1 “ⴳⴳⴻⵎ ⵉⵛⵛ ⵏ ⵉⵛⴰⵔⵔⵉ ⵉ ⵓⵚⵓⴹⵉ ⵖⴰⵔ ⵓⵇⴻⵎⵎⵓⵎ ⵏⵏⴻⴽ. ⴰⵎⴻⵛⵏⴰⵡ ⵉⵊⵊ ⵏ ⵓⴳⵉⴷⴻⵔ ⵉⵟⵟⴰⵡ ⵙⴻⵏⵏⴻⵊ ⵉ ⵜⴰⴷⴷⴰⵔⵜ ⵏ ⵙⵉⴷⵉ, ⵎⴰⵖⴰⵔ ⵏⵉⵜⵏⵉ ⵄⴻⴷⴷⴰⵏ ⵅ ⵍⵄⴰⵀⴷ ⵉⵏⵓ ⵓ ⵖⴻⵡⵡⵖⴻⵏ ⵅ ⵛⵛⴰⵔⵉⵄⴰ ⵉⵏⵓ. ^■   2 ⵏⵉⵜⵏⵉ ⴰⴷ ⵅⴰⴼⵉ ⴷⴷ-ⵍⴰⵖⴰⵏ: ‘ⴰⵔⴻⴱⴱⵉ ⵉⵏⵓ, ⵏⴻⵛⵛⵉⵏ, ⵉⵙⵔⴰⵉⵍ, ⴰⵇⴰ ⵏⴻⵙⵙⴻⵏ ⵛⴻⴽ!’ 3 ⵉⵙⵔⴰⵉⵍ ⵉⵏⴹⴰⵔ ⵎⵉⵏ ⵉⵚⴻⴱⵃⴻⵏ, ⵍⴻⵄⴷⵓ ⴰⴷ ⵜ ⵉⴹⴼⴰⵔ.

4 ⵏⵉⵜⵏⵉ ⴳⴳⵉⵏ ⵅⴰⵙⴻⵏ ⵉⵊⴻⴵⵉⴷⴻⵏ, ⵎⴰⵛⴰ ⵏⵉⵜⵏⵉ ⵡⴰⵔ ⴵⵉⵏ ⵛⴰ ⵥⵥⴰⵢⵉ, ⵏⵉⵜⵏⵉ ⴰⵔⴻⵛⵛⵃⴻⵏ ⵍⵃⵓⴽⴽⴰⵎ, ⵎⴰⵛⴰ ⵏⴻⵛⵛ ⵡⴰⵔ ⵜ ⵙⵙⵉⵏⴻⵖ. ⵏⵉⵜⵏⵉ ⴳⴳⵉⵏ ⵚⵚⴰⵏⴰⵎ ⵉ ⵢⵉⵅⴻⴼ ⵏⵙⴻⵏ, ⵙ ⵓⵢⴻⵏⵏⵉ ⴰⴷ ⵉⵜⵜⵡⴰⵇⴻⵙⵙ ⵍⴳⴻⵏⵙ. 5 ⴰⵢⴻⵏⴷⵓⵥ ⵏⵏⴻⴽ, ⴰ ⵙⴰⵎⴰⵔⵢⴰ, ⴷ ⵜⴰⵄⴻⵏⴽⵔⵉⴼⵜ. ⴰⵖⴹⴰⴱ ⵉⵏⵓ ⵢⴰⵔⴻⵇⵇ ⵇⵉⴱⴰⵞ ⵏⵙⴻⵏ. ⴰⵍ ⵎⴻⵍⵎⵉ ⵖⴰ ⵇⵇⵉⵎⴻⵏ ⵏⵉⵜⵏⵉ ⵡⴰⵔ ⵥⴻⵎⵎⴰⵔⴻⵏ ⴰⴷ ⴽⵙⵉⵏ ⵜⴰⵥⴷⵓⴳⵉ? ^□   6 ⵎⴰⵖⴰⵔ ⵉⴼⴼⴻⵖ-ⴷⴷ ⵍⴻⵅⵢⴰⵍ ⵏ ⵚⵚⴰⵏⴰⵎ ⵥⵉ ⵉⵙⵔⴰⵉⵍ, ⴰⵇⴰ ⵉⵊⵊ ⵏ ⴱⵓ-ⵚⵚⴻⵏⵄⴻⵜ ⵉⴳⴳⴰ ⵉ-ⵜ ⵓ ⵡⴰⵏⵉⵜⴰ ⵡⴰⵔ ⵉⴵⵉ ⴷ ⴰⵔⴻⴱⴱⵉ. ⵡⴰⵀ, ⴰⴷ ⵉⵡⴹⴰ ⴷ ⵉⵡⴻⵜⵡⵉⵜⴻⵏ, ⴰⵢⴻⵏⴷⵓⵥ ⵏ ⵙⴰⵎⴰⵔⵢⴰ.

7 ⵎⴰⵖⴰⵔ ⵏⵉⵜⵏⵉ ⵥⴰⵔⵔⵄⴻⵏ ⴰⵙⴻⵎⵎⵉⴹ ⵓ ⵎⴻⵊⵊⴰⵔⴻⵏ ⵜⴰⵃⴰⵔⵢⴰⴹⵜ. ⵡⴰⵔ ⵜⵜⵉⴼⴻⵏ ⵜⵉⴷⵔⵉⵏ ⵖⴰⵔ ⵉⵖⴻⴷⴷⵓⵢⴻⵏ, ⵓ ⵥⴻⴳ ⵉⵎⴻⵏⴷⵉ ⵉⴱⴻⴷⴷⴻⵏ ⵡⴰⵔ ⵥⵥⴰⵢⵙⴻⵏ ⵜⵜⴻⴳⴳⴻⵏ ⵙⵙⵎⵉⴷ, ⵏⵉⵖ ⴰⴷ ⵉⵜⵜⵡⴰⴳⴳ, ⵎⴰⵛⴰ ⴰⴷ ⵜ ⵚⴰⵔⴹⴻⵏ ⵉⴱⴰⵔⵔⴰⵏⵉⵢⵢⴻⵏ.

8 ⴰⵇⴰ ⵉⵙⵔⴰⵉⵍ ⵉⵜⵜⵡⴰⵚⴰⵔⴹ. ⵍⴻⵅⵅⵓ ⴷⴻⵡⵍⴻⵏ ⴰⵎ ⵉⵛⵜ ⵏ ⵍⵇⴻⵛⵄⴻⵜ ⵊⴰⵔ ⵍⴻⴳⵏⵓⵙ, ⵡⴰⵔ ⴷⴷ-ⵜⵓⵙⵉ ⵅ ⵍⵅⴰⴹⴰⵔ ⵉ ⵃⴻⴷ. 9 ⵎⴰⵖⴰⵔ ⵏⵉⵜⵏⵉ ⴳⴻⵄⵄⴷⴻⵏ ⵖⴰⵔ ⴰⵛⵛⵓⵔ. ⵉⵊⵊ ⵏ ⵡⴻⵖⵢⵓⵍ ⵏ ⵍⴻⵅⵍⴰ ⵉⵜⵜⵖⵉⵎⴰ ⵉ ⵢⵉⵅⴻⴼ ⵏⵏⴻⵙ ⵡⴰⵀⴰ, ⵎⴰⵛⴰ ⵉⵏⵏⵉ ⵏ ⵉⴼⵔⴰⵢⵉⵎ ⵛⴰⵔⵔⴰⵏ ⵉ ⵉⵎⵃⵉⴱⴱⴰⵏ.

10 ⵡⴰⵅⵅⴰ ⵏⵉⵜⵏⵉ ⵥⵥⴻⵏⵥⴻⵏ ⵉⵅⴻⴼ ⵏⵙⴻⵏ ⵉ ⵍⴻⴳⵏⵓⵙ, ⵎⴰⵛⴰ ⴳⴳⵓⵔ ⵍⴻⵅⵅⵓ ⴰⴷ ⵜⴻⵏ ⵢⴰⵔⵡⴻⵖ. ⵏⵉⵜⵏⵉ ⵥⴻⵎⵎⴰⵔⴻⵏ ⴰⴷ ⴳⴳⴻⵏ ⵎⵖⵉⵔ ⴷⵔⵓⵙ ⵡⴰⵀⴰ ⵥⵉ ⵙⵙⵉⴱⴱⴻⵜ ⵏ ⵥⵥⴻⵢⵢⴰⵔ ⵏ ⵓⵊⴻⴵⵉⴷ ⴷ ⵍⵃⵓⴽⴽⴰⵎ.

11 ⵎⴰⵖⴰⵔ ⵉⴼⵔⴰⵢⵉⵎ ⵉⴳⴳⴰ ⵉⵄⴰⵍⵟⴰⵔⴻⵏ ⵏⵏⴻⵙ ⴷ ⴰⵟⵟⴰⵙ ⵃⵉⵎⴰ ⴰⴷ ⵥⵥⴰⵢⵙⴻⵏ ⵉⴷⴷⴻⵏⴱ. ⴰⵇⴰ ⴷⴻⵡⵍⴻⵏ ⴷ ⵉⵄⴰⵍⵟⴰⵔⴻⵏ ⵏ ⴷⴷⴻⵏⴱ ⵉ ⵏⴻⵜⵜⴰ.

12 ⵏⴻⵛⵛ ⵓⵔⵉⵖ ⴰⵙⴻⵏ ⴰⵟⵟⴰⵙ ⵏ ⵜⵎⴻⵙⵍⴰⵢⵉⵏ ⵥⵉ ⵛⵛⴰⵔⵉⵄⴰ ⵉⵏⵓ,¸ ⵎⴰⵛⴰ ⵃⴻⵙⴱⴻⵏ ⵅⴰⵙⴻⵏⵜ ⴰⵎ ⵛⴰ ⵏ ⵍⵃⴰⵊⵊⴻⵜ ⴷ ⵜⴰⵖⵔⵉⴱⵜ.

13 ⵅ ⵚⵚⴷⴰⵇⵉ ⵏ ⵜⵖⴰⵔⵚⵜ ⵉⵏⵓ, ⴰⵇⴰ ⵏⵉⵜⵏⵉ ⵡⴻⵀⵀⴱⴻⵏ ⴰⵢⵙⵓⵎ ⵏⵙⴻⵏⵜ ⵓⵛⴰ ⵜⵜᵉⵜⵜⴻⵏ ⵥⵥⴰⵢⴻⵙ, ⵎⴰⵛⴰ ⵙⵉⴷⵉ ⵡⴰⵔ ⵥⵥⴰⵢⵙⴻⵏ ⵢⴰⵔⴻⵟⵟⵉ. ⵍⴻⵅⵅⵓ ⴰⴷ ⵉⵅⴰⵔⵔⴻⵚ ⴷⵉ ⵍⵎⵓⵄⵚⵉⵢⵢⴻⵜ ⵏⵙⴻⵏ ⵓ ⵏⴻⵜⵜⴰ ⴰⴷ ⵉⵅⴻⴵⴻⵚ ⴷⴷⵏⵓⴱ ⵏⵙⴻⵏ. ⴰⴷ ⴷⴷ-ⴷⴻⵡⵍⴻⵏ ⵖⴰⵔ ⵎⵉⵚⵔⴰ.

14 ⵎⴰⵖⴰⵔ ⵉⵙⵔⴰⵉⵍ ⵉⵜⵜⵓ ⵡⴻⵏⵏⵉ ⵜ ⵉⴳⴳⵉⵏ ⵓⵛⴰ ⵉⴱⵏⴰ ⵜⵉⵥⴰⵡⵉⵢⵢⵉⵏ ⵓⵛⴰ ⵉⴽⴻⵜⵜⴰⵔ ⵢⴰⵀⵓⴷⴰ ⵜⵉⵏⴻⴷⴷⴰⵎ ⵉⴼⴰⵔⵢⴻⵏ, ⵎⴰⵛⴰ ⵏⴻⵛⵛ ⴰⴷ ⵙⵙⴻⴽⴽⴻⵖ ⵉⵛⵜ ⵏ ⵜⵎⴻⵙⵙⵉ ⴷⵉ ⵜⵏⴻⴷⴷⴰⵎ ⵏⵏⴻⵙ, ⴰⴷ ⵜⴻⵛⵛ ⵍⴻⵇⵚⵓⵔ ⵏⵏⴻⵙ.”