵏⵉⵡ, ⵍⵃⵓⴽⴽⴰⵎ ⵏ ⵜⴰⴷⴷⴰⵔⵜ ⵏ ⵉⵙⵔⴰⵉⵍ!
ⵎⴰ ⵡⴰⵔ ⵉⵜⵜⵅⴻⵚⵚⵉ ⵉ ⴽⴻⵏⵏⵉⵡ ⴰⴷ ⵜⴻⵙⵙⵏⴻⵎ ⵜⴰⵙⵖⴰⵔⵜ?
2 ⵏⵉⵜⵏⵉ ⵛⴰⵔⵔⵀⴻⵏ ⵎⵉⵏ ⵉⵛⵏⴰⵏ
ⵓ ⵜⵜⴻⵅⵙⴻⵏ ⵎⵉⵏ ⵉⴵⴰⵏ ⴷ ⴰⵄⴻⴼⴼⴰⵏ!
ⵏⵉⵜⵏⵉ ⴽⴽⵙⴻⵏ ⴰⵙⴻⵏ ⵜⵉⵍⵎⴻⵛⵜ
ⵓⵍⴰ ⴷ ⴰⵢⵙⵓⵎ ⵅ ⵉⵅⵙⴰⵏ ⵏⵙⴻⵏ.
3 ⵡⴰⵀ, ⴰⵇⴰ ⴰⵜⴻⵏ ⴷ ⵢⴻⵏⵏⵉ ⵉⵜⵜⴻⵜⵜⴻⵏ ⴰⵢⵙⵓⵎ ⵏ ⵍⴳⴻⵏⵙ ⵉⵏⵓ
ⵓⵛⴰ ⴽⴽⵙⴻⵏ ⴰⵙⴻⵏ ⵜⵉⵍⵎⴻⵛⵜ ⵓⵛⴰ ⵜⵜⴰⵔⴻⵥⵥⴰⵏ ⵉⵅⵙⴰⵏ ⵏⵙⴻⵏ.
ⵏⵉⵜⵏⵉ ⵜⵜⴱⴻⵥⵥⴰⵄⴻⵏ ⵜⴻⵏ ⴰⵎ ⴷⵉ ⵎⴰⵔⵎⵉⵜⴰ,
ⴰⵎ ⵡⴻⵢⵙⵓⵎ ⴷⴻⴳ ⵓⵟⴻⵏⵊⵉⵔ.”
4 “ⵍⴻⵅⴷⴻⵏⵏⵉ ⴰⴷ ⵙⵖⵓⵢⵢⴻⵏ ⵖⴰⵔ ⵙⵉⴷⵉ,
ⵎⴰⵛⴰ ⵡⴰⵔ ⵅⴰⵙⴻⵏ ⴷⴷ-ⵉⵜⵜⴰⵔⵔⵉ.
ⴰⴷ ⵅⴰⵙⴻⵏ ⵉⴼⴼⴰⵔ ⵓⴷⴻⵎ ⵏⵏⴻⵙ ⴷⵉ ⵍⵡⴻⵇⵜ ⵏⵏⵉ,
ⵥⵉ ⵙⵙⵉⴱⴱⴻⵜ ⵏ ⵍⵖⴰⵔ ⵉ ⵉⴳⴳⵉⵏ.”
5 “ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉ ⵉⵏⴰⴱⵉⵢⵢⴻⵏ
ⵉⵏⵏⵉ ⵉⵜⵜⵖⴰⵔⵔⴰⵏ ⵍⴳⴻⵏⵙ ⵉⵏⵓ,
ⵉⵏⵏⵉ ⵓⵎⵉ ⵖⴰⵔⵙⴻⵏ ⵄⴰⴷ ⵎⵉⵏ ⴷⵉ ⵉ ⵖⴰ ⵉⵥⴻⵄⴼⴻⵏ ⵙ ⵜⴻⵖⵎⴰⵙ ⵏⵙⴻⵏ,
ⴰⴷ ⵍⴰⵖⴰⵏ ‘ⵍⴻⵀⵏⴰ!’,
ⵎⴰⵛⴰ ⴹⵉⴷⴷ ⵏ ⵡⴻⵏⵏⵉ ⵡⴰⵔ ⴷ ⴰⵙⴻⵏ ⵉⵜⵜⴻⴳⴳ ⵡⴰⵍⵓ ⴷⴻⴳ ⵓⵇⴻⵎⵎⵓⵎ ⵏⵙⴻⵏ,
ⴰⴷ ⵅⴰⵙ ⵇⴻⴷⴷⵙⴻⵏ ⵉⵊⵊ ⵏ ⵓⵎⴻⵏⵖⵉ. ■
6 ⵅ ⵓⵢⴻⵏⵏⵉ ⴰⴷ ⵅⴰⵡⴻⵎ ⴷⴷ-ⵜⴻⵡⴹⴰ ⴵⵉⵍⴻⵜ ⴱⵍⴰ ⵜⴰⵎⴻⵥⵔⵉⵡⵜ,
ⵓ ⴰⴷ ⵅⴰⵡⴻⵎ ⴷⴷ-ⵉⵡⴹⴰ ⵜⴰⴵⴻⵙⵜ ⴱⵍⴰ ⵜⴰⴳⴻⵥⵥⴰⵏⵜ
ⵓⵛⴰ ⴰⴷ ⵜⴻⵖⵍⵉ ⵜⴼⵓⵛⵜ ⵅ ⵉⵏⴰⴱⵉⵢⵢⴻⵏ
ⵓ ⴰⴷ ⵉⴱⴱⴰⵔⵛⴻⵏ ⵡⴰⵙⵙ ⵜⵉⵡⴰ ⵏⵙⴻⵏ. ■
7 ⵉⵎⵡⴰⵍⴰⵡⴻⵏ ⴰⴷ ⵙⵙⴻⴹⵃⴰⵏ,
ⵓ ⵉⴳⴻⵥⵥⴰⵏⴻⵏ ⴰⴷ ⴷⴻⵡⵍⴻⵏ ⵥⴻⵡⵖⵡⴻⵏ ⵙ ⵍⴻⵃⵢⴰ,
ⵓ ⵏⵉⵜⵏⵉ ⵎⴰⵔⵔⴰ ⴰⴷ ⴷⵍⴻⵏ ⵛⵛⵏⴰⴱⴰⵔ ⵏⵙⴻⵏ,
ⵎⵉⵏⵥⵉ ⵜⵡⴰⵔⵔⵉⵜ ⵏ ⴰⵔⴻⴱⴱⵉ ⵡⴰⵔ ⴷⴷ-ⵜᵉⵜⵜⵉⵙ ⵛⴰ.
8 ⵎⴰⵛⴰ ⵏⴻⵛⵛ ⵛⵛⵓⵔⴻⵖ ⵙ ⵊⵊⴻⵀⴷ
ⵏ ⴰⵔⵔⵓⵃ ⵏ ⵙⵉⴷⵉ,
ⵓ ⵙ ⵍⵃⴻⵇⵇ ⴷ ⵜⴻⵔⵢⴰⵙⵜ,
ⵃⵉⵎⴰ ⴰⴷ ⴱⴰⵔⵔⵃⴻⵖ ⵉ ⵢⴰⵄⵇⵓⴱ ⵅ ⵓⵅⴻⵟⵟⵓ ⵏⵏⴻⵙ
ⵓ ⵉ ⵉⵙⵔⴰⵉⵍ ⵅ ⴷⴷⴻⵏⴱ ⵏⵏⴻⵙ.”
9 “ⵙⵍⴻⵎ ⵅⴻⵏⵏⵉ ⵖⴰⵔ ⵎⴰⵏ ⴰⵢⴰ, ⴰ ⵉⵥⴻⴵⵉⴼⴻⵏ ⵏ ⵜⴰⴷⴷⴰⵔⵜ ⵏ ⵢⴰⵄⵇⵓⴱ
ⵓ ⴽⴻⵏⵏⵉⵡ ⵉⵎⴻⵇⵇⵔⴰⵏⴻⵏ ⵏ ⵜⴰⴷⴷⴰⵔⵜ ⵏ ⵉⵙⵔⴰⵉⵍ,
ⵉⵏⵏⵉ ⵉⵛⴰⵔⵔⵀⴻⵏ ⵍⵃⴻⵇⵇ,
ⵓ ⵙⵙⴼⴰⵔⵔⴰⵖⴻⵏ ⵎⴰⵔⵔⴰ ⵎⵉⵏ ⵉⴵⴰⵏ ⵉⵙⴻⴳⴳⴻⵎ, ■
10 ⵉⵏⵏⵉ ⵉⴱⴻⵏⵏⴰⵏ ⵚⵉⵀⵢⵓⵏ ⵙ ⵉⴷⴰⵎⵎⴻⵏ,
ⵓ ⵓⵔⵛⴰⵍⵉⵎ ⵙ ⵍⵖⴻⵛⵛ. ■
11 ⵉⵥⴻⴵⵉⴼⴻⵏ ⵏⵏⴻⵙ ⵜⵜⴹⴻⴱⴱⴰⵔⴰⵏ ⴷⴷⵄⴰⵡⵉ ⵉ ⴰⵔⵔⴻⵛⵡⴻⵜ,
ⵉⴽⴻⵀⵀⴰⵏⴻⵏ ⵏⵏⴻⵙ ⵙⵙⴻⵍⵎⴰⴷⴻⵏ ⵙ ⵍⵎⵓⵏⴻⵜ,
ⵓ ⵉⴽⴻⵀⵀⴰⵏⴻⵏ ⵏⵏⴻⵙ ⵜⵜⴳⴻⵥⵥⴰⵏⴻⵏ ⵙ ⵜⵜⵎⴻⵏⵢⴰⵜ.
ⴰⵇⴰ ⵏⵉⵜⵏⵉ ⵜⵜⵛⴰⵍⴻⵏ ⵅ ⵙⵉⴷⵉ ⵅⵎⵉ ⵇⵇⴰⵔⴻⵏ:
‘ⵎⴰ ⵡⴰⵔ ⵉⴵⵉ ⵙⵉⴷⵉ ⴷⵉ ⵍⵡⴻⵙⵜ ⵏⵏⴻⵖ?
ⵡⴰⵔ ⴷ ⴰⵏⴻⵖ ⵉⵍⴻⵇⵇⴻⴼ ⵍⵖⴰⵔ.’
12 ⵅ ⵓⵢⴰ, ⴰⵇⴰ-ⵜⵜ ⵥⵥⴰⵢⵡⴻⵎ,
ⴰⵇⴰ ⴰⴷ ⵛⴰⵔⵥⴻⵏ ⵚⵉⵀⵢⵓⵏ ⴰⵎ ⵉⵊⵊ ⵏ ⵢⴻⵢⵢⴰⵔ,
ⴰⴷ ⵜⴻⴷⵡⴻⵍ ⵜⴻⵏⴷⵉⵏⵜ ⵏ ⵓⵔⵛⴰⵍⵉⵎ ⴷ ⵉⵛⵜ ⵏ ⵍⵅⴰⵔⴱⴻⵜ,
ⵓ ⴰⴷⵔⴰⵔ ⵏ ⵜⴰⴷⴷⴰⵔⵜ ⴷ ⵍⴻⴳⵄⵓⴷⵉ ⵏ ⵡⴻⵥⵖⴰⵔ.” □