1 ⵉⵙⵙⴻⵡⵊⴻⴷ ⵙⵉⴷⵉ ⵉⵊⵊ ⵏ ⵡⴻⵙⵍⴻⵎ ⴰⵎⴻⵇⵇⵔⴰⵏ ⵃⵉⵎⴰ ⴰⴷ ⵉⵙⵙⴻⵖⵔⵉ ⵢⵓⵏⵓⵙ ⵓⵛⴰ ⵢⵓⵏⵓⵙ ⵉⴽⴽⴰ ⵜⵍⴰⵜⴰ ⵏ ⵡⵓⵙⵙⴰⵏ ⴷ ⵜⵍⴰⵜⴰ ⵏ ⴵⵉⵢⴰⵍⵉ ⴷⴻⴳ ⵓⵄⴻⴷⴷⵉⵙ ⵏ ⵡⴻⵙⵍⴻⵎ. ^■   2 ⵓⵛⴰ ⵉⵥⵥⵓⴵ ⵢⵓⵏⵓⵙ ⵉ ⵙⵉⴷⵉ, ⴰⵔⴻⴱⴱⵉ ⵏⵏⴻⵙ, ⵥⴻⴳ ⵓⵄⴻⴷⴷⵉⵙ ⵏ ⵡⴻⵙⵍⴻⵎ. 3 ⵉⵏⵏⴰ:

”ⵣⵉ ⵍⴻⵃⵚⴰⵔⴻⵜ ⵉⵏⵓ ⵍⴰⵖⵉⵖ ⵉ ⵙⵉⴷⵉ

ⵓ ⵏⴻⵜⵜⴰ ⵢⴰⵔⵔⴰ-ⴷⴷ ⵅⴰⴼⵉ.

ⵣⴻⴳ ⵡⴻⵃⵡⵉⵛ ⵏ ⵍⴰⵅⴰⵔⵜ ⵍⴰⵖⵉⵖ ⵓⵛⴰ ⵛⴻⴽ ⵜⴻⵙⵍⵉⴷ ⵉ ⵜⵎⵉⵊⵊⴰ ⵉⵏⵓ. ^■  

4 ⵜⵓⵖⴰ ⵜⴻⵏⴹⴰⵔⴻⴷ ⴰⵢⵉ ⴷⵉ ⵍⴰⴵⴰⵖ,

ⴷⴻⴳ ⵡⵓⵍ ⵏ ⵍⴻⴱⵃⵓⵔ,

ⵜⴻⵏⵏⴹⴻⵏ ⴰⵢⵉ-ⴷⴷ ⵍⴻⵎⵡⴰⵊ.

ⵎⴰⵔⵔⴰ ⵥⵥⵀⵉⵔ ⵏⵏⴻⴽ ⴷ ⵍⴻⵎⵡⴰⵊ ⵏⵏⴻⴽ ⴽⴽⵉⵏ-ⴷⴷ ⵅⴰⴼⵉ ⵙⴻⵏⵏⴻⵊ. ^■  

5 ⵏⵏⵉⵖ: ‘ⵏⴻⵛⵛ ⵜⵜⵡⴰⵙⵓⴼⴼⵖⴻⵖ ⵥⵉ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ,

ⵉⵍⵉ ⴰⴷ ⵜⵡⴰⵍⵉⵖ ⵄⴰⵡⴻⴷ ⵣⵥⴰⵡⴻⵛⵜ ⵏⵏⴻⴽ ⵜⴰⵎⴻⵇⵇⵔⴰⵏⵜ ⵉⵇⴻⴷⴷⵙⴻⵏ.’

6 ⵟⵟⴼⴻⵏ ⴰⵢⵉ ⵡⴰⵎⴰⵏ ⴰⵍ ⵎⴰⵏⵉ ⵉⵡⴹⴻⵏ ⵖⴰⵔ ⵍⴻⵄⵎⴰⵔ ⵉⵏⵓ,

ⴰⵎⴰⵏ ⵏ ⵍⴰⴵⴰⵖ ⵏⵏⴹⴻⵏ ⴰⵢⵉ-ⴷⴷ, ⵉⵍⵚⴻⵇ-ⴷⴷ ⴰⵔⵔⴱⵉⵄ ⵏ ⵍⴻⴱⵃⴰⵔ ⴷⴻⴳ ⵓⵥⴻⴵⵉⴼ ⵉⵏⵓ.

7 ⵀⵡⵉⵖ ⵖⴰⵔ ⵉⵥⵓⵔⴰⵏ ⵏ ⵉⴷⵓⵔⴰⵔ,

ⵜⵜⵡⴰⴱⴻⵍⵍⵄⴻⵏ ⵥⵥⴻⴽⵔⵓⵏⴰⵜ ⵏ ⵜⴻⵎⵎⵓⵔⵜ ⵅⴰⴼⵉ ⵙⴻⵏⵏⴻⵊ ⵉ ⵍⴻⴱⴷⴰ,

ⵎⴰⵛⴰ ⵛⴻⴽ ⵜⴻⵙⵙⴳⴻⵄⵄⴷⴻⴷ ⵜⵓⴷⴰⵔⵜ ⵉⵏⵓ ⵥⴻⴳ ⵡⴻⵃⴼⵓⵔ,

ⴰ ⵙⵉⴷⵉ, ⴰⵔⴻⴱⴱⵉ ⵉⵏⵓ!

8 ⵓⵎⵉ ⵉⴷⴻⵡⵡⴻⵅ ⵍⴻⵄⵎⴰⵔ ⵉⵏⵓ ⴷⴰⵢⵉ, ⴼⴻⴽⴽⴰⵔⴻⵖ ⴷⵉ ⵙⵉⴷⵉ,

ⵓ ⵜⴰⵥⴰⴵⵉⵜ ⵉⵏⵓ ⵜⴳⴻⵄⵄⴻⴷ ⵖⴰⵔⴻⴽ, ⴷⵉ ⵣⵥⴰⵡⴻⵛⵜ ⵏⵏⴻⴽ ⵜⴰⵎⴻⵇⵇⵔⴰⵏⵜ ⵉⵇⴻⴷⴷⵙⴻⵏ. ^□  

9 ⵉⵏⵏⵉ ⵉⵟⵟⴼⴻⵏ ⴷⴻⴳ ⵉⵅⴰⵔⵔⵉⵇⴻⵏ ⵉⵅⵡⴰⵏ,

ⵙⴻⵎⵃⴻⵏ ⴷⵉ ⵜⵎⴻⵅⵙⵉⵡⵜ ⵏⵙⴻⵏ ⵉⵛⴻⵡⵡⴰⵔⴻⵏ.

10 ⵎⴰⵛⴰ ⵏⴻⵛⵛ ⴰⴷ ⵛⴻⴽ ⵃⴻⵎⴷⴻⵖ ⵙ ⵢⵉⵛⵜ ⵏ ⵜⵎⵉⵊⵊⴰ ⵜⴻⵛⵛⵓⵔ ⵙ ⵓⵇⴰⴷⵉ.

ⵎⵉⵏ ⵛⴻⴽ ⵡⴰⵄⴷⴻⵖ, ⴰⴷ ⵜ ⵇⴻⴼⵍⴻⵖ.

ⴰⵙⴻⵏⵊⴻⵎ ⵥⵉ ⵙⵉⴷⵉ.” ^■  

11 ⵉⵙⵙⵉⵡⴻⵍ ⵙⵉⴷⵉ ⴰⴽ-ⴷ ⵡⴻⵙⵍⴻⵎ ⵓⵛⴰ ⵉⵄⵓⵇⵇ-ⴷⴷ ⵢⵓⵏⵓⵙ ⴷⵉ ⵍⴱⴰⵔ.