6
1 “ⵓⵛⵜ ⵅ ⵢⴻⵏⵏⵉ ⵡⴰⵔ ⴷⵉ ⵢⴻⴵⵉ ⴱⵓ ⵡⴻⵎⵏⵓⵙ ⴷⵉ ⵚⵉⵀⵢⵓⵏ ⵓ ⵅ ⵢⴻⵏⵏⵉ ⵓⵎⵉ ⵉⵜⵜⵖⵉⵍ ⴰⵇⴰ ⴰⵜⴻⵏ ⴷⵉ ⵍⴰⵎⴰⵏ ⵅ ⵡⴻⴷⵔⴰⵔ ⵏ ⵙⴰⵎⴰⵔⵢⴰ, ⵉⵎⵛⴻⵏⵏⵄⴻⵏ ⵏ ⵡⴻⵏⵏⵉ ⴷ ⴰⵎⴻⵥⵡⴰⵔⵓ ⵊⴰⵔ ⵍⴻⴳⵏⵓⵙ. ⵏⵉⵜⵏⵉ ⵜⵜⴰⵙⴻⵏ-ⴷⴷ ⵖⴰⵔⵙⴻⵏ, ⵎⴰⵔⵔⴰ ⵜⴰⴷⴷⴰⵔⵜ ⵏ ⵉⵙⵔⴰⵉⵍ. ■ 2 ⵄⴷⵓⵎ ⵖⴰⵔ ⴽⴰⵍⵏⴰ ⵓ ⵜⵅⴻⵥⵥⴰⵔⴻⵎ ⵎⴰⵎⵎⴻⵛ ⵜⴻⴵⴰ! ⵓⵢⵓⵔⴻⵎ ⵙⵙⴻⵏⵏⵉ ⵖⴰⵔ ⵃⴰⵎⴰⵜ ⵓ ⵀⵡⴰⵎ-ⴷⴷ ⵖⴰⵔ ⵊⴰⵜ ⵏ ⵉⴼⵉⵍⵉⵙⵟⵉⵏⵉⵢⵢⴻⵏ. ⵎⴰ ⵏⵉⵜⵏⵉ ⵃⵙⴻⵏ ⵥⵉ ⵜⴳⴻⵍⴷⴰⵡⵉⵏ-ⴰ ⵏⵉⵖ ⵜⴰⵎⵎⵓⵔⵜ ⵏⵙⴻⵏ ⴷ ⵜⴰⵎⴻⵇⵇⵔⴰⵏⵜ ⵅ ⵜⴻⵎⵎⵓⵔⵜ ⵏⵡⴻⵎ? □
3 ⴽⴻⵏⵏⵉⵡ ⵉⵏⵏⵉ ⵉⵙⵙⴱⴻⵄⵄⴷⴻⵏ ⴰⵙⵙ ⴰⵄⴻⴼⴼⴰⵏ ⵖⴰⵔ ⵥⵥⴰⵜ ⵏⵡⴻⵎ, ⵎⴰⵛⴰ ⵜⴻⵙⵙⵇⴰⵔⵔⴰⴱⴻⵎ ⵍⴽⵓⵍⵙⵉ ⵏ ⵍⵄⵓⵏⴼ,■ 4 ⵉⵏⵏⵉ ⵉ ⴷⵉⵏ ⵉⵜⵜⴻⵥⵥⵍⴻⵏ ⵅ ⵇⴰⵎⴰⵜ ⵏ ⵍⵄⴰⵊ ⵓⵛⴰ ⵜⵜⴻⵙⵟⵉⵍⴻⵏ ⵅ ⵍⴻⵎⵟⴰⵔⴱⴰⵜ, ⵓ ⵜⵜᵉⵜⵜⴻⵏ ⵉⵥⵎⴰⵔⴻⵏ ⵏ ⵡⵓⴵⵉ ⵓⵍⴰ ⴷ ⵉⵢⴻⵏⴷⵓⵥⴻⵏ ⵥⵉ ⵍⵡⴻⵙⵜ ⵏ ⵍⴽⵓⵔⵉ, □ 5 ⵉⵏⵏⵉ ⵉ ⴷⵉⵏ ⵉⵖⴻⵏⵏⵊⴻⵏ ⴰⵎⴻⵏⵏⵉ ⵡⴰⵀⴰ ⵖⴰⵔ ⴵⵖⴰ ⵏ ⵍⵀⴰⵔⴱⴰ, ⴰⵎ ⴷⴷ-ⵙⵙⵓⴼⴼⵖⴻⵏ ⵄⵍⴰⵎ ⴽⵓⵍ ⵏ ⵉⵥⵍⴰⵏ ⵙ ⴷⴷⵓⵥⴰⵏ ⵏ ⵍⵎⵓⵙⵉⵇⴰ, ⴰⵎⴻⵛⵏⴰⵡ ⵜ ⵉⴳⴳⴰ ⴷⴰⵡⵓⴷ, ■ 6 ⵉⵏⵏⵉ ⵉⵙⵙⴻⵙⵙⴻⵏ ⴱⵉⵏⵓ ⵥⵉ ⵟⵟⴰⵡⵢⴰⵜ ⵏ ⵓⵔⵓⵛⵛⵉ ⵓⵛⴰ ⴷⴻⵀⵀⵏⴻⵏ ⵉⵅⴻⴼ ⵏⵙⴻⵏ ⵙ ⵍⴻⵎⵅⴻⵢⵢⴰⵔ ⵏ ⵥⵥⴻⵛⵜ ⵓ ⵡⴰⵔ ⵜⵜⴰⵔⵔⴰⵏ ⵜⴰⵢⵏⵉⵜ ⵉ ⵜⵔⴻⵥⵥⵉⵜ ⵏ ⵢⵓⵙⵓⴼ. ■ 7 ⵙ ⵓⵢⴰ, ⵍⴻⵅⵅⵓ ⵏⵉⵜⵏⵉ ⴰⴷ ⵓⵢⵓⵔⴻⵏ ⵖⴰⵔ ⵍⵎⴻⵏⴼⴰ ⵖⴰⵔ ⵓⵥⴻⴵⵉⴼ ⵏ ⵉⵎⴻⵏⴼⵉⵢⵢⴻⵏ. ⴰⵇⴰ ⵉⵜⵜⵡⴰⵇⴹⴰ ⴷⴷⵔⵉⵥ ⵏ ⵓⵖⵓⵢⵢⵉ ⵏ ⵢⵉⵏⵏⵉ ⵉ ⴷⵉⵏ ⵉⵜⵜⴻⵥⵥⵍⴻⵏ. ■
8 ⵙⵉⴷⵉ ⵉⵏⵓ, ⵙⵉⴷⵉ ⵉⵊⵊⵓⴵ ⵙ ⵢⵉⵅⴻⴼ ⵏⵏⴻⵙ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ: ⵏⴻⵛⵛ ⵄⵉⴼⴼⴻⵖ ⵏⵏⴼⴰⵅⴻⵜ ⵏ ⵢⴰⵄⵇⵓⴱ ⵓ ⵛⴰⵔⵔⵀⴻⵖ ⵍⴻⵇⵚⵓⵔ ⵏⵏⴻⵙ. ⵙ ⵓⵢⴻⵏⵏⵉ ⴰⴷ ⵙⴻⵍⵍⵎⴻⵖ ⵜⴰⵏⴷⵉⵏⵜ ⴷ ⵎⴰⵔⵔⴰ ⵎⵉⵏ ⴷⴰⵢⴻⵙ.”
9 “ⴰⴷ ⵉⵎⵙⴰⵔ ⵍⴰⵎⵉ ⵇⵇⵉⵎⴻⵏ ⵄⴻⵛⵔⴰ ⵏ ⵉⵔⵢⴰⵥⴻⵏ ⴷⵉ ⵜⴰⴷⴷⴰⵔⵜ ⴷ ⵉⵛⵜ, ⴰⵇⴰ ⴰⴷ ⵎⵎⵜⴻⵏ ⵏⵉⵜⵏⵉ.
10 ⵎⴰⵍⴰ ⴰⴷ ⵜ ⵉⴽⵙⵉ ⵄⴻⵎⵎⵉⵙ ⵏⵉⵖ ⵡⴻⵏⵏⵉ ⵉ ⵜ ⵖⴰ ⵉⵙⵙⵛⴻⵎⴹⴻⵏ ⵃⵉⵎⴰ ⴰⴷ ⵉⵙⵙⵓⴼⴼⴻⵖ ⵍⵅⴻⵛⴱⴻⵜ ⵥⵉ ⵜⴰⴷⴷⴰⵔⵜ ⵓ ⵅⴻⵏⵏⵉ ⴰⴷ ⵢⵉⵏⵉ ⵉ ⵡⴻⵏⵏⵉ ⵄⴰⴷ ⵖⴰⵔ ⴷⴰⵅⴻⵍ ⴷⵉ ⵜⴰⴷⴷⴰⵔⵜ: ‘ⵎⴰ ⴰⵇⴰ ⴷⵉⵏ ⵖⴰⵔⴻⴽ ⵄⴰⴷ ⴽⵜⴰⵔ?’, ⵓ ⵅⴻⵏⵏⵉ ⴰⴷ ⵢⵉⵏⵉ ⵡⴻⵏⵏⴻⵖⵏⵉ: ‘ⵓⵍⴰ ⴷ ⵉⵊⵊ!’, ⵓ ⵅⴻⵏⵏⵉ ⴰⴷ ⵢⴰⵔⵏⵉ ⴰⴷ ⵢⵉⵏⵉ: ‘ⵙⵇⴰⵔ, ⵎⵉⵏⵥⵉ ⵉⵜⵜⵅⴻⵚⵚⴰ ⵡⴰⵔ ⵏⴻⵜⵜⵉⴷⴰⵔ ⵉⵙⴻⵎ ⵏ ⵙⵉⴷⵉ.’ ”
11 “ⵎⴰⵖⴰⵔ ⵅⵥⴰⵔ, ⵙⵉⴷⵉ ⵉⵜⵜⴰⵎⴰⵔ, ⵓⵛⴰ ⵏⴻⵜⵜⴰ ⴰⴷ ⵉⵡⵡⴻⵜ ⵜⴰⴷⴷⴰⵔⵜ ⵜⴰⵎⴻⵇⵇⵔⴰⵏⵜ ⴰⵍ ⵖⴰ ⵜⴻⴷⵡⴻⵍ ⴷ ⵍⵅⴰⵔⴱⴻⵜ ⵓ ⵜⴰⴷⴷⴰⵔⵜ ⵜⴰⵎⴻⵥⵢⴰⵏⵜ ⴰⴷ ⵜⴻⴷⵡⴻⵍ ⴷ ⵉⵛⴻⴵⵉⵇⴻⵏ.
12 ⵎⴰ ⴰⴷ ⵜⴰⵥⵥⵍⴻⵏ ⵉⵢⵙⴰⵏ ⵅ ⵍⴻⵊⵔⵓⴼ? ⵎⴰ ⴰⴷ ⵜ ⵛⴰⵔⵥⴻⵏ ⵙ ⵉⴼⵓⵏⴰⵙⴻⵏ? ⴽⴻⵏⵏⵉⵡ ⵎⴰⵛⴰ ⵜⴰⵔⵔⵉⵎ ⵍⵃⴻⵇⵇ ⴷ ⵉⵥⵉ, ⵓ ⵍⵖⵉⴵⴻⵜ ⵏ ⵜⵙⴻⴳⴷⴰ ⵜⴰⵔⵔⵉⵎ ⵜⵜ ⴷ ⵛⵛⵉⵃ. ■
13 ⴽⴻⵏⵏⵉⵡ ⵉⵏⵏⵉ ⵉⴼⴰⵔⵔⵃⴻⵏ ⵥⵉ ⵎⵉⵏ ⵡⴰⵔ ⵉⴵⵉⵏ, ⵉⵏⵏⵉ ⵉⵇⵇⴰⵔⴻⵏ: ‘ⵎⴰ ⵡⴰⵔ ⵏⴻⵟⵟⵉⴼ ⴰⵛⵛⴰⵡⴻⵏ ⵙ ⵊⵊⴻⵀⴷ ⵏⵏⴻⵖ?’
14 ⵎⴰⵖⴰⵔ ⵅⵥⴰⵔ, ⴰ ⵜⴰⴷⴷⴰⵔⵜ ⵏ ⵉⵙⵔⴰⵉⵍ, ⵏⴻⵛⵛ ⴰⴷ ⴷⴷ-ⵙⵙⴻⴽⴽⴰⵔⴻⵖ ⵉⵊⵊ ⵏ ⵍⴳⴻⵏⵙ ⴹⵉⴷⴷ ⵏⵡⴻⵎ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ. ⵏⵉⵜⵏⵉ ⴰⴷ ⴽⴻⵏⵏⵉⵡ ⵃⵚⴰⵔⴻⵏ ⵥⵉ ⵎⴰⵏⵉⵙ ⴷⴷ-ⵉⵡⴹⴻⵏ ⵉⵡⴷⴰⵏ ⵖⴰⵔ ⵃⴰⵎⴰⵜ ⴰⵍ ⵜⴰⵖⵥⴰⵔⵜ ⵏ ⵍⴻⵡⴹⴰ.”