1 ⵢⵓⵙⴰ-ⴷⴷ ⵡⴰⵡⴰⵍ ⵏ ⵙⵉⴷⵉ ⵖⴰⵔ ⵢⵓⵏⵓⵙ ⵉ ⵜⵡⴰⵍⴰ ⵡⵉⵙⵙ ⵜⵏⴰⵢⴻⵏ, ⵉⵏⵏⴰ:

2 “ⴽⴽⴰⵔ, ⵔⵓⵃ ⵖⴰⵔ ⵜⴻⵏⴷⵉⵏⵜ ⵏ ⵏⵉⵏⵡⴰ ⵜⴰⵎⴻⵇⵇⵔⴰⵏⵜ ⵓⵛⴰ ⴱⴰⵔⵔⴻⵃ ⴰⵙⴻⵏ ⵜⴰⴱⴰⵔⵔⴻⵃⵜ ⵏⵏⵉ ⴷ ⴰⵛ ⵉ ⵖⴰ ⵉⵏⵉⵖ.”

3 ⵓⵛⴰ ⵉⴽⴽⴰⵔ ⵢⵓⵏⵓⵙ, ⵉⵔⵓⵃ ⵖⴰⵔ ⵏⵉⵏⵡⴰ ⵄⵍⴰⵃⵙⴰⴱ ⴰⵡⴰⵍ ⵏ ⵙⵉⴷⵉ. ⵜⵓⵖⴰ ⵏⵉⵏⵡⴰ ⴷ ⵉⵛⵜ ⵏ ⵜⴻⵏⴷⵉⵏⵜ ⵜⴰⵎⴻⵇⵇⵔⴰⵏⵜ ⵙ ⵡⴰⵟⵟⴰⵙ ⵉ ⴰⵔⴻⴱⴱⵉ, ⴰⵇⴰ ⵉⵜⵜⵅⴻⵚⵚⴰ ⵜⵉⵛⵍⵉ ⵏ ⵜⵍⴰⵜⴰ ⵏ ⵡⵓⵙⵙⴰⵏ ⵉ ⵓⵛⵓⵇⵉ. 4 ⵢⵓⴷⴻⴼ ⵢⵓⵏⵓⵙ ⵜⴰⵏⴷⵉⵏⵜ ⵜⵉⵛⵍⵉ ⵏ ⵉⵊⵊ ⵏ ⵡⴰⵙⵙ ⵓⵛⴰ ⵉⴱⴰⵔⵔⴻⵃ, ⵉⵏⵏⴰ: “ⴰⵡⴰⵔⵏⵉ ⵉ ⴰⵔⴻⴱⵄⵉⵏ ⵏ ⵡⵓⵙⵙⴰⵏ ⴰⴷ ⵜᵉⵜⵜⵡⴰⵏⴻⵇⵍⴻⴱ ⵜⴻⵏⴷⵉⵏⵜ ⵏ ⵏⵉⵏⵡⴰ.” 5 ⵉⵔⵢⴰⵥⴻⵏ ⵏ ⵏⵉⵏⵡⴰ ⵓⵎⵏⴻⵏ ⴷⵉ ⴰⵔⴻⴱⴱⵉ ⵓⵛⴰ ⴱⴰⵔⵔⵃⴻⵏ ⵙ ⵢⵉⵊⵊ ⵏ ⵓⵥⵓⵎⵎⵉ ⵓⵛⴰ ⴰⵔⴹⴻⵏ ⵜⵅⵓⵏⵛⴰⵢ ⵏ ⵡⴻⵛⴹⴰⵏ, ⵥⴻⴳ ⵓⵎⴻⵇⵇⵔⴰⵏ ⴰⵍ ⴰⵎⴻⵥⵢⴰⵏ ⵊⴰⵔ ⴰⵙⴻⵏ. ^■   6 ⵢⵉⵡⴻⴹ ⵡⴰⵡⴰⵍ ⵓⵍⴰ ⵖⴰⵔ ⵓⵊⴻⴵⵉⴷ ⵏ ⵏⵉⵏⵡⴰ ⵓⵛⴰ ⵉⴽⴽⴰⵔ ⵥⵉ ⵍⴽⵓⵔⵙⵉ ⵏ ⵍⵄⴰⵔⵛ ⵏⵏⴻⵙ, ⵉⴽⴽⴻⵙ ⵅⴰⵙ ⴰⵔⵔⵓⴹ ⵏⵏⴻⵙ ⵉⴳⴻⵍⵍⴷⴻⵏ, ⵉⵙⵙⴷⵓⵍⵉ ⵉⵅⴻⴼ ⵏⵏⴻⵙ ⵙ ⵢⵉⵛⵜ ⵏ ⵜⵅⴰⵏⵛⴻⵜ ⵏ ⵡⴻⵛⴹⴰⵏ ⵓⵛⴰ ⵉⵇⵇⵉⵎ ⵅ ⵢⵉⵖⵖⴻⴷ.

7 ⵅ ⵍⵓⵎⵓⵔ ⵏ ⵓⵊⴻⴵⵉⴷ ⵊⵎⵉⵄ ⴰⴽ-ⴷ ⴰⵢⵜ ⵏ ⵛⵛⵓⵔⴼⴰ ⴳⴳⵉⵏ ⴰⴷ ⴱⴰⵔⵔⵃⴻⵏ ⴷⵉ ⵏⵉⵏⵡⴰ, ⵏⵏⴰⵏ: “ⵡⴰⵔ ⵜⵜⴻⵊⵊⵉⵎ ⴱⵏⴰⴷⴻⵎ ⴷ ⵍⵎⴰⵍ ⴷ ⵉⴼⵓⵏⴰⵙⴻⵏ ⴷ ⵜⴼⵓⵏⴰⵙⵉⵏ ⴷ ⵡⵓⴵⵉ ⴰⴷ ⵛⵛⴻⵏ ⵛⴰ, ⵡⴰⵔ ⵜⴻⵏ ⵜⵜⴻⵊⵊⵉⵎ ⴰⴷ ⵀⴷⴰⵏ ⵓⵍⴰ ⴰⴷ ⵙⵡⴻⵏ. ^□   8 ⵊⵊⴻⵎ ⴰⴷ ⵢⴰⵔⴹ ⴱⵏⴰⴷⴻⵎ ⴷ ⵍⵎⴰⵍ ⵜⵉⵅⵓⵏⵛⴰⵢ ⵏ ⵡⴻⵛⴹⴰⵏ ⵓⵛⴰ ⵊⵊⴻⵎ ⵜⴻⵏ ⴰⴷ ⵙⵖⵓⵢⵢⴻⵏ ⵙ ⵊⵊⴻⵀⴷ ⵖⴰⵔ ⴰⵔⴻⴱⴱⵉ ⵓⵛⴰ ⴰⴷ ⵉⵜⵓⴱ ⴽⵓⵍ ⵉⵊⵊ ⵥⴻⴳ ⵡⴻⴱⵔⵉⴷ ⵏⵏⴻⵙ ⴰⵄⴻⴼⴼⴰⵏ ⵓ ⵥⵉ ⵍⵄⵓⵏⴼ ⵉ ⵢⵓⵎⵙⴻⵏ ⵖⴰⵔ ⵉⴼⴰⵙⵙⴻⵏ ⵏⵏⴻⵙ. 9 ⴰⴷ ⵜⴰⵖ ⴰⴷ ⵉⵏⴷⴻⵎ ⴰⵔⴻⴱⴱⵉ ⵓⵛⴰ ⴰⴷ ⵉⵜⵓⴱ ⵓⵛⴰ ⴰⴷ ⵉⴱⴻⵄⵄⴻⴷ ⵅ ⵍⵃⴰⴷⵓⵇ ⵏ ⵡⴻⵖⴹⴰⴱ ⵏⵏⴻⵙ ⵃⵉⵎⴰ ⵡⴰⵔ ⵏⴻⵜⵜⵡⴰⵜⵀⴻⵍⵍⵉⴽ ⵛⴰ.” ^■  

10 ⵓⵛⴰ ⵉⵥⵔⴰ ⴰⵔⴻⴱⴱⵉ ⵎⵉⵏ ⴳⴳⵉⵏ, ⴰⵇⴰ ⵜⵓⴱⴻⵏ ⵅ ⵡⴻⴱⵔⵉⴷ ⵏⵙⴻⵏ ⴰⵄⴻⴼⴼⴰⵏ ⵓⵛⴰ ⵉⵏⴷⴻⵎ ⴰⵔⴻⴱⴱⵉ ⵅ ⵍⵖⴰⵔ ⵏⵏⵉ ⵜⵓⵖⴰ ⵉⵏⵏⴰ ⴰⴷ ⴽⵉⵙⴻⵏ ⵉⴳⴳ ⵓⵛⴰ ⵡⴰⵔ ⵜ ⵉⴳⴳⵉ ⵛⴰ.