1 ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ, ⵉⵏⵏⴰ:

2 “ⴰ ⵎⵎⵉⵙ ⵏ ⴱⵏⴰⴷⴻⵎ, ⵎⵉⵏ ⵉⵄⵏⴰ ⵓⴽⴻⵛⵛⵓⴹ ⵏ ⵜⵥⴰⵢⴰⵔⵜ ⴽⵜⴰⵔ ⵥⴻⴳ ⵓⴽⴻⵛⵛⵓⴹ ⵏⵏⴻⵖⵏⵉ, ⴽⵜⴰⵔ ⵥⴻⴳ ⵓⴽⴻⵛⵛⵓⴹ ⵏⵏⵉ ⴷⵉⵏ ⵉⴵⴰⵏ ⵊⴰⵔ ⵜⵛⴻⵊⵊⵓⵔⴰ ⵏ ⵡⴻⵥⵖⴰⵔ? ^□   3 ⵎⴰ ⵉⵥⴻⵎⵎⴰⵔ ⴱⵏⴰⴷⴻⵎ ⴰⴷ ⵥⵥⴰⵢⴻⵙ ⵉⴽⵙⵉ ⴰⴽⴻⵛⵛⵓⴹ ⵎⴰⵃⴻⵏⴷ ⴰⴷ ⵥⵥⴰⵢⴻⵙ ⵉⴳⴳ ⵉⵛⵜ ⵏ ⵍⵇⴻⵛⵄⴻⵜ ⵉⵏⴻⴼⴼⵄⴻⵏ ⵉ ⵍⵅⴻⴷⵎⴻⵜ? ⵎⴰ ⵉⵜⵜⵡⴰⴽⴽⵙⵉ ⵥⵥⴰⵢⴻⵙ ⵉⵛⵜ ⵏ ⵍⴻⵡⵜⴻⴷ ⵃⵉⵎⴰ ⴰⴷ ⴷⴰⵢⴻⵙ ⵜⴰⵢⵍⴻⴷ ⵛⴰ ⵏ ⵍⵇⴻⵛⵄⴻⵜ? 4 ⵅⵥⴰⵔ, ⴰⴷ ⵉⵎⵎⴻⵡⵛ ⴷ ⵎⴰⵛⵛⴰ ⵉ ⵜⵎⴻⵙⵙⵉ. ⵜⵉⵎⴻⵙⵙⵉ ⴰⴷ ⵜⴻⵛⵛ ⵜⵏⴰⵢⴻⵏ ⵏ ⵟⵟⵔⵓⴼⴰ ⵏⵏⴻⵙ ⵓ ⴰⵖⴻⵥⴷⵉⵙ ⵏ ⵍⵡⴻⵙⵜ ⵉⵜⵜⵡⴰⵛⴻⵎⴹ. ⵎⴰ ⴰⴷ ⵉⵚⵍⴻⵃ ⵓⴽⴻⵛⵛⵓⴹ ⵏⵏⵉ ⵄⴰⴷ ⵉ ⵢⵉⵛⵜ ⵏ ⵍⵇⴻⵛⵄⴻⵜ ⵉ ⵍⵅⴻⴷⵎⴻⵜ? 5 ⵅⵥⴰⵔ, ⵓⵎⵉ ⵜⵓⵖⴰ ⵄⴰⴷ ⵉⵎⵓⵏ, ⵡⴰⵔ ⵥⵥⴰⵢⴻⵙ ⵜᵉⵜⵜⵡⴰⴳⴳ ⵉⵛⵜ ⵏ ⵍⵇⴻⵛⵄⴻⵜ ⵉ ⵍⵅⴻⴷⵎⴻⵜ. ⵎⴻⵛⵃⴰⵍ ⵇⴻⵍⵍ ⵄⴰⴷ ⵓⵎⵉ ⵜ ⵜⴻⵛⵛⴰ ⵜⵉⵎⴻⵙⵙⵉ, ⵉⵛⵎⴻⴹ ⵓⴽⴻⵛⵛⵓⴹ. ⵎⴰ ⴰⴷ ⵥⵥⴰⵢⴻⵙ ⴳⴳⴻⵏ ⵄⴰⴷ ⵛⴰ ⵏ ⵍⵇⴻⵛⵄⴻⵜ ⵉ ⵍⵅⴻⴷⵎⴻⵜ?”

6 “ⵙ ⵓⵢⴰ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ: ‘ⵎⴰⵎⵎⴻⵛ ⵉ ⵡⵛⵉⵖ ⴰⴽⴻⵛⵛⵓⴹ ⵏ ⵜⵥⴰⵢⴰⵔⵜ ⵊⴰⵔ ⵓⴽⴻⵛⵛⵓⴹ ⵏ ⵡⴻⵥⵖⴰⵔ ⵉ ⵜⵉⵎⴻⵙⵙⵉ ⵃⵉⵎⴰ ⴰⴷ ⵉⵜⵜⵡⴰⵜⵜⴻⵛⵛ, ⴰⵎⵎⵓ ⵉ ⵖⴰ ⵙⴻⵍⵍⵎⴻⵖ ⵓⵍⴰ ⴷ ⵉⵎⴻⵥⴷⴰⵖ ⵏ ⵓⵔⵛⴰⵍⵉⵎ! 7 ⵎⴰⵖⴰⵔ ⵏⴻⵛⵛ ⴰⴷ ⴰⵔⵔⴻⵖ ⵓⴷⴻⵎ ⵉⵏⵓ ⴹⵉⴷⴷ ⵏⵙⴻⵏ. ⵅⵎⵉ ⵉ ⵖⴰ ⵅⵙⴻⵏ ⴰⴷ ⴷⴷ-ⴼⴼⵖⴻⵏ ⵥⵉ ⵜⵎⴻⵙⵙⵉ, ⴰⴷ ⵜⴻⵏ ⵜⴻⵙⵙⴻⵛⵎⴻⴹ ⵜⵎⴻⵙⵙⵉ, ⵓ ⴽⴻⵏⵏⵉⵡ ⴰⴷ ⵜⴻⵙⵙⵏⴻⵎ ⴱⴻⵍⵍⵉ ⵏⴻⵛⵛ ⴷ ⵙⵉⴷⵉ, ⵓⵎⵉ ⴳⴳⵉⵖ ⵓⴷⴻⵎ ⵉⵏⵓ ⴹⵉⴷⴷ ⵏⵙⴻⵏ. 8 ⴰⴷ ⴰⵔⵔⴻⵖ ⵜⴰⵎⵎⵓⵔⵜ ⴷ ⴷⴷⴻⵎⵏⴻⵜ, ⵎⵉⵏⵥⵉ ⵏⵉⵜⵏⵉ ⵖⴷⴰⵔⴻⵏ ⴰⵢⵉ ⵙ ⵉⵛⵜ ⵍⴻⵖⴷⴰⵔⴻⵜ ⵉⵇⴻⵙⵃⴻⵏ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ.’ ”