1 “ⵎⴰⵏ ⴰⵢⴰ ⵉⵙⵙⵛⴻⵏ ⴰⵢⵉ ⵜⵜ ⵙⵉⴷⵉ ⵉⵏⵓ, ⵙⵉⴷⵉ:

ⵅⵥⴰⵔ, ⵉⵛⵜ ⵏ ⵜⵙⵓⴵⴻⵜ ⴷⴰⵢⴻⵙ ⵜⵉⵏⵉ ⵏ ⵓⵏⴻⴱⴷⵓ! 2 ⵏⴻⵜⵜⴰ ⵉⵏⵏⴰ: ‘ⵎⵉⵏ ⵜᵉⵜⵜⵡⴰⵍⵉⴷ ⵛⴻⴽ ⴰ ⵄⴰⵎⵓⵙ?’ ⵏⴻⵛⵛ ⵏⵏⵉⵖ: ‘ⵉⵛⵜ ⵏ ⵜⵙⵓⴵⴻⵜ ⴷⴰⵢⴻⵙ ⵜⵉⵏⵉ ⵏ ⵓⵏⴻⴱⴷⵓ!’ ⵅⴻⵏⵏⵉ ⵉⵏⵏⴰ ⴰⵢⵉ ⵙⵉⴷⵉ: ‘ⴰⵇⴰ ⵢⵓⵙⴰ-ⴷⴷ ⵇⴻⵟⵟⵓ ⵅ ⵍⴳⴻⵏⵙ ⵉⵏⵓ ⵉⵙⵔⴰⵉⵍ. ⵏⴻⵛⵛ ⵡⴰⵔ ⵅⴰⵙ ⵄⴻⴷⴷⵓⵖ ⵄⴰⴷ! 3 ⴷⴻⴳ ⵡⴰⵙⵙ ⵏⵏⵉ ⴰⴷ ⴷⴻⵡⵍⴻⵏ ⵉⵥⵍⴰⵏ ⵏ ⵍⴻⵇⵚⴰⵔ ⴷ ⵉⵎⴻⵟⵟⴰⵡⴻⵏ, ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ. ⴰⴷ ⵉⵍⵉⵏⵜ ⴰⵟⵟⴰⵙ ⵏ ⵍⵅⴻⵛⴱⴰⵜ ⴷⵉ ⴽⵓⵍ ⴰⵎⵛⴰⵏ, ⵜⵉⵏⵏⵉ ⵉⵏⴹⴰⵔ ⵏⴻⵜⵜⴰ. ⵙⴻⵖⴷ!’ ”

4 “ⵙⵍⴻⵎ ⴰⵢⴰ, ⴽⴻⵏⵏⵉⵡ ⵉⵏⵏⵉ ⵉⵚⴰⵔⵔⴹⴻⵏ ⴰⵎⴻⵥⵍⵓⴹ ⵓ ⵜⴻⵇⴹⴰⵎ ⵅ ⵍⵎⵓⵙⴰⴽⵉⵏ ⵏ ⵜⴻⵎⵎⵓⵔⵜ, 5 ⴰⵎ ⵜⴻⵇⵇⴰⵔⴻⵎ: ‘ⵎⴻⵍⵎⵉ ⵖⴰ ⵉⵄⴷⵓ ⵓⵢⵓⵔ ⵏ ⵊⴷⵉⴷ ⴰⵍⴰⵎⵉ ⵏⵥⴻⵎⵎⴰⵔ ⴰⴷ ⵏⴻⵥⵥⴻⵏⵥ ⵉⵎⴻⵏⴷⵉ? ⵓ ⵎⴻⵍⵎⵉ ⵖⴰ ⵉⵄⴷⵓ ⵡⴰⵙⵙ ⵏ ⵙⵙⴻⴱⵜ ⴰⵍⴰⵎⵉ ⵏⵥⴻⵎⵎⴰⵔ ⴰⴷ ⵏⴰⵔⵥⴻⵎ ⵜⵉⵙⵔⴰⴼⵉⵏ ⵏ ⵉⵎⴻⵏⴷⵉ, ⵃⵉⵎⴰ ⴰⴷ ⵏⴻⵙⵙⴻⵎⵥⵉ ⵍⴻⵄⴱⴰⵔ ⵏ ⵉⴼⴰ ⵓ ⴰⴷ ⵏⴻⵙⵙⴻⵎⵖⴰⵔ ⴰⵛⵉⵇⵍ ⵓ ⴰⴷ ⵏⴻⵛⵎⴻⵜ ⵙ ⵍⵎⵉⵥⴰⵏⴰⵜ ⵏ ⵍⵖⴻⵛⵛ, ^■   6 ⴰⵍⴰⵎⵉ ⵏⵥⴻⵎⵎⴰⵔ ⴰⴷ ⵏⵙⴻⵖ ⵉⵎⵓⵇⵍⵉⵍⴻⵏ ⵙ ⵜⴻⵏⵄⴰⵛⵉⵏ ⵏ ⵏⵏⵓⵇⴰⵔⵜ ⵓⵍⴰ ⴷ ⴰⵎⴻⵥⵍⵓⴹ ⵉ ⵜⵢⵓⵢⴰ ⵏ ⵜⵙⵉⵍⴰ!’, ⵓ ⴰⵎ ⵜⴻⵇⵇⴰⵔⴻⵎ: ‘ⴰⴷ ⵏⴻⵥⵥⴻⵏⵥ ⵉⵛⴰⵔⴼⴰ ⴷⴻⴳ ⵡⴻⵎⵛⴰⵏ ⵏ ⵉⵎⴻⵏⴷⵉ!’ ”^■  

7 “ⵙⵉⴷⵉ ⵉⵊⵊⵓⴵ ⵖⴰⵔ ⵏⵏⴼⴰⵅⴻⵜ ⵏ ⵢⴰⵄⵇⵓⴱ: ‘ⵄⴻⵎⵎⴰⵔⵚ ⴰⴷ ⵜⵜⵓⵖ ⵜⵉⵎⴻⴳⴳⴰ ⵏⵙⴻⵏ!

8 ⵎⴰ ⵡⴰⵔ ⵜⵜⴻⵏⵀⴻⵥⵥⵉ ⵜⴻⵎⵎⵓⵔⵜ ⵙ ⵎⴰⵏ ⴰⵢⴰ ⵓ ⵎⴰ ⵡⴰⵔ ⵜⵜⵉⵍⵉⵏ ⵎⴰⵔⵔⴰ ⵉⵎⴻⵥⴷⴰⵖ ⵏⵏⴻⵙ ⵛⴻⴹⵏⴻⵏ? ⵎⴰ ⵡⴰⵔ ⵜᵉⵜⵜⴳⴻⵄⵄⵉⴷ ⵜⴻⵎⵎⵓⵔⵜ ⵜⵎⵓⵏ ⴰⵎ ⵢⴻⵖⵥⴰⵔ, ⴰⴷ ⵜⴰⵍⵉ ⵓ ⴰⴷ ⴷⴷ-ⵜⴻⵀⵡⴰ ⴰⵎ ⵢⴻⵖⵥⴰⵔ ⵏ ⵎⵉⵚⵔⴰ?”

9 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⵎⵙⴰⵔ, ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ, ⴰⴷ ⴰⵔⵔⴻⵖ ⵜⴼⵓⵛⵜ ⴰⴷ ⵜⴻⵖⵍⵉ ⴷⴻⴳ ⵡⴻⵥⵢⴻⵏ ⵏ ⵡⴰⵙⵙ ⵓ ⴰⴷ ⵙⵙⴱⴰⵔⴻⵛⵏⴻⵖ ⵜⴰⵎⵎⵓⵔⵜ ⵖⴰⵔ ⵟⵃⴰ ⵏ ⵡⴰⵙⵙ.

10 ⵏⴻⵛⵛ ⴰⴷ ⴰⵔⵔⴻⵖ ⴼⵉⵛⵜⴰⵜ ⵏⵡⴻⵎ ⴷ ⴰⵛⴹⴰⵏ ⴷ ⵎⴰⵔⵔⴰ ⵉⵥⵍⴰⵏ ⵏⵡⴻⵎ ⴷ ⵉⵥⵍⴰⵏ ⵏ ⵡⴻⵛⴹⴰⵏ ⵓ ⵏⴻⵛⵛ ⴰⴷ ⴳⴳⴻⵖ ⵉⵊⵊ ⵏ ⵡⴰⵔⵔⵓⴹ ⵏ ⵡⴻⵛⴹⴰⵏ ⵅ ⵜⴱⴻⵢⵙⴰ ⵏⵏⴻⴽ. ⵅ ⴽⵓⵍ ⴰⵥⴻⴵⵉⴼ ⴰⴷ ⴳⴳⴻⵖ ⵜⵓⵇⴻⵛⵛⴰⵔⵜ ⵓ ⴰⴷ ⴰⵡⵢⴻⵖ ⴰⵛⴹⴰⵏ ⵅ ⵜⴰⵎⵎⵓⵔⵜ ⴰⵎ ⵅ ⵓⵢⴻⵏⵏⵉ ⵏ ⵎⵎⵉⵙ, ⵓ ⴰⵇⴻⵟⵟⵓ ⵏⵏⴻⵙ ⴰⴷ ⵜ ⴳⴳⴻⵖ ⴰⵎ ⵉⵊⵊ ⵏ ⵡⴰⵙⵙ ⵏ ⵉⵎⴻⵟⵟⴰⵡⴻⵏ ⵉⵎⴻⵔⵥⴰⴳⴻⵏ.”

11 “ⵅⵥⴰⵔ, ⴰⴷ ⴷⴷ-ⴰⵙⴻⵏ ⵡⵓⵙⵙⴰⵏ, ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ, ⴰⵇⴰ ⵏⴻⵛⵛ ⴰⴷ ⵙⵙⴻⴽⴽⴻⵖ ⵍⴰⵥ ⵅ ⵜⴻⵎⵎⵓⵔⵜ, ⵡⴰⵔ ⵉⴵⵉ ⵍⴰⵥ ⵏ ⵡⴻⵖⵔⵓⵎ, ⵡⴰⵔ ⵉⴵⵉ ⴼⴰⴷ ⵏ ⵡⴰⵎⴰⵏ, ⵎⴰⵛⴰ ⵉⵊⵊ ⵏ ⵓⴼⴰⴷⵉ ⵎⴰⵃⴻⵏⴷ ⴰⴷ ⵙⵍⴻⵏ ⵉ ⵡⴰⵡⴰⵍⴻⵏ ⵏ ⵙⵉⴷⵉ.

12 ⵅⴻⵏⵏⵉ ⴰⴷ ⵜⵜⴻⵍⵄⴻⵏ ⵥⵉ ⵍⴻⴱⵃⴰⵔ ⵖⴰⵔ ⵍⴻⴱⵃⴰⵔ ⵓ ⵥⵉ ⵛⵛⴰⵎⴰⵍ ⵖⴰⵔ ⵛⵛⴰⵔⵇ, ⴰⴷ ⵓⵢⵓⵔⴻⵏ ⵥⵉ ⵙⵙⴰ ⵖⴰⵔ ⴷⴰ ⵎⴰⵃⴻⵏⴷ ⴰⴷ ⴰⵔⵥⵓⵏ ⵅ ⵡⴰⵡⴰⵍ ⵏ ⵙⵉⴷⵉ, ⵎⴰⵛⴰ ⵡⴰⵔ ⵜ ⵜⵜⵉⴼⴻⵏ.

13 ⴷⴻⴳ ⵡⴰⵙⵙ ⵏⵏⵉ ⴰⴷ ⵖⴰⵛⴰⵏⵜ ⵜⴻⵄⵥⴰⵔⵉⵢⵢⵉⵏ ⵏⵏⵉ ⵉⵛⵏⴰⵏ ⵇⴰⵄ ⵓⵍⴰ ⴷ ⵉⵃⵓⴷⵔⵉⵢⵢⴻⵏ ⵙ ⵓⴼⴰⴷⵉ,

14 ⵉⵏⵏⵉ ⵉⵜⵜⵊⵊⴰⴵⴰⵏ ⵖⴰⵔ ⵓⵎⴰⵔⵡⴰⵙ ⵏ ⵙⴰⵎⴰⵔⵢⴰ, ⵇⵇⴰⵔⴻⵏ: ‘ⵙ ⵜⵉⴷⴻⵜⵜ ⴰⵎ ⵉⴷⴷⴰⵔ ⴰⵔⴻⴱⴱⵉ ⵏⵏⴻⴽ, ⴰ ⴷⴰⵏ, ⵓ ⴰⵎ ⵉⴷⴷⴰⵔ ⵡⴻⴱⵔⵉⴷ ⵖⴰⵔ ⴱⵉ’ⵔ-ⵙⴻⴱⵄⴰ, ⵏⵉⵜⵏⵉ ⴰⴷ ⵡⴹⴰⵏ, ⵡⴰⵔ ⵜⵜⴻⴽⴽⴰⵔⴻⵏ ⵄⴰⴷ!’ ” ^■