ⵉⵥⵍⵉ ⵏ ⵡⴻⵛⴹⴰⵏ ⵅ ⵍⵃⵓⴽⴽⴰⵎ ⵏ ⵉⵙⵔⴰⵉⵍ
‘ⵎⴰⵎⵎⴻⵛ ⵜⵓⵖⴰ ⵜⴻⵥⵥⴻⵍ ⵢⴻⵎⵎⴰⵜⵡⴻⵎ,
ⴰⵎ ⵜⴻⵢⵔⴰⴷⵜ ⵜⴻⵥⵥⴻⵍ ⵊⴰⵔ ⵜⴻⵢⵔⴰⴷⵉⵏ.
ⵜⴻⵙⵙⵢⴻⵎ ⵉⵎⴻⵥⵢⴰⵏⴻⵏ ⵏⵏⴻⵙ ⵊⴰⵔ ⵡⴰⵢⵔⴰⴷⴻⵏ ⵉⵎⴻⵥⵢⴰⵏⴻⵏ!
3 ⵏⴻⵜⵜⴰⵜ ⵜⴻⵙⵢⴻⵎ ⵉⵊⵊ ⵥⴻⴳ ⵉⵎⴻⵥⵢⴰⵏⴻⵏ ⵏⵏⴻⵙ.
ⵡⴰⵏⵉⵜⴰ ⵉⴷⵡⴻⵍ ⴷ ⴰⵢⵔⴰⴷ ⴰⵎⴻⵥⵢⴰⵏ,
ⵉⵍⵎⴻⴷ ⴰⴷ ⵉⵛⴰⵔⵔⴻⴳ ⵜⴰⵢⵎⴰⵔⵜ ⵏⵏⴻⵙ,
ⵄⴰⴷ ⵉⵡⴷⴰⵏ ⵉⵛⵛⴰ ⵉ-ⵜⴻⵏ.
4 ⵍⴰⵎⵉ ⵙⵍⵉⵏ ⵍⴻⴳⵏⵓⵙ ⵎⴰⵏ ⴰⵢⴰ,
ⵃⴻⴱⴱⵙⴻⵏ ⵜ ⴷⵉ ⵜⴻⵙⵔⴰⴼⵜ ⵏ ⵜⴻⵅⵛⴻⴼⵜ ⵏⵙⴻⵏ,
ⵓⵛⴰ ⵉⵡⵢⴻⵏ ⵜ ⵙ ⵜⵙⴻⵏⵏⴰⵔⵉⵏ ⴷⴻⴳ ⵡⴻⵏⵥⴰⵔ ⵏⵏⴻⵙ ⵖⴰⵔ ⵜⴻⵎⵎⵓⵔⵜ ⵏ ⵎⵉⵚⵔⴰ. ■
5 ⵓⵎⵉ ⵜⴻⵥⵔⴰ ⴰⵇⴰ ⴰⵙⵉⵜⴻⵎ ⵏⵏⴻⵙ ⵉⵔⵓⵃ, ⵉⴱⴹⴻⵍ,
ⵅⴻⵏⵏⵉ ⵜⴻⴽⵙⵉ ⵉⵊⵊⴻⵏ ⵥⴻⴳ ⵉⵎⴻⵥⵢⴰⵏⴻⵏ ⵏⵏⴻⵙ,
ⵓⵛⴰ ⵉⴳⴳⴰ ⵉ-ⵜ ⴷ ⴰⵢⵔⴰⴷ ⴰⵎⴻⵥⵢⴰⵏ.
6 ⵡⴰⵏⵉⵜⴰ ⵜⵓⵖⴰ ⵉⴳⴳⵓⵔ ⵊⴰⵔ ⵡⴰⵢⵔⴰⴷⴻⵏ,
ⵓⵛⴰ ⵉⴷⵡⴻⵍ ⴷ ⴰⵢⵔⴰⴷ ⴷ ⴰⵎⴻⵥⵢⴰⵏ,
ⵉⵍⵎⴻⴷ ⴰⴷ ⵉⵛⴰⵔⵔⴻⴳ ⵜⴰⵢⵎⴰⵔⵜ ⵏⵏⴻⵙ,
ⵄⴰⴷ ⵉⵡⴷⴰⵏ ⵉⵛⵛⴰ ⵉ-ⵜⴻⵏ.
7 ⵏⴻⵜⵜⴰ ⵉⵖⵚⴻⴱ ⵜⵉⵊⵊⴰⵍ ⵏⵙⴻⵏ,
ⵢⴰⵔⴻⴷⴷⴻⴵ ⵜⵉⵏⴻⴷⴷⴰⵎ ⵏⵙⴻⵏ,
ⴰⵍⴰⵎⵉ ⵜⵙⵓⵙⴻⵎ ⵜⴻⵎⵎⵓⵔⵜ ⴷ ⵎⴰⵔⵔⴰ ⵎⵉⵏ ⴷⴰⵢⴻⵙ
ⵥⵉ ⵙⵙⵉⴱⴱⴻⵜ ⵏ ⵍⵃⴻⵙⵙ ⵏ ⵓⵥⴻⵀⵀⴰⵔ ⵏⵏⴻⵙ.
8 ⵅⴻⵏⵏⵉ ⵙⵙⴱⴻⴷⴷⴻⵏ ⵅⴰⵙ ⵍⴻⴳⵏⵓⵙ ⵥⵉ ⵜⴻⵎⵎⵓⵔⴰ ⵉ ⴷ ⴰⵙ ⴷⴷ-ⵉⵏⵏⴹⴻⵏ,
ⵓⵛⴰ ⴱⴻⵥⵥⵄⴻⵏ ⵅⴰⵙ ⵜⵔⴰⵛⵛⴰ ⵏⵙⴻⵏ.
ⵟⵟⴼⴻⵏ ⵜ ⴷⵉ ⵜⴻⵙⵔⴰⴼⵜ ⵏ ⵜⴻⵅⵛⴻⴼⵜ ⵏⵙⴻⵏ.
9 ⵏⵉⵜⵏⵉ ⴱⴻⵍⵍⵄⴻⵏ ⵅⴰⵙ ⴷⴻⴳ ⵉⵊⵊ ⵏ ⵍⴻⵇⴼⴻⵥ ⵙ ⵜⵙⴻⵏⵏⴰⵔⵉⵏ ⴷⴻⴳ ⵡⴻⵏⵥⴰⵔⴻⵏ ⵏⵏⴻⵙ,
ⵃⵉⵎⴰ ⴰⴷ ⵜ ⴰⵡⵢⴻⵏ ⵖⴰⵔ ⵓⵊⴻⴵⵉⴷ ⵏ ⴱⴰⴱⵉⵍ.
ⵏⵉⵜⵏⵉ ⵉⵡⵢⴻⵏ ⵜ ⴷⵉ ⵍⵇⴻⵍⵄⴰⵜ,
ⴰⵍⴰⵎⵉ ⵡⴰⵔ ⵉⵜⵜⵡⴰⵙⴻⵍ ⵄⴰⴷ ⵜⵎⵉⵊⵊⴰ ⵏⵏⴻⵙ ⵅ ⵉⴷⵓⵔⴰⵔ ⵏ ⵉⵙⵔⴰⵉⵍ.” ■
10 “ⵜⵓⵖⴰ ⵢⴻⵎⵎⴰⵛ ⴰⵎ ⵜⵥⴰⵢⴰⵔⵜ ⴷⵉ ⵍⵡⴻⵇⵜ ⵏ ⴰⵔⵔⴰⵃⴻⵜ ⵏⵏⴻⴽ,
ⵜᵉⵜⵜⵡⴰⵥⵥⵓ ⵖⴰⵔ ⵡⴰⵎⴰⵏ ⴰⵟⵟⴰⵙ.
ⵜⵓⵖⴰ ⵙ ⵍⵖⵉⴵⴻⵜ ⵓ ⵙ ⵡⴰⵟⵟⴰⵙ ⵏ ⵜⵙⴻⴹⵡⵉⵏ,
ⵥⵉ ⵙⵙⵉⴱⴱⴻⵜ ⵏ ⵡⴰⵟⵟⴰⵙ ⵏ ⵡⴰⵎⴰⵏ.
11 ⵜⵓⵖⴰ ⵖⴰⵔⴻⵙ ⵜⵉⵙⴻⴹⵡⵉⵏ ⵉⵊⴻⵀⴷⴻⵏ ⴰⵎⴻⵛⵏⴰⵡ ⵉⵥⴻⴵⴰⴹ ⵏ ⵍⵃⵓⴽⴽⴰⵎ.
ⵜⵔⵓⵏⴽⵓ ⵏ ⵢⵉⵊⵊⴻⵏ ⵥⵥⴰⵢⴻⵙ ⵉⴳⴻⵄⵄⴻⴷ ⵊⴰⵔ ⵉⵙⴻⵢⵏⵓⵜⴻⵏ,
ⵓⵛⴰ ⵙ ⵍⵓⵄⵍⴰ ⵏⵏⴻⵙ ⵉⵜⵜⵡⴰⵥⴰⵔ ⵏⵉⵛⴰⵏ,
ⵙ ⵡⴰⵟⵟⴰⵙ ⵏ ⵍⴻⴼⵔⵓⵄ ⵏⵏⴻⵙ.
12 ⵎⴰⵛⴰ ⵜⴰⵥⴰⵢⴰⵔⵜ ⵜᵉⵜⵜⵡⴰⵇⵍⴻⵄ ⵙ ⵓⴷⵓⵇⵇⴻⵥ ⵏ ⵡⴻⵙⵄⴰⵔ,
ⵜⴻⵎⵎⴻⵏⴹⴰⵔ ⵖⴰⵔ ⵜⴻⵎⵎⵓⵔⵜ,
ⵓⵛⴰ ⴰⵙⴻⵎⵎⵉⴹ ⵥⵉ ⵛⵛⴰⵔⵇ ⵢⵓⵥⴻⵖ ⵍⵖⵉⴵⴻⵜ ⵏⵏⴻⵙ.
ⴰⵔⵥⴻⵏ ⵓⵛⴰ ⵓⵥⵖⴻⵏ ⵍⴻⴼⵔⵓⵄ ⵏⵏⴻⵙ ⵉⵊⴻⵀⴷⴻⵏ.
ⵜⵉⵎⴻⵙⵙⵉ ⵜⴻⵛⵛⴰ ⵉ-ⵜⴻⵏ.
13 ⵍⴻⵅⵅⵓ ⵥⵥⵓⵏ ⵜ ⴷⵉ ⵍⴻⵅⵍⴰ,
ⴷⴻⴳ ⵉⵛⵜ ⵏ ⵜⴻⵎⵎⵓⵔⵜ ⵢⵓⵥⵖⴻⵏ ⵓ ⵉⴼⴼⵓⴷⴻⵏ.
14 ⵜⴻⴼⴼⴻⵖ-ⴷⴷ ⵜⵎⴻⵙⵙⵉ ⵥⴻⴳ ⵉⵛⵜ ⵏ ⵜⵙⴻⵟⵟⴰ ⵉⵊⴻⵀⴷⴻⵏ ⵥⵉ ⵊⴰⵔ ⵜⵥⴻⵔⵎⵉⵏ ⵏⵏⴻⵙ,
ⵜⴻⵛⵛⴰ ⵍⵖⵉⴵⴻⵜ ⵏⵏⴻⵙ,
ⴰⵍⴰⵎⵉ ⵡⴰⵔ ⵖⴰⵔⴻⵙ ⵜⴻⵇⵇⵉⵎ ⵄⴰⴷ ⵜⵙⴻⵟⵟⴰ ⵉⵊⴻⵀⴷⴻⵏ,
ⵓⵍⴰ ⴷ ⴰⵥⴻⴵⴰⴹ ⵎⴰⵃⴻⵏⴷ ⴰⴷ ⵉⵃⴽⴻⵎ.
ⵡⴰ ⴷ ⵉⵊⵊ ⵏ ⵢⴻⵥⵔⵉ ⵏ ⵡⴻⵛⴹⴰⵏ
ⵓⵛⴰ ⴰⴷ ⵉⴷⵡⴻⵍ ⴷ ⵉⵊⵊ ⵏ ⵢⴻⵥⵔⵉ ⵏ ⵡⴻⵛⴹⴰⵏ ⵙ ⵜⵉⴷⴻⵜⵜ.”